叙滿庭 (已結業)

16-9-2016(Fri)中秋節翌日,老公o既養母過身一週年,中午同佢出發去北角拜祭,拜完就搵少少o野食,邊行邊搵.行到佢北角屋企附近,見到呢間睇睇,有點心,咁我就可以輕食,老公就可以大食.於是走入o黎.老公要$78.00o既生蔥炸大腸,$42.00o既酸辣粉,我要$68.00o既鳥巢窩貼(肉).等o左兩個字, 生蔥炸大腸先到o黎,砌到成把扇咁,幾靚,不過份量唔多,食吓先,外皮脆,豬腸洗得乾淨冇異味;而佢放o左啲西芹o係入面,所以已經好夠味,不過蘸佢有酒味o既醬食,又係另一種風味.味道: 5分然後係酸辣粉,大大碗,老公食都嗌幾辣,但我又忍唔住,夾啲粉o黎食,粉係好滑,但真係好辣而且麻,我食唔到啦,老公自己食晒,佢話好正,有層次o既.味道: 5分最後鳥巢窩貼(肉)到o黎,六隻黐住炸米粉o既窩貼倒轉放,窩貼底係煎到好香脆o個隻,食落熱騰騰,味道係對版,肉唔太肥但鬆,老公食到幾隻都有好多汁.咇晒出o黎.但點解我冇?唔通我食得斯文?味道: 4.8分食完後,覺得可以再叫,由於呢日鳥巢窩貼唔係素,老公又話食酸辣粉食到開o左胃,可以再食多啲,於是想叫啲素o既,如素菜包,咁就再叫,順便叫o野飲同甜品

This place reminds me at those places I went to in China Mainland. Great food for all tastes. Round tables, noisy guests and rules made like at home. Loved the Ambiente! Will be back.

小龍包皮thick到好難食 蔥油大餅得超小葱 東波肉真係難食到傻！老過煲湯啲肉！ 椒鹽鮮魷 皮好thick!!!鮮魷超細粒唔新鮮！ 仲要唔係平嫁wo!! 食完一次 一世都唔會再食

店名：叙滿庭地址：北角錦屏街7-9號地下好味指數:7.5/10價錢：$15小籠包（3隻）小籠包外皮夠薄，但不會很易穿。內裡有很多肉汁，挺鮮甜，肉質也是可以的，但整體一般，沒有太大特別。店名：叙滿庭地址：北角錦屏街7-9號地下好味指數:7/10價錢：$18四川擔擔麵(下午茶)擔擔麵份量頗多，湯度較稀，不像外面吃到的結結的。麵條幼細，可能是放得太久才吃的關係感覺很腍。味道尚可，不是很濃味，配料如炸菜，肉醬等都是好吃的。店名：叙滿庭地址：北角錦屏街7-9號地下好味指數:7.8/10價錢：$15（兩個）京式牛肉餅牛肉餅是煎的，外皮夠薄但不是很脆。肉汁很多，一入口很多汁爆出來。肉質鮮嫩可口。不錯！ 

經過上次食完晚餐之後，又到下午茶時間就試吓食啲輕食啦。今次叫咗佢餐牌上面推介嘅鳥巢鍋貼，一來到，我就聞到好香噴噴嘅味道，而且個賣相都好吸引，睇到佢嘅外皮煎到金黃色，加埋外面脆卜卜，已經想成啖放落口，果然咬落去冇令我失望，啲肉汁飛晒出來，口感好正。另外就帶咗個素菜包，不過呢個食落去味道就冇咩特別，不過不失啦。

突然間諗起有次經過見到呢間未食過，所以就嚟呢度試吓食啦。七點零去到都唔需要話等位。小弟其實都鍾意食魚，但係就懶，唔鍾意有骨嘅魚。諗起之前係深水埗一間過水煮魚冇骨嘅，好好食，所以今次就嚟呢度試吓食水煮魚啦，另外仲叫咗個佢餐牌上面推介的炒拉麵。呢個水煮魚唔係話好辣，鍋底入邊有薯粉，好滑好彈牙，同埋又可以填飽個肚。但係啲魚我就有啲失望，因為佢有骨，對我來講唔少，同埋佢唔夠滑，食落仲有少少魚腥味，不過係好少好少，正常嘅，同埋都放得落口嘅。炒麵，不過不失啦，同喺出邊其他鋪頭食嘅炒麵冇乜分別。只不過係多咗啲魷魚同埋蝦。我覺得就唔使話特別推介囉

從前，叙滿庭是我吃京川滬菜的第一、二選擇，不過大約半年前，有兩次到訪叙滿庭⋯有食客飲醉、吵架、打架；有食客食煙，我投訴，個老細當無事！有次未食野就起身走了，太忍受不了。反映過後，一直沒有光顧。半年後，再次光顧，試一試有沒有改善。飲酒的食客仍在，仍舊嘈雜。但這不是重點。食物質素、服務質素每況愈下！1. 點菜想吃椒麻雞⋯無。想吃麻香木耳⋯無。大佬，咁大張餐牌，我想吃的幾樣野偏偏無！2. 調位坐坐低了，在吃東西了，突然被要求要調位。雖然是常見事，不過我不太喜歡在吃東西的中途才被要求調位，加上態度麻麻。3. 食物質素下降a. 海蜇頭$ 78 不算便宜，從前食是因為份量不小，海蜇頭質素好。今天吃，碟小了，份量小了，底下的青瓜多了，海蜇完全不好吃。b. 小籠包裏面的肉散開，不怎麼有肉的鮮味，而且咬落口感不佳。c. 糟溜魚片$78黎到一碟齋魚片，佢話因為沒有木耳，所以沒有配菜。沒有誠意。魚片咬落又是不新鮮，比平時吃龍脷柳更差！半年後再次光顧，沒有想過質素差劣得令人失望。講完。

食食下有毛！！！藥膳羊腩煲Lovely!!!羊腩肥美炆得好淋湯都飲哂食完成個人興恰恰酸辣土豆絲有辣冇酸好油still have the crunch, ok la!but I will not order this again...星期日忙到死18:30已經爆栅食得好趕又唔舒服service so so

我已經來過幾次了，在北角至天后一帶都有不少京川滬菜，這間是我覺得非常滿意的，也是價錢合宜。這天晚上若八、九點入座，當時也滿了大半。1. 小籠包 ($28/4隻)這是京川滬菜的地方不可少，也不可不吃的一道菜吧。不過這裏的小籠包，也不算是招牌菜。皮也做得不錯，夠薄！不過肉質不夠鮮甜。最大失誤的是，每次來食，小籠包也不算很熱。不是熱辣辣的小籠包，入口時有一份失望。2. 手拍青瓜 ($35)份量也不少，配上蒜蓉，麻油、紅油，微微辣，也挺開胃。讚！3. 麻香野生小木耳 ($42)小木耳很爽很甜，讚！調味也非常合適，不是辣椒油，而是有四川味道的麻香味。不過加芫茜是我不喜歡的。但也不太影響整道菜。4. 鱔糊湯拉麵 ($58)鱔糊分碟上，讚！鱔糊炒芽菜，味道很好！但唯一是多油了一點點。份量也不差。拉麵，湯也不只是味精，上海麵的口感也不錯。整餐飯也很滿意。

開業半年多以來已去過三次, 以不是家住北角區的筆者來說算是多了.  的確, 他們的魚鍋是很吸引.　我們吃的是 "微辣" 的招牌叙滿鍋, 料很豐富, 有菇, 薯粉, 大豆芽菜等.  魚身其實已經簿切才煮, 方便食用, 肉質也很嫩滑.  微辣也適合不是很吃得辣的香港人.  另外, 炒土豆絲, 津白等菜色每樣也得好吃.  價錢也很實惠.店裡空間不算寬敞, 但都算可以坐得舒適. 問題是一個魚鍋加上爐頭其實都幾高大, 枱又不是大, 大人還可以 (但都令面前空間變得很小), 小朋友的話感覺就好像有少少危險.  那裡有兩個電視, 一個通常會播高清台, 另一個就是一個無限 loop 的某電視台的店家介紹, 老闆娘和周中師傅每八分鐘重複不停地 loop 住出現, 好有洗腦 feel.除了魚鍋, 農家菜是這家店的另一主題. 的確, 像炒土豆絲之類的菜色, 除了在北京吃過以外, 在香港都未吃過, 但店裡那無限 loop 的介紹說, 很多廚師都不太想做農家菜, 覺得難登大雅. 果然老闆有市場眼光.  至少我還覺得北方農家菜對於香港人來說應該是很新鮮的東西, 是有得做的主題.要投訴的話, 就是店員不足, 繁忙時

經朋友推介，便三人行到叙滿庭晚餐，試試不同的菜色。我哋叫左水煮魚鍋、醉雞、雞絲兩麵皇、酸辣粉、小籠飽、仲有一客豆沙鍋餅。水煮魚鍋味道香辣，魚片香滑可口，裡面仲有一些水晶粉，QQ滑滑的，吸左的水煮魚湯好好味！醉雞，幾滑，酒味清香，而且賣相圓圓的，十分可愛！雞絲兩都皇，麵質香脆，加上充滿麻油香的汁，真係好好味！不過要快食，因為D汁會把麵浸淋！酸辣粉，味道OK，但粉的質地略為「淋」左D，冇乜口感。小籠飽，一般，可能自己對小籠飽要求高啦！佢都有湯在飽內，但味道平凡，賣相亦一般。豆沙鍋餅，好味！好香！皮脆餡香！餡料散發出淡淡的桂花香味，不會太甜，讚！店舖所有辣的食物都有大中細辣，可以在落單時要求的！

北角近日開左好多新食肆，包括呢間！係外面望入去已經有點迫，但無諗過入到去係迫到待應正頭傳唔到菜！我兩口子叫了兩個冷盤，味道都算ok.另外一小龍包，牛肉餅和擔擔面，當然仲有試業做既一蚊一片皮鸭！ 牛肉餅如樓下食家所言，根本是豆沙鍋饼的皮，內裏只換了像山竹牛肉的餡！擔擔面算是最好食的，喜歡湯底不太濃卻帶點香辣！特别一提的是所有的碟都是崩的！！！！崩的程度是你食食下會有機會食到瓷粉！！(我们已中招！)和待應反映了，他話都知道有問題會改善！我卻無法無解開業一個月點解可以崩到甘！另外，相信由於試业关系，落單情況十分混乱！希望他真係有改善啦！如果他不是員工態度尚可和試业关係，我們一定會俾苦面！埋單免加—茶芥(又是因为试业)，二百蚊！但如果他之後要收係係咩方面收？我接受不了每碟菜都是自己伸手接过待应傳來！一來危險，二來成餐飯都食得好迫！茶餐廳的環境，聲浪，點解會收加一？此外，該食店係open door 既，如果坐得近門囗，出面有人食煙会好大陣煙味！

今次係本人第一次寫食評，因為真係忍唔住要俾劣評!俾佢餐牌上的相片吸引先入去，十分後悔!!坐低，想嗌片皮鴨，冇晒。阿姐話 " 而家8點幾，你太晏來啦!"其實我來之前想打電話問仲有冇或者使唔使預留，但係個電話飛去私人留言囉。想嗌拔絲蘋果同另一樣唔記得咩甜品，冇。餐牌上接近十種甜品，阿姐話得兩款有。因為新開喎。但係其實都新左起碼成個月啦。失望。嗌左個牛肉鍋，勁難食。佢其實係茶餐廳菜薳牛肉，勁厚獻汁果隻，分別只係有個爐。但係茶餐廳會整得好食d。而且個爐真係唔要好過要，基本上一開火已經開始"痴底"。最嬲係個"牛肉捲餅"，明明餐牌張相好靚好多牛肉，真相係一舊乾憎憎的餅!可以形容係一舊"豆沙窩餅"咁，只不過將入面的豆沙變成牛肉...唔係，係肉醬!係薄薄的一層肉醬!我問阿姐，係咪攪錯左，或者牛肉係咪後上俾我自己捲?佢話"冇錯呀，係咁架啦!"本來想叫多少少野，因為好細份。好彩冇叫到，即時走人去麥記冇咁嬲。無論如何，以後唔會再來!

為了$1片皮鴨來的 我最喜歡木製裝飾的地方坐落特別舒服一人只能食一片非常不錯可惜不能多食幾片 ...親愛的小籠包噢 !睇落年紀大d 有皺紋 ...唔似平日食開上海小籠包食落很北京風味擔擔麵這個非常好味湯不會太"傑"豬肉新鮮味道多層次. 好味 !麵質有彈性好大碗, 好好飽啊 !可能係周五估唔到好多人嚟好彩早嚟唔使等位

難得路過北角, 正係度諗可以有乜食, 忽然見幾個易拉架同上面吸引既圖片, 即刻上openrice search 下睇下有無料到. 但點知搵唔到, 差啲仲以為自己手機出左問題. 再細看下發現原來係新開張試業緊. 難怪未有資料. 咁我地要俾機會人, 又要俾機會自己去試新野 , 見人唔太多, 最緊要係佢試業期間有 $1蚊片皮鴨丫麻. 咪攞飛仔等下lor. 舖面唔算大亦唔算細, 等左一陣已經有得入坐. 一坐低, 可能新舖關係, 感覺有啲混亂既感覺, 叫個侍應, 淨係見佢地行黎行去但又唔多有時間服侍你. 但亦因新舖試業, 可以原諒.終於搵到張menu, 價錢唔太貴亦非平民價. 一般京滬菜價, 但它沒有加一服務費, 加番一分. 我地人少少兩個人, 最終叫左幾樣野: 2份$1蚊片皮鴨, 鍋貼, 小籠飽, 北京炸醬面 同豆角燒茄子 $1蚊片皮鴨 只有一片, 有齊配料, 都算是有誠意. 但食落無乜驚喜. 鳥巢素鍋貼, Menu 上面明明係寫住係 8 只, 但上單時唔知點解變左 6只, 但都無同佢計較了, 素菜餡食落幾好, 唔會太肥膩. 餃上面的鳥巢脆卜卜, 但一啲都唔覺佢好油 灌湯小籠飽; 都算皮薄餡