友口馥 (已結業)

見到雜誌報道就已經好想食。嗰一日係大陸一朝早落翻黎香港，就衝過去食早餐。諗住七點咁早冇咩人啦，點知都係要等位。等左10分鐘到，再排多10分鐘買腸粉，差唔多半個鐘先食到。手工腸粉真係無得輸，又彈牙又足料。

最鍾意就係平日放假架啦 終於試到假期排哂長龍既友口馥黎之前已經有心理準備要等超過30分鐘至食得點知又唔係喎 前前後後等左大概10分鐘就食到啦呢個淨牛丸非常爽口彈牙係其他餐廳食唔到呢種口感點左店員推介的豬潤腸+叉燒腸老闆娘親自整架用心製作👍👍👍食落去唔會一舊舊散哂極力推介豬潤腸配落腸粉度估唔到係咁好食!真係完全估唔到睇落平平無奇既餐廳可以咁用心製作每一款食物極力推介豬潤腸每位員工都好有禮貌，好好笑容 唯一覺得美中不足就係店內都係用塑膠盒，木筷子等等一次性餐具個人覺得應為環保出一分力 希望不久既將來可以呢間店舖可以響應環保啦

上網睇完報導，知道老闆娘的故事所以一試見得到老闆娘真係好用心做。豆品係即磨的，每次整不同味道的豆品都會清洗石磨一次，確保味道無混亂。但人手不足落單姐姐初初仲話20分鐘就有點知等左45分鐘仲俾錯腸粉我叫(齋腸，櫻花蝦及牛肉腸，原味豆漿。)最後櫻花蝦變左豬潤腸粉口感有別於一般布拉腸粉，薄而滑，沒有一口粉漿的感覺，皺皺的口感可口，路過係值得一試但真係等得太太太耐了。豆漿有原味 黑豆，芝麻，有無糖可選擇另外還有砵仔糕，菜乾豬骨粥

早排網上見到有短片介紹呢間食店係老闆娘好用心去經營今日跑完大埔海濱，就一於黎試試門外有條小人龍都預左要食係要排隊要等人龍散去都繼續要等，一等就等左我45分鐘 成個等既過程我睇得出老闆娘真係好用心去經營呢間店默默做腸粉，一如報導既認真我好欣賞佢～但除左佢之外，佢另外果3個伙記都係趕客咁款落左order等左半個鐘,友人去問其中一位伙記：想問仲有大約幾耐？伙記： 好耐呢個對話我真係聽完都覺得愕然伙記手腳極慢不在話下，連講既野都令人聽完覺得奇怪老闆娘叫佢地做某d野既時候，個伙記竟然話番佢做咩咁心急伙記由高處拎發泡膠盒落黎既時候掃埋一堆塵落黎，下面明明係食物睇見都驚老闆娘真係好辛苦，我都明請人難，但咁既伙記真係會令人唔想再幫襯等左9個字，支黑豆漿（$10）都飲哂終於有得食叉燒腸粉$22腸粉厚度適中，肉粒唔多，但食落香口等左咁耐，又真係幾好食既～不過真係建議好多時間既朋友先好黎食得老闆娘一個默默做腸粉 係要等耐少少

咁岩經過，望下，又好似唔多人排隊喎，得兩個人排，咁咪排下試囉。不過由排隊到落單都等左好幾分鐘⋯唔明點解可以咁慢，同埋雖然係有條隊，但好似無乜規矩咁⋯就到我地，職員問邊個先，因為有個女人坐低左未落單，咁個女人就話佢都坐左陣，咁我地都等左陣，唔緊要，俾佢先啦，都唔差太耐既。我地心態就係試下，所以就揀左我平時最喜歡既齋腸試。落單後等了15分鐘就有得食。期待已久的皺皮腸粉，豉油用保溫壺裝，食了一啖，覺得這個腸粉同其他粥店的腸粉唔同，感覺這個味道很淡很淡，沒有腸粉的味道，當加了豉油，可能豉油沒有鮮味，也帶不出腸粉的味道，整體來說，試一次就夠了，想食腸粉節話，去普通粥店過過口癮就夠了。順帶一提，因為佢地用外賣盒裝腸粉，所以就算堂食也要收取外賣盒錢呢⋯⋯

之前老公無意中試左呢間腸粉話好食, 今日就帶我同阿仔一齊再黎食... 2:00 左右去到己經見到好長龍... 排隊得落order 都己經等左超過15分鐘, 之後落完order要再等左1個鐘先有得食... 原來即叫先即磨即整d 腸粉, 唔怪得咁耐.... 今次食左蝦腸同叉燒腸, 仲有豬骨粥, 叉燒腸好好食, 腸粉好滑, 配埋佢既豉油甜甜地好正, 蝦腸感覺就普通, 無咩特別, 蝦都好細隻, 不過幾爽口...豬骨粥15蚊大大碗, 好綿, 而且好香, 幾好食.總括黎講每樣野都唔錯, 佢仲有石磨豆漿, 都好多人買, 10蚊一大支, 不過我今次就無試, 下次要試下, 仲有下次要早d 黎希望唔洗排咁耐

閒日朝早經過終於少啲人排隊就一於試下啦。等咗十五分鐘先入座。知道腸粉要等得耐，又好肚餓，所以同朋友先叫咗一碗細菜乾粥同一碗細河粉。👉🏼河粉就不過不失，正常味道。👉🏼菜乾粥就好有驚喜！！！因為一心係想試腸粉，但碗粥食落好甜，唔似出面一味得味精嘅鹹味，我個人真係好鐘意個粥🤣😋😋👉🏼食完粥同粉，腸粉就到喇。我哋叫咗蝦米腸，熱辣辣又滑好快就清晒啦！雖然我哋粥同粉都叫咗細碗，但分量都唔少，價錢又唔貴，好抵食！有時間都會再嚟幫襯！

如果你去開澳牛就會明自己要跟步驟，友口馥都一樣：1. 首先，排隊等入座；2. 然後，等員工有空點餐；3. 耐心等待，因只有老闆娘一個人煮腸粉所以不要催促。（*等40分鐘是正常的）食品方面，腸粉皮薄足料，質地有點黏貼的口感。另外，豉油是有煮過的，味道似蒸魚豉油，應該加糖油煮成。價錢方面，四條鮮蝦腸也只是20元，非常抵食！不過，記住有空才去，因為隨時花上一小時多的時間才能吃完。

如果趕頭趕命...就唔好諗住入呢啲小店食嘢！如果要佢享受,就麻煩喺11點前到訪...咁呢啲時間就會少DD唔使排隊👍🏻話說我嘅經歷就係...有一位大嬸為咗食一碟腸粉（佢好明顯係同我一樣第一次去食嘅）而大嬸佢都係大概等左10分鐘啫（馬上黑面）兼且喃喃自語咁講都唔明有乜嘢咁好食🤔要等咁耐😡🤬之後就好夾硬咁樣食咗兩口...（我覺得咁樣為乜呢？咁辛苦去食一樣自己唔願意付出嘅嘢！）其實諗深一層香港人食嘅真係有時好腌尖🤦🏻‍♂️

手刮方式做腸粉，質感可用乾脆俐落不帶黏軟，可吃到米香味，饀料可以，可算不錯，而䤾料種類有六七項可算多，另外又有砵仔糕賣，應該都是用石磨做成的，今次因吃不下，下次要試，還有其他粥粉麵食，而營業時間由早上六時至下午五時，早上可做完運动過來吃早點，因晏了，就要等太長時閒，今次我中午去，門前只得四五個人，我也用上四十五分鐘的等候時間，有點長。但記得以前我吃過同類的刮腸，質，爽滑帶小黏軟用上碎豬肉饀，弄好后要等壹两分鐘令熱力散散，沒有那麼黏口。這小馆還要努力。

前排睇到篇報導介紹呢間石磨鄒皮腸粉,睇見紫椰菜腸粉賣相很美~有8款選擇價錢由$16-$22,可雙拼及加蛋。從太和火車站行去只需5分鐘左右,很方便。我地系門口排左45分鐘,落單後就有位了,等25分鐘就有得食了~店內大約可坐15人,門外有兩張檯可坐6人~如果食粉麵就唔需要排隊,但石磨腸粉即叫即做~製作需時就要排隊了,廚房位可見電動石磨機不斷製作~如果你同我一樣都是為食怪,我相信很願意等,因為值得呀~但建議食小小野先來,以免餓壞~紫椰菜甘荀香菇腸$18,材料先略炒再蒸,入口爽口嫩滑,素腸材料豐富,食得非常滋味。新鮮豬潤腸$18,腸粉很滑溜且不糊口,豬潤細片入口較方便。

星期日下午3:45到，要排隊排到4:30先能入座，不論堂食定外賣，總之係食腸粉都要排，由於店內小，可容納個人數只係15人左右，腸粉制作須時，係我前面排隊的只有4人，都要等大半個鐘環境就真係麻麻，係咁清涼既天氣下都不停有烏蠅飛都幾令人感覺好不衛生，坐門口位置要小心留上有冷氣機滴水叫左兩碟腸粉，一碟蝦米腸，一碟豬潤腸，腸粉皮係薄，但無米味，卷得有點厚，所以不算滑，料係夠，䓤同蝦米都足，但蝦米好多殼，豬潤有掩過，所以味道都ok,口感都不錯，鼓油味無鮮味，油份都多，整體其實只屬一般叫左一杯熱豆漿，豆味重，熱飲更香濃，好包肚，後來要多支外賣，但發生左一點小插曲，最後換左支新，另外要左支桑寄生，又係好濃，超級甜，我要加水一齊先飲到以為網誌好介紹，點知都係好失望，仲要不容易允路呢，食完飽濟到我成晚，相信黎一次都夠

從小在太和長大，嫁左去將軍澳好小再踏足大埔，網上見到太和開左間腸粉店，係我最最最鍾意吃的皺皮腸粉，香港好小地方有，一般商場酒樓的都是厚厚的皮，所以同老公專門開車從將軍澳出太和吃腸粉。叫了肉碎腸粉+雞蛋，製作需時，我老公留意到老闆娘是一盤一盤地放入爐篜，叫一碟腸粉要篜2盤，咁的價錢吃咁大碟出面好難搵到。果然慢工出細貨，等待是值得，因為真係好薄好好吃，而且佢d豉油特別香，因為自己煮過。所以真係真係無介紹錯！我地仲叫左豆漿，是黑豆豆漿，好香好豆味，同出面就算茶餐廳或街市比較，呢間一定是真材實料無加太多其他野，好滿意！而且我地吃緊時聽到老闆娘同客人聊天，聽得出佢人真係好nice！小店座位極小，好多人外賣，門口好多人等位和等外賣，希望你們越做越好，篜快d，真心好吃！

終於食到超正腸粉😋之前行過超多人排隊，今日見條龍冇咁長即刻去買，原來發哥都來幫襯過，食左蜜汁叉燒腸同香菇甘荀腸都好好味腸粉好滑 腸粉製作需時，所以要預早D去等不過好食嘅嘢真係值得等

運作一團糟，以致食客等候時間長。有位冇人坐，坐底冇人落單，order先後次序混亂，以致客人埋怨，員工不熟悉運作（如食品價錢，物品擺放位置），導致老闆娘要經常插手，未能專心及有效製作腸粉。腸粉製作需時（約10分鐘），落柯打後等了40分鐘，連同等位，等了個半鐘，人潮過後回頭客會有幾多？建議做好分工，擬訂每個員工負責範圍，如一人負責派籌，帶位，落單，樓面，另外負責製作粉面，幫廚。店少人多手腳亂，有效管理加上美味出品，回頭客自然多，希望小店長做長有。