古早味台灣原味 (已結業)

早前吃過牛肉麵，覺得不錯，今天專程來試試小吃。首先說說「雞絲粉皮」，原來跟上海的完全不同，粉皮太厚太硬，麻醬不夠花生味，跟想像的落差很大，結果吃了一半就沒辦法再吃下去了。「黑糖薑雞翼」味道獨特，黑糖薑的甜辣配以熱騰騰的雞翼，雞肉很嫩滑，但不算很好吃，也不算很難吃，只是從未吃過這樣的味道，對味蕾的衝擊很大。再來「菜脯煎蛋」，熱騰騰的煎蛋，又香又軟，配以爽脆的菜脯，十分好吃，也是今餐最好吃的菜餚。最後是「牛肉麵」，牛肉仍是大大塊的，紅蘿蔔也是大大件的，湯有陳皮和藥材味，再濃味一些會更好。唯朋友不太喜歡粗麵，扣了少許分數。

最近很掛念台灣，所以要吃台灣菜止渴。聽說這間台灣餐廳價廉味美，所以來試試。看著午巿套餐餐牌，有飯又有麵，真是花多眼亂，選擇困難症又開始發作了。在心大心細下，最終選擇了「古早味牛肉麵」。端上來的時候是熱騰騰的，配有三款小吃。麵條夠粗，能夠卦起湯。牛肉看起來很厚，以為會很硬，怎知道原來十分香軟入味。然而，最好吃的竟然是紅蘿蔔，它吸收了湯汁和牛肉精華，每啖都品嚐到蘿蔔的鮮味和牛肉的香味，吃完還想繼續再吃。下次會試試午巿套飯。

台式餐廳成行成市，相信香港人都唔會對台式食品感到陌生，但有時候就因為太多選擇搞到好難選擇。今日就黎到銅鑼灣呢間古早味試下餐廳位置都算便利易搵，飯市都幾多人，要等一陣先有位午市都有套餐叫，但今次就散叫咗一啲食物，分別有醉雞捲，辣鹽酥雞，上湯白菜，炸蝦排同刈包，乜都試下醉雞捲超有份量，大大舊，酒味濃郁，超滿足鹽酥雞食落有dd似x大大，但比x大大更好食，外脆內嫰炸蝦排都好有份量，厚切夠口感，唔會乾爭爭上湯白菜相對地係一味普通d嘅菜，但都食得出睇得出係新鮮嘅，加上有d菇類一齊煮，可以解一解膩（掛住食唔記得影🤣）最後係刈包，入面有一塊肥瘦分明嘅五花腩，餐廳都好貼心咁將個包切開一半方便大家食，但如果想好爽咁大啖咬就可能要另外麻煩餐廳免切仲叫左兩杯飲品，一杯胚芽奶茶同蜂蜜檸檬薏米水，質素都拍得住出面嘅台式飲品專賣店！

又係我嘗試喺銅鑼灣搵平嘢食，今次比我搵到間台灣野！佢價錢喺銅鑼灣來講算係平！我同朋友叫咗金莎杏鮑菇，三杯雞，牛肉麵，仲有個小雲吞⋯⋯（兩個食咁多，其實係咪想嚇死隔離枱）😅我想讚下個小雲吞，因為係一口小雲吞，size啱啱好，一啖一隻。加埋少少醋，其實係幾開胃嘅小食，雲吞嘅涵味道恰到好處！牛肉麵牛肉幾林身，好似炆左好耐咁，個面又厚身，好有咬口。味道都幾濃，同埋蘿蔔幾入味！抵食！但係美中不足，就係個金莎杏鮑菇⋯⋯佢個鹹蛋黃味雖然好出，但係成碟餸好油，食到最尾幾舊，好似啲油浸住個菇咁，巧驚驚～

星期一重陽節，同老婆去銅鑼灣食野，老婆推介呢間台灣野。我未試過呢間，就一齊上去試下。今日間舖都冇乜人流 (大家知咩事啦，哈哈)。所以都非常舒服，好好坐，店員服務態度亦幾好，招呼周到。重點講食物先總共叫咗幾樣野1. 新竹炒米粉 ($68)呢碟野非常有台灣味道米粉好夠味份量相當大碟2. 古早味牛肉麵 ($65)台灣地道名菜式，牛肉炆得好腍，好入味麵底係粗麵條，呢樣要讚仲有紅蘿蔔，似足台灣啊!3. 灲包 ($28)隻包幾軟熟，夾一件五花腩肉，但係肉質略嫌唔夠腍，比起台灣當地食有所不足正正常常，不過不失總體嚟講，呢間係值得翻啅既！

掛住台灣嘢食又無假期放假飛過去，咁只好係香港搵下台灣嘢食止下渴先啦😆今日約左朋友係銅鑼灣咁岩搵到呢間古早味 幾吸引，睇個名好似好古式！環境都真係幾古色古香，好特別！而且座位好寬敞，價錢都幾合理！🔸台式黃金炒飯 $58果然係好台式，有血米糕同台灣腸台灣味道，炒飯調味都岩岩好，唔會過鹹，仲炒得好金黃粒粒分明！份量仲好大份，可以開心 share！🔸麻油雞麵線 $78麻油雞應該係好岩女士食😌，有紅棗同杞子有益得來仲令成個湯好甘甜！而雞肉都好嫩口，仲有陣陣麻油香！食落都唔會覺得油，不過都要襯熱食啊！

友人提議食台灣菜，於是來到古早味台灣原味。入到餐廳，座位挺滿的。見牛肉麵比較受歡迎，點了牛肉面，接著點了酥炸鹽酥雞和菜譜雞蛋。古早味牛肉面兩大塊牛肉，牛肉嫩，肉香， 湯香噴噴， 面有咬感，不錯。酥炸鹽酥雞有些失望,肉感口感欠佳菜譜雞蛋挺香，還可以綜合芋圓紫色,白色，賣相吸引，偏甜，口感一般

朋友推介食呢間銅鑼灣近近地夠方便好好彩一上到去就有位☺️2口子都怕叫好多嘢 食唔晒點知份量適中 價錢合理2個人都可以叫好多款食物😂味道香口 值得推介又多一個選擇啦☺️☺️☺️

香港的台灣菜，鮮有炒麵，於是我便點了一份新竹炒米粉。配料非常豐富，有蝦米、肉絲、紅蘿蔔絲、蔥、芹類、椰菜絲、冬菇，以及一些似炸麵皮的東西。可惜炒米粉太油，剛上桌熱呼呼時吃還可接受，稍微涼了以後便有「油淋淋」的感覺。午餐除主食外，還包3款「配菜」及1杯飲品。其實炒米粉的份量已算多。而3款「配菜」，除了醃過的青瓜外，酸蓮藕、及不只數顆的微辣牛肉粒，均是飽肚的，整份餐的份量足夠2個食量不大的女士分享。若真是意猶未盡，加一個小食也夠了。這裏沒有加一， 以食物水準、份量及環境來說，性價比可是非常高。而性價比最低的地方，是要補3元差價的桂圓紅棗茶。桂園及紅棗味很淡，卻超級甜，加一杯水才夠中和甜度。

今日就15/9,老婆一訓醒就話想試呢間台灣餐廳，港島有遊行，本身都唔太想出嚟食晏，唔緊要照樣出去，滿心歡喜去到古早味，點知服務接待十分差，無位唔緊要，但唔好同我講執緊枱，等咗成10幾分鐘，見到不停放人入去，再問佢 先話無位，真係第一次去到啲舖頭，未入去食已經令到我要寫評論

古早味係一間正宗台灣餐廳，位於銅鑼灣區，交通方便，餐廳內燈光柔和，設計優雅。古早味三個字下，擺設著不同啤酒瓶作為裝飾，別具風格。通常我都會選擇餐廳推介特色菜式 ：客家小炒$68通常我都會試下，每一間餐廳具有特色小炒王，都會常試古早味家鄉小炒，材料頗豐富，豆干/洋蔥/大蒜/紅椒/青椒/尤魚/腩肉，尤魚和腩肉爽脆入味，芡汁濃道適中，唔會太鹹，又惹味。麻油雞麵線$75這鍋湯麵營養價值高，合適四季滋補養生，由其上班一族更為方便。材料有烏雞嫩肉/流心煎蛋/補眼杞子/補血紅棗/青菜/幼滑麵線，湯底用鮮雞 製而成，加了陳年米酒，芬香撲鼻，湯底有驚喜！香酥一口蟹$48日式小肉蟹，薄脆面蟹肉有汁，加有紅椒少辣，啖啖肉，連有鈣質的殼都可吞下，加有酸醃蒜/紅蘿蔔絲/椰菜絲伴碟點綴。檸檬愛玉甜品$28愛玉淡淡清香，含有果膠成份，能降低血中膽固醇，促進新陳代謝及有利尿之功效。杞子補眼，添加檸檬蜂蜜，這個配搭在炎熱夏天喝一口確實在冰涼滋潤止渴。

今日同我男朋友收工就黎咗銅鑼灣搵嘢食🤪去到銅鑼灣亂行嘅時候見到呢間台灣樓上店就上咗黎試下😍上到去見到呢個招牌 已經好不自覺咁聯想到台灣嘅感覺 入到去個環境都好靚 同埋樓上店感覺上都好似靜過啲地鋪 啲座位都幾舒服 我地入去就見到個餐牌有好多唔同款嘅嘢食可以選 我地最後就叫咗個古早牛肉麵、新竹炒米粉同埋一份鹽酥雞 見到餐牌都有推薦呢兩個主食啲嘢食到咗啦😍鹽酥雞望落去都好金黃色 而且都唔係用咗好多炸粉 份量都好多 都係10粒食落去就好香口同埋好脆，而且唔太鹹，不過如果冇咁多油可能會更加錦上添花！個古香牛肉麵都好香～個麵應該係刀削麵但係我覺得都好彈牙，份量可以再多少少就更好！而啲牛肉都好有鮮味，個厚度都拿捏得好好，唔會話好硬好難咬開！唔錯！最後就到呢個粉絲啦！呢個粉絲有好多配料，而且個粉絲嘅份量都好多，其實真係唔錯！呢個係我覺得喺到最好食同埋最岩我口味嘅菜式

放左工搭電車去銅鑼灣，約左啊媽係地鐵站C出口等，然後行過對面就係餐廳啦。裏面人山人海，排隊排到要企lift口，等左陣就入去。醉雞卷 ($88)賣相好吸引，每一塊雞上面都有杞子，畫龍點睛咁！每一舊雞都好結實，佢做到好滑，吾會好難。不過，個味有少少苦，可能啲酒都幾烈，所以酒鬼嘅朋友一定要食，因為好重酒味。食完又冇醉到，所以吾洗驚～農家蓋飯 ($68)好抵食！好大碗！如果你見到個menu每樣小食都想吃，你不坊叫呢個飯，因為有5種餸:鹽酥雞，鯖魚，台灣腸，大蝦，鹵水蛋，個飯仲有肉燥！胚牙奶茶（$22）勁多胚牙！個奶味好重，推介！呢間餐廳都仲有好多特色食物想試，下次我一定會再來！見到櫻花蝦個個飯都好多人叫，我下次都要試下！

平日晚同朋友來食飯，好彩有book 位，閒日都好多人呀。😖 店內有bar台座位，下次都可以試下一個人來食。我哋要咗個2人養生雞湯（$98），上台嗰陣時好熱辣辣，每人都飲到3碗呀。 佢藥材味好濃，仲有成支參係入邊，加埋6-7舊好嫩滑嘅雞肉，值得一試。 台式一定會食嘅 古早味牛肉麵（$65），佢個粗麵好好食，有3大塊牛肉，煮得好淋。 個湯汁都好好飲，冇味精。另一個台式一定會食嘅係 台式滷肉飯（$58），超級多滷肉舖喺面，啲肉肥瘦啱啱好，兩個人食都覺得好大碗。飲品一人一杯，朋友要咗杯熱嘅黑糖珍珠鮮奶（$26）（左邊），我就要咗杯凍嘅黑糖珍珠奶茶（$22）（右邊）。個人覺得熱嘅好似好飲啲🙊，2杯都偏甜，好多珍珠。最後忍唔住要多個甜品，我地食咗個 檸檬愛玉（$28），佢係成塊檸檬放咗係面，下面有杞子同超級多愛玉，滑嘟嘟嘅，飽肚都仲食得落！今餐食得好飽，有參湯有麵有飯有甜品，每人大概$160左右，係值得嘅！

夜晚同爸爸黎食古早味台灣原味。個名好特別，聽落好似d咩古法手工XXX 咁，即管試試佢。環境係比較幽暗，唔係光猛猛嘅餐廳，d位同檯都有少少逼狹：我地叫咗一個主食only，就係古早味牛肉麵：麵係闊身嘅麵，幾好食。唔會淋bear bear，又唔會太硬身。牛展幾大舊，有一舊仲幾厚肉，都算淋，但有進步空間，同埋可以再入味d。湯偏甜，帶微微酸，唔錯，唔會好油。菜同紅蘿蔔完全唔入味，同埋唔淋，煮嘅時間唔夠。小食類：見到佢個名係咩卜肉，好奇係咩黎，就點咗。其實都係炸豬里肌肉，係台灣特色小食黎。非常香口，點個酸甜醬食會感覺咁油膩。外皮炸到好脆好脆。之後有花枝蝦餅：好評！好好食！厚身，花枝有咬口。份量都幾多！仲叫咗個白菜：上湯幾清甜，飲落有菜味。白菜都好甜。飲品叫咗珍珠奶茶同茉莉綠茶：珍珠奶茶d珍珠...好難咬，硬，好粉。完全唔q彈。茉香綠茶係無糖嘅，好香好清新，hao好飲。