叉燒大王

營業中

休息中

今日過開黎沙田做嘢，就去左河畔花園食飯，附近有間叉燒大王，門面好大， 而且我哋好鐘意食叉燒，所以一於試下。叉燒例牌$98叫得叉燒大王黎依度又點可以唔試吓呢度嘅招牌叉燒，果然真係唔錯。叉燒份量都唔細，每塊叉燒都係厚切，口感一流，肉質鬆化軟淋，肥瘦適中，食落甜甜地，充滿蜜汁味，邊位有少少焦味，燒得啱啱好！薑蔥炒鮑魚$108呢度其實除咗食燒味唔錯之外，估唔到睇佢Menu都有好多海鮮食，而且鋪頭外面都有養新鮮海鮮，所以我哋就試吓佢嘅鮑魚仔。呢個薑蔥鮑魚仔原來係鐵板上，上枱時候熱呼呼，吱吱扎扎嘅聲音令薑蔥嘅香味香飄入鼻🤤鮑魚仔鮮甜新鮮，平時通常係食清蒸或果皮蒸，但原來同薑蔥一齊煮都係一個好好嘅配搭。黃金翠玉瓜$68黃金蝦就食得多，黃金翠玉瓜真係第一次試，每片翠玉瓜都呈金黃色，沾滿咸蛋黃嘅香味，炒得亦算乾身，食起嚟帶點鹹蛋黃嘅油香和甘香，香濃惹味。最後埋單$290 都算幾抵食

之前黎河畔食野，幾次經過叉燒大王都見到唔少人斬料斬大舊叉燒，初頭以為只賣燒味，最近先知原來仲有其他小菜，敢自稱叉燒大王，相信餐廳對自己ge招牌叉燒都有番咁上下信心，一於試下堅唔堅。行緊去座位都未坐低侍應就問飲咩茶，果然夠爽快，叫左壺水仙，清香甘甜，拍得住茶樓水準。特選蜜汁叉燒王（例牌）份量合理，外表望落都ok，唔太肥唔太瘦，色澤自然，放埋入口試下先，咬落微暖，肥瘦均勻，果然係真材實料ge梅頭肉，肉腍兼有彈性，唔會腍到霉，肉汁都算多，唔柴皮，不過餐廳秘製叉燒醬就甜左d，而且燒得唔夠燶，焦香欠奉。走地雞肉質彈牙，唔太肥，雞味幾濃郁，配埋鹹度剛好ge鹽水再加埋薑蓉送飯，好快食晒成碗。西蘭花新鮮爽脆，淋上熱辣辣芝士汁，都唔錯，雖然話係極濃芝士，但都唔會膩。

眾多燒味入邊，我最喜歡嘅就係叉燒，雖然呢款食物隨便一間餐廳都會有，但煮得好食嘅餐館唔多。叉燒大王，顧名思義就係食叉燒，不負所望，佢嘅叉燒好出色——色香味俱全！絕對值回票價！餐廳位於沙田圍站再行7分鐘（酒店隔離），從地理位置嚟睇，主要都係做街坊生意，不過服務同埋食物質素都係水準之上。餐廳嘅格局同普通酒樓一樣，一入到去就要要同侍應講低自己想飲咩茶。始終餐館主打嘅係叉燒，所以茶味不過不失我個人比較喜歡食瘦叉，因為擔心太多肥膏，會唔健康；不過要睇一間餐廳嘅叉燒做得好唔好，睇下肥瘦係咪均勻就知道！叉燒大王嘅叉燒絕對做到呢一點，加上佢嘅真係非常之熱，所以咬落去係肉汁共融，未去到入口即溶，不過唔會食得出好大舊肥膏食咗肉，點都要叫啲菜嘅，呢個皮蛋蛋白豆苗都冇令我失望鹹味啱啱好！飲咗幾啖啲湯，都好有豆苗嘅鮮味！侍應仲推介我哋要食呢個炒蟹！真係冇諗過叉燒大王嘅炒蟹都係好好食！其實蟹好唔好食，好簡單，睇吓佢多唔多肉同埋膏，呢隻蟹就做到啦！平時食開清蒸，冇諗過炒蟹都咁有特色！唯一嘅不足就係：前兩碟餸實在太飽啦，所以食到蟹嘅一半都已經飽飽地奉勸有興趣嘅朋友叫餸嘅時候要留意份量！總括而言，叉燒大王位於一個住宅區，

情人節就快到，但因為今年疫情嚴重，所以同女朋友一反常態，提早慶祝情人節。女朋友提議食中餐，無意間發現呢間叉燒大王，決定去試一試佢。鋪頭好易認到，大大個招牌寫住「叉燒大王」，格局同屋村酒樓好相似，坐位闊落，唔會背頂背。坐低睇Menu,首選一定係叉燒，要試下佢有幾犀利，令外叫左薑蔥炒鮑魚同埋豉汁帶子蒸滑豆腐。首先出場既係主角-半肥瘦叉燒。叉燒聞落好香玫瑰露味，食落唔難”趙”，而且呢舊叉燒既肥其實係啲筋位，係爽口，肉質唔乾，無令人失望。其次登場既係薑蔥炒鮑魚。上枱個鐵板仲熱，「咋咋」聲，薑蔥好香，鮑魚唔”UN”，送飯一流。最後就係蒸豆腐，帶子好新鮮，無雪味。令外豆腐好滑，唔硬，值得一推！總結：埋單$324，與其出去西餐廳食情人節Set,倒不如試新野，唔洗咁悶，多個選擇

今日嚟到呢間餐廳食一個叉燒乳豬飯。呢度啲叉燒真係名副其實嘅叉燒大王啊叉燒肥瘦適中，每一嚿都有啲肥肉同埋瘦肉。叉燒表面有甜蜜蜜嘅蜜糖味。而其中有啲叉燒就燒得比較香口嘅。我最鍾意食啲燒得有少少窿窿地嘅叉燒另外啲乳豬，就同出邊嗰啲乳豬差唔多。呢個飯會包埋一杯凍檸檬茶，價錢50元多啲今日我兩点鐘嚟到，有卡位坐。總括嚟講，呢度啲叉燒一定要試，我唔係住喺呢區，但係我都會再返嚟食嘅。老實講，好耐都未試過食啲咁有質素嘅叉燒

呢間鋪頭我哋都唔係第一次食，係質素有保證的一個常備選擇可能近歲晚，生意好好，今日係星期三都好爆滿。我哋七點幾先到，但好在剛好有位唔洗搭枱睇完餐牌之後決定點以上依三樣餸每一次黎我哋都會食個例牌叉燒，呢度嘅叉燒肥瘦適中，仲有少少嘅燶邊，好好味！佢依款係偏向多蜜味嘅叉燒。例牌嘅份量都好多，連埋飯食好正😊一上枱就聞到胡椒湯好香豆腐卜中間讓左少少肉，吸收湯汁好好味。另外菇菌食入口爽而清新，感覺健康。蒜蓉粉絲蒸聖子好香，聖子都幾新鮮，加埋蒜蓉同粉絲一齊整味道濃郁意想不到今日嘅聖子都幾多肉大隻配合埋蒜蓉香同埋豉油，送飯一流！店內位置絕對不及茶樓大，但係都好有水準，餐牌內選擇多元化，呢個絕對係一家人或一班老友食飯好地方。

呢日早收工，入沙田搵個老友食飯，佢推介咗呢間位於河畔花園地舖嘅叉燒大王。有一段時間都無入過沙田搵食，舖頭附近都係一連串嘅食肆，沙田街坊都幾幸福。呢間餐廳叫叉燒大王，招牌菜當然係叉燒啦，仲有其他菜式。今日好胃口，兩個人食咗4個餸。1) 叉燒例牌 老友落單專登要求肥叉，佢話呢間肥叉好食。上到枱真係無令我失望，色香味俱全，切得好厚，食落大大啖，咬落口感好頂癮！老友強烈建議大家按照個人口味喜好，可以要半肥瘦/肥叉。2) 沙田乳鴿 坊間食到乳鴿可以話相當參差，呢間我覺得水準以上，個皮燒得幾靚幾脆，食落有油香，肉幾實凈，配埋椒盬食就一絕。3) 金銀蛋菠菜苗香港地道茶餐廳經典菜式之一，呢間都無乜特別，但係份量夠晒大，食極都仲有咁。4) 果皮蒸鮑魚呢份鮑魚果皮味好重，味道好鮮，肉質夠嫩夠滑，唔會太老太韌。太好餸，每人都食咗兩碗飯。舖面

路經沙田河畔花園，其實已經好多年每日過嚟好多嘢都變咗唯獨是叉燒大王仍然屹立不倒。 咁多年都冇去過，不如就行入去試下， 雖然店面同埋員工都同很多十多年前不一樣 ，但食物質素我覺得卻係越嚟越高👍以前最鍾意食佢嘅叉燒，今次試下佢嘅乳豬， 一試之下覺得水準ok拍得住一啲酒店嘅乳豬👍 可以話係又脆又香口嚟形容， 我覺得算係有驚喜。 晏晝時段非常忙碌，而且仲有好多學生哥入嚟，於是我攞起餐牌一睇都合理價錢喎唔怪得無論大人同埋學生都會入嚟食👍

曾經在「叉燒大王」用膳，燒味的確很不錯，今天路過也順路嘗嘗燒味下午茶，燒腩湯米線和乾炒牛河。燒腩湯米線的出現嚇了我一跳，立刻向女侍應反影：「燒腩浸在湯米線，燒腩咪不脆囉？？？」她回應我：「你下次可以講明燒腩要另上呀！」，連相機也不能食先，我立刻吃一件燒腩，燒腩皮果然〝腍謝謝〞，浪費了燒腩，和添了不愉快的用餐感受！「叉燒大王」的燒腩湯米線固然令我失望，女侍應的「責任在我沒有事先要求另上」回應同樣感到失望！好端端的脆皮燒腩給湯浸泡失去脆卜卜口感，原來是自己責任！我有建議給「叉燒大王」，希望餐牌上的燒腩湯米線旁邊有個温馨提示：「如需要燒腩另上，請掦聲通知！」乾炒牛河味道十分淡如無味，幸好有餐桌鹽彌補不足！

新一年返第一日工，當然又是去同同事一起覓食啦！今日沒有去得太遠，就回到沙田河畔去找食，食過幾間之後，每次開車走都會經過呢一間「叉燒大王」，叫得呢個名⋯⋯一於要去試下係咪咁堅先！中午來到都人頭湧湧，好在兩位都有位哥以坐，入面坐滿了人，雖然餐牌試有好多不同的選擇，但好似人人都叫燒味飯，於是，我們都是試下燒味飯先！朋友要了叉燒煎蛋飯，我就來個叉燒四寶飯！個餐上到嚟的時侯，個擺盤都幾靚，唔似一般燒味鋪咁隨意，我個四寶竟然有鵝髀，今年一定有運行！叉燒都燒得好好，唔會太貼，入口又有肉汁，真的幾正，隻咸蛋都好靚，用來撈飯係絕配！餐廳除了有紙巾放在桌面任用外，更不得了的是有wifi俾人用，哈哈，配套都幾貼心！下次哥以試下晚間小菜！

叉燒大王果然名不虛傳，在豬肉價格騰飛之際，這碟叉燒份量仍然不小，而且燒得恰到好處，焦黑地方不多之餘，還保留了鮮嫰肉質不起柴，適量的蜜汁更是畫龍點晴。啫啫芥蘭煲—別小看這個煲，它的容量比想像中多得多，兩個人絕對夠食有餘！芥菜下還有燒得滋滋作響的蒜頭，最適合注重健康飲食的男女。黑椒牛仔骨—未上桌便已嗅到鐵板上的香味，事前有用蒜汁稍為醃過的牛仔骨實在好味，肉質稍韌。總括而言，三道菜對二人而言絕對是足夠有餘，意想不到今天三道菜都在一般餐廳的水準之上，有驚喜！

本來對中菜都無咩好大興趣，個日放工經過又吾想食日本野台灣野，又好似好耐無食過中菜，就揀咗叉燒大王！！果然無令我失望！佢出面排好幾張椅預備好多人排長龍，不過佢同時好多人買外賣燒味，我地企咗等的5分鐘，都起碼見到成4個人黎買叉燒！令我更加期待個招牌叉燒！佢都好多野食揀，星期一至五仲有平小小的套餐，我覺得都吾算貴既，個價同大牌檔都不相伯仲！我地2個人當然叫2個肉1個菜已經好夠！蜜汁牛仔粒薯仔🥔好有bbq的感覺，甜甜的！薯仔也是脆脆的！牛仔粒有一點肥，所以很很很很好食好咬口！牛仔粒的分量比薯仔還要多，這合理嗎haha當然要叫招牌叉燒！我地2人點了例牌咋！哈哈吾知係幻覺定點，我覺得佢例牌比一般店的更要多，而且佢的叉燒果然名不虛傳！半肥瘦，又滑又入味，很推薦！！！最後到我最愛嘅茄子！醬爆脆皮茄子！我第一次吃，好搞笑！個皮係點咗麵粉脆卜卜，入面又有茄子應有林，再咬入去有塊肉，一共係3個口感！好特別!!佢用鐵板上所以吃既時候仲係熱辣辣！！

放工又係附近吃個快飯，見到中菜好耐無吃過，即刻行去無食過，平時都多人既叉燒大王！！！行到入去，由於仲好早都吾算多人haha不過多上咗年紀嘅人😂我地得2個人，但都安排我地坐卡位，好闊落好舒服！當然要叫佢招牌菜！！！叉燒！例牌咋！！都幾多！有起碼20幾件叉燒！超好食😋半肥瘦！！仲要冧滑，唔會好un要咬好耐！好入味！係我最近吃過最好食的叉燒！認真推介！！！！！！我不停搶住食！薯仔牛肉粒啲薯仔甜甜地，脆脆地好好食！平時我都小食薯仔，都食咗起碼三大舊！牛肉粒都吾鞋，好易咬，而且好入味！佢仲要牛肉多過薯仔，性價比高！脆皮茄子！！佢係有料㗎茄子入面，有啲肉夾住炸！好Special!!!第一次食咋！吸哂啲醬味！仲要鐵板上，熱辣辣好好味！！我地2個人吃到飽哂！！佢份量比一般餐廳多而中菜黎講，好抵!!!!

其實好耐之前有食過叉燒大王， 不過印像真係麻麻地， 但係最近睇佢嘅食評 又好似唔錯喎 就畀多次機會佢，食多次啦 估唔到今次 真係超水準表現，好耐冇食過咁好味嘅叉燒 ， 叉燒佢用咗梅頭肉， 一啖就食得出 梅頭夠淋， 仲有少少肥入口即溶 一啲硬身感覺都冇， 我個仔淨係食叉燒 都食咗成碗飯 另外再試埋佢嘅，開邊蒜蓉蝦 ，雖然啲蝦係細隻啲， 但係夠曬鮮味 蒜蓉 落得剛剛好， 絕對冇蓋掩嗰啲蝦嘅味道， 另外再叫多個金銀蛋豆苗， 豆苗當造梗係好味啦 加埋兩碗飯飽曬

記得早幾年興捉精靈，我同太座都當時非常瘋狂，會揸車四圍去玩，有次去到河畔花園呢度，晚飯就入咗去叉燒大王度食，記得當時非常失望，今次係嚟附近搵嘢食，見裝修過同擴充咗咁，一於再試過，入去見都幾滿座，剛剛有一張枱，好彩唔使等，坐低轉頭已經有幾枱客喺門口等位；嚟到當然係要食叉燒，叫侍應整碟靚D淋D嘅俾比卡豬，佢最鍾意食叉燒，睇吓張單真係會寫住肥、靚D、淋D，食一舊簡直刮目相看，真係好味，如果我自己食一定要求有小小燶，不過比卡豬一齊食就唔好喇，佢都食咗一碗飯，可想而知舊叉燒幾得；蒜蓉蒸開邊海中蝦，可以話係我近年喺街食得最好味嘅一次，蒜蓉份量剛好，海蝦非常新鮮唔會梅，要同太座爭食，金銀蛋浸豆苗，蔬菜都係不時不食，豆苗雖然而家四季都有，但冬天仍然係當造，好明顯呢度個貨源揀過，今年食得最靚嘅豆苗；睇餐牌呢度仲有好多特色小菜，我見到有鐵板爆田雞，下次我一定要食呢個!