友口馥 (已結業)

同囝囝去火車博物館，路過又口痕咪買個砵仔糕，排排下隊後面果個係打尖叫野飲，我話排緊隊架，但店舖職員照 serve 佢先。跟住又有人打尖買腸粉，職員又係賣俾佢先。我明明已經講咗排緊隊，仲講咗幾次我要乜。職員終於理我，我話要黑糖砵仔糕，佢吉個黑色既俾我，我提佢我要黑糖，佢先換返，我已經企喺砵仔糕前面講，點解佢咁都唔用心做。。。 味道ok嘅，但$6黎講，性價比兩般。 黑豆漿$10, 冇乜豆香，唔值。好彩排咗一陣咋，不過，d人唔排隊職員都唔理，唔知賣腸粉時會咩情況😖

今天大約中午十二時去到，人不算好多，點了外賣，牛肉，豬肉，叉燒，蝦腸。一碗粥同一碗芝麻糊。最後到家發現佢係漏比芝麻糊腸粉 全部好厚身，唔薄唔滑，無乜味道，唔知石蘑有乜分別，都算.....最重要的係個豉油唔好味！！！唔覺得料多，好多口都覺得好似食齋腸咁但個豉油完全提升唔到個味！叉燒腸 叉燒碎濕濕咁蝦腸只吃蝦好重胡椒粉味豬肉腸拆散晒都唔多覺D豬肉牛肉腸本人沒試不作評語菜乾豬骨粥不過不失我都支持單親媽媽做生意，不過真係唔覺得好食，請我都唔會再食....街坊可能食人情味掛....附上拆散都唔多覺豬肉的豬肉腸相片厚厚厚

聽講大埔有間食幾好食嘅腸粉鋪，所以就山長水遠入去試下。今次嚟到「友口馥」。芝麻糊（細，$16）原本好期待知芝麻糊，點知食落有小小酸，隔離枱聽到我講酸酸地，佢地都話食得出酸酸地，仲以為正常係咁嘅味🤦🏻‍♂️🤦🏻‍♂️🤦🏻‍♂️。鮮甜蝦腸 加 雞蛋（$20+$3）個腸粉有feel嘅，有一定厚度，唔似出面果d簿過紙👍👍👍👍。加咗雞蛋味道係香咗好多，但係口感會無咁滑，同埋無咁糯，不過我鍾意落咗雞蛋後，實實淨淨，小小硬嘅口感。無話落咗雞蛋係好定壞，兩種口感都好食。石磨紫米砵仔糕（$6）因為趕住走，所以新鮮出爐嘅砵仔糕未放涼，都堅持要買。結果係，仲熱緊嘅砵仔糕未冷卻成型，了唔開，離唔到個砵仔，非常之癡口同黏手。味道我就覺麻麻，我都係鍾意食傳統白色或黃色果隻砵仔糕。芝麻豆漿（$12）芝麻味得好小好淡，飲落仲以為係咪普通豆漿嚟，望下個樽身見顏色比較深同灰灰地，我諗應該係係芝麻嚟。

今日外賣左碗大嘅菜乾豬骨粥，叫佢俾多骨，最後只係俾左一舊細細嘅豬骨，我覺得味道偏咸，但入面好足料，多菜乾多花生。 另外叫左碟鮮蝦腸外賣，腸粉好好食，皮薄多蝦非常足料。 我都認為大埔係得呢間腸粉最好食，值得一試。

我星期日去到，我已經好肚餓㗎啦，但係因為屋企人嘅介紹我就排隊啦。點知排咗八個字先到我。中間我叫咗個砵仔糕食，紅豆砵仔糕OK唔會太甜，但係冇乜紅豆味。等左好耐卒之有位坐，等多陣腸粉就到。我叫咗豬潤腸粉同埋櫻花蝦腸粉。因為想環保有甘啱有盒，所以就之前帶咗個盒比佢哋。你就兩個腸粉都擺喺同一個盒裏面。識落皮係滑嘅，但係就冇乜料喺裏面。我比較鍾意食佢嗰個豬潤腸粉，因為比較香口，豬潤又唔會太晏。但係個櫻花蝦腸就乜味都冇，就比較失望。總括而言呢間野都OK嘅不過weekend都係唔嚟啦因為唔值得排八個字。值得一提嘅係佢會用佢啲錢去咗養啲單親家庭嘅小朋友，喺佢店都會見到一張紙鼓勵其他人都一齊捐錢。

之前睇報導見過呢間食店 早幾日到太和揾老友就走去試試 知道發哥每次都必食櫻花蝦腸 就叫黎試試加上本人又非常中意食腸粉所以 一食便食左2份 之後老闆娘就推介豆腐花 又試下 仲想飲杯檸檬薏米水 但賣曬 唯有下次再試 特別一提65歲以上長者仲有優惠添有人情味又好味既食店 會再去食

呢日同朋友黎到大埔搵食，之前想試好耐但次次都好長龍，今日見到唔算太多人就即刻黎食。店子細細，鋪頭只有3-4張枱，老闆娘好好人好快就幫忙落單，叫了菜乾豬骨粥，紫米砵仔糕，同招牌牛肉腸粉加蛋。菜乾豬骨粥看得出是熬了很久的粥，唔算太棉但好入味。紫米砵仔糕比較「杰」身，剛剛蒸好熱辣辣好足料。另外店內仲有鹹味砵仔糕不過已經好飽無試。講返牛肉腸粉加蛋先，腸粉好滑好香，配上店舖自家製豉油一秒就掃晒，雖然等左4個字。

去茶樓食蒸腸粉，唔係間間即叫即做，嚟呢間小店，保證係即整，仲睇到磨粉漿個石磨就喺廚房開緊工。呢度的蝦米皺皮腸，多蝦米，入口唔太硬，有蝦米香，合體的腸粉滑嫩，唔使落豉油食都夠味。醬料同芝麻全部係自助添加，甜豉油用子彈壺載住，唔通擔心豉油凍咗，影響整體食物味道？皺皮腸粉以外，菜乾粥料多夠綿，鹹度剛好，食完唔口渴，有驚喜。可惜的係，全店使用塑膠餐具，想減膠要自備餐具。人多時，店員落單有甩漏係常態，加上腸粉要花時間即整，必須耐心等食喔。

喺大埔好出名嘅腸粉店，價錢唔貴好多選擇，我哋叫咗一個鮮蝦腸粉同一個叉燒腸粉，皮好薄，好多料，好好食，味道唔會好咸，仲買咗個砵仔糕佢有好唔同嘅口味有，紫米，紅豆，黑糖，黑糖係最好食嘅，涷咗都好好食

星期日，同埋屋企人一行4人去大埔火車博物館參觀。 難得黎到大埔甘遠，當然要一嘗風味有《腸粉No.1》稱號的友口馥。店舖鋪面不大，因太多人在店門口排隊，我都無細心睇店內容納到幾人，淨係知道full晒。 店外再擺2-3張，可以容納四至五個人的枱仔。我地都等左10-15分鐘先有位，係店外一坐低，我哋點左大菜乾粥，牛肉腸粉，叉燒腸粉，以及鮮蝦腸粉，仲有兩個紫米糕。 腸粉料足粉滑，我地加$3，可以加蛋，反而覺得無蛋既位，好似仲好食，感覺滑溜啲。 *細心位：用暖壺裝鼓油 唔怕整凍叠腸粉紫米糕相對一般，無甘有咬口，有點糊口，如果再煙UN點更好。臨走叫埋涼菜： 杞子菊花茶& 羅漢果茶係食緊既途中，都會聽到街坊話，嘩甘多人，一陣再黎。整體來講都係一次唔錯嘅經歷

想食得清淡啲，叫咗素腸粉（$18）。本來係特別期望，因為素俾人感覺無肉同較單調，點知係有驚喜⋯因爲佢好colorful！紫色嘅紫椰菜、綠色嘅芹菜、橙色嘅紅蘿蔔、啡色嘅冬菇，夾埋烘咗嘅芝麻，齋睇賣相已令人食指大動。 另外仲叫咗好特別嘅紫米砵仔糕，紫米味道香濃，口感好彈牙，好厚實～ 幾好食！重點係老闆娘，即使一腳踢仍然保持親切態度對人，唔似出面食肆只得短促交流淡如水嘅對答。 睇報導話佢單親媽媽獨力開店，我好欣賞，7:00 開門，啲材料你地可以幻想要幾早去預備⋯⋯⋯⋯ 仲要湊仔陪溫書，可以瞓到幾多呢？我好佩服呢位女性！

2018年12月27日到友口馥試石磨牛肉腸同石磨芝麻糊。先講石磨牛肉腸$22（睇長者咭可減4元），牛肉足料，粉皮薄滑，但可惜衞生欠奉，當中被我發現有頭髮喺腸粉裹面，當堂無曬胃囗。再講石磨芝麻糊，芝麻糊唔夠香，滑度同甜度都可以，但不值$25大碗這個價錢。

剛在附近吃完牛腩米，唔係好夠飽，決定繼續覓食。由於現時已很少吃到傳統又好味的腸粉，記得之前有朋友住附近說說，大埔有一間好味嘅腸粉，好像在附近，既然一場嚟到大埔，即管找找。這店舖的位置在較偏靜嘅地方，我哋可能不是地頭，所以要找了一會才找到。他們有很多特別嘅腸粉，粟米腸，茶樹菇腸等等，第一次試，最好係試啲比較穩陣的。始終已經係第二餐，所以我們只點了一份蝦米腸粉，同埋一個砵仔糕。腸粉非常多蝦米同埋蔥，比想像中好吃啊，腸粉夠滑同埋好香米味，蝦米亦非常夠味。芝麻砵仔糕是我首次嘗試，雖然賣相不是特別漂亮，但味道亦算不錯。相對傳統的砵仔糕，這個比較結實，還是喜歡原本的那一些。個人認為味道可以啊，只是衛生情況如果好一點，整齊一點，應該會更加多客人💪🏻💪🏻古法石磨蝦米腸粉每條腸粉都佔有蝦米，絕不吝嗇！特色之一是豉油裝在暖水壺中😏黑芝麻砵仔糕老闆娘自稱是”大埔腸粉皇后”🙀店面貼了些相片，發現原來”發哥”亦曾經是座上客。

今天在大埔行過，見到這間店門口很多人在等候😌望一望，原來是雜誌之前有提過的石磨腸粉！！店舖不大，在裏面看見兩部石磨機🤩正在運行中！右邊的會磨出流質的粉漿！店舖裏只有一個人在做腸粉。她會把粉漿放上筲箕上，然後再舖上材料放進蒸爐裏！！做出來的腸粉不像平時的樣子滑滑的，吃下去也和平時的質感不同，很薄很滑❤️❤️❤️見到有一些人有加蛋，但因為今朝吃了的關係，所以沒有加到，下次要試試。在等待的時侯叫了一個紫米砵仔糕，這個質感不是平時的彈牙，是比較腍，痴牙的感覺。喜不喜歡見人見智。。😌腸粉加上了暖暖的豉油，為何是暖的？！因為店主用了保溫樽裝著的👍很細心

不再賣關子了，我在香港發現到的石磨腸粉，是早前已經被某飲食雜誌狂推的一間位於大埔的飲食小店。這一家小店，名字叫《友口馥》。取其音，也即是懂得欣賞她的人，就 "有口福" 了。我認識此店，並不是因為某飲食雜誌狂推，而是社交網站的一個本地 group 推介過，而且，又咁啱我同太太都非常喜歡食這一種腸粉，於是，當我們一收到新店開張的消息，就立即過來試了。 店子絕對是很細小，而且她們的米漿，的確是即場用店內的石磨自家磨製。而且老闆娘同伙記都異口同聲地說，這傳統的腸粉要蒸兩次才可以成形，所以就算在不用排隊的日子來，都要帶有耐性，因為店老闆逐份 order 做，真的要等。太太的是素香菇露荀腸，這是一個餡料豐富的腸粉，有不同的菇類，菌類做餡，除露荀外也有其他的雜菜。這一個腸粉一定會令喜歡純蔬食的人士歡喜。 我點的是傳統牛肉腸，是香港人習慣的碎牛肉做餡。又薄又滑又充滿米香的腸粉皮，沾滿了豉油香同牛肉香。入口，這腸粉更有一個很可愛的煙韌口感，令喜歡食腸粉的我，感到很滿足。 對我來說，一碟腸粉是不夠飽的，於是，我多點一份原汁牛腩麵。麵食是由另一位師傅負責的，也不需要太煩複的製作過程，所以為了食麵而來的食客，