叉燒大王

營業中

休息中

記得早幾年興捉精靈，我同太座都當時非常瘋狂，會揸車四圍去玩，有次去到河畔花園呢度，晚飯就入咗去叉燒大王度食，記得當時非常失望，今次係嚟附近搵嘢食，見裝修過同擴充咗咁，一於再試過，入去見都幾滿座，剛剛有一張枱，好彩唔使等，坐低轉頭已經有幾枱客喺門口等位；嚟到當然係要食叉燒，叫侍應整碟靚D淋D嘅俾比卡豬，佢最鍾意食叉燒，睇吓張單真係會寫住肥、靚D、淋D，食一舊簡直刮目相看，真係好味，如果我自己食一定要求有小小燶，不過比卡豬一齊食就唔好喇，佢都食咗一碗飯，可想而知舊叉燒幾得；蒜蓉蒸開邊海中蝦，可以話係我近年喺街食得最好味嘅一次，蒜蓉份量剛好，海蝦非常新鮮唔會梅，要同太座爭食，金銀蛋浸豆苗，蔬菜都係不時不食，豆苗雖然而家四季都有，但冬天仍然係當造，好明顯呢度個貨源揀過，今年食得最靚嘅豆苗；睇餐牌呢度仲有好多特色小菜，我見到有鐵板爆田雞，下次我一定要食呢個!

叉燒大王果然名不虛傳，呢度啲叉燒你望到其實佢都冇乜肥，係食落去同半肥瘦嘅口感真係冇乜分別。肉質嫩口又多汁，皮脆。佢仲要特登切到每件叉燒都有個厚度，食落去好眩惑值得一試。燒鵝一般來講好多地方食半隻都係198呢個價錢，佢呢度呢個燒鵝我就食咗佢好多次㗎啦。不過呢以前佢就真係比而家大隻好多嘅。而家佢個燒鵝細隻左，但係味道就唔大大分別。佢個燒鵝皮係最好食嘅地方，不過我嫌呢個燒鵝嘅皮同肉之間嘅肥膏比較厚，變咗佢做唔到肉滑皮脆嘅感覺。呢個酥炸筒蠔個水準都可以保持到，食落去佢個筒蠔嘅肚都比較大，唔會好似一般出邊食嘅咋筒蠔咁縮囇水。不過佢唯一嘅不足之處，再去查嗰個被炸到比較黑唔太美觀。依個蟹粥我就真係第一次食，不過食落去嗰啲蟹就真係好甜，個粥就好有蟹嘅鮮味，整體成煲粥來講個感覺都唔錯，你會覺得值回票價整體來講總數食咗八百零蚊五個人都係每人百幾蚊就算合理。

朋友仔搬咗新屋，今日就去咗佢新屋附近食返餐飯佢平時話見到呢間餐廳都要排隊，咁多人黎食都應該唔會有伏，所以就同朋友試一試餐廳好似舊式茶樓咁，因為就算晚市都會上茶而入面有唔少大圓枱，當日都座無虛席，如果人多嚟聚會都真係要記得book枱叫得叉燒大王呢個名，就當然要試吓佢嘅叉燒啦Menu入面仲有介紹到佢哋嘅叉燒係曾經獲得獎項雖然呢度嘅叉燒價錢同酒樓差唔多，但份量就比係酒樓食嘅雙倍咁制，單睇份量都已經好抵食叉燒一部份肥瘦得宜，肉質當然滑啲，另一部份就係偏瘦，更適合宜家現代人嘅口味叉燒外層烤得夠香亦帶焦香，醬汁濃味之餘唔會蓋過肉味話梅豬手一上枱就已經聞到香味，分量亦係比想像中大，有六至七舊，每件大大件呢度豬手質素好好，完全感受到骨膠原係口腔中嘅張力，食落一啲油膩感都無豬手嘅肉結實得黎咬落又夠嫩滑惹味醬汁亦係不可或缺既功臣，非常之容易送飯喜歡豬手嘅朋友仔唔好錯過！金銀蛋浸豆苗呢個餸菜係侍應推介，話宜家豆苗當造所以就揀咗金銀蛋浸豆苗一試果然非常清甜，原來時令同未時令既味道係會有咁大差距金銀蛋當中嘅皮蛋非常之彈牙、炸蒜頭都非常之香而大家食完餸，記得飲埋個湯因為真係好清甜整體來講，餐廳嘅食材質素本身已經相

好耐好耐好耐無食叉燒。要食就要揀一間好食既叉燒餐廳，咁就唔會浪費quota。今日去左叉燒大王食叉燒。餐廳夠大，又有卡位坐。好舒服，唔洗搭檯。餐廳俾人感覺舒適，裝潢都好得體，唔似典型燒味店。叫左個叉燒飯。睇落普通既叉燒飯。食左一啖叉燒先發覺。呢舊叉燒一啲都唔普通。叉燒肥肥地，脂肪同肉比例啱啱好，好juicy。叉燒既味道又好，唔會太甜。有陣燒過既味道。又唔會太燶。咬落去出邊個層有少少黏牙，口感好好。肥肥地既叉燒真係好好味。送飯一流！之後叫左個避風塘炒蟹。一上菜就香噴噴既避風塘味攻過黎。聞到陣少少辣既味道，齋聞都興奮。蟹肉成舊可以攞出黎。好甜好新鮮。加埋避風塘既配料真係好惹味。辣椒乾真香辣味令人好開胃。因為食落唔會好辣，但聞落去味覺真係好豐富。好多肉既蟹。食完真係覺得好滿足。又平又抵食，下次再黎！

Hands down best barbecue pork place in hk! It’s a very local restaurant that famous for its barbecue pork!!!The staff there are extremely friendly and hospitable. Don’t expect a fancy space tho!It’s a rather basic setting with outstanding dishesTheir signature barbecue pork is a must try! Very juicy with just the right tenderness. And it’s crispy on the outside

上次去沙田圍食日本野，經過一間賣叉燒既餐廳好多人食，所以星期五晚想出街食就專程黎試下。入座時我地算比較早到，唔駛等位，但食食下就見到坐滿哂，好彩黎得早。專程黎到，梗係要試吓佢呢度最出名嘅叉燒，八十八蚊有個例牌，都幾大碟，兩個人夠食有餘之外，最重要既就係叉燒肥瘦適中，每舊斬得黎有份量但入口又要唔洗用力咬，蜜糖汁好香入晒味。天氣寒冷，揀左個鐵板黑椒牛仔骨，鐵板上冇咁快凍，上台先「渣渣」聲香氣撲鼻，黑椒味濃配搭啲紅椒青椒岩岩好，牛仔骨都幾多肉唔會好肥。叫咗兩個肉，點都要叫返個菜，就揀咗金銀蛋豆苗，好大碗，豆苗好鮮甜。鹹蛋皮蛋撈飯食好夾。兩個人叫三個餸一人一碗飯真係夠晒數，食到好飽。餐廳除左堂食，仲有個外賣部，見到好多人幫襯，個個都斬料返屋企加餸。

今日lunch 去左沙田圍附近，想食燒味，於是入左呢間叉燒大王。行入嚟地方都好企理，裝潢好似酒樓既格局，空間好寛敞。可能係撞到lunch 時間正一正，人山人海，好彩都唔使等位：p本身黎到應該試下佢d叉燒。一時間心血來潮，叫左個乳豬五寶飯。錯有錯著...估唔到佢個乳豬仔係咁出色，脂肪同肉既比例岩岩好，最正係面嗰層脆皮，口感一流😛叉燒大王應該係我食過咁多間茶記，乳豬最好食既一間，可以考慮改名做乳豬大王...仲有燒鴨、咸蛋紅腸都係水凖以上，配合埋佢地既醬汁，認真算好唔錯😆可惜係食得太飽了，想試埋佢地既叉燒，話晒佢地係叫叉燒大王😂之後叫左杯凍檸茶，茶記水準，正常發揮，所以我唔多講了。下次過黎，我一定會黎食佢地既叉燒，應該更加會有驚喜：）

話說幾年前的午市來食過一次，記憶中這兒的叉燒不錯，仲有咖啡飲。今日接女兒放學後，因晚上7:15仍要去補習，所以，就趁這中間空檔時間，拖女去搵食，逛到去叉燒大王附近，剛下微雨，就帶女兒入去，心諗亞女鐘意食叉燒飯，我也有杯咖啡飲。 坐下後，侍應問飲乜嘢茶?(吓....我諗住飲咖啡咋噃，已心知不妙😂)再打開Menu睇，全部都係小菜(天呀！我可以掉頭走嗎？但、又唔好意思，唯有硬食好了，只怪自己唔小心😭。) 叫了一碟例牌叉燒比亞女試(叉燒Keep住水準，我不喜歡吃有肥的豬肉，試了一嚿便停手)，另叫了生煎咸魚肉餅(完全食唔到咸魚的咸香味道，咬落去好彈口，但、入面有肥豬肉，趕快吐番出嚟)，石窩麻婆豆腐(沒有麻婆豆腐該有的香辣味道)。 除了叉燒外，呢餐真係食完喊住走，早知去番花園城果邊食番果兩間泰式或越式囉！因為，以小菜嚟講，我食到厭既屋企樓下茶餐廳都整得比呢度好!☹

今晚陪朋友去河畔拎野順便係果邊食埋飯河畔花園有連環食今日星期五周邊多數多人行晒全部食店,拎咗二三間票睇吓邊間有位點知比"叉燒大王"跑出咁就試下啦第一時間睇餐牌,都有好多選擇喎會令人有選擇困難証🤔每人要諗一款,我諗都唔諗更係叫佢店舖名"叉燒"啦😏 跟住朋友仔叫咗個"黃金蝦"佢話呢個好考功夫架，同埋屋企都好少會煮呢d 餸，出街食更係叫d 屋企唔常煮度嘅餸啦😬另外叫個菜平衡吓👉🏻就叫"金銀蛋浸菜"👉🏻例牌"叉燒" 見佢唔係半肥瘦,心知不妙。。。 點知😱估佢唔到👍🏻👍🏻超腍😋😋👉🏻🦐"黃金蝦"🦐香脆之外脆得嚟唔會乾身👍🏻 仲要每隻蝦都包住d 咸蛋黃😋😋👉🏻 🥬"金銀蛋豆苗"🥬出面一般都只係配時菜, 咩菜都係收果個價錢，但係呢度竟然比豆苗 宜家呢個時間真係最合適👍🏻👉🏻 全部食晒😋😋總結：真係名副其實"叉燒"大王,有回頭

這是走時拍攝的，記得一去到餐廳就見到很多人圍著，以為要等很久，原來人群是等外賣的😂😅內在局部環境-一大班親友來也可以容納以其命名的燒味之一：蜜汁叉燒真的很美味！值得再次嚐嚐！是晚人數不多，只能點一份例牌，但也能試到不同肥瘦的部分，蜜汁的部分也十分「入肉」！讚！再來是黃金蝦，即蛋黃炸蝦🍤尚欠些少脆度，要不就完美了！同行人也大讚！爽，新鮮，好味道！補多張相，補充一下這裡的靚仔（絲苗白飯）也很香軟...猜到接下來要介紹的是？當然豈只是菠蘿🍍其實是豬大腸配醋和菠蘿粒這次一推反傳統，留待最後的不是最好呢🥺😰單單對這碟比較失望，反而留意到鄰桌點的咕嚕肉看樣子更為吸引...也許是隔離飯香吧！哈哈😄

上次來這個屋苑食日式料理，見到很多人在叉燒大王門口排隊「斬料」，好像很吸引，這天就入内食個晚飯，試試它的招牌叉燒及其他小菜。六時多來到細枱幾近坐滿，以菜餐廳來說頗為寬敞，卡位舒適，就算普通的櫈椅背亦夠軟夠高身。另一邊是大枱，亦不至於背貼背坐餐牌印刷精美，食物圖片很吸引，招牌叉燒更佔據整個版面。雖然是茶記格局，沒想到茶水仍可讓顧客選擇茶葉，壽眉很清香。叫了一碟叉燒例牌，再加兩個小菜。叫的餸頗多，只叫多一個白飯來share，沒想到份量超多，分出兩大碗😂招牌叉燒 (8/10): 叉燒超淋，醬汁不會過鹹，用來送飯不錯。金銀粉絲浸勝瓜 (9/10): 勝瓜比較清淡，平衡了肉類的膩感；粉絲夠淋，和金銀蒜很配。鐵板黑椒牛仔骨 (7/10): 醬汁好香，洋蔥爽甜，牛仔骨肥瘦適中，下次試試牛柳粒～

幾個月前在河畔花園吃晚飯見到這家門口也有不少人在排隊。看了一下評價和菜式，覺得不錯，今晚就和媽媽來吃個晚飯，讓她不用又煮又洗。七點半的黃金晚膳時間，等候的人仍和幾個月前一樣很多。阿媽說不介意搭檯很快就入座。店內已經座無虛席。和酒樓一樣，入座便有一壺滾水靚茶和餐具。雖然餐具都很乾淨但用頭過的茶沖洗餐具好像食中餐的儀式一樣，我們洗完就一邊歎茶一邊看餐牌點菜了。這張是簡約版的，常見的受歡迎菜式都放在上面，肉類、菜、海鮮、燒味都有，雖然是一家不太大的店但種類都可以媲美大酒樓。叫得叉燒大王，這個叉燒當然要試一試。在這一版還發現免收加一，很實惠和親民的收費標準。叫了三個菜，叉燒（例）、胡椒浸豆卜和蜜薯牛仔粒。先上枱的是蜜薯牛仔粒，牛仔粒的比例絕對不少呢。牛仔粒很鬆軟，表面煎得很香口。牛味和蜜糖味很夾，少量的黑椒和洋蔥辣味把整體味道吊起來讓人吃完一舊又一舊。薯仔也很入味，表面霑了有牛肉香味的蜜糖汁。難怪在各種大排檔和中菜廳都很受歡迎，薯仔和牛粒的配搭可謂缺一不可。然後是胡椒浸豆卜。未端到桌上胡椒味已經撲鼻而來。胡椒湯底很清甜，胡椒味適中，不會過辣。輕微的刺激感很開胃，我們都喝了好幾口。豆卜除了是索湯

住係附近，基本上經常黎幫襯🤣不過通常都係外賣，今晚朋友過黎就一於堂食例牌叉燒$88黎到叉燒大王，梗係要叫返一碟例牌叉燒啦！呢度嘅叉燒肥瘦適中，腍中帶點脆口，肉味帶甜，食落去好有咬口，值得推介👍👍👍椒鹽棒棒骨$72一咬落去，外脆內軟，加埋椒鹽嘅香味，成舊骨好惹味！如果配埋啤酒一齊食就更正了😋金銀粉絲蒸勝瓜$68勝瓜切成一片片鋪係底，上面再鋪一層粉絲，粉絲上面再加一層蒜蓉，一齊去蒸。滲有蒜香味嘅粉絲配上清甜嘅勝瓜一齊食，口感好特別，味道唔錯👍肉絲炒麵$58呢個真係頂呱呱👍炒麵表層好脆口， 食落去卜卜聲😋配埋肉絲同菇菌一齊食，簡直冇得彈😋

約好朋友相聚見面，在她屋企附近吃一個早晚飯。 朋友介紹去了她喜愛的＂叉燒大王＂。 餐廳分為燒味外賣部及堂食餐廳。 去到時約6點，餐廳已滿一半，也見到很多人來買燒味外賣。 從燒味櫥窗見到掛滿美味叉燒，未食已令人垂涎。海鮮生猛水清晰這碟叉燒真的不得了，一放在枱上已聞到燒烤蜜香味，見到邊位更有少少焦香，好有傳統風味好吸引。沒有太多肥膏，但肉質非常嫩滑，邊位帶少少焦，好有甘香味。紅燒石斑配料十分豐富，有炸豆腐丶燒腩丶什菇及生菜，有點似用一個餸價錢，享受到兩味餸感覺，材料新鮮又抵又好味。

呢日又同小朋友去到沙田嘅交通安全公園度玩， 玩完之後喺附近度搵嘢食， 屋企人建議想食小菜， 我哋去咗間叫叉燒大王嘅餐廳， 晚市餐廳主要做小菜和燒味， 我哋都係比較早嘅時段去大概六點零鐘 ，所以就好快有位。茶樹菇燉唐排我哋當晚嗌咗四餸一湯， 個湯係嗌咗茶樹菇燉唐排， 個湯既清甜， 好足料， 幾重茶樹菇嘅味道。蜜薯牛仔粒依家出面嘅小菜薯仔同牛仔粒呢個配搭都好流行， 但出面嘅餐廳通常都係做黑椒薯仔牛柳粒， 呢度 嘅薯仔牛柳粒係用咗物質來做， 對於一啲唔食辣嘅朋友多咗個選擇， 牛柳粒做得幾冧，唔靭， 薯仔炸到有少少脆面可以索到啲醬汁。醬燒脆皮茄子呢隻醬燒脆皮茄子係用鐵板上， 茄子入面釀咗啲肉， 再上薄粉炸， 最後用個燒汁嚟餵， 茄子外層有一層薄嘅脆皮， 食落幾特別。豉油皇海蝦海蝦係走過油， 炸得通透， 然後再用豉油皇汁你餵， 蝦肉夠爽口 ， 個豉油皇汁都調教得唔錯。 我連殼都食埋。叉燒(例牌)餐廳個名用叉燒嚟做招牌，當然要試下呢度嘅叉燒， 呢碟叉燒係半肥瘦 ，同埋係燶邊， 呢兩樣嘢係佢食叉燒嚟講好食嘅元素， 叉燒肉質幾冧， 燶邊位夠香口。