古早味台灣原味 (已結業)

之前食過旺角分店好難忘，今次同朋友嚟銅鑼灣分店食lunch~我地叫咗兩個set，一個係豬軟骨滷肉飯，另一個係炸雞扒湯麵，嘢飲叫咗杯檸檬冬瓜愛玉飲同一杯芒果薄荷梳打。多過$18嘅嘢飲要補差價，不過平時係出面啲台式飲品一杯都至少二三十蚊以上，所以呢度好抵滷肉飯先上，豬軟骨有2大塊，有一條菜，半隻滷水蛋，望落都好正常，啲滷肉唔會好油膩。呢個要趁熱食，同朋友掛住傾計放咗一段時間，凍曬就冇啱啱食咁好味，不過最終都食晒個麵都好快就上麵條似刀削麵啲湯好鮮味有紅蘿蔔！雞扒好多，炸得幾好，仲有啲好似係孜然粉咁嘅調味粉係面頭，唔算話好厚啲嘢食黎齊，最吸晴反而係3小碟前菜咁款嘅小食，木耳味道幾好，小小辣，我鐘意呢個，菜都係，唔係無味個隻，中間係牛肉粒，都係小小辣嘢飲黎講檸檬冬瓜愛玉口感唔錯，有啲嘢咬吓，頭2啖飲落好甜，可能未攪勻，之後ok另一杯，芒果本身朋友鐘意，有兩塊薄荷葉，佢話好好飲，薄荷葉直頭畫龍點晴咁話喎我覺得個次去旺角分店好食啲⋯唔知係咪因爲今次食嘅我身體不適，無咩胃口食嘅關係呢下次嚟開銅鑼灣唔知食咩又唔想食伏嘢，可以再嚟呢度

半年前去咗台灣好懷念佢哋嘅牛肉麵，所以就約咗朋友一齊去銅鑼灣呢一間古早味台灣料理店啦！我哋1:30左右到間餐廳，人都算幾多不過好彩唔使排隊！最後我同朋友各自帶咗一個滷肉飯、古早味牛肉麵，再加鹽酥雞軟骨同埋鹽酥雞！係咪好多嘢食呢！其實佢一碗飯同面嘅份量算中等，就算朋友係男仔都好，佢都覺得食得飽！滷肉飯嘅汁調得好好唔會太鹹，而且滷肉亦都唔會太肥，食落去唔會話太油膩。以我個人就覺得牛肉麵非常好食，棉質初生而且口，但係食落去一啲都唔覺得有麵粉一團一團嘅感覺！佢嘅牛肉麵湯底亦都非常之濃郁！最後不得不提佢嘅鹽酥雞同雞軟骨，非常之好食！尤其係個雞軟骨食落去嘅口感，非常好，亦都唔會好鹹，份量都非常之多！

啱啱去完台灣旅行，已經好懷念台灣嘅嘢食，於是一放咗工，同朋友搵咗依間台灣餐廳食飯，依間餐廳喺銅鑼灣站C出口，一出地鐵就即刻見到，好近好方便，樓下仲有個姐姐幫我哋禁𨋢。餐廳嘅氣氛都好有情調，感覺好舒服，而職員都好有禮貌，全程好有笑容🥰食物方便有好多選擇，基本上同我去台灣食嘅食物一樣，果然係古早味台灣食店，台灣特色！我同我朋友點左兩個餸，一個係海鮮粉絲鍋$78，另一個係三杯雞$88，仲加多兩碗白飯$12@1。👉🏻海鮮粉絲鍋一流！粉絲有少少辣味但又唔會好辣，而且海鮮好足料，有大大隻嘅蝦、大大塊嘅魷魚、魷魚酥，絕對唔會吝嗇😼👉🏻而我最推介嘅係依個三杯雞，我好怕辣但係食依個都唔會覺得辣，有小小嘅香辣味，而且好夠火喉，又足料，落咗洋蔥、紅椒、青椒等材料一齊炒，雞都好入味，我最鍾意一啖雞，再撈著啲汁嚟食飯，超正🤤總括嚟講呢間餐廳好好服務，坐得又舒服，而且啲食物好正宗，同去台灣食嘅嘢一樣，同我朋友食到超飽咁走🤩👍🏻

叫咗一個滷肉飯、鹽酥雞同雞飯，每樣嘢都係我一生人之中食過最難食既。唔好話我唔話俾你知，後果自負！！雖然，唔使等太耐，入到去一d 都唔似係台灣野，成間日本野咁都不在話下，叫左珍珠奶茶，仲差過貢茶，食物仲差，在普通以下，價錢就唔貴，但唔值得嘗試，浪費大家一個午餐、晚餐開心食野既機會。

今天晚上和朋友來這裡食飯, 入座時已和我們說明用餐時間90分鐘, 我們覺得ok, 所以就繼續點餐, 結果之後卻發生不愉快的事。先講食物吧牛肉麵 $65牛肉煮得挺好吃的, 燜得幾淋麵條是刀削麵, 普普通通麻油雞麵線$75這個有點失望。我在台灣剛回來, 這裡的麵線沒有麻油的香味, 雞也不太入味, 跟台灣差很遠。煎蛋是煎得剛好, 蛋黃有蛋液流出。紫薯黑糖鮮奶$26ok, 有粒粒紫薯洋甘菊花茶$35友人沒說難飲, 應該ok當我跟朋友吃完以後, 正聊得興起時, 店員卻要我們結帳和交枱, 我們才吃了約45分鐘而已, 這個也太離譜了吧?!我們問不是限時90分鐘才交枱嗎, 她說這個只是大概用餐時間, 因為人多, 所以要我們提早交枱。那你當初應該跟我們說, 吃完後會隨時叫我們交枱, 而不是說有90分鐘可以吃呀!然後店員就要我們離開了, 服務態度居然如此

琴日食完日本菜，今天放工來銅鑼灣覓食，友人提議食台灣菜，於是來到古早味台灣原味。入到餐廳，座位挺滿的，幸好有位，坐位空間夠。見牛肉麵比較受歡迎，點了牛肉面，接著點了酥炸鹽酥雞和菜譜雞蛋古早味牛肉面牛肉麵是遊台灣其中一樣會食的食物🍲。見到兩大塊牛肉，肉裡見透明筋，牛肉嫩，肉香， 湯香噴噴，不辣， 面是黃色，一條條，呈扁狀，有咬感，菜較鮮綠。酥炸鹽酥雞🐔份量不多，不油膩，份量適中。菜譜雞蛋份量剛好，挺香，吾易碎，味道不錯綜合芋圓紫色,白色和黃色賣相吸引，甜度剛好，冰凍度剛好，份量多，二人分剛好整體來說，價錢平食物可以。

古早味平時都幾鍾意食台灣嘢，呢次專誠約咗朋友嚟，啲服務員勁 nice，間隔舒服，播緊嘅台灣歌都幾啱我。講返嘢食先啦，我自己就叫咗份古早味牛肉麵。湯底好濃好香，雖然唔算好大份麵，但係勝在啲麵夠彈牙，牛肉又厚夠大塊! 個肉操飯都幾好食 肉操嘅份量都頗多肉我哋仲叫咗鹽酥雞同雞軟骨。呢度啲炸物超出色!!! 香口得嚟又唔太油膩，同個桂花烏龍茶真係好夾!!!個主餐有飲品跟，而且小食仲要半價。我哋無諗過咁抵食，最啱四五個朋友過嚟一齊 share!....

台灣菜一直深受香港人歡迎👏平時諗唔到食咩嘅話，我多數都會選擇台灣餐廳，原因係價錢比較平，而且一定會啱口味😋今日就嚟到銅鑼灣嘅古早味台灣原味☺️食物選擇極之豐富，有選擇困難嘅話一定無從下手😂😂我同朋友兩個人就嗌咗兩個主食同一個小食😋主食係牛肉麵🐂牛肉煮得好腍，完全唔會痴牙💯至於麵條應該係手工麵，同樣好好味😍😍至於小食我哋就嗌咗鹽酥豆腐，我同朋友對於呢個小食都好滿意😚薄薄一層嘅炸粉，唔會好咸好重調味粉味，入面豆腐嫩滑👍🏼正！一定會再嚟幫襯☺️

在銅鑼灣吃了個早晚飯朋友介紹下到了此餐廳約6時半, 已有1/3入座餐廳環境一個字: 黑不過黑得幾有氣氛入口長走廊兩旁穿透亦有舊照片配合古早主題一向喜愛滷肉飯色香味都很不錯, 滑口又不膩,值得推薦!牛肉麵, 算一般,牛肉份量多, 厚身亦鬆化麵身較粗較厚, 咀嚼感很好可惜湯底略咸而偏酸未能support到整碗面珍奶過甜, 珍珠淋到爛有點失望下次再試下炸物!

去銅鑼灣覓食，好耐無食過台灣野於是今次黎左古早味台灣原味食野。大概七點左右到，成個餐廳都已經坐左大概八成人，環境坐落都幾舒服。食物方面有好多唔同選擇，我地考慮左一陣，最後叫左古早味牛肉麵、肉燥飯、酥炸鹽酥雞同炸雞扒。等左一陣已經上左肉燥飯，一碗份量都幾多，亦都有好多肉碎係面，仲有配幾舊黃瓜。肉味好香好濃，d飯亦軟硬適中，味道啱啱好唔會話好鹹。之後上左牛肉麵，有三大舊牛肉係面，牛肉厚幾夠味。麵係闊身刀削麵個種，煙煙韌韌好有口感，配埋湯底好夾。個湯底夠味唔會好濃，忍唔住飲左好多淡湯，個人黎講主食中意牛肉麵多d🙈鹽酥雞同炸雞扒外貌炸到金黃色好吸引，兩個都係即叫即炸熱辣辣。自己鍾意炸雞扒多d，外皮香脆入面既肉都幾嫩，份量亦都唔少。呢餐兩個人食叫左兩個主菜兩個小食已經非常之飽，美中不足係無試到佢既野飲，下次有機會再黎食先再試埋台式珍珠奶茶！

台灣野對我既認知只有煎煎炸炸， 食得多都熱氣， 呢排聽男朋友介紹， 呢間台灣野勝在多款式， 可以比我食到一餐健康唔油膩既台灣菜， 於是就搵個夜晚試下。餐廳位於銅鑼灣京都大廈樓上鋪， 一上到去， 入坐率都近9 成十成， 心諗會唔會要等， 原來天外有天， 餐廳大到有d 卡廂位， 我地就被安排到一間小房就坐。餐牌種類夠多， 蒸炒炸燉炆樣樣有齊， 呢排熱氣， 唔想食鹽酥雞， 於是叫左d 健康小菜。雜菇燴豆腐滿滿既小棠菜及雜菇包圍住豆腐， 仲好有蒜香味， 芡汁打得幾好， 唔會太咸或太淡， 入面有三大舊豆腐， 外層煎過更加香口， 但係又唔會太熱氣。小棠菜都好爽口，蔬菜感好滿足。古早味牛肉麵中意食蔥既我地特登叫左加蔥， 上碟既時候真係多到o嘴要另外筆番d 蔥先至打到卡面底有咬口， 本人最中意係呢類粗面條， 比食幼面更有口感。d 料仲多過d 湯， 有兩大舊紅蘿蔔， 煮得夠淋， 但仍保持紅蘿蔔鮮味。三大塊牛筋肉， 厚到有成3cm 4cm ,牛肉炆得好淋， 中間夾住牛筋肉， 非常高質。湯底香濃， 有少少古早藥材味， 夾埋d 麵一齊食好開胃。台灣小雲吞， 其實好似一口雲吞咁大， 味道一般般， 但佢配上蒜油

突然很想食台灣菜，就揀咗銅鑼灣呢間古早味， 餐廳非常近地鐵站銅鑼灣c出口行兩分鐘就到。天氣非常熱，一到餐廳就叫咗杯檸檬冬瓜愛玉露 ，非常解渴，十分適合夏天消暑，味道不會太甜，檸檬加冬瓜茶 非常夾。 前菜 叫咗鹽酥雞粒 ，一口軟殼蟹 ，兩款食物都非常香口，非常脆。之後叫咗個蝦餅 ，蝦餅非常好食 ，十分彈牙， 可以encore 。之後再叫咗兩個菜 ，上湯白菜 和炒四季豆。 上湯非常清甜 白菜也非常爽口，菜十分新鮮。四季豆也炒得非常入味。之後再叫咗個海鮮籠仔飯， 籠仔飯大概要等廿分鐘，即叫即蒸非常有海鮮味 ，籠仔飯嘅口感有點像糯米飯，有趙口嘅感覺，但食落又不會覺得太油膩 ，值得推介!最後仲叫咗一個芋圓甜品 ，芋圓分量亦不少，有仙草芋圓彈牙爽口鍾意食芋圓嘅朋友必叫。這間餐廳每款小菜也不算太貴， 人均大概消費每人 100元。

一直以來都好喜歡食台灣野，所以一直響香港尋尋覓覓邊間好食既台灣野，今次揀中呢間古早味響網上既評價不錯，所以同女朋友黎試一試，環境好潔淨，座位都好寬闊。頗有置身台灣既感覺，而佢同一般台灣餐廳唔同既係佢既食物種類非常之多，有好多食物都想試下蒜味鹽酥雞 ： 蒜味配搭香口而且啖啖肉既雞粒，最出色係佢冇太多既炸粉，咸味調節得恰到好處，非常好食，除左蒜味，仲有酥炸或者辣味既鹽酥雞可供選擇。花枝蝦排：呢個蝦排外皮炸得非常脆，配上泰色辣醬，食落口係好正既蝦肉味，個人認為比泰色既蝦餅更好食，必食之選台式滷水拼盤（三款）：豬耳，豬大腸愛好者一定唔可以錯過呢個拼盤, 豬耳，豬大腸都好爽口，而且味道甜甜的好惹味，而且份量都好多，好抵食古早味牛肉麵：主角當然係牛肉麵，鮮甜既紅蘿蔔湯底，配上正宗既台灣粗麵，再加三大塊厚切既牛𦟌，份量十足之餘牛𦟌係彈牙唔韌。 四款食物埋單240蚊，呢間古早味絕對係一間cp值極高既餐廳，好快會返黎再試埋佢其他既食物

諗起又平而又好味既台菜都會去古早味開飯，最鍾意叫佢地既花枝蝦餅及乾拌麵。有次食大碗飯既份量都幾嚇人，連家中既男人都清得比較吃力。今晚唔想太飽叫左小食配簡單餸菜淺嚐。椒鹽豆腐 $38估不到去大排檔一定會叫既炸豆腐呢度都有得食，價錢仲非常貼地。點菜後等左10分鐘，上枱熱騰騰即叫即做好脆口呀。豆腐黃豆味不弱，用上盒裝滑豆腐做到入口即溶的感覺。食呢份小食，油份少到炸蒜粒也黏不住。炸漿有七味粉椒鹽調味，非常香口。海鮮粉絲煲 $78粉絲煲完全係我杯茶好惹味呀! 炒粉絲離不開有彩椒、蔥、乾蔥頭，而佢就有加上肉碎。最誘人係兩隻大頭蝦，蝦肉彈口鮮味。份量唔算多但倆口子食也足夠，而且有小瓦煲保温可以慢慢食。另外粉絲爽口柔韌，盡吸收醬油既香氣，食後頓時胃口大增。醉雞卷 $88別以為酒浸雞肉就是醉雞，實際是一道考功夫的涼菜。醉雞普遍用紹興酒，藥材加杞子浸泡。杞子煮過頭會變酸，煮雞火喉過猛會變老，浸泡不足酒未入味也會致失敗。自己整過一次就知醉雞要嫩，醬汁無雜質根本不容易。雞件中心帶粉紅肉質好滑，部份位置仲有骨膠源啫喱呢。薄薄既雞皮都係加分位，雞皮爽口好似食雞腳咁。由於會有部分紹興酒未經烹煮就浸雞，雞既外層會帶酒

很久沒有吃台灣菜，剛好和家人來到銅鑼灣，上Openrice找了一下，就找到了這一間店，然後決定來試試看。我們來到的時候剛剛好是2:30pm，就是下午茶開始的時段，這裡的下午茶其實真的挺抵食，四十多塊錢就有的一份主食，送一杯$18的飲料（過了價錢補差價），每叫一份主食可以用半價來叫一份小食，在銅鑼灣這樣的中心地帶真的算是非常吸引的價錢了。我們叫了兩份主食，一個古早味牛肉麵（$45），拼一份九層塔手抓餅（$28然後半價=$14）和一杯桂花烏龍奶茶加珍珠（$22+$3 -$18=補差價$7）。第二份主食是古早味蕃茄牛肉麵（$48），拼一份鹽酥雞軟骨（$34半價=$17），和一杯黑糖珍珠奶茶（補差價$4）。再來說一下對食物的不同評價。古早味牛肉麵，有一點辣，麵挺有韌性，是比較簿的刀削麵，湯底也不錯，要贊的是牛肉，真的是啖！啖！肉！超級厚切足料，然後一點也不會很難咬，牛肉真的很贊！鹽酥雞軟骨，炸得挺香脆的，也不會很油膩，味道來說是不過不失，還好。桂花烏龍奶茶，這個真的很贊，桂花味很香，烏龍茶的味道也在，就是挺難得所有材料的味道也在，並且和譜共存，不會說有哪一個味道不見了或者太突出，加上很好咬的珍