古早牛肉麵 (已結業)

最近和台灣的朋友在網上聊天聊多了也聽他們說了很多台灣的美食，所以今天近近地選了這家台式餐廳，也很滿意。台灣我其實沒有去過，但電視旅遊節目也看很多。這裡的裝修很像一些平民食店的格局，還有一些老舊台灣店鋪會擺放的字畫。配合防疫政策，也間隔了座位，但也見到不少人來吃。工作了一個早上，吃個豐盛一點的餐好了。點了特盛台灣牛肉麵，加紅豆奶茶和台灣腸。紅豆奶茶和台式飲品店的味道很接近，跟餐只要加6元，很抵。主食的麵條是很有咬口的麵，不規則的形狀也能沾上香濃的湯。叫得上特盛，麵內有很多配菜很入味的豬軟骨，不會煮到太爛，軟骨還保留爽脆口感。肉的部分吸收了牛肉湯汁，但也吃得到豬肉的味道。牛肉是台式牛肉麵常見的厚牛展，從側面看足有牛排那麼厚。但牛展的好處是很易咬，畢竟吃麵的時候還是不要用太多餐具會更舒適。另外也有很足料的墨魚丸和貢丸，都是實淨得要慢慢咬的。台灣腸是筆者最喜歡的街邊小食，喜歡它的爽脆外皮和鮮甜肉餡。這裡都做得到，而且街邊賣緊10蚊一條，這裡加14蚊就有兩條了。完食圖，不愧是特盛，吃得很飽，麵條的份量也剛剛好，幾乎啖啖都有餸一起吃下去。

深水埗福榮街係著名嘅食街，四周圍都有好多唔同大大小小嘅餐廳，無論係邊一個國家嘅菜、或者係去到街邊小食都好多選擇。👍🏻👍🏻而今次我就選擇左一間以台灣菜做招牌嘅餐廳位於元州福榮街116號的古早牛肉麵。識食台灣野一定食滷肉飯、雞扒🥰今次我叫了一個鹽酥大雞扒海苔味，雖然只是$36但係分量十足數起嚟都有15舊左右。而雞扒亦都唔會太乾外皮亦都炸得十分之脆。😋而滷肉飯方面我叫了一個古法滷水大雞腿肉操便當，雞髀十分之大隻仲配有酸薑同埋半粒蛋。不過佢嘅肉操就有啲特別以肥肉居多我一向食開嘅台灣肉操飯都係半肥瘦比較多嘅，肥肉居多嘅滷肉飯食落口感雖然好軟但係就覺得有啲肥。雞髀十分之入味差唔多佔咗成個飯盒嘅一半。😆總結來講古早牛肉麵係一間我自己都幾推薦嘅台灣嘢食如果去到深水埗不妨一試。👌🏻🤗

疫症關係已經好耐冇去過旅行真係好掛住台灣啱啱睇到深水埗有呢間主打台式食物嘅餐廳裝修都係走台式路線，好有親切感由於而家冇咗晚市嘅關係所以就返晏晝有時間就會出去食咗嘢先下午茶Menu都幾抵食魯雞飯結合左魯肉同嘉義雞肉一次可以試晒兩種台灣名物魯肉同雞肉都好好送飯加埋個魯肉汁好夠，好快就撈勻食晒成碗飯蚵仔麵線味道相對適合香港人冇係台灣食嘅咁重口味蚵仔食落有蠔味整體都OK綜合甜不辣食落唔會好油膩入口彈牙配埋甜不辣個辣醬勁有喺台灣食嘅感覺甘薯地瓜條揸得非常之香脆可口粉漿一啲都唔厚在灑上金薯地瓜條嘅夢幻組合-梅粉可謂做得相當出色飲品方面我哋叫咗台式奶茶同蜂蜜烏龍茶加愛玉飲品味道不錯，好解渴成枱都係野先$100鬆啲宜家冇得堂食都可以叫外賣啊

平時行過深水埗都係買電子野，好少留意呢區有咩食但今日同朋友買完野之後佢就話不如留係到食埋飯先走推薦我食呢間台灣牛肉麵店我地去到等左一陣就有位，但店內座位放得好貼有D迫同隔離枱好近，呢樣係冇咁好餐牌有好多選擇，招牌既牛肉麵，雞扒飯，肉燥飯，拌麵都有咁我第一次當然試招牌我點了招牌紅燒牛肉湯麵10分鐘內就黎到睇得出湯底好濃郁，牛肉都有6件好足料牛肉咬落軟淋，完全不需要力肉味濃，帶有筋令口感更好係好食既牛肉麵就係正常既麵條，幾彈牙呢餐幾滿意，呢碗牛肉麵屬中上水平

宜家夜晚無得出去食飯，放工就係附近買外賣～見到呢間外賣有8折，好似都幾正宗feel，所以就買左D飯同小食番屋企食～宜家6點後仲有8折，見佢lunch set/ tea set都幾抵食～買左個雞腿肉燥飯都係58蚊，飯既份量幾多，夠我2個人食！肉燥汁唔會太甜，好多肉，珠米一粒粒，好好食！雞脾幾入味，唔錯！不過想重點講下塊鹽酥雞排，佢係成個盒咁大塊，拎到番屋企即食，仲係好脆，香辣口味好正！！外脆內juicy，原價都係30幾蚊，真心抵食！！另外加左個豬大腸，幾淋幾入味，又唔會太肥UN到咬唔到！絕對可以encore因為真係有台灣味道啊！！！

今日又出嚟深水埗買嘢，順便搵間靚靚餐廳食下野啦，揀咗呢間台灣野好似都幾多好評！好鍾意餐廳嘅設計，有好多懷舊嘅台灣風裝飾品！餐牌都算多選擇，諗到嘅台灣菜都有，而且價錢一啲都唔貴，超級親民！餐廳主打牛肉湯麵嘅，不過今日我唔想食牛，所以最後叫咗鹽酥雞排乾拌麵😛一上菜，超香椒鹽味🤣同埋真係勁大塊雞扒，我一個女仔完全食唔晒😂仲有落單嗰陣我叫咗多汁，佢俾咗好多肉澡我😛😛呢隻麵條好粗身，好有咬口，我鍾意！張枱有呢啲辣菜譜，相信係自家製嘅，我用嚟撈麵，好惹味，一流！我仲叫咗一份綜合甜不辣，只係$28 ，有勁多舊，食到我好飽😙😙 甜不辣其實係台灣係類似炸魚糕，好煙煙韌韌，好好食，旁邊有個甜酸醬俾你點下。連埋撈麵叫飲品，可以減$4！叫咗杯珍珠奶茶試吓，係台灣最基本嘅飲品，好大杯，呢杯茶香味比較奶味重，唔錯！

朋友係附近做嘢，行開ssp就搵佢食個飯，呓啱想食台灣嘢就簡咗佢。聽我fd講話老板好似真係台灣人嚟，咁我都係台灣住過一段時間，但想食番真正嘅台灣菜。咁我同朋友係午市時間去食嘅，咁我地都係叫咗雞扒，不過我就食咗麻辣乾拌麵，佢就食肉燥飯，再咗杯冬瓜愛玉同埋珍珠奶茶。加埋就140蚊左右，個人覺得依個價錢有少少貴咁，但都係值得嘅，因為佢嘅雞扒同麵䂋中整到同台灣8成相似嘅味道，雖然台灣平好多但係香港嘅價錢食同咁嘅質素覺得可以接受。下次會想試下佢嘅牛筋牛肉麵，試下有冇台灣食到差不多嘅味道😋😋

態度惡劣嗌左一個雞腿肉燥飯，一個滷肉飯，兩杯奶茶，落單等左半個鐘都未到，問店員原來漏左單，再等左陣終於有野食，點知送左兩份一模一樣嘅肉燥飯，再問個操大陸口音嘅阿姐，佢話鹵肉飯同肉燥飯係同一樣野黎架， 滷肉飯會多幾塊肉片喺上面你唔鍾意食都無辦法架，跟手講完就走鬼左，杯奶茶仲一啲味都無，啲珍珠又淋又爛，好核突其實一開始好聲好氣問個阿姐係咪送錯左野食 ，點知佢一聽就好勞氣，即刻變臉，啲態度差到怪唔之得無乜生意

我很喜歡吃台灣的牛肉麵，去到哪裏都喜歡試不同餐廳嘅牛肉麵，今天路過深水埗，見到呢一間古早牛肉麵，決定一試。正值午飯時間，我點了佢嘅古早牛肉麵，再配珍珠奶茶。牛肉麵嘅湯底很重味精，吃了幾啖已非常口渴，牛肉有幾舊硬到怎樣也咬不開。珍珠奶茶也沒有什麼特別，一頓普通的午餐。座位方面，大部份都是沒有靠背的坐椅，主要是快食快閃嘅餐廳。

去深水埗多數食車仔麵，今次行落一條街見到都好多人，其中呢間台灣牛肉麵好多人排隊，裝修好有台灣味道，但係大熱天時坐滿晒人，阿姐竟然開一部冷氣，真係好焗，呀姐好唔情願嘅情況底下開返部冷氣午餐有好多不同選擇，一款主食再加小食再加飲品牛肉麵湯底OK但係牛肉好韌，食得好費力，滷水大腸乾淨無異味，仲幾入嚟添鹽酥雞扒飯，口感一般，炸花枝丸幾好味蜂蜜烏龍茶，台式奶茶，完全冇茶味，一啲都唔好飲，從飲品睇出係好唔正宗嘅台灣菜已經冇興趣再嚟多次

【 再次光顧，台灣古早的味道 】上次食過深水埗福榮街開的古早牛肉麵，好掛住佢個鹽酥雞排肉燥便當，今日我地再叫外賣，順便試下杯黑糖珍珠奶荼。我地今次點了一碗特盛台灣半肉湯麵，一盒鹽酥雞排肉燥便當，一盒古法滷水大雞腿肉燥便當，小食起司蛋手抓卷餅，一杯黑糖珍珠奶荼。特盛台灣半肉湯麵湯底一樣好濃，好香，幾足料。餸包括有牛腱，豬軟骨，貢丸，花枝丸，牛肉好腍好腍，白蘿蔔都幾淋和入味。外賣的麵和湯底是分開上的。小食起司蛋手抓卷餅，都幾大份，芝士同蛋都好厚。黑糖珍珠奶荼，味道偏甜，但幾大杯。鹽酥雞排肉燥便當，魯肉味幾濃，唔乾身，幾啱送飯，便當有送半隻滷蛋，鹽酥雞排好脆好香口，雞肉都算林。古法滷水大雞腿肉燥便當，今次的大雞腿肉質有小小"鞋"，如果鍾意食嫩肉的人就會覺得麻麻。

又是深夜收工，ot 到無日無夜咁黎到深水埗醫肚，見附近有間台灣野冇食過就過黎試下啦，佢d 裝修都幾⻣致，幾有feel 咁。跟住就梗係order 番d 著明既台灣菜同小食啦佢個menu 又整得幾靚wo,order 左個小碗滷肉飯，綜合肉丸湯，仲有柯仔煎。老實講份量太少，味道部分正常，不過不失。但真的不是太推介的。點解會講部分正常，因為個肉丸湯係甜既？？？飲品方面order 左杯輕芝士岩鹽奶蓋抺茶，同埋黑糖珍珠奶茶。飲品反而做得比食物出色，起碼係覺得好飲既。

難得爸爸話食台灣野，梗係去食 la~餐廳環境好台灣，連點餐紙都好台灣，真係好古早食左鹽酥雞乾拌麵，大腸乾拌麵，豬軟骨肉燥便當，蔥肉餡餅。好鍾意食乾拌麵，可以簡肉燥或者麻辣。今次2碗都係食麻辣，麻辣個味係夠既，但係個汁略嫌少左 d, 如果肉燥同麻辣可以2者並存的話會更好。鹽酥雞就唔夠鬆化同唔夠鹽酥，似乎偏離左鹽酥既感覺，而家只係1塊炸雞扒~豬軟骨不是豬硬骨幾好食~蔥肉餡餅好食，滿滿蔥同肉味，餡餅入面充滿肉汁，食果陣要好小心！仲飲左招牌珍珠奶茶同仙草奶茶。2款奶茶入面都有茉莉花味，本人就唔太喜歡喇！珍珠奶茶都係配返正常台或奶茶會好飲 d

夜晚肚餓又唔可以出去拍拖撐檯腳😟但好在仲有熊貓頭做外賣仔，都以安在家中食到古早牛肉麵😍🍜半筋半肉牛肉麵真係無得彈😍有咬口，但唔會咬唔開，又入味，而麵條更加爽口，配上湯底一流。🍜大雞排干撈麵，大雞排厚實但放入餐盒淋左小小，但都好好食😋另外佢以肉燥拌麵食，都幾惹味，但覺得可以更濃，咁樣就效果仲好。炸花枝丸不過不失，可能都係放左落盒就深左，所以有機會下次都想試下堂食，起碼食到原有脆炸口感，同想食埋佢個燥肉飯🤤

記得之前嚟過食台灣牛肉麵，水凖唔差既但較貴，今次嚟食飯先，不過完完全全令我失望叫左個小碗滷肉飯，d滷肉少飯多，不過我預左，但滷肉得個鹹字，無豬油味就連汁都唔比多滴我，我食左面頭有肉果幾啖就淨左一大碗白飯無食了。一細飯碗既滷肉飯都要3x蚊。朋友叫左個特盛，唔見得份量有乜分別，係多左d餸同埋隻碗大d...豬軟骨好硬，又乾身無汁，果2粒肉丸真係多謝晒。。。3隻字 “唔好食”仲有個涼拌青瓜，又收幾十蚊，佢只係用左半條青瓜切粒再撈鹽！就係咁簡單！全晚唯一合格既係2杯焦糖珍珠奶茶，其他完全失望。