古早味台灣原味 (已結業)

6:30到達餐廳已經坐滿了一半，可見這家餐廳受歡迎程度✨播著台灣流行歌曲，走過走廊彷彿就是帶著我慢慢回到台灣...🍽醉雞卷這個應該是出現在每一桌上的必點菜吧！一端上已經飄來很重的醉雞味，而且份量之多令我這個食雞獸馬上雙眼發亮😍非常喜歡店家把骨頭去掉，讓我們吃得方便。一吃下去馬上從雞皮傳來酒味，可是稍嫌雞肉不夠入味。但是雞皮包著雞肉，所以每一口都會有酒味，而且肉質嫩滑，我很快就吃完了🙈🍽蚵仔煎這個一定是台灣菜最出名的特色菜！喜歡這個薄薄的，不會太heavy太膩。蚵仔份量多，煙韌的口感令人非常回味👍🏻🍽古早味牛肉麵看見厚厚的3塊牛展實在是太振奮人心了！牛展熬得很入味，一點不會韌，而且湯頭的味道很濃，果然是「古早味」👍🏻刀削麵更加好吃！我們都喜歡厚厚的麵條，這裏的麵條厚度剛好，不會咬得很辛苦，也不會很「淋」，煙韌又彈牙🤤🤤

老公今日又係銅鑼灣附近做完野，經過樓下有人派傳單就入咗去試呢間台灣餐廳。一入到去舖頭都好大，座位之間都有空間唔會好逼。因為我地都好耐冇食過台灣野所以我地都叫左好多嘢食…首先係個九層塔手抓餅，整得好好食同埋好香九層塔味，整得好香脆同埋唔油膩，如果可以再加多隻蛋咁就perfect啦。之後就上左蒜味鹽酥雞同埋蚵仔煎。鹽酥雞一上台已經聞到好香，調味岩岩好又唔會太咸，炸完應該有一兩分鐘先上台所以食既時候唔會辣親口，雞肉本身都好嫩滑，真係好有台灣既風味。蚵仔煎面頭有啲用辣醬溝成既醬汁，少少辣加埋蚵仔好夾，成個蚵仔煎唔會整到一pat野咁，蛋同埋蚵仔加埋個醬汁真係好惹味，老公切開咗幾份我地轉個頭已經食哂！古早味牛肉麵既湯底好濃，飲得出應該係用左好多材料煲成而唔係用湯包，每條麵都掛到湯再加埋煮到好淋好入味既牛肉真係好好食。入面仲有兩大舊紅蘿蔔，可以中和到食牛肉麵有少少滯既感覺！黃金炒飯一上台已經聞到好香，仲加入咗台灣香腸，成個飯炒得好有鑊氣之餘飯粒都係粒粒分明。蔥餡餅有4塊，細細舊但入面好多汁，加上皮薄同埋面頭有煎過，每人食兩舊都唔會好油膩。老公嚟到當然要叫黑糖珍珠奶茶啦，黑糖味好濃好香，有少少掛杯既感

放假黎銅鑼灣行街到下午茶時間見到呢間餐廳有下午餐套餐就上去試下店鋪空間感都幾大，同好闊落坐lift上到去門口一出就已經有職員招待原先安排左兩個位俾我哋但個店員好細心見到張凳有少少水漬就叫我地唔好坐，坐過第二張，都算幾細心下午茶價格黎講算好平50樓下有主食，小食再加個飲品一般女仔黎講食晒都好飽下唔夠仲可以平價叫多份半價小食嘢飲來講同出邊一般台式飲品店嘅好類似但都比較驚喜連一啲滿飲品都有，例如黑糖珍珠奶茶最後我哋嗌咗兩個下午茶套餐一個叫咗左古早味牛肉麵加鹽酥雞配珍珠奶茶麵質幾好食加上個牛肉好霖麵同埋所有配菜都有吸收晒湯嘅味道而另外一個下午茶餐就叫咗大雞扒滷肉飯配麻辣腎片加桂花烏龍茶試埋大雞扒滷肉飯嘅雞排之後亦都不得不讚呢間鋪頭嘅炸物炸得都幾出色全部都係新鮮即炸熱辣辣，炸物上亦都唔會有過多嘅油份另外滷肉飯入邊嘅滷肉亦都非常香口，肥肉同飯放入口入口即溶嘅感覺亦都係一流飲品用來買包裝亦都方便飲唔晒嘅客人可以拎出街繼續一路行一路飲

京都廣場有好多食店，幾乎試勻，所以今日就試埋呢間台灣菜。中午12點半黎到，唔算多人，但離開時已經要排隊。叫了豬軟骨滷肉飯，份量超巨，還配有前菜同湯。食到一半已經飽飽濟濟，因為滷肉都幾多肥肉。比較不滿意的是杯跟餐的芋頭奶茶，芋頭味好假，仲要甜到喊，只是一杯色素溝香精溝糖，平時一定食曬所有食物不浪費的我，都無飲曬。

係銅鑼灣食過唔少台灣菜 有平有貴，食物質素其實都一般或者CP 值唔高。今日朋友介紹我去食呢間餐廳 位於SOGO附近，地點容易搵。上到去地方唔細 但都坐滿晒 好彩我哋有book枱，如果唔係都無位。睇返menu 選擇超多，小食種類好吸引 (我覺得下次兩人叫多幾樣小食都夠了😂)小食方面我地叫咗個鹽酥雞，估佢唔到嘅好食喎！ 炸得夠脆夠香口就一定嫁啦，但啲雞肉都keep 到好juicy. 堅係會滴汁出黎，同埋雞肉有yip過 有香料味，越食越想食🤤柯仔煎一面煎得夠脆 另一面啲粉又唔會黏口 柯仔分量唔少 配埋個汁 每啖都係恰到好處嘅美味除咗小食 我地重叫咗個炒A菜，以為一個平平無奇嘅蒜蓉炒菜 點知都有驚喜！醬汁方便唔係普通豉油同埋蒜蓉，菜炒得夠爽 但又唔會有草青味， 越食越覺得滋味 。最後再點左一個撈麵，又係一個驚喜，滷肉唔會好鹹 肥瘦適中，豬軟骨炆到夠淋同入面 配埋青瓜絲一齊食 一啲都唔覺得肥。飲品方面叫咗一個芝士桂花茶，奶蓋唔太厚但算creamy 桂花茶飲落清淡 配埋成餐飯食真係剛剛好。呢間餐廳絕對會再返嚟，服務同埋食物都非常好 價錢平但分量唔算少 CP值高。

台灣是常去的旅遊地方，出發台灣前便到古早味台灣來個熱身。店舖空間闊落舒適，有大量卡位。 餐牌以大路的傳統台灣菜為主。 藥燉烏骨雞真材實料，用上藥材，夠香濃滋補。 花枝蝦排炸得香脆，肉質彈牙，很有驚喜！ 蕃茄牛肉麵用上闊條麵，麵質彈牙，湯底香濃，牛肉入味。 古早味滷白菜，滷肉汁香濃，白菜新鮮爽甜，送飯一流。 宜蘭蔥餡餅煎得金黃香脆，香蔥味突出。 柯仔煎佈滿蠔仔，口感煙韌，邊位夠脆。古早味台灣價錢親民，食物水準不俗，可以成為我日常飯堂。

今日去完銅鑼灣行街上咗去京都廣場, 選擇咗台灣食店, 好耐都冇食過台灣菜, 都幾懷念先點涼拌青瓜, 呢個冷盤家有杞子同埋辣汁, 辣辣地嘅,惹味, 爽脆青瓜, 口感豐富另外再點一杯蜂蜜紅茶, 蜂蜜紅茶 , 入口清涼順滑, aftertaste非常之強之後就食過花之蝦排, 炸非常之金黃色, 裏面有花枝同蝦膠, 咬落去非常脆, 裏面有非常之q彈之後就食咗個 台南擔仔麵, 材料非常之豐富, 有q彈無比嘅蝦, 再加個貢丸, 混合咗半肥瘦嘅滷肉再加咗個滷得非常滋滋味嘅滷蛋, 感覺非常之滿足, 而湯底清甜, 又冇味精, 今餐只不過係百零蚊就食到咁多嘢非常之滿足

呢間餐廳真係好好味！今次要多謝我嘅好朋友Ellen請我食呢餐生日飯。佢帶咗我嚟呢間餐廳食台灣菜，令我回想起幾年前同呢個好姐妹一齊去墾丁玩，真係好懷念今日因為係食生日飯，所以我想食咩就叫乜嘢啦我叫咗好多菜，但係最令人覺得喜出望外嘅係佢個牛肉湯麵。因為佢個牛肉湯麵真係好有特色，個牛肉湯好有層次，係有淡淡清香藥材味，同時間牛肉味又好濃郁，真係好正其他嘅餸菜：苦瓜、鮮蝦、甜品等等都好正。順帶一提，呢間餐廳嘅員工好友誼，俾左好多意見我哋，等我哋食到最好味嘅嘢，抵讚！

每年都要去至少一次台灣嘅我，因為今年無假，所以去唔到台灣旅行😭唯有喺香港搵間台式餐廳慰藉下自己前兩日我叫我朋友幫我搵下食邊間好 最後我地揀左銅鑼灣呢間古早味我地八點幾到餐廳 餐廳唔算好多人 所以都唔洗排隊就入到去坐低左唔夠一分鐘 waiter已經俾左兩杯熱水我地 非常貼心我地睇左餐牌睇左成十分鐘 因為太多野都想食 最後我地都嗌左成四碟菜 好彩都唔算貴！佢啲甜品勁吸引，款款我都勁想試！最後我地嗌左牛肉麵、雞軟骨、蚵仔酥同蚵仔煎。講下碗牛肉麵先，麵嘅份量唔多，但係牛肉就有足足三塊，仲要差唔多同隻手掌一樣厚湯底好濃，但食完唔會口渴個種。而蚵仔煎都好值得食，入面啲蠔仔都好有份量，又唔會腥！蚵仔酥同雞軟骨個樣好似🤣但係如果俾我揀，我會再食多次雞軟骨，因為我自己好中意食雞軟骨😂 佢一啲都啲熱氣，咸度啱啱好，炸粉都唔會話好厚，好有咬口。

這次已經是第三次來，有時候我覺得餐廳俾到你一種舒適滿意的感覺，就會令你再選擇去。第一次係下午茶時段黎，食左個嘉義雞肉飯👍🏻👍🏻很地道的感覺，價錢又不貴。而另外兩次就係晚飯來的。之前都無影相，今次影返😛第二次黎食過個醉雞卷😍😍😍我太愛醉雞，佢亦都整得十分好，非常入味，花雕酒味香醇，雞肉嫩滑有口感，一份分量也不少，那個價錢絕對抵吃。不過今次黎有幾件個雞肉質感無上次咁好，實左少許，但味道依然保持水準😋另外叫左個家常小炒。這個比較惹味，適合喜歡濃味的朋友。佢炒得好香，特調醬汁再帶點小香辣，有些海鮮，豆干，椒等等。朋友第一次來話去台灣餐廳一定要試牛肉麵喎。我都未叫過，但一食又真的不錯呢！麵條像刀削麵，好有嚼勁💁🏻‍♀️個牛肉都非常好😁肥瘦適中，夠淋也有牛味，湯濃厚剛好不會太咸。朋友也叫了一杯黑糖珍珠奶茶。奶茶可以，不過黑糖味不夠，珍珠也可以再煮淋一點會更好。總的來說，食物是真的不錯的，走過銅鑼灣又想不到吃甚麼，或者突然想食台灣菜，也可來一試。噢，上一次還試過他們的粉絲鍋！那個也很值得推薦，粉絲乾爽入味😋

今日同朋友去完誠品，搵到呢間台灣野，一於試下！首先睇下個餐牌，價錢係銅鑼灣黎講唔算貴，選擇大眾而且都幾多。餐廳環境都幾乾淨，而且比想像中更有情調。朋友同情侶黎應該唔錯！我見旁邊仲有張枱可以俾一家人一齊坐。首先叫左個滷肉飯，啲肉好入味，同埋我真係好鐘意食啲脂肪既位，同啲飯一齊真係好食到停唔到口！跟住叫左呢杯黑糖薑母茶，薑味好濃，黎既時候亦都夠熱。再叫左個古早味干撈麵，個麵有嚼頭。因為我本身唔鐘意食一啲好冧既麵，而佢就煮得岩岩好。剩係食飯同麵梗係唔夠啦！所以叫多兩個小食，有呢個鹽酥雞。呢個鹽酥雞炸得岩岩好唔會話太油同埋佢冇落好多生粉。一啖咬落去已經係雞肉。除左鹽酥雞（後面個個），仲叫埋蚵仔酥。酥炸既野食得多，酥炸蠔真係第一次試。

在銅鑼灣附近溫書，突然很想吃台灣料理，就在附近選了家評分很高的台灣菜，不得不說真的很失望。公平的講一句，不難吃，但不是台灣的味道。麻油雞上來的樣子的確是跟照片上一模一樣，不過完全沒有麻油味，就是普通雞湯拉麵的味道，不知道是不是廚師忘記放麻油了。滷肉飯中規中矩，就是醬汁調的過于甜，蓋過了本身的肉味。手工綜合芋圓樣子很漂亮，忍不住拍照，但是芋圓不但沒有芋頭的香味，也沒有Q彈的口感，更主要的是根本沒有煮熟，內餡都是硬的，感覺是從急凍包裝里拿出來隨便煮了一下。其他的豆子還是ok的。此外店面佈置得完全是日式餐廳風格，建議可以改個店名，叫做「平成味-日本原味」。如果尋求fushion的味道，這間可以試一試。如果想吃道地的台灣菜，可能需要再繼續尋找了。

lunch 多人，入座90%。 我一人去食，要坐Bar 枱。我在銅鑼灣食過三間來自台灣在港開分店的牛肉麵，最平的一間。$65全包 ，無加一牛不錯，份量大可惜麵不彈牙湯底太多胡椒配菜紅羅白太生，唔夠"冧"不過，是飽肚的

晚上約左友人到佢返工附近食飯，由佢帶路共我去食好西，佢就帶左我去sogo後街食樓上鋪台灣菜，一入門口幾有特色由中間一條走廊入店。餐牌好多種類選擇完全令選擇困難症既朋友好難決擇，係銅鑼灣地區黎講價錢親民抵食。酥炸鹽酥雞扒外層既脆皮鬆脆而不膩雞扒唔算太厚但炸完唔會雞肉同炸皮分離。炸花枝丸外面有少少油膩但咬咬十分彈牙。蚵仔煎好足份量蠔仔每一隻大粒得黎又飽滿，味道唔腥但未算十分鮮甜，蛋漿痴住蠔仔加添蛋香蚵仔煎質感既地瓜粉煙靭。牛肋牛肉麵牛肉湯底帶少少藥材味香濃，牛肉同牛筋唔靭，牛肉麵既麵底十分欣賞，厚闊得黎十分彈牙。珍珠奶茶內珍珠唔會外熟內硬，全熟得黎又唔會太淋，茶味相對無咁突出奶味較多。荔枝烏龍茶打出茶泡係面層，飲落唔會太甜荔枝味重。

晚上相約有人去睇戲，無心插柳下就去咗呢間 位於銅鑼灣京都廣場5樓嘅台式餐廳<古早味>，意外地整體都不錯，可推。嗌咗個宜蘭蔥餡餅$28， 一客有四件，平時喺麵舖食嘅餡餅通常有成手掌心咁大個 ，食完一個都好飽 。但係呢個啱啱好 ，兩啖一件，細細地 ，而且又係熱辣辣，咬開入面充滿了湯汁， 同韭菜餡料非常唊。然後叫咗個滷肉飯 $58，飯量啱啱好唔大唔細，兩個人食啱啱好， 面頭舖滿了滷肉 ，滷肉切得比較大粒 ，所以食落去都有啖啖肉感覺嘅 ，加上有大量嘅滷肉汁， 撈飯食真係一流。Menu選擇都幾多，嗌咗個酥炸雞扒$38， 外層炸到熱辣辣 ，好香口，雞扒厚薄適中，作為前菜係唔錯嘅選擇。同朋友點咗一杯黑糖珍珠奶茶$22一齊飲， 價錢同味道都同街外嘅奶茶專賣舖有過之而無不及 ，滲透著淡淡的黑糖香味 ，珍珠幾好咬口。最後甜品當然少不了 ，我哋就點咗一個綜合芋圓 $45，芋圓比較大粒 ，口感比較結實 ，少咗一啲煙韌嘅感覺， 但係紅豆甜甜地 ，幾好食。食埋個甜品一餐飯就完美作結， 整體嚟講古早味性價比合格有餘， 喺銅鑼灣鬧市嚟講算很不錯了。