古早味台灣原味 (已結業)

覓食銅鑼灣系列，從前只會食拉麵先來到銅鑼灣覓食，原來京都廣場全棟有咁多吸引嘅食店! 今次就選擇了一間位於5樓的台灣懷舊傳統美食店: 古早味。店內燈光光暗分明，座位算是鬆動，我們兩人叫了不少款類的美食而且店內平日不太多人的關係，店員好細心將兩人檯變成四人檯讓我們慢慢品嚐。今次一改分享次序，首先絕對一定要介紹食到最後令我讚不絕口的甜品: 熱手工紅豆三色芋圓! 因為實在太好食了! 沒有誇張~因為這裡的每粒紫心金黃地瓜、芋頭圓都有明顯的芋頭番薯濃味!! 而且大粒又有口感，可以話終於食返台灣食到的傳統芋圓! 如果唔多心想試綜合的款式, 熱食的這個紅豆三色芋圓是絕對推介!第二推介的是有驚喜的推介: 花枝蝦餅，意想不到好欣賞這菜的口感與味道都做得滿意，粒粒蝦仁與墨魚蓉內層加上香口脆外層，真的要親身試試好味程度👍而簿簿的蚵仔煎香口味道合格，只是貪心的我們真的想滿口都係大大的蚵仔😂五味雞、鹽酥豆腐、台灣手抓餅特式的五味雞有五款醬汁，詢問店員味道得知分別是薑蓉汁、紅油(最好食)、芥辣、麻辣汁、甜汁，厚厚雞身有如海南雞凍食的味道，這菜的確是CP非常高的小菜。可惜兩個人食唔到醉雞卷，因為隔離檯酒味極濃非常吸引

尋味@古早味台灣原味 網址: https://s.openrice.com/QrbS0zhY400 地址: 銅鑼灣駱克道491-499號京都廣場5樓 因手機真的壞了，還是出蘋果店看看，試一試手機買新架算了。睇完都係覺得比較貴，還是再三考慮先決定之後自己走左去食晚餐，$78 三杯雞，醬油同麻油油香，雞肉吸盡了三者味道同香氣，送飯一流主攻小食，晚上為減重不吃主食如飯麵煩了，額外點了涼伴青瓜$28，其實冷盤上菜快，邊食邊等主菜。$58古早味老白菜。有湯就唔會油膩，感覺似家常菜，唔會下油太多食完嘴邊都沾了層油。好有家常菜味道，又抵食會推薦

今晚同朋友去銅鑼灣行街街比我地搵到呢間台灣野呢間地點好方便，大廈對面就係地鐵站架喇。自從幾年前去過台灣之後就無去過了好懷念台灣既麵線、芋圓、蚵仔煎......一入到店，環境好乾淨，又唔算太多人，座位都好舒適。今次同朋友叫左好多台灣地道美食。台灣手抓餅 $28，味道似蔥油餅，蔥好香。鹽酥豆腐 $38 ，外脆內軟，好好味呀！花枝蝦排 $38 ，呢個值得推介，幾彈牙，好有口感，配泰式辣醬，味道一流，甜甜辣辣咁，好開胃。五味雞 $38 （凍食），雞好嫩，有五隻味既汁。由左至右：酸甜，麻辣，芥辣，紅油、薑蓉。通常我食第一啖係唔沾汁食的，咁就食到雞原本既味道。總結咁多款汁，我最鐘意就係紅油喇（芥辣右邊那款），推介推介。古早味牛肉麵 $65，我好鐘意呢隻粗身既麵，煙煙靭靭，好有口感，牛肉亦好林。蚵仔麵線 $25 ，胡椒味濃，又唔會太咸，食完唔會好口渴。蚵仔煎 $52 ，唔會食到成口粉咁既口感，佢加左蔥、韮菜，味道好香，唔錯唔錯。甜品我地叫左「手工紅豆三色芋圓（熱）$38」一齊share食，食得出三隻芋圓味—紫薯、芋頭、蕃薯。口感較煙靭，好實在的感覺。紅豆亦煲到好林身，正！飲品叫左珍珠奶茶（凍） $1

怀着超想吃卤肉饭的心情去的，卤肉还行，但是米饭逊爆了，一点口感都没有！！！！卤肉饭不如8锅臭臭锅好吃，芋圆口感很好，可是红豆汤甜的齁，糖量爆棚，吃完就很愧疚。。。。总体来说，有些失望，还找了好一会才找到这家店。。。。

一直以來都好想食台灣菜，同朋友約咗喺平日夜晚食飯，上OpenRice睇吓，發覺呢一間台灣菜好正宗，所以就約埋朋友去銅鑼灣試一試！因為我哋覺得比較早，所以就唔算好多人，可以俾我哋坐個靚位！但係一到到七點鐘，就好多人放工嚟食飯啊，但係環境都幾清靜，所以朋友之間傾計就一流啦！我哋打開個餐單，發覺都選擇幾多下！我哋前菜要咗個醉雞捲，雞卷嘅味道有酒浸住，酒味好濃郁，鍾意飲酒嘅人一定好鍾意！主菜方面，我哋叫咗個擔仔麵同埋炸雞扒飯，相比起小食，我就覺得小食比較好食！如果主菜個味道再濃郁少少就好啦！飲品方面，我哋叫咗一個好養生嘅元玉紅棗茶，味道都幾清香，飲落覺得好舒服！最尾，梗係要個甜品啦！我哋就要咗台灣最出名嘅芋圓，芋圓個底仲有紅豆冰，簡直一流呀！

行開銅鑼灣，夜晚食飯唔知食乜好，所以上咗OpenRice搵吓銅鑼灣有咩嘢食， message朋友同我都想試吓台灣菜好耐冇食，一搵就搵到古早味好多好評，所以就決定去try try😆!一上到去，好彩係平日，好彩仲有位！環境都幾清靜同闊落，好適合傾計，同埋最正嘅係無限時，傾幾耐都得！好正！打開menu，發覺有好有壞好多選擇，正呀！我我哋一嚟就揀咗滷水拼盤，成個滷水拼盤好豐富，有五樣滷水，分別係雞翼、五花腩、豬肚、豬耳仲有豬大腸！如果鍾意食內臟嘅人，豬大腸同埋豬肚個滷水味特別重適合晒所有食內臟嘅人，一定要揀呢個啊！除咗小食之外，飲品方面我哋叫咗芝士奶蓋烏龍茶，佢個芝士奶蓋同出面坊間嘅唔一樣，比較重奶味，但係個茶底就好好味啦！當然仲有台灣最出名嘅珍珠奶茶啦，珍珠奶茶個味道同平時我哋飲開嘅差唔多，所以都可以選擇嘅！作為健康嘅都市人，食晚飯梗係要食返個菜啦，我哋就揀咗油麥菜，個菜好嫩，口感非常之好，好值得一試！

網上見呢間台灣嘢食評價幾好，今日經過銅鑼灣就上嚟試吓。早上去見到未有太多人住，靜靜地享受個午餐唔錯。一入到去侍應已經幾熱情叫我地隨便坐，餐牌都有好多唔同選擇，估唔到星期日都仲有午市套餐可以揀。個人鍾意食套餐，因為覺得抵食啲，所以冇叫散嗌嘢食。叫咗一個五味雞飯套餐同埋古早味牛三寶麵套餐，嘢飲就配左茉莉綠茶同埋炭燒烏龍茶。五味雞飯用嘅係雞脾肉，雞肉多而且骨少，食落可以啖啖肉，而且可以揀五款唔同味嘅醬嚟點，所以好似每一啖都唔同味道，感覺幾新鮮。雞肉肉質都好嫩滑，食落唔會好粗糙，而且仲陪左三碟伴碟小菜，有半粒炸花枝丸，小辣嘅青瓜同埋雲耳，食落開胃， $55係銅鑼灣呢個地段好抵食。仲叫咗個牛三寶麵，麵係粗麵，牛三寶包括牛肚，牛鍵，同埋牛筋，牛肚夠林，牛鍵有三大塊，每塊都好厚肉下，牛筋有兩大條，每條都好粗，唔硬但有煙韌嘅感覺，而且個湯都幾濃，未食一上菜已經聞到好香嘅牛味。麵嘅份量都多，一個人黎食份量絕對有突，伴碟小菜一樣。$75一碗份量多而且質素高嘅牛三寶麵，個人認為好滿足。好開心食左兩份幾好食嘅午餐最尾個價錢都唔太貴，冇收到+1，下次黎銅鑼灣會再食呢間。👍

其實一直都好鍾意食台灣野近排見到有間台灣鋪頭開到周圍都係一直都冇機會試吓今日經過銅鑼灣就入咗去試吓入到鋪頭入邊裝修都唔錯環境幾舒服適合同朋友嚟呢度傾吓計食個夜晚基本上去到每一間台灣點都一定會叫下佢哋嘅牛肉麵今次都唔例外古早味牛肉麵$65 牛肉麵來講呢個都算係香港正常價錢唔算太貴 個人覺得佢嘅牛肉都算多大概有四舊 佢見面就唔算係彈牙嗰啲 反而係厚身唔癡牙嘅口感花枝蝦餅 $38食到呢個小食嘅時候個人都比較驚喜 因為食過好多間泰國台灣店 好少食到炸蝦餅係好食嘅 通常食落去都會散開一啲都唔彈牙 但係今次就咬到一嚿嚿嘅魷魚好有口感味道都幾濃 絕對對得住呢個價錢亦都唔算貴台灣劉包 $28講到性價比最高一定係呢個台灣劉包 可能大家去到台灣鋪未必會叫 但係呢個價錢咬落去啖啖軟林林嘅豬肉 講真M記都唔止啦個人覺得呢個包俾普通面飯更出色 真係第一次黎嘅反而推介試吓呢個包而家嘅台灣點可以話開到周圍都係 但身為忠實粉絲嘅我 就覺得每間鋪頭都有自己煮得少少唔同嘅地方 唔同嘅鋪頭都有唔同出色嘅餸菜而呢到我就推薦大家食花枝蝦餅同埋劉包啦！

曾經食過旺角分店覺得不錯,今日又咁啱去到銅鑼灣行下見到呢間台灣食店原來有港島分店同朋友就去試試.當然必點係牛肉麵,古早味牛肉牛筋麵牛肉牛筋各2,牛肉肉質夠淋唔靭而牛筋入口膠質重少少彈牙,湯底唔算太濃但飲完唔會口渴.醉雞卷無諗過咁大份,2個人食會太多份量夠3-4人,雞與雞皮之間形成啫喱花雕酒味唔算濃如果多d酒味會更香.雞卷每塊都十分厚略嫌太厚令雞肉口感較紮實.2人食完醉雞卷都已經飽飽地最後點左手工綜合芋圓,面上蒲滿晒大大粒既芋圓味香但有少少硬唔夠煙靭但整體十分足料有整紅綠豆,仙草同珍珠又唔會太甜.

人生在世流流長都未試過食台灣野，平時台灣野比我既印象就淨係魯肉飯同肉燥飯所以都冇乜興趣，但今晚個朋友突然之間話好想食台灣野，係佢既極力鼓勵下我地上網搵到呢間，首先出升降機就見到好多人排緊隊，應該有好多人食，所以都幾好奇究竟有咩食，到去環境幾舒服，有足夠空間比人行，我地揀左坐bar台因為唔洗等，職員見我地咁住背囊又主動同我哋講枱下面可以掛袋，食都食得舒服4啲，我地一口你氣叫左四樣野食同飲品，首先係芋香牛奶又係試新野，芋味都幾香而且唔會話好甜，奶味同芋味平衡，我同朋友都好中意飲，跟住就係蚵仔煎，蠔,蛋同膠漿麵粉既比例啱晒，唔會好重粉味，而且每啖都食到蠔配埋個酸甜汁，完美，古早味牛肉麵都係好impress，湯香肉腍！！塊牛肉又厚又夠juicy!! 個麵係闊條麵，好好咬口，至於台式小雲吞真係好細粒，一啖一隻，味道正常，仲有蔥餡餅，真係估唔到入面竟然有湯! 不過如果可以落少啲油煎會好啲，總括而言呢間台灣菜比我一個好好印象！

我又黎食過啦!今次試左奶蓋茶,有好多奶蓋呀,好厚,飲完奶蓋再飲茶,兩者唔會MIX埋一齊。好中意個炸蝦墨餅,好彈牙呀!沾SAUCE食,好開胃。食左個蚵仔煎,有蛋,D蠔仔,都幾大隻,好味道。個手抓餅都好好食呀!好酥!個甜品有綠豆,有冰,有涼粉,唔太甜,好健康既甜品。個佈置都幾舒服,好古雅。呢間店既食物好有台灣既味道呀!店員服務態度都唔錯,好快就落到ORDER,D野食都好快上呀!D檯唔太迫,可以同朋友傾計又唔驚嘈到人。個地方幾有空間感。好中意食芋圓,呢間既都幾好食。一個甜品食到咁多個層次,真係好令人滿足。我唔多食正餐所以食左好多小食,食完都好FULL。如果中意食麵可以食牛肉麵,都幾抵食,大大碗。下次再黎!

我一向對台灣菜都頗有好感，今日去到銅鑼灣，突然想食台灣菜，上網一搵，發現古早味都算係銅鑼灣比較受歡迎的其中一間餐廳，所以就選擇左呢間啦。一入到餐廳，就覺得環境十分不俗，係銅鑼灣黎講，座位算幾鬆動，坐得幾舒服，我見到佢仲有一個位可以關上門，做一個細細的private room/area坐低左之後，我地就開始睇下餐牌，睇下選咩野食啦。基本上每一次去食台灣野，我哋都會選擇滷肉飯，蚵仔煎，所以呢一次亦都唔例外，除此之外，我哋仲叫咗海鮮粉絲煲。滷肉飯食落好夠汁，好好食，因為一般食滷肉飯好驚會好乾身，唔夠汁，而呢一個夠汁，味道亦做得好好👍👍蚵仔煎做得都好香口，夠足料，亦都係推介之選。熱食去到最後呢個海鮮粉絲煲，睇相都見到，海鮮份量好足夠，粉絲亦都索晒煲既味道，好好味😛😛😛 最後梗係唔少得要叫一個甜品，就係芋圓啦，食落Q彈有口感，正👍

食lunch黎左依度食～1點黎到…等左20分鐘先有張4人枱…睇黎依度係好多打工仔嘅飯堂！lunch set有好多野揀 最經典嘅魯肉飯／牛肉面／炸雞扒都有…我覺得最抵係包16＄野飲…貴過16＄就補差價…但一般珍珠奶茶／仙草奶茶等等都唔洗補～ （不過聽講珍珠奶茶唔好飲！）我試過烏龍奶茶就不錯～黎過幾次了～這次嗌左涼拌面…每個餐都配3式前菜～配料有牛肉 蘿蔔絲 青瓜絲 同一個酸酸地嘅汁～幾好味 配料同面份量都多…我都食唔哂啲面～之前亦試過豬軟骨面…不過骨完全唔軟！所以都唔太推薦～而朋友食過炸雞扒不錯～睇黎要睇你好唔好彩揀岩好食嘅呢

之前已經聽朋友介紹古早味終於有機會試下原本book左7點9既枱 我同朋友7點已經齊人 早左上去都有位 2個人叫左3樣野食 蕃茄牛肉麵 大雞排滷肉飯 同 蚵仔煎蕃茄牛肉麵個湯底好濃本來以為係蕃茄湯底 但係其實係正常牛肉麵湯應 不過好好味 牛肉有3大舊大雞排滷肉飯個雞排好脆 同大塊 不過唔夠juicy個滷肉好好味 (不過有d太肥) 撈飯食一流蚵仔煎同平時台灣食到既唔係好同佢煎得乾身同脆d 台灣既比較濕個人比較鍾意呢度脆d ge蚵仔煎 不過呢度蚵仔既數量略嫌較少 好似得5 6隻overall味道不錯 而且價錢亦不貴有機會會再黎encore

難得同舊同事一聚，就嚟到想食好耐嘅古早味啦😀😀 餐廳位於銅鑼灣中心地帶，平日都幾多人！食物價格適中，平均一個主食60幾蚊就有(^^) 我地就叫左個番茄牛肉麵($68)❤️❤️ 份量非常大碗的！入面牛肉都有3大件，切得厚身，食落好淋好入味，湯底都係紅燒牛肉麵嘅味，但加左d酸菜落去調味。番茄係切粒落去煮的，幾fresh ! 而台灣麵一如既往咁彈牙！😝😝另一個係炸雞排滷肉飯🤤🤤雞排脆口得嚟入面keep到肉汁！配合下面肥肥嘅滷肉飯食一流啊！滷肉相對比較多脂肪，食落去味道偏甜:-D 成個口都係油脂真心要試🔥🔥🔥 小食叫左蚵仔煎👻蠔仔比較少，但幾飽滿，亦鮮味嘅！上面d醬甜甜地，好似台灣夜市食嘅味道😍😍