古早味台灣原味 (已結業)

中午吃飯搵新的餐廳，其實好耐之前都想黎食，今次終於同同事黎左吃 中午12點半左右上到去已經有唔少人，不過都唔用等位，menu的選擇好多啊，呢點我覺得幾好啊想食飯同想食麵都得，價錢都算合理，茶餐廳咁既價錢。 我點左雞脾飯，其實味道還好，但係就太乾爭爭啦。。如果可以加返啲雞汁或soy sauce就應該好好多啊～ 後悔無選擇到魯肉飯，下次再黎會想試下。但我同事本來都係點一樣的，先黎左一碗飯之後，等左好一會，然後先出黎話無晒雞脾飯，所以我地叫左兩碗，但只黎到一碗。。真有點怪，是中午時間 最後她轉了做鹽水雞飯，都唔錯呀個味，但都係太乾爭爭了最後，餐飲我選擇左珍珠奶茶，見係招牌，但我覺得唔係我想像的味道呢哈哈，下次都係試其他茶好了

朋友最近先去完台灣，但話咁快就好掛住台灣美食，於是去左古早味台灣原味止一止癮。餐牌圖文並荗，湯、麵、飯、小食、飲品、甜品一應俱全。花枝蝦排炸得金黃酥脆，放左一陣先食都仲熱辣辣，炸粉唔厚，花枝夠彈牙，蝦肉夠甜，非常夾。之前食過ge麻油雞都係用普通雞，但古早味ge麻油雞就用左竹絲雞，平時煲完湯ge竹絲雞會鞋鞋地，但呢碗麻油竹絲雞一d都唔鞋，仲有d似蒸雞咁滑。湯底鹹鹹地帶麻油香，最怕麵線煮到竭撻撻，好彩呢碗麵線無煮過龍。牛肉係又厚又大塊ge牛展，咬落唔會太淋，亦唔會韌。湯底係傳統紅燒湯，我估用左豆瓣醬、花椒、八角等淆製，味濃。麵係粗麵，有d似刀削麵，好彈牙，亦都幾掛湯，但因為湯底都幾鹹，如果麵條無咁粗闊，掛少d湯，咁就更好。檸檬冬瓜愛玉飲幾清潤，呢杯野唔係落普通糖漿，甜味係來自冬瓜蜜，幾特別，連埋d愛玉一齊飲咬下咬下幾過癮，好快就飲晒成杯！朋友飲紫薯黑糖鮮奶，淨睇個名我就覺得甜死人，但我為食所以試一啖，甜度竟然剛剛好，又幾順滑，忍唔住想飲第二啖但朋友即刻阻止左。兩款飲品同街邊外賣舖價錢差不多，可能仲平d，算抵飲！

收工經過銅鑼灣，見到好評咁多，所以就決定一試。地點相當易搵，地鐵站一出對面就係。而且門面裝修幾靚，侍應服務態度唔錯，好主動招呼你。一入嚟就會主動問你幾多位幫你安排座位，座位唔會太迫，坐得幾舒服。叫咗嘉義雞肉飯，唔好見佢外表平凡，其實相當滋味，而且感覺都幾正宗。雞肉都幾滑，而且上邊有蛋漿，份量適中。另外叫咗麻油雞麵線，呢個大贊，唔會好油膩，但十足台灣風味，但係覺得麵線可以多少少，不過都夠食嘅。之後叫多個小食紅槽肉，呢個係我最鍾意嘅菜式，炸得來唔會油膩，而且炸粉唔會好多，啖啖肉。然後就叫多咗個地瓜圓，喺台灣食得多，喺香港就未食過。價錢當然冇台灣咁平，但以香港來講我覺得可以接受。而且味道都差唔多，可以一試。整體而言呢間餐廳唔錯，值得咁多好評。

上網見到不少好評，趁放工經開就決定一戰，地點好易揾，係地鐵站對面。裝修都不錯，食物水準可接受，價錢嚟到香港就預咗咁貴。但的而且確，唔係太正宗，地瓜圓都唔軟既。。。。

台灣野相信係好多香港人嘅至愛，而今次e間係除咗d基本嘅台灣野都仲有其他野食，真係任君選擇。一入到嚟，燈光比較暗，有氣氛，其次就係坐得都算舒服，識合傾計聚舊！個餐牌真係有好多頁，睇唔曬咁滯我地首先嗌咗個豬軟骨面同紅燒牛肉面覺得兩個個湯底都好濃好夠味，面就係最傳統正宗好闊嘅果種台灣面要介紹下e個好得意嘅怪味雞，見個名叫怪味雞咁得意，就抱住一個試伏嘅心態，一嚟到...5，同朋友都心裏有數，好勇敢咁攞起對筷子， 一擺落口，真係ding一聲，味道一d都唔怪，仲幾好味添，真係估你唔到呀，至於怪味係咩味，就係辣辣地咸咸地又有小小腐乳feel, 真係百味交雜呀！再嚟多個軟殻蟹台灣野點少得珍珠奶茶呢，e餐就滿足喇

係銅鑼灣按摩完，突然想食台灣野，附近最近就係古早味，上網見到裝修幾好，酒莊風格嘅裝修，就上去試下，因為得2個人，只食左3樣野~海鮮粉絲煲個煲一放上枱已經聞到好香，海鮮分量好足，粉絲好入味。但建議第一味餸唔好食佢先，因為佢比較惹味，食咗佢先再食其他餸會令到其他餸冇咁好食~麻油雞麵線湯底好好味，麻油味好香帶有少少藥材湯嘅味道， 飲落好似好補身咁 ，成個湯飲晒。雞肉係烏雞，口感嫩滑但份量偏小。麵線質感比係台灣食到嘅麵線粗同挺身，唔係傳統口味未必人人都鍾意上湯白菜仔湯底清甜，白菜仔都新鮮，一餐晚餐點都要食啲菜~酒莊風格裝修總括嚟講坐得幾舒服，裝修有台灣嘅味道，價錢經濟 ，兩個人食三個餸份量剛剛好， 下次要去食下佢個手抓餅!

琴日中午去試呢間餐廳，侍應態度差到極點！食咗15分鐘都未夠就走來話要買咗張單先。都唔緊要，餐飯食到一半就走來話出面好多人等緊麻煩快啲離開，同佢講未食完都照過嚟催！幫佢換咗去張角落頭嘅枱之後都唔放過我地，收埋我哋啲嘢飲同醬汁，完全都未食完，嘢飲只係飲咗兩啖，成餐飯走過來催我哋離開起碼有四次！個侍應話你咪食囉 我冇影響到你喎。仲叫我地諒解下，唔通要企喺度食飯先至得？一俾咗錢就趕人走？咁大個人從來未見過咁差嘅服務態度！絕對冇下次。

古早味，是用來形容古舊的味道，因為料理做法單純，用料實在。古早味台灣原味有懷念的味道！突然想食台灣野， 之前見到「古早味台灣原味」好多人推薦，一出地鐵站對面就係，加上大件夾抵食，所以入去試下。一入門口個設計好似日本餐廳，有條石路同黑色柱，成個環境坐落都幾舒服！酥炸鹽酥雞是台式必點的食物， 跟在台灣吃的差不多。不會不油又太厚粉，肉經油炸後還是滑滑的，我們好喜歡，好味好味！酥炸花枝餅炸到外脆內軟, 正!鹽酥豆腐唔錯,好夠熱, 外脆內軟。涼拌黃瓜清新，少辣，開胃易入口。台式小雲吞，真係好細粒，一啖一隻，味道正常。蒜蓉炒A菜食落似油麥菜，炒得好，蒜蓉多，好正。綜合芋圓好足料，超飽！叫好多台灣野，而且價錢唔貴，令到我超飽!

🔎銅鑼灣駱克道491-499號京都廣場5樓*「聽住台灣歌食住台灣嘢 」- 古早味台灣原味.嘉義雞肉飯($58)雞肉切成絲，飯量好多。加埋秘製醬汁撈埋食幾唔錯，但就唔知呢個係唔係嘉義食法🤣但真心幾開胃。價錢夜晚嚟講，抵！而且食完個碗都好飽，所以怕唔夠飽，推介叫呢個飯！！！麻油雞麵線($75)麻油頗多，所以超級麻油香😍雞係用烏雞，好鮮甜，加埋幼身麵線已浸哂麻油香味，勁惹味啊！雞份量都多啊～上湯白菜仔($58)雖然唔知係唔係味精上湯，但佢啲白菜仔好好味🥰so far係我2019出街食飯食過最好味嘅菜，推介必點😭而且非常健康啊！份量麵唔小，兩個人一定夠食！🍽7.5/10

几个月来，第一次早九晚五，原来真的会有Monday Blue 晚上放工之后，就只想好好的吃一顿晚饭🥣比较白天工作，不就是为了一口饭吃嘛……好久没有去台湾🇹🇼想念古早味的食物🍜正好铜锣湾有，就坐丁丁过来啦。果然人气很足，不过不用等位置：）开心。我自己一个人点了一个两人份的鸡汤，补补身体。服务员姐姐还好心提醒我，担心我吃不完。不过，我对自己有信心。还有我最爱的四季豆！真的是时隔很久的美食。已经很久没有招待肚子里面的蚕虫了。其实好好吃一顿，是一种对自己的爱❤️ 特意没有约朋友，享受一下一个人的浪漫🌹鸡汤很鲜美，浓浓的人参味道。感觉元气都补回来啦！还有四天，小伙伴们一起加油💪干煸四季豆，很入味。没有辜负服务员姐姐，我把菜单全吃完了，给我一个大大的Like！话说，这一顿吃了差不多180块，感觉满足感还是不错滴……晚餐这样的质量，散散步🚶‍♀️就可以回家睡觉咯😪

今晚收工之後同妹妹有個約會😆😆，訂左7:30原本諗住會無咁多人，入到黎覺得驚訝🙀，差不多Full晒咁制👍🏻👍🏻望見份餐牌有好多選擇，好多都好想食，但係可惜只得兩個人，實在叫得唔多😭九層塔手抓餅，好味，濃濃既九層塔味道，而餅做得外脆內軟煎得啱啱好.呢款我同啊妹都覺得好食，特別係個豆腐，食落好多汁同埋好多滑身👍🏻👍🏻份量都多架👍🏻👍🏻好大一塊既腩肉，再下面仲放左一啲既酸菜，食落去不會覺得肥膩古早味撈麵，唔得記影幅相😭尼個好食 有肉碎同牛肉，牛肉煮得好霖好入味👍🏻👍🏻

帶朋友遊銅鑼灣這個近期國際有名的地區，在銅鑼灣站一出對面就找到好嘢食。接近下午茶時間，店內環境乾淨人客不少。有牙籤和紙巾還有小碗，進來前以為只有台式飯麵。後來就知道小碗的作用。Menu好大本好重，翻開一看款式超多，琳瑯滿目。有小食、小菜、主食又分飯面、普通的飲品、酒類和台式飲品仲有甜品。既然本來是打算嘗台式美食，於是都是點了古早味牛肉麵和紅豆奶茶（珍珠奶茶已經喝得太多）。本人是花枝、魷魚控，所以特別點了一個花枝蝦餅刈包。牛肉麵大大碗，刈包有兩件，所以一份餐已經夠2個細食嘅人食飽飽。餐桌上的碗仔剛好用來把食物分給友人分享。牛肉麵熱騰騰還飄著蒸汽。三塊牛肉好像牛扒那麼大塊。厚度有牛肉肉質軟諗，好像加厚的牛展，中間有牛筋一樣的部位造成不同層次的口感。牛味濃烈的牛肉索了以不同材料精製調味（筆者嘅味覺喝得出有薑、八角、小回等）的湯底，和在其他地方吃到的牛肉麵不同卻又別樹一格。麵條是人手刀削麵，粗幼不一，非常彈牙和索汁。然後這個刈餅是中式麵包包住彈牙鮮味的蝦膠和花枝打成的脆餅。配有香蔥花生芫茜及酸甜的醬汁，口感和味道都留在腦海非常久，十分適合作為吃完主食后畫龍點睛的小食。紅豆奶茶類似紅豆冰，但有茶

早前聽朋友介紹過銅鑼灣有間台灣野又抵食又好食🙆🏻‍♀️終於搵到時間同男朋友嚟開下餐啦。因為一早有book枱所以唔使排隊，咁我哋book咗7:00，一上到去間餐廳已經full晒。心諗好彩一早有book個位咋🤣👏🏻朋友一早有交帶落一定要飲佢哋杯珍珠奶茶🤡因為同出邊嗰啲好唔同，所以呢個係必定要嗌嘅飲品❤️咁我哋嗌左兩個小菜、兩個麵同一杯奶茶一齊share食🙆🏻‍♀️花枝蝦排呢個我覺得好值得推介，佢唔同出邊食到嘅感覺，平時喺出邊食到嘅可能好多炸粉好厚，但係今次覺得啱啱好口感一流🙆🏻‍♀️黑糖薑母雞翼呢個口感唔錯，同平時係譚仔食到嘅係兩種感覺，佢甜甜地。好似平時果啲蜜糖雞翼，但係佢再有一種黑糖味，好特別😎古早味牛肉麵呢個湯底甜甜嘅，而且肉都好厚身，同平時食到嘅台灣牛肉麵差唔多感覺👍麻油雞麵線因為我本身係一個麵線腔，我平時去台灣都一定會食阿宗麵線，因為我鍾意嗰個口感。呢一隻就同阿宗麵線有啲唔同，佢冇阿宗麵線咁「結」，係另一種口感而且啲湯加咗啲雞落去所以感覺好健康 🤓而且仲要有紅棗珍珠奶茶呢一個就係朋友一定要我嗌嘅珍珠奶茶，因為朋友知道我係奶茶愛好者。飲第一啖嘅時候好特別，佢好香嘅茶味，同埋唔似得喺街飲到嗰

今日就黎到銅鑼灣行街，無啦啦好想食台灣野，行過就去左呢間古早味試下，餐廳位置都算易搵，lunch time都幾多人，要等一陣先有位。唔算太餓唔想食粉麵，所以散叫咗一啲食物，醉雞捲，辣鹽酥雞，上湯白菜，炸蝦排同刈包。仲叫左兩杯飲品，一杯胚芽奶茶同蜂蜜檸檬薏米水，幾清新幾好飲，唔會太甜，可以一試！醉雞捲超有份量，大大舊，酒味濃郁，超滿足。鹽酥雞食落有啲似豪大大雞粒，外脆內嫰，如果份量多啲會更好！炸花枝排都好有份量，厚切夠口感，唔會乾上湯白菜係比較普通同簡單，但都食得出睇得出係新鮮，加上有d菇類一齊煮，可以解一解膩，食多啲菜仲健康啲添！最好食係刈包，入面有一塊肥瘦分明嘅五花腩，餐廳知我地兩個人share，好貼心咁將個包切開一半，加分加分！

今日同同學去銅鑼灣上堂，落堂就自然去搵野食醫下肚，岩岩去完台灣，我想食下台灣野，朋友就提議左去古早味台灣原味依間餐廳。依間鋪係樓上鋪黎，入面D燈光好暗，但坐Window side就可以望到駱克道風景，都幾特別。我地入去既時候無人，但係慢慢去到Lunch時間就好多人，全場爆滿，全要係附近番工既人，好彩早左到姐!Lunch set Menu上面D餐都係一飯/麵+小食+野飲，都係$50-70個Price range幾平，叫其他小食仲有半價。我叫左個雞排湯面同奶茶，我朋友叫左雞絲便當同茶，另外叫左個小食，盬酥豆腐。由於我無試到我朋友食既野，比唔到咩評價，但係就咁睇份量好足。雞扒湯面+小食: 雞扒個肉比較厚身，上面有D七味粉，但比較凍，應該放左一陣，個皮同肉分開左，可以再好味D。面係闊面黎，湯底有D鹽西同酸菜，有程班長既Feel，幾唔錯，份量都好多。小食係D凍伴雲耳，牛肉同蓮藕，辣辣地，開胃。奶茶: 好重奶同糖味，無咩濃茶味，鍾意飲甜野既人會鍾意飲，所以依杯茶對我黎講好好飲。紅茶: 偷飲左個Frd一啖，完全唔甜，好重紅茶味，我朋友唔鍾意甜野，所以佢好鍾意飲。半價小食: 鹽酥豆腐，食得出係即炸，個