友口馥 (已結業)

一直都好中意食腸粉，比我搵到有間係大埔仲係石磨既所以即刻去左試下 果然腸粉味道唔錯好滑好好味 仲有佢地既豉油係用左保暖罐 所以無令腸粉變凍到 另外叫左個豬骨粥 好綿好入味 價錢都非常平民化

本身就好鍾意食皺皮腸粉🤩呢間大埔小舖bookmark咗一排嚟開大埔覓食又點少得佢！！鮮豬肉碎腸 $22 （加蛋 +$3）鮮蝦米腸 $16睇到老闆整腸粉嘅方法香港十分少見😳米漿由石磨磨出嚟，然後全倒上竹筲上面蒸所以出嚟腸粉有米香而比較無咁濕同傳統腸粉比就無咁滑同煙韌🙈但就別有一番風味㗎！配料就睇個人喜好覺得都差不多，但加蛋食落會滑啲🤟🏻芝麻砵仔糕 $6咸味砵仔糕 $7🥰砵仔糕都係標榜用石磨漿，食落覺得比較腍芝麻味嘅似係食腍身嘅芝麻糕咁😂而芝麻味就好香好出👍🏻咸味砵仔糕第一次聽😋聞落有啲似蘿蔔糕食落有蝦米味，豆都腍加咗啲菜甫，但就偏淡味🤣呢間係食手工嘅舖頭😏唔係話特別好味不過老闆周不時出嚟傾計，都幾親民感覺唔錯💁🏻‍♂️💁🏻‍♀️好味指數：

#double_大埔-【古法蒸腸粉】呢間位於大埔嘅潮洲食店 看似平平無奇 卻帶俾#🍋👧🏻 無限驚喜 平時👧🏻吾系太中意腸粉 因為感覺好多油 呢度嘅腸粉 系用自家石磨米漿 所以感覺健康 又有米香🤤-🔻日本櫻花蝦腸加蛋 （$21）冇咩蛋味 但櫻花蝦🦐同蔥好多🌱又香 腸粉好薄 質感好特別👍🏻👍🏻⭐️評分：8/10-🔻砵仔糕($6/個)紫米味 最滑🤤芝麻味 濃郁😋黑糖味 最甜😎三個來講 紫米口感最好👍🏻紅豆份量吾少架 經過附近嘅朋友可去幫襯下☺️⭐️評分：7/10-🔻桑寄生茶($15)用了紅棗 杞子 黑糖 好有益架 不過味道甜左少許但咁大支 好抵飲☺️⭐️評分：6/10-🔻豆漿（$10）濃厚 頗滑 不會太甜⭐️評分：7/10－－－－－－－－－

近期好像流行潮州腸粉，即叫即製，這款腸粉皺皺的，很薄，透明感看到入面的料‼️ 今次試試齋腸、豬膶腸 & 石磨芝麻糊～白雪雪的齋腸，看著老闆娘倒米漿，所以製作需時，要有點耐性等待枱面有豉油、甜醬&麻醬，自由配搭豬膶腸都幾多豬膶，但沒什麼味道。石磨芝麻糊賣的是親手磨，不太甜，但太「杰」身，真是吃糊，有點受不了另外也有自家製砵仔糕，芝麻、黑糖、紫米和原味。自覺不夠彈性豬骨粥已賣光了，是不是太好吃呢⁉️ 🤔聽說這小店的老闆娘有段不愉快過去，所以開了這店，自力更生。

終於有機會試下發哥都食過既古法石磨腸粉！中午12點幾門口已經有老街坊排隊今次點左叉燒腸粉同石磨芝麻糊姐姐講左腸粉要等15分鐘，我地就坐入面食住芝麻糊等啦！店內座位十分有限，眼見只有三個位，可以坐出面2，3張小枱等左15分鐘終於有啦味道感覺同出面係唔同，食落去好清新，唔會好似出面好油禁！仲有好香概蔥花真係好食原來可以打電話叫定外賣再落黎拎，住附近居民就唔洗等禁耐啦：）下次會再黎食粥同其他腸粉，姐姐都好有禮貌，支持小店經營

由於是即叫即製, 故真的要有等的耐性, 趕時間的不宜。  點了日本櫻花蝦腸, 料足, 不錯 ；及义燒腸, 料有點碎；這裡的腸粉整體還不錯的, 但可能是潮式, 口感不夠滑, 米香還差一點點。 同日試了陳漢記的腸粉, 陳漢記的是廣式, 口感較滑身, 但份量較少及單點的話較這裡貴； 友口馥的性價比較高, 小店值得支持。 另亦吃了黑糖、芝麻、紫糯米砵仔糕，黑糖最好吃，

鋪在竹筲所做的腸粉，去水比用現時流行的不鑄鋼蒸箱好幾倍，唔會令過多的水份留在腸粉上，這做法我在廣東只見過一次，想不到這次在大埔的小店「友口馥」再遇上，難得！店子好細得一張枱和牆邊的幾個位，所以多數顧客都是外賣，而我見尚有位剩便告堂食。首先令我眼精發亮的是此店用電動石磨磨米漿，心理上都充滿期待。原本叫了傳統牛肉腸，但老闆娘話唔夠牛肉下，最終吃了個牛肉腸豬肉碎腸雙拼。 此店出品的是皺皮腸，腸粉皮唔算厚且米香味濃，與同區腸粉名店陳漢記的布拉滑身腸粉是不同的感覺。當然，腸粉皮的米香，絕對是歸功石磨磨米漿而產生的效果。難得是用竹筲後此店腸粉皮好爽身，灑些芝麻可令味道進一步提升。至於腸粉內餡則正正常常，份量唔多唔少，整體來說這裏的皺皮腸粉值90分（當然你要食得慣皺皮腸粉啦）！ 本來想叫個菜乾粥伴腸粉吃，但賣晒，無奈。見此店另一主打是好多種款式的砵仔糕，甜的佔大多數，但我偏偏食了個外面少見的鹹砵仔糕。白色的砵仔糕入面有份量不少的蝦米，又白又橙賣相唔錯。同樣有米香，但相對來說味道較為單調，可能加點醬汁，像台灣的碗粿般會更妙。不過物以罕為貴，未嘗過鹹砵仔糕的朋友實值得一試。其實曾在傳媒訪問中得知老闆娘

由細到大都好鍾意食腸粉，加上網上廣泛報道所以慕名而來，但由於冇留意過收鋪時間，臨收鋪前半個鐘先黎到，結果咩都冇咁濟，本身最想試豬潤腸，鹹砵仔糕，紫米砵仔糕，豆漿都冇晒……腸粉得返叉燒腸，口感有別於傳統腸粉，佢係比較煙韌果種，不過不失～砵仔糕得返黑糖同芝麻，試左芝麻非常香，不過偏甜~反而最驚喜係支桃膠紅棗桂圓，野飲好有住家feel唔甜濃味又足料，15蚊支初時覺得偏貴，但對比起連鎖式涼茶鋪，佢真係抵晒!如果入開黎大埔會再幫襯過，我自己覺得賣到最後既款一定係冇咁搶手，所以下次要早啲入黎試晒佢d招牌!門口賣砵仔糕d員工有d雞手鴨腳又唔多理野咁，反而老板娘真係好nice，係入面雖然勁忙，但都睇得出佢盡量想同客有交流有互動會招呼下，讚呀～

之前看過一扁有關此店的報導，故事感人，老闆娘好嘢～！今天去開大埔買餸，支持一下，去試試，點知大埔街市行來食店都幾遠，但個人覺得支持小店值得的。先說說店內，位置不太大，但當日並不多人，坐得都叫鬆動.看看廚房，一個石磨慢慢磨出米漿。叫了牛肉腸加蛋，豬潤腸粉，菜乾豬骨粥。腸粉即叫即做，大約等了十多分鐘才到，腸粉皮好香米味，滑！豬潤剛剛熟帶有淡淡薑味，牛肉腸就普通了一些但啖啖蛋香味，食唔等囗，自制的豉油不太咸，帶少少甜，但全餐最有驚喜的反而是菜乾豬骨粥，豬骨香粥棉。吃完一碗後立即N call!呢間小店值得一去再去！

第二次來幫襯友口馥了！自從上次試完廣州米芝蓮必比登推介的街坊式厚如粉皮的腸粉之後，便非常掛念友口馥的手工石磨腸粉了。來這裡吃腸粉，等，是必然的。15分鐘是等閒事，30分鐘也不算過份，因為真的好體諒老闆娘。一個人一手包辦，招呼、落粉漿、捲腸粉再入盒、再塗上薄薄的一浸油……而她的兒子呢，不會幫忙倒是吵著買玩具；她的同鄉幫手呀姐呢，位位與她唱反調、下單又亂又不分先後次序……總之，老闆娘你要加油啊！話回腸粉，今次點了叉燒蛋腸粉。老闆娘先將蛋與粉漿混和，再倒上竹筲、鋪上叉燒粒與蔥粒，入蒸爐！剛出爐的腸粉有淡淡的粉香，蛋令腸粉的滑度又增了20%！那份薄與滑，正正是古法磨漿的手工腸粉的精妙。不是現今的酒樓、餐廳那些由工場製出的腸粉、再運到廚房蒸熱可比的。薄薄的、滑溜溜的又熱騰騰的滑入口，再點一下甜豉油，那份心意與可口的味道，真是幸福！抵讚的是每碟腸粉都非常足料，有兩盤竹筲的份量，所以等候時間比較長也無可厚非啊。而且吃完後飽肚感十足！難怪那麼多婆婆一下單就是6碟。無論如何，還會再來支持支找！今次亦試了她的紫米砵仔糕，很紥實。過實的口感不是太討好，不過總有人喜歡吧。

早前從報導得知大埔呢間石磨腸粉, 今日黎呢邊郊遊, 搵好東西食, 揀左食呢間, 黎到發現門口有人排隊, 有排腸粉的又有排砵仔糕的, 裡面坐位大概只得4-6人, 我地排隊一陣好快到, 仲好好彩有位坐。叫左3個腸粉, 有櫻花蝦腸, 紫椰菜香菇腸, 蛋叉燒腸, 本身腸粉口感幾好, 夠滑, 但幾個都無咩味, 要靠豉油和甜醬的味道, 仲有花生醬不過剩返少少, 問阿姐拎又話無, 食醬料味其實款款都差唔多味, 連食3個腸粉都有d厭倦, 粥又賣晒, 餃子又無, 無辦法。蛋叉燒腸無蛋味, 也不太見蛋的存在, 椰菜香菇不太見香菇, 得好少。反而我鍾意呢度既飲品, 款式幾多, 煲得夠濃, 我揀左少見既桑寄生, 味道有少少酸咁。砵仔糕好巴閉, 唔少人等佢出爐, 等半個鐘都願, 而且仲要比阿姐串串貢, 話你等就等囉, 唔駛話比我知, 態度都幾差, 阿姐個個都忙, 亦無方法整理排隊先後同秩序, 一個字亂。搶到一個黑糖一個紫米, 紫米係用糯米所以較痴碗, 紫米口味砵仔糕較特別, 起碼平時無呢隻味, 不過黑糖就同平時既差唔多, 唔覺有咩特別既黑糖味, 同行朋友叫比劣評, 如果我就比ok吧。

近日城中熱話，“友口馥”呢間小店由一位單親媽媽獨力打拼， 堅持每日採用古法石磨米漿，用竹筲蒸腸粉。另一最新熱賣“石磨砵仔糕”一次只能蒸21個，每次蒸20分鐘，真係製作需時，大家必須耐心等候。🙈🙉🙊大熱天時，烈日當空係條街排隊，真心要命。😣😣因為製作需時，而且每位顧客都大手買入，都排咗足足半小時先可以買到。我哋買了芝麻，紫米及黑糖十穀，砵仔糕口感煙韌非常，絕不覺甜，超級健康。味道方面我比較欣賞芝麻味，其餘兩款都不過不失，有機會再試其他味道。聽聞每朝早上5點多未開鋪都已有街坊排隊，為吃新鮮即石磨米漿腸粉，傳說中腸粉是又香又滑，味道一流。今次只為一試石磨砵仔糕，下次再試腸粉就知龍與鳳。🤣🤣🤣

1. You have to write down your own order - challenging as there isn’t a proper menu. Also got yelled at by owner - “if you can’t write then don’t eat!” Very funny. 2. Basically nothing is available except 2 things, 腸粉 and 砵仔糕. Gotta rewrite my order again. 3. Confusing instructions. Waited for 砵仔糕 for a while before someone told us that wasn’t the line for it. All in all, food was not worth the fame but definitely too chaotic to go.

朋友仔特別中意食大陸式蒸腸粉，喺香港食到的不多。上次試左間潮式的，今次就試下呢家幾出名下的小店。用竹籬做的，眼見好驚d粉漿會穿竹底流出，但原來係唔會架，哈哈。。一份腸粉要兩次先可以做到，做出嚟大大份，一個人來說已經好夠食，好滑，食落有層次，有口感，真的不錯，加了蛋會更加香。另外叫左個素餃麵，個麵好彈牙，係傳統雲吞麵底，但味道就一般，無乜味，湯底太清。還要提一提係個辣椒油，不是太辣，但說夠香，有麻香。

黎間鋪頭已經mark 左好耐，平時返工嘅日子又唔岩時間過去食. 難得今日放假，三十幾度熱辣辣都要行十五分鐘去買黎試. 雖然行到身水身汗，不過係好味道嘅. 星期二上午九點幾，行到去門口已經有人排隊，天氣熱辣辣都咁多人，所以已經比到信心我係好味嘅！1. 素菇甘荀腸粉（$18）加蛋（$3）腸粉有冬菇，甘荀及梛菜. 味道好豐富. 冬菇同梛菜味又好香，加埋甘荀絲同梛菜增加左腸粉嘅口感. 可能因為我落左大半包豉油，所以蓋過左蛋味. 可以下次再試無蛋嘅腸粉，試下有冇唔一樣. 2. 菜乾粥 細碗 （$11）第一啖食落去有少少驚喜. 因為一般街食到係好香菜乾味之後少少咸咸地. 但黎間嘅乾菜粥第一啖食到嘅首先係陳皮味，之後先到菜乾味. 米粒及菜乾已經煲到溶左. 粥嘅口感好綿，係食粥時耐唔耐有少少豬骨碎. 所以要小心咁食. 同埋d豬肉係有少少豬肉味. 不過咬落係好軟. 黎間小店的食物好有特色，睇住老闆娘勁熟手咁蒸腸粉，落粉漿，搖一搖個竹製器皿，落餡料，放入蒸櫃. 拎出黎刮起腸粉入盒. 我都企定定睇左十分鐘呀. 頌有一d涼茶/飲品，例如檸檬薏米水/洛神花，下次再試下. 比多少少資料大家，現場只有少量位置（店入