叉燒大王

營業中

休息中

每次想同屋企人食飯，第一時間都會諗食中菜，因為中餐可以一齊分享，感覺溫馨啲今日唔喺市中心同人逼，行遠少少去到河畔花園搵食第一時間畀佢嘅餐牌吸引咗，因為小菜嘅選擇好多，而且價錢唔貴叉燒例牌叉燒睇落好似好簡單，但係其實好考師傅嘅功夫，同埋要選擇合適嘅肉先整得好呢個叉燒肥瘦均稱，有少少肥肉嘅爽口，唔會太硬而且份量比想像中多，幾抵食茶樹菇燉唐排想飲好味嘅湯，就梗係唔會揀味精湯今次揀咗一個足料嘅燉湯而家煲湯嘅材料唔平，淨係買舊細細嘅豬肉都幾十蚊但係呢度用咗滿滿嘅材料去燉湯，無添加太多嘅調味，燉湯保留咗肉嘅清甜蜜薯牛仔粒我好鍾意呢個餸，因為薯仔甜甜哋，又唔會煮得太淋牛肉同樣索咗醬汁嘅甜味，再加少少黑椒，非常好餸飯醬燒脆皮茄子茄子外皮燒到脆脆地，配搭甜甜鹹鹹嘅醬油味，同樣非常好送飯豉油皇海蝦將大大隻嘅海蝦用醬油爆炒，蝦殼食落都脆脆地，但蝦肉仲保留到非常爽口海蝦咁大隻咁新鮮，相信就算清蒸都已經好好味不過用醬油去炒，味道就更惹味更好餸飯今次食嘅呢幾款小菜味道唔錯，而且份量十足，下次再想食中餐都可以考慮嚟呢度開飯

住左沙田幾十年都未食過，咁岩去開沙田圍就坐入去啦。去到7:30pm 不用等位。兩個人叫左三個餸。過左8:00pm 開始多人。第一樣：燒味併盆，可以試曬燒腩仔香脆叉燒真係無得頂，本人最怕肥淋淋叉燒但瘦得來佢好鬆軟，燒得好香，濃濃既玫瑰酒同麥芽糖。果然正！沒有令我失望！仲有海蜇同埋燒鴨一碟可以試晒四樣嘢配埋啤酒簡直係冇得頂呀！第二道菜：薯仔炒牛柳粒，薯仔炸完先至配埋牛柳再炒，鑊氣好夠好惹味！牛柳粒新鮮多汁，沒有雪味味和霉味。第三道餸：雲南火腿浸娃娃菜， 清清地火腿甘香，清新健康之選。住開沙田可以多D幫襯。佢地有做埋燒味飯盒外賣，三四十蚊食到一級靚叉燒！環境同酒樓無分別，絕對不似普通餐廳。坐位寬鬆，光線充足。

With an abundance of roasted barbecue meat resturant these days it’s hard to find the turkey authentic and stand out ones.I’m so glad I stumbled upon this place. It was their name that intrigued me at first. Calling themselves the bbq pork king sets them up with pretty big shoes to fill.So of course I had the bbq pork was a must order. But I also wanted to try their other bbq meat offerings, so a platter was the way to go.And can I just say they certainly don’t mess around here! The bbq pork was

咁其實我由細到大呢都好鍾意食叉燒嘅，咁我朋友就住喺沙田嗰邊，佢就話沙田圍附近有間餐廳叫做叉燒大王，咁就叫我一齊去試吓。門口都算幾多人排緊隊，好受歡迎。咁首先梗係要叫返份肥叉燒啦，叉燒嘅外層有少少竉咗嘅感覺，食落去有少少趣博博，入口就非常之冧，而且脂肪嘅比例十分之好，肥得來又唔會令人覺得10分肥膩，而且非常之多汁，叉燒大王個名真係當之無愧。之後就叫咗一份豉椒炒蜆。味道都正常，不過相比起叉燒就稍為被比下去。之後仲叫咗一碟釀豆腐，咁啲豆腐食落去都係新鮮嘅，而且釀得到幾入味，所以其實都真係值得推介。總括嚟講其實呢間餐廳嘅主打菜真係佢嗰份叉燒，記得要叫肥少少，咁先係最好食。其他嘅菜都可以試一試，不過就未必有叉燒咁高質啦。

上次黎河畔花園呢邊食左台灣野，係度行左一圈，見到呢間D燒味勁多人買外賣，望落個賣相又幾吸引，所以今晚就黎試一試係咪真係值得咁多人黎食夜晚21:00都坐無虛席，仲要等姐姐執完台先入得，呢間野真係好鬼旺場特選蜜汁叉燒王例牌份量足夠四個人食嘩......少少肥，多多廋真係岩哂我！仲要一D都唔‘鞋’囉.....件件都好‘林’，質咁非常之好，蜜汁味亦都好濃郁，正呀黃金蝦一份有10隻，隻隻都有黃金包住勁大隻呀⋯⋯炸都好脆，我全部都連埋🦐外殼一齊食好耐未食過炸得咁香脆的黃金蝦喇石鍋臘肉椰菜炒粉絲超級香噴噴滿滿一窩的椰菜，粉絲吸收了臘肉的汁+椰菜的水份，成件事即刻升華哂臘腸仲要一D都唔肥今晚叫左三個餸，上菜速度非常之快，唔使5分鐘已經上晒，而且款款都咁好味，一定有下次

下午去沙田教會送玩具給小朋友，經過叉燒大王，被燒味部的櫥窗吸引，忍不住落車買外賣叉燒 $80, 份量不少喔 ！果然不錯，半肥瘦、肉嫩、個人覺得味道剛好 ！上次用完玻璃盒，忘記放回車上，這次用發泡盒，不環保！

我同男朋友都勁鍾意食叉燒，特登黎朝聖下，睇下叫叉燒大王嘅叉燒係未真係咁好食。例牌蜜汁叉燒外形賣相100分，肥瘦適中，蜜汁均勻塗在叉燒上，食落口果然充滿蜜汁甜味，肉質很嫰，有肉汁，一定要叫白飯，係白飯小偷。豉椒炒蟶子餐廳另一樣推介的就是海鮮，有意外驚喜，蟶子肉厚又大隻，長過一隻手掌，啖啖肉好滿足，肉質爽口，沒有沙又沒有腥味。豉椒味帶點辣，非常惹味，三兩下就ko一碟。胡椒浸豆卜這道菜可以食又可以飲，胡椒湯好清，飲完覺得胃都暖起來，而且沒有味精，是一個又健康又好味的湯。豆卜釀了豬肉，增加了味道層次和口感，不會覺得味道太寡，豆卜大小剛好一口一個，不過要小心不要被湯燙到口。還有我最喜歡的粉絲，一碟菜滿足了我多個願望。

今日係happy Friday，一早約咗老公去食呢一間餐廳，方便之後順路睇沙發🛋️7:00嚟到，已經見到差唔多坐滿了食客！ 原來呢度有得透過the GULU 攞飛！ 勁方便以後可以喺嚟嘅途中，都可以攞定飛排隊我見佢門口有外賣燒味部，大受歡迎。睇嚟呢度嘅燒味係唔錯嘅燒味一向都係香港人加餸必備。不過今次我同老公試左叉燒先。我叫咗呢度嘅員工揀靚啲叉燒俾我地，點知落單嗰張紙發現佢哋真係有ReMark :靚啲。我地碟叉燒果然好有光澤，叉燒肉質鬆化，小小肥好香口我哋發現呢間餐廳豆腐類菜式好多，發現枱枱都對啲豆腐讚不絕口！我哋都不執輸叫咗個潮州胡椒湯豆卜($68)，上枱之後份量都好多，性價比超高。入邊除咗有釀豆卜之外，仲有粉絲索晒啲胡椒湯，好正，呢個菜有驚喜。好耐冇食過黃金蝦所以今次叫咗例牌黃金蝦($88)首先我哋發現價錢比出邊其他餐廳平啲，份量足料。 我哋兩份食都覺得有啲多，如果三個人嚟食應該會啱啱好。呢度嘅黃金蝦冇岀邊咁油膩。食多幾隻都冇咁罪惡咁👍🏻味道較得啱啱好。我哋決定下次家庭聚會都應該會再嚟。因為我的母親大人好喜歡吃小菜順帶一提呢間餐廳係有電視睇啊！ 而家越來越少餐廳有得睇電視食飯啱晒我呢個

平時黎沙田食飯通常都只會係新城市廣場覓食，好少會去到河畔花園附近搵食。今晚就搵左一間由沙田友推薦既「叉燒大王」，真係聞名不如一試😋「叉燒大王」係一間港式中菜廳，餐廳格局簡潔光猛，唔會有壓迫感。店員反應迅速，服務周到👍🏻👍🏻講番今晚既主菜們先👇🏻1）特選蜜汁叉燒（例牌）❤️-一客例牌叉燒都份量十足，叉燒肥瘦適中，唔會太肥膩又唔會太柴，最愛佢既脆燶邊，有少少脆既口感。蜜汁亦沾滿每一件叉燒，甜而不膩，真教人想一口接一口繼續食😎2）話梅豬手🐷✋🏻-最有驚喜就係哩個🐷✋🏻，係出面食飯既話，我都甚少會嗌豬手既，因為驚佢清潔得唔夠乾淨。但哩個豬手唔單只煮到好軟身，入口即溶，佢個汁簡直係冇得頂呀😋🤩，酸酸甜甜好醒胃，我地仲叫左「靚仔」黎撈飯食添！3）石鍋節瓜蝦米粉絲-叫左個蔬菜🥬煲平衡下，以石鍋上菜能夠保持熱度，食到中段仍然夠哂熱，粉絲鍋既上湯好清甜，仲可以自製湯飯添👍🏻總結黎講，所有菜式都十分唔錯，下次再黎要試下其他燒味先

收工約咗朋友去沙田行下宜家傢俬，睇野之前當然周圍搵下有咩美食，係河畔花園附近開左好多餐廳仔，主要都係做街坊生意，通常邊間餐廳門口最多人排隊等位，就知道一定好好食啦， 我地兜咗個圈，最後揀左"叉燒大王" ，香港地道美食燒味！燒味之中，我自己最鍾意食既就係叉燒，鍾意佢甜甜的蜜糖汁。特選蜜汁叉燒王 $88雖然叫例牌，但份量絕對唔惹少，件件都係厚切。 賣相唔錯，有光澤，帶少許燶邊，食落有焦香味。肥瘦一層層相間，入口肉味香濃。蜜薯牛仔粒 $88薯仔同牛肉好夾，切到一口一粒，方便食。 薯仔趁熱食，剛炸起又脆又甜， 薯仔味道香濃，相當味。牛仔粒口感軟淋，只有兩三嚿食到有根。客家胡椒浸釀豆卜 $68好似胡椒豬肚湯的味道，胡椒香辣相當暖胃，但略嫌有點過鹹。豆卜索曬啲湯汁，在口中爆汁，正。

夜晚1點左右想係沙田區搵宵夜都不容易，叉燒大王因為做酒店客生意開得比較夜，近近地都食過幾次。今次食咗時菜排骨飯，味道正常但無乜火喉，飯就幾大碟但餸就無乜。凍檸茶個茶底有茶味有點澀，可能係浸咗一日的關係。味道就不過不失一貫茶餐廳水準啦，但今次嚟到少咗好多大陸遊客，店內寧靜了不少。終於可以耳根清靜食餐飯了。

今日得我同爸爸兩個食飯, 就嚟河畔睇下有咩好食~見到呢間叉燒大王嘅外賣燒味好吸引, 就入去餐廳睇下有咩好食啦~待應姐姐見到我爸爸熱到出晒汗, 就好貼心咁安排左個近冷氣出風口嘅位比我哋坐☺️仲有一樣小事係值得一讚嘅, 就係待應哥哥開好茶會放埋洗碗兜喺枱面, 方便我哋倒走啲洗碗嘅水👍🏻👍🏻而家好多茶樓都唔會主動比呢個兜兜㗎啦好肚餓呀~就試下叉燒大王嘅招牌叉燒先😋😋 望到menu有豉椒炒蜆又想食🤤再叫多個菜食就啱啱好🤔落單冇幾耐, 店員就開始上菜啦😍係我最期待嘅叉燒呀😍🤤🤤表面燒到微燶,半肥瘦🤤🤤🤤燶邊嘅肉帶有焦香, 麥芽糖嘅香甜味, 咬落去啲唔肥嘅肉位, 最怕就係太硬,或者太乾, 但呢個叉燒就冇呢啲問題啦, 啲瘦肉位就算厚切都好稔, 好好味🤤🤤🤤🤤🤤👍🏻餸飯食一流🤤🤤🤤🤤第二樣係豉椒炒蜆, 好惹味, 啲蜆仲保留到少少海水味, 好啱餸飯👍🏻係時候食返啲蔬菜啦~金銀粉絲蒸勝瓜超多蒜蓉同粉絲呀🤤🤤🤤用嚟餸飯好正🤤夏天食絲瓜好消暑, 外爽內軟😋😋下次好想試下呢堆小食呀😍😍😍

好耐冇食燒味，香港燒味周圍都係，但講好食嘅叉燒數一數二嘅一定係河畔依間叉燒大王。唔使諗入到去，一定嗌個叉例$88。4個人食都夠食，依度嘅叉燒真係食過返尋味，唔肥唔瘦又唔硬，拍得住周星馳嗰套嘅暗然銷魂叉燒飯，我哋仲叫咗白飯，正wo係絲苗白飯。淨係睇碗白飯都唔hea絕對不是平價米, 配埋佢全日免茶芥嘅茶已經係賞心樂事。香港人整嘅叉燒真係好正。舊叉燒燒得啱啱好肉質軟淋又唔肥。老公話想食牛。我哋叫咗蜜薯牛柳粒。原來主角反而係啲薯仔外脆內軟，牛就係一般嘅牛柳粒冇特別驚喜。跟住見到個Menu有個叫做鐵板肉鬆炸茄子。睇相賣相幾靚仔所以又點左嚟食。依個都幾特別原來茄子入邊釀咗啲豬肉加鯪魚肉，又係外脆內軟。原本以為叉燒大王淨係食叉燒或者燒味一類，估唔到係依間中菜都有呢啲特別嘅菜式。如果想食好食燒味，又想坐低飲啖茶又想有鑊氣嘅大排檔就揀呢間。

今日happy Friday, 老婆話唔煮飯想出街食，咁我哋就去河畔睇吓有咩好食，喺門口出邊已經見到好多人，間鋪頭叫叉燒大王，一聽個名就覺得佢應該叉燒係超級好食，咁老婆都想食中菜咁就入去啦。特選蜜汁叉燒王貌相非常好，份量都好多，燒得非常香口，色澤均勻，肥瘦適中，唔會好韌，入口有好香蜜汁味，超級好食，係出面舖頭，街市都食唔到。值得稱得上叉燒大王。蜜糖牛仔粒，除咗牛肉仲有薯仔薯仔整得好鬆脆，牛仔粒好鬆軟唔會好韌，蜜糖汁同牛仔粒夾非常好味。燒汁肉鬆釀茄子，個菜上到黎仲係好熱因為有鐵板非常特別，茄子非常鮮甜，入面仲有靚魚肉同肉鬆，非常脆口。絲苗白飯唔會煮得太軟同太硬軟硬適中。鐵觀音，非常甘香唔同出邊酒樓嗰啲鐵觀音好苦。環境方面座位非常舒適唔會太迫，今日仲要全場爆滿。

懷緬廿年前的味道，大熱天時，趁星期日帶埋家人來品嚐。一入門口阿姐話：卡位無人執，坐依D大圓枱啦！ （我一行三人，聽指示自行就座）點菜了，點了兩份叉燒煎蛋飯，同一份燒鵝髀飯，問阿姐：叉燒飯隻蛋係唔係太陽蛋？阿姐激動的說：煎蛋唔同......乜乜乜。我見佢無啦啦激動起嚟，我地就話，咁你幫我轉做太陽蛋丫！見圖：寫做太旦再叫埋一罐汽水、凍朱古力及凍檸檬茶。戲肉到了，$82 燒鵝脾飯都叫做有隻脾，加一排肥膏，應該叫做成餐飯最似樣了。係有個位得塊皮無肉，如果$82而言，可以有更好的選擇！叉燒太蛋飯到了，竟然落單阿姐爆seed完，上枱的，依然係一堆好似煎蛋的物體，阿姐都記得佢爆完我，仲好意思問我要唔要果堆「蛋」，我拒絕了❌ （阿姐即時收走左，我影唔到相俾大家睇，嗰對蛋買相有幾惡劣）*全程都係，同一個戴黑框眼鏡的阿姐「招呼」我地！講到大熱天時，一定飲啖凍野先啦，凍朱古力1:99 淡過水、凍檸檬茶好似洗潔精咁既味，最好彩應該係罐裝可樂，只係唔凍啫！如果我因爲當年食過返尋味，我會因為今日的經歷，同大家講，食到咁火，真係唔會再嚟，係以後，以後都唔會嚟！