古早味台灣原味 (已結業)

銅鑼灣店位於十分方便的地點，基本上從地鐵站橫渡對面街便到達，就如其他多層食肆的大廈一樣，餐廳的範圍不算太大，但位置仍算寛敝，可透過落地玻璃望到窗外的街景。作為連鎖店，古早味特別在各店似乎都有獨有的餐牌，此店除了基本菜式，如蚵仔面線和台式牛肉面等等，也出現一批相對中價的菜式，如椒鹽炒大蝦, 花雕雞等，看來選擇更多元化。椒鹽蝦椒鹽炒大蝦是今天的推介，沒想到百多元椒鹽蝦居然份量十足，中等偏大的虎蝦應有7-8隻之多，吃過虎蝦的必然會認得蝦頭內蝦膏的香味，以至蝦肉的彈性和濃洧的鮮味，這份椒鹽蝦帶點辣味，配料以炸蒜及辣椒等炒香，而蝦殼則相信經過半煎炸而製成香脆可口的效果，則使用牙來脫殼也十分容易，加上大粒完整的蝦肉，實在滿足了我這個海鮮控的胃口。雞軟骨雞軟骨以酥炸的方式製作，好吃之處在於酥炸後仍保持乾身香脆的外皮，沒有油淋淋的情況，調味適中，但仍然吃出台灣炸雞的風味, 雞軟骨本身的質素亦不錯, 除了有鮮雞肉的甜味與肉汁，大粒的軟骨亦十分好(趙)頭，若用來佐啤酒實在是過癮。首次嘗試(青檸愛玉的凍飲)，感覺平凡但討好，帶點半透明啫喱狀的愛玉，咀嚼之下少許Q彈，配上略帶天然甜味的飲品，聽說比其他台式飲品

今晚約左個好耐都無見既朋友食飯，近近地就去左銅鑼灣樓上食呢間台灣野，因為見評論都唔錯，一於去試下先食下前菜叫左個雞絲粉皮，一上枱有d嚇親,份量十足大大碟，夠凍，粉皮有咬口，配上麻醬，唔會話好乾咁如果醬既分量可以多少少就更好之後叫左個刈包饀料豐富，餐廳仲好貼心幫我地分開左兩份，包內有肥肉、羌茜、花生碎等配料，口感豐富但完全唔會覺得油膩，怕肥建議可以同朋友share黎食呢滷肉娃娃菜滷肉味道香濃，配上菜就岩岩好分量都幾大碟呢麻油雞麵線，麻油味重，有輕微既酒香，配有紅棗，而且用左烏雞而唔係一般既雞，湯頭都好暖胃呢！紅燒牛肉麵，有幾塊大牛肉，筋肉分明，香腍入味，個湯底好甜而且麵質夠哂煙韌岩哂同朋友傾下計係一個唔錯既選擇

今日黎左試銅鑼灣嘅古早味，一直都幾期待，因為自己幾中意食台灣野，難得有機會試新店，真係幾興奮。我同朋友兩個人食，所以都叫左幾多野，一黎就叫左個鹽酥雞試下，炸得好香脆，上碟擺得好靚，值得加分！配埋我杯菠蘿蘇打，一啖雞一啖蘇打，正到不得了。第二樣令我驚喜嘅係蒜泥白肉，同台灣人嘅口味係一樣咖，佢地都唔中意太多蒜，所以個肉唔會太辛口，啱曬我呢d唔中意食辣嘅人。本身想叫荷葉蒸飯，可惜餐廳話要半個鐘先上到，我同朋友都唔想搞到太晏，所以就叫左牛肉麵。牛肉麵用刀削麵做麵底，都係貼近返台灣口味。牛肉亦係用牛鍵部分，唔係港式嘅用牛腩位，幾特別咖～另外重叫左炸豆腐，佢係餐廳推介，果然係水準之上嘅菜色，外脆內軟。由於食得太飽，最後嘅粉絲褒唔係好食得落，有d可惜，哈哈

琴日同朋友去左銅鑼灣，試左呢間古早味，一入到去覺得裝修幾古色古香，空氣有唔同嘅食物香味，幾正。因為個fd遲到，所以叫左個蒜味鹽酥雞食住先，另外叫左杯蘇打水（最近戒糖，無試到佢杯珍奶），個雞個人覺得幾好食，幾脆，不過就同原味無乜分別，食唔岀蒜容味。個fd黎到之後我地重叫左炸豆腐，個嫩口，個皮調味都夠。白肉就差少少，比較甜，唔似香港人食開譚仔個種白肉d味道。最令人滿意係個台灣牛肉麵，有藥膳味道，而且牛肉大舊得黎唔會韌，蘿蔔都淋。特別嘅係佢用刀削麵底，口感唔錯！至於個粉絲褒，可能食得太飽啦，頭幾啖好惹味，之後食得太滯，兩個人就真係唔太食得曬，有少少可惜。埋單兩個人都係300幾蚊，以老銅嘅價位，叫左咁多野食，真係算幾平！下次想黎試個荷葉飯。

早收工又遇著屋企有事未返得去住，咁就係附近食埋野先啦，先幾日碌OpenRice 已睇中呢間，今日咁得閒就一丁友黎試下👀上到去都滿座咁濟，咁我一個人就唔洗等位，坐吧枱都ok。餐廳環境昏暗，都見有多種酒類，感覺有點似酒吧。其實見都多菜式選擇，但一個人食唔到d咩，咁就叫個*古早味乾撈麵*試下，配料有滷蛋、豬軟骨同滷肉。滷蛋入味的，滷肉都係，鍾意佢有d肥肉好香。豬軟骨本身以為係一舊煲湯既豬骨，但係又ok ,咬第一啖先知係豬軟骨，又幾入味，都淋既😂麵底都好有咬口，麵條都粗身，調味適中，算係幾ok。

今日好想食台灣野，去開銅鑼灣，所以就揀左呢間餐廳黎到呢度，一定要叫炸墨魚蝦餅。上次食過後念念不忘。今次再食感覺一樣。個蝦餅炸得好脆口，入面加左墨魚後好有咬口。全部食材同煮法都好夾。跟住我地仲叫左佢既新品：炸軟殼蟹😋😋 同埋食台灣野必叫既鹽酥雞。全部野炸到脆loklok好好味!菜方面，我地叫左上湯浸小白菜同炒四季豆。佢地都係58蚊一碟。上湯浸小白菜既份量比我想像中多同高質。絕對叫得過! 炒四季豆就好野味，加碗白飯，簡直一樓。飯方面，我地叫左蒸籠仔飯，佢既飯唔會好濃味，飯蒸得剛好，有煙煙unun既感覺。如果食呢個飯再加個清清地既上湯浸白菜會好滿足最後，我地叫左綜合芋圓去作結。呢碗甜品好足料!有芋圓，珍珠，沙冰，鮮草。。岩晒食左咁多野後消濟😊

約左人係銅鑼灣行街 見時間仲早 就決定食左個lunch先因為未到中午嘅關係 上到古早味位置較多 好闊落但一到lunch hour就滿曬人主食方面我地2人叫左經典嘅牛肉面仲有鹽水雞飯牛肉面連配菜都煮得好好 特別係紅蘿蔔好冧好甜 牛肉同面就更加唔使講鹽水雞飯嘅鹽水雞多左啲鹹味 呢度嘅炸物應該會好食啲一個主食可以半價叫一個小食而一個小食都不過係廿幾蚊所以我地就叫左4個小食 有蝦排，黑糖薑母雞中翼，滷水雞腎(麻辣3選1入面嘅)同九層塔手抓餅蝦排 即是蝦餅 炸得恰到好處 好鬆軟附有泰式辣醬 點醬好食 唔點都好食 九層塔手抓餅隻香料食落有啲香味 同塊餅毫無唯和感最後 啲店員好nice好照顧我地嘅需要 服務好好

今日突然想食台灣野又係銅鑼灣附近 所以就揾左呢間人氣高嘅台灣菜一出就見到佢以黑色為主嘅裝修出面有啲紅酒樽做裝飾 好高級嘅感覺入到去好快就有人招呼我地態度十分良好 我地叫左2主食4小食主食特別中意食牛肉面 牛肉好嫩滑 面好彈牙配杯珍珠奶茶真係好夾小食特別中意九層塔手抓餅有陣好獨特嘅香味 仲有花枝蝦排 炸得好脆嫩泰式辣醬嘅甜味同蝦排都係一如以往地夾本身諗住4個小食唔算多 2個人會食得曬點知個份量都幾多下仲要個價錢都唔貴除番開每人都係百零蚊

之前聽就聽過，食就未食過，咁岩係附近，試一試佢真身先！ 上到佢已經好full, 得番bar 枱坐，但都照坐。 因為唔算太肚餓 ，所以兩個人都係叫左一個主食兩個snacks 同埋一個甜品，都夠飽！介紹左第一個小食，炸蝦排，炸粉唔算好厚，咬開睇仲見到有蝦，真材實料，附送泰式辣醬，正！第二個小食蚵仔煎就略為遜色，醬汁又係勁少，唔夠點，但勝在蚵仔都有幾多， 同埋唔會好似台灣咁勁黏膜，呢個一啲都唔膠狀。 但最好味係呢個牛肉麵，面夠煙un ，好有咬感，個汁都好濃味，重點係牛肉份量有三大塊，佢係勁厚切，食到入面果啲筋係勁好味！叫左個綜合芋圓甜品，呢個就有dd 失望喇，佢應該冇落好多木薯粉，所以唔夠彈牙，不過佢下面啲珍珠紅豆冰就味道好好。 俾番個餐牌價錢出黎，220蚊食得飽兩個人，性價比高！

晚上放工後相約大學同學一齊到銅鑼灣覓食，經過就間台灣餐廳看到價錢不貴就決定一試。上到5樓，座無虛席，幸好我和朋友一共兩位，比較容易安排座位，很快便入座了。以下是餐廳的menu，有多款台灣小食及主食等。以下是ordered 食物:檸檬冬瓜愛玉飲 $22 (前) 純桂花烏龍茶 $18 (後)兩杯飲料都不錯，我個人更喜歡檸檬冬瓜愛玉，因為本身就非常喜樂愛玉的味道兩杯都不會太甜，十分清新。雞絲拉皮 $48這個味道也不錯，粉皮十分彈牙，麻醬也不錯。而且分量不少蚵仔煎 $52作為蚵仔煎的頭號粉絲，肯定要叫一碟。味道不錯，分量也不少古早味滷白菜 $58 滷肉加白菜非常好吃，我一個人都是了大半碟。這個搭配真的一流古早味牛肉麵 $65牛肉非常嫩口，麵條也很彈牙，真是又便宜又好吃！麻油雞麵線 $75 嘩這個我非常推薦，用的是烏雞，非常補身子。湯頭又好喝，麵線軟軟的，非常好吃！台灣刈包 $28店員非常貼心，見我們兩位，就把刈包切成兩份，方便我們食用。內容也不錯，有五花腩，花生粉，酸菜等，非常好吃！

出外旅行一段時間，健康飲食非常好，體重冇增冇減，真係good。返到香港，突然諗到一樣好耐冇吃嘅嘢，就係台式飲食。記得之前食過的『古早味』好似唔錯，幾正宗，咁呢日中午約咗位住喺港島嘅朋友來到位於銅鑼灣駱克道京都廣場5/F的『古早味台灣原味』餐牌有两張，正，反两面都有，有午市套餐，小食，飲品(成版都係，有台式夜市風)，呢度有台灣出名嘅牛肉麵，新竹米粉同埋滷肉飯。由於我和朋友都喜歡滷肉飯，因此都叫咗呢樣嘢，但有D唔同嘅係一份係純滷肉飯，另一份就係豬軟骨滷肉飯。除咗滷肉飯，仲有一碟三小點，分別有蓮藕，牛展及小青瓜，為這午餐增添色彩，滷肉飯也一如既往嘅地道和好吃，肥美的豬肉及香濃的醬汁令人難忘。仲有本來想叫珍珠奶茶，但我嘅牙醫叫我吃軟糯嘅嘢，因此叫咗涼粉奶茶，带畀我新嘅味覺，下次唔會淨係叫珍珠奶茶喇。

朋友話想食台灣嘢所以就試下呢間係銅鑼灣嘅台式餐廳！ 當日係weekday但係餐廳好多人排隊，我心諗咁多人等咁應該好味啦！即管試下先！我地四個女仔因為好多嘢想試所以就嗌咗一人一個麵同兩個小菜！小菜方面嗌咗醬燒茄子同花枝蝦卷(朋友話見到好多人推薦)。必須讚下個醬燒茄子非常惹味，而且好大份！四個人每人都有三四條，超級抵食！ 至於花枝蝦卷都唔錯，唔會淨係得炸皮食，而且份量大過menu所展示嘅份量！主食我地就嗌咗麻油雞麵線、古早味紅燒牛肉麵、豬軟骨麵同埋古早味拌麵。我本身係滿心期待個麻油雞麵線嘅，食落去油係有嘅，但係就少咗啲麻油香，可能俾藥材味蓋過咗。可惜佢真係太油，食咗一細碗我就冇再食啦。牛肉麵就幾出色，好大碗好足料！不過有別於台灣嘅牛肉麵或半筋半肉，呢度提供嘅係牛(但都好好味！)。 提醒返，豬軟骨麵個湯底同牛肉麵係一樣嘅，所以建議二揀一。 總括而言，呢間台灣菜整體都可以，不過個人覺得未夠地道。

今日難得放假約咗朋友到銅鑼灣食飯，銅鑼灣普遍食飯貴，我覺得古早味是配上這價錢。入座後的店內情況，裝修得幾有格調。午市餐牌幾多選擇，有兩頁食物咁多……農家蓋飯配珍珠奶茶珍珠奶茶：奶味比較重，珍珠數量合適，唔算太甜農家蓋飯似乎是一個雜錦飯，有紅腸、半隻滷水蛋、鹽酥雞翼……醬汁幾夠味，只係覺得太少，唔夠撈晒成碗飯。滷水蛋好入味，果然係民間傳統小吃鹽酥雞翼只有一隻，嫌唔夠喉……

前幾日唔聽女朋友講不斷食辣野，喉嚨痛又唔敢同佢講，所以今日同佢約左食台灣野，諗住搵下一較清淡ge台灣野, mission impossible 🤭8點半黎到都要等等，然後就入得。座位算闊，同隔離檯有d距離，可以傾計。首先係滷肉飯，個滷肉係新鮮腩肉，同我係台灣食geh滷肉飯差唔多，油香癆飯正 （5/5）台灣刈包刈包入面係五花腩，甜ge腩肉夾埋花生無咁油膩，2個人食1舊剛剛好👌🏾（4.5/5)干貝櫻花蝦荷葉飯櫻花蝦鋪滿飯上面，配d臘肉係飯入面，加埋少少荷葉味，唔需要太多調味料都夠嗮味道，口乾乾地叫個甜品先（4/5)手工綜合芋圓我本身唔鐘意食芋圓，因為覺得食完口乾，但e個入面加埋冰、紅豆、綠豆、鮮草豐富口感，令我對芋圓改觀，不過都係女友鐘意多d（4/5）最後，成功食個清淡無辣野geh台灣菜😋

今日同媽媽去銅鑼灣整野，之後去左銅鑼灣駱克道京都廣場。台灣野相信係好多香港人嘅至愛，尢其加上台式飲品Lunch set最好係有得配野飲，$18以上加錢，小食3款，額外加有半價。我地叫左紅燒豬軟骨麵，古早味牛肉麵，酥炸鹽酥雞。跟餐野飲，純古早味紅茶，桂花烏龍茶加珍珠紅燒豬軟骨麵麵條有嚼勁彈牙，係刀削麵的進化，大大件豬軟骨，軟骨入味稔身，濃濃湯汁，湯底都好濃好夠味，面就係最傳統正宗好闊嘅果種台灣面古早味牛肉麵麵質非常滑之餘夠煙靭，口感好。牛肉厚大大嚿，牛香味濃，份量勁足，推介！酥炸鹽酥雞半價非常抵，同時份量都係咁多，鹽酥雞超鬆脆，抵叫！茶味飲品味道清純，解膩。整體覺得好食抵食又有野飲