古早味台灣原味 (已結業)

今日5月12日 2019 星期日母親節，相約咗保險朋友到銅鑼灣 review保單， 所以我揀間較靜嘅餐廳食個午餐，確保傾到計，而呢間台灣食店，我都係第一次黎，所以要試一試佢。大約12 點，我地3個人，一到5 樓，lift 間打開，就覺得好黑，好暗，因為佢地底色係黑色，人到去當然都係，但唔緊要，最緊要係好食。 入到去 都未見有其他客人，可能我太早，半個鐘後就滿座了，之後仲有人等位。我地住低就叫左:**古草味牛肉麵d 麵係條狀不規則的，估計人手做嘅，牛𦟌有3大舊，都幾好厚身，初食第一，二件比較韌，但第三件就好軟身，好食，湯很濃古草味，唔錯。** 酥炸鹽酥雞都好脆口 但比較乾身 若然雞肉冇乜味道。** 九層塔手抓餅呢個好好食，都係推介之一 ，九層塔同個手抓餅好夾味道，所以真係唔錯。** 蒜蓉炒?菜呢個菜因為係個保險朋友嗌嘅， 所以我唔清楚你咩菜， 但食落好似油麥菜，炒得好好食，蒜蓉又好多，好正。** 酥炸花枝餅呢個炸到外脆內軟,勁好味一定要食,份量比較少。** 炸花枝丸花枝丸，真材實料，炸物一定唔差啦，好食 熱辣辣。** 珍珠奶茶真係唔差 茶味香濃** 黑糖咖啡（熱） 呢個咖啡好好飲，可能用

呢間位於銅鑼灣樓上鋪嘅台灣菜餐廳，位置十分方便，一出地鐵站再過條馬路就到。店鋪幾寬敞，裝飾都幾有格調。雖然係樓上鋪，午市至下午茶時段都好多食客。呢次星期日嚟食雖然冇套餐優惠，但單叫食物價錢都好相宜，如果星期一至五嚟食就更加抵食啦。首先嗌咗個麻醬台式拌麵，個麵好大份，拌菜都好足料，台式麻醬係另上嘅，個醬咸香再加少少酸味，好開胃👍🏻個碗下麵有啲冰再有個網隔住啲麵，所以一路食都可以keep住凍，啱哂呢幾日嘅熱天氣！另外叫咗個嘉義雞肉飯，個飯上面鋪滿哂手撕雞，再淋上啲惹味嘅醬汁，啖啖肉食得好滿足！最後加餸食咗鹽酥雞，28蚊大大份，個雞脆口得嚟又鹹度適中，唔會好似一般啲鹽酥雞咁重口味。呢間餐廳性格比高，係比較啱香港人口味嘅台灣菜，好味得嚟唔會有一貫台灣菜嘅重口味！

之前睇食評已經見好多人介紹話抵食之餘又唔貴嘅台灣小菜餐廳，於是上星期就同老婆去試下。地點好就腳，地鐵站c出口一出就係，成棟樓都係各式食店。一上到去已經見到坐滿晒人，去到要等位，都等左一段時間先入到去。坐低睇memu都好多款式，我地兩個人食，都睇到眼花撩亂叫左兩個小食先，花枝蝦排好好，夠熱又多汁。反而豆腐有d失色，如果係普通炸豆腐係唔錯重好夠熱，但唔係好食得出鹽酥味。之後再食個乾扁豆由於台式未夠辣，我地另外再叫待應比辣醬我地，就好食好多（不過非正常食法，始終係台式店唔係四川，總體都好食）之後一個炒米粉，炒米粉幾好食，有少少辣好野味，而且份量不少，雖然材料係普通材料但都好好味最後一個花雕雞，雞件絕對唔少，無呃秤，但真係唔係好食得出花雕味，但如果話係三杯雞就完全合格不過都唔錯嘅。最後叫左兩杯奶茶，埋單$357。總結係，炒野，煎煮野都值得推薦，全部夠熱都入味，雖然都菜味有d唔同，但都好食，反而飲品有d失色。

同朋友去完銅鑼灣行街，突然想食下台灣菜，於是黎到京都廣場內尋找，這裡滿佈食店，見到5/F有間叫古早味台灣原味的台灣餐廳，於是就坐電梯上去，入到去坐低後和朋友一起研究有什麼好食，朋友比較喜歡吃特色的傳統小菜，於是我們便叫了個宜蘭蔥餡餅、古早味牛肉麵、農家菜飯、黑糖珍珠奶茶及紅豆奶茶。兩杯奶茶很快便送到，紅豆奶茶朋友形容飲落去似紅豆沙，紅豆很棉又夠奶味，至於我的黑糖珍珠奶茶，黑糖味很濃，珍珠軟硬適中，唔會好諗，好味跟著宜蘭蔥餡餅也來了，做成4件小小的份量，食落香口，唔會好油膩。到古早味牛肉麵送到，先嚐一口湯，百感交集很有古法秘制的感覺，而當中的面採用了台灣的刀削麵，咬落煙韌，而牛肉就非常諗身入味。最後登場是農家蓋飯，面頭的賣相巳相當吸引，有台灣腸、炸雞、一大塊魚、熟蝦、滷蛋、菜及一些滷肉，塊魚咬落很有油香味，質感唔會太咸，至於滷肉肥瘦適中，撈飯食一流，重點係個飯有别於其它餐廳所食到的飯，非常煙韌有口感，細看之後才發現飯的顏色有些是黄色的，原來是混了幾款的米在當中，包括燕麥米、珍珠米及有長有短的白飯，難怪口感甘特别，令我好喜歡整餐飯讓我感受到餐廳廚師的用心烹調、對食物的考究及細緻

人在銅鑼灣想食台灣菜，醒起朋友提過呢間「古早味·台灣原味」唔錯，而且價錢相宜，於是同屋企人去醫醫肚！京都廣場整棟都係餐廳，古早味係5樓，踏出電梯就見到黑底紅字裝修，幾有格調，而且位置都算好坐。食物選擇都唔少，飯麵小食小菜都應有盡有，價錢亦都真係幾抵，雖然假日無午餐餐牌，但散叫都唔貴，亦都免收加一因為同屋企人都唔算特別餓，所以叫1個飯再加小食share滷肉飯滷肉飯、嘉義雞飯同牛肉麵三者之中考慮左一陣，最後叫左屋企人想食的滷肉飯。滷肉係豬肉切粒、夠入味、亦都夠林，份量亦都十分足夠去伴飯食。美中不足係飯底有少少過林，但整體依然唔錯。九層塔手抓餅非常鍾意，夠鬆軟，九層塔味亦都好香口！手抓餅口感都整得唔錯、亦唔會覺得好油。而且比想像中大件，$28好抵！酥炸大雞扒調味唔錯，唔會太鹹。而且炸得唔錯，唔會肉同酥炸皮分開。2個人分食，份量足夠。胚芽茉香奶綠飲品要了一杯胚芽茉香奶綠、少冰少甜，胚芽份量適中。「古早味·台灣原味」食物選擇多，價錢大眾化，味道亦唔錯，整體係性價比唔錯的餐廳！

古早味，很台灣地道點名，環境裝修格局不錯，不會有狹窄感。菜式整體份量頗多，遺憾因為太飽肚沒有吃到甜品，下次再試。就是各種材料大雜燴，滷蛋不入味，滷肉肥瘦分明，略嫌醬汁偏少，鹽酥雞扒炸漿不厚，雞肉不痴牙，亦不會過鹹，好味。鯖魚普通。雞湯：有濃郁藥膳味，圖片也可以看見很多健康藥材，雞肉份量很多，偏紅色，很嫩。牛肉麵：有3塊大牛展，麵條有咬口，湯底很酸，個人不喜歡，牛味不濃。以為是花雕醉雞，原來是炒雞，有點像像啫啫雞煲，份量頗多，雞肉不鞋口，但吃多了會覺得乾，配菜洋蔥無敵，爽口不辣。若喜歡九層塔味道，可以落單，價錢不貴，可當小食。

呢間算係銅鑼灣偏平既餐廳，人均76蚊。我哋一個叫鹽水雞便當，另一個叫咗手撕雞便當，再加多一個手抓餅share食。鹽水雞啲雞好好嫩滑好腍，真係做得好好，同台灣有得比！但手撕雞就有d咸同乾⋯另外兩杯飲品就叫左黑糖珍珠奶茶同青檸冬瓜茶愛玉仙草凍。個餐本身包埋一杯18蚊嘅嘢飲，但我哋叫嘅呢兩杯都各自要補4蚊。最好好好食係個手抓餅。本來有個有九層塔既，但香草野唔係個個都中意，所以我哋就不了，就咁叫咗個原味。一上枱面，出哂煙，香噴噴，好大塊，大過塊面。因為我地叫左便當，所以小食只需要半價，十幾蚊咋，抵到爛！

本身是為了醉雞捲以來，因為很多朋友都讚這個很好味，果然來到都看見很多人會點這個。另外再點了魚，干煸四季豆和肉燥浸娃娃菜。醉雞捲很大份，這裏起碼有十件，非常之抵食。而且入口的時間會感受到雞肉和酒香混在一起的化學反應。雞肉嫩滑不鞋口。干煸四季豆炒得很香，而且四季豆都不會老，娃娃菜上的肉燥是另外的，你可以當作是肉操飯食，不過是飯轉了做菜而己。之後的魚更有驚喜，先將魚去炸一炸，然後上邊再淋一些類似咕嚕肉的醬汁，配上燈籠椒等一齊吃十分之美味。整體來說都算是高水準的台灣菜餐廳。

銅鑼灣京都廣場5樓有間台灣菜，想食台灣野好耐，台灣菜總係好滋味😋小食方面，選擇左鹽酥豆腐，炸到脆卜卜好香，個皮係金黃色。唔會話炸到好油，入面嘅豆腐好嫩滑，一口一件。/蚵仔煎咁出名嘅食物又點會遺留，好多蠔仔，蛋味好香，醬汁好match, 有啲甜。炸紅槽肉，個皮炸得好脆，豬肉夠嫩滑，同埋有小小酒味🤔/主食到我地叫左個農家盛飯再加個干貝櫻花蝦荷葉飯。農家盛飯好多料，有蝦、魚塊、豬肉、雞蛋🥚。配料好足，各種配料都match到，我最中意肥肥豬肉配飯食😂好正👍🏻干貝櫻花蝦荷葉飯又一大驚喜，首先送上枱時已經好香，好大陣蝦香味，飯面鋪滿蝦米仔，飯入面又有肉腸同菇，飯裝滿成個籠，好多好飽好滋味😋/最後甜品時間，都話甜品係我地第二個胃，縱使頭先食得好飽都好，甜品都唔會放過😂芋圓仙草緊係離唔開我地唔五指山，芋圓夠q彈👍🏻

朋友今天很想食台灣野，我就想起古早味原味台灣，因為我食過一次，覺得很好味，而且很有台灣地道特色和風味，所以就帶朋友來這間食店。我曾在香港食過其他台灣食店，還是覺得這間最原汁原味。菜單中，有很多台灣地道原味和特色小菜，你想到的，都有供應，你想不到的，也有。食店裝修很特別，用酒瓶作擺設。食店人來人往，很熱鬧。我最愛的小食之一，鹽酥豆腐，外脆內軟，口感一流，而且係新鮮炸出黎，入口熱騰騰。炸紅槽肉，名字很特別，於是我們便叫了一客，味道不錯。柯仔煎，也是我最愛，用料新鮮，柯仔又有口感。很好食的農家蓋飯，一碗飯就可以試晒所有台灣小食，有老肉，蝦，炸雞，魚，腸和蛋等等。這是很有特色的櫻花蝦帶子局飯，很好味。甜品不得不讚，賣相很漂亮，口感也很好味。

今晚到我帶7哥食好西 😋 銅鑼灣美食林立，每次開openrice 都花多眼亂，心思思唔知食咩好，但銅鑼灣星期五六日晚唔訂位分分冇飯食（經驗之談）🙈 所以近年都主打有得訂位嘅餐廳-今晚想食台灣野，就揀左尼間獲得多個😋😋😋嘅「古早味台灣原味」，圖為餐廳環境，幾特別由於我同7哥都唔太肚餓，所以決定今晚小食為主+1個主食！🥳-1. 五味雞有5隻醬料，由左至右，分別係麻辣、甜酸、芥末、薑醋、辣油（如果有錯，歡迎糾正）。-尼味餸一上枱就好吸睛，即刻拎支筷子係每隻醬料點點試試。但其實⋯⋯點果少少又試到啲咩，當左自己係金舌頭咩👅😋尼個時候，真係要讚下店員！當我膽粗粗問係咩醬打咩醬（雖然大多都估到，但有一兩味真係估佢唔到），姐姐好熱心咁介紹因爲係小食，份量係一隻雞脾，所以為左試哂咁多隻醬，我夾起一件雞每啖點少少試勻之後先狂點😋 薑醋醬最為特別，甜甜地又有少少薑碎。而麻辣醬後勁真係勁🥵，唔食得辣嘅朋友要注意。言歸返隻雞，雞肉厚實，同一般嫩雞完全唔同口感，我估正正就係啲呀媽成日講嘅「肉實先係靚雞」2.台灣刈包兩塊煙韌嘅刈包，包住一塊厚切腩肉、芫荽、花生粒，不錯不錯。3. 花枝蝦餅刈包嘩，尼個刈包強烈推介！蝦

月尾糧尾嘅時候多數會揀食台灣野，價錢合理又好食。今日就揀左銅鑼灣嘅古早味，一嘗正宗台灣風味。古早味嘅裝修幾有心思，一入去係石春地，左右兩邊掛左啲懷舊相，適合打卡。滷肉飯 $58食左咁多餐廳嘅滷肉飯，呢個滷肉飯算係中上水平。平時餐廳嘅滷肉飯多數汁居多，用肉汁送白飯。今次嘅滷肉飯好足料，良心地比左好多肉，仲有隻滷蛋。豬肉半肥瘦，咬落好香，送飯一流。鹽酥豆腐 $38為左呢個豆腐，我有衝動再嚟食多次。外面炸得香脆但唔太油，入面啲豆腐好滑，一啖一件，宜家好少餐廳可以整炸豆腐整得咁好食。酥炸大雞排 $3838蚊大大塊雞排，味道有啲似kfc爆谷雞，外面炸而入面嘅雞嫩，食落幾特別。珍珠茉香奶綠 $2222蚊一大杯珍奶，都幾抵飲。入面嘅珍珠同出面街買嘅珍奶唔太同，比較煙韌，似人手整珍珠。燒仙草紅豆芋圓 $35甜品係芋圓，幾驚喜因爲平時涼粉多數係凍食，今次甜品係熱食。兩個人食都係210蚊，食到多款野食又飽，係糧尾之選。

其實我真無無時無刻都想食台灣野架..今日又想食..揀左呢間...等緊升降機上去時..有一班都係台灣既旅客係度等緊..我諗唔明台灣人黎香港都食台灣野？？？上到去.好特別既設計.要經過一條隔隔石春路先入到餐廳...全間餐廳都播緊台灣既歌...真係好似去左台灣咁...點左個魯肉加鹽酥雞飯加杯飲品...個飯便當形式上，有各樣小配菜。鹽酥雞.味道適中好熱好脆...粉唔太厚...飲品「檸檬冬瓜愛玉露」..味道不會太酸...接受到..銅鑼灣黎講呢個價錢.算抵食.$5x一個午餐跟一杯野飲.可以半價換小食.午餐時間唔洗同人搭檯.可以靜靜地自己食..我仲見到唔小家長同寶寶們一齊食...唔知係咪因爲台灣餐廳..佢地都小朋友好熱情..

今次係經朋友介紹黎食最近食得日本野同西餐多 又唔想食茶餐廳咁hea 咁又話咁不如食台灣野就試吓呢間佢話食咗一次銅鑼灣來講都算抵食 所以就大概八點鐘上到嚟 成幢大廈都係食嘢嘅咁啱今日唔使排隊 但係位置就坐得比較入 見餐廳有八九成都係滿 我諗大家如果嚟食嘅話都唔使book枱檸檬冬瓜愛玉飲 22個檸檬味好重 其實一直都唔知道愛玉係咩 以為係啫喱 原來愛玉係用一種愛玉籽 係只有台灣有嘅一種植物 雖然冇話特別有咩功效 但原來係凝固劑嚟嘅可以維持到最長嘅天然植物 有研究試過放10年都仲可以正常凝膠 😱宜蘭卜肉 $48類似係好薄嘅炸皮入邊係好juicy既瘦肉醉雞捲 88🤩🤩🤩🤩🤩首先佢全部都係有雞皮而且全部脫骨啖啖肉好滋味 酒味非常之重但係唔會苦這個10分10分推介俾大家食 鹽酥屙仔我好鍾意佢整嘅鹽酥炸皮 雖然粒數望落唔係好多 但係其他大大碟你絕對覺得佢咁嘅份量係岩岩好古早撈麵料多 面質厚 滷水味重 抵讚

本身我哋都未諗到今晚食咩，但我返返下工突然好肚餓，隨即msg佢：tonight i want to eat 牛肉麵！🙈🙈 就係咁，我地放工就去食台灣野👻我記得另一間分店係有dinner set既，但依間就要散叫😂 朋友話好口喝，所以一黎到就叫左杯珍珠奶茶~ 而我就唔飲凍嘢，全程望住佢飲😼😼我一直期待着我的主角：招牌牛肉麵 💁🏼‍♀️💁🏼‍♀️麵底用左刀削麵，感覺好實在🤣 濃郁嘅牛肉湯底，加上清甜嘅紅蘿蔔🥕，互相點綴！招牌牛肉份量好多，只係冇我想像中咁淋🙈 朋友叫咗個酥炸雞排湯麵！好處係我都想食雞排，佢可以share d俾我食🤓🤓🤓 我覺得雞排炸得幾乾身，唔算好油膩👍🏼我地仲叫左個小食，炸花枝餅😌 點少少泰式辣醬一齊食，我不自覺地食咗大半碟✌🏻總括嚟講，我食咗碗牛肉麵就好滿足喇😺 Ps. 今餐有好多相片都係有朋友影嘅，風格有點不同😎