古早牛肉麵 (已結業)

呢排一直諗有咩地方可以食好既牛肉麵，今晚心血來潮就響深水埗搵左呢間牛肉麵，之前都有見過幾次但無入到去，今日想食就一於膽粗粗去試下！入到去二話不說叫左個半筋半肉牛肉麵，一杯芋香珍珠奶茶，我朋友就叫左牛肉麵加奶蓋海鹽綠茶，好快就有得食！一飲杯芋香珍珠，正，呢種最早來到香港既台式飲品味道今時今日已經好少地方飲到，今日竟然俾我飲到，珍珠彈性亦夠，非常好！主角來了，半筋半肉牛肉麵，食個牛肉就知係正野，淋得來又有咬口，味道仲要好似響台灣食過既味道，麵亦好彈牙，反而湯底淡過台灣食過既少少，可能要配合返港人口味，至於係咪成功，我覺得味道係好，所以係成功既！🤗今晚晚餐意想不到係好食同食到好飽，一定會再來，加油！

今期推薦~珍珠奶茶~紅燒牛肉新竹米粉一直都覺得深水埗沒有太多台式餐廳，這間台灣餐廳啲牛肉麵都做得比較出色，今次再返轉頭幫襯，睇吓有冇退步。今次試新野先是是紅燒牛肉配上新竹米粉，再配上珍珠奶茶，另外再叫了一個滷水雞髀乾伴麵。今次的紅燒牛肉新竹米粉真的10分驚喜，新竹米粉完全吸收了湯底精華，比起平時食開的牛肉麵更為出色，下次都會再叫新竹米粉。珍珠奶茶沒有退步，茶味一樣咁香濃，值得回頭。另外今次最為失望是滷水雞髀乾伴麵，滷水雞髀沒有滷水味，只有表皮掛色，肉操非常乾身，麵質口感重麵粉味，整個配搭太差。

耐唔耐就會想食大腸麵線行過見深水埗見到呢間入面裝修都幾得意，有d台灣feel就入去食紅燒招牌牛肉麵食台灣野點可以唔食牛肉麵一睇湯底已經之濃味，咸味適中，啲麵夠粗夠彈牙！同台灣食既其實都差唔多大腸麵線喺台灣我最鍾意就係食大腸麵線，但係喺香港就唔同台灣一樣有咁多舖頭整得好食呢間嘅大腸麵線，算不過不失，唔會太水，麵線份量適中，大腸份量就如圖所見， 得幾舊珍珠奶茶一睇就知奶多過茶，差更d茶味，有d似 奶加珍珠綜合其實呢間台灣野食不過不失，但勝在地點方便，價合理，不妨一試。

又黎深水埗覓食, 見店舖裝修企理, 就決定晚餐食佢!肉燥飯, 唔記得影. 味道偏淡, 大大碗, 不過不失, 係食落油膩感重d.合格蚵仔煎. um.... we cant find the right word. 一心以為係蠔仔餅咁脆脆地, 點知成條鼻涕咁. 無蛋味, 無乜蠔, 邊邊唔脆. 或者係我地孤陋寡聞掛🤦🏿‍♂葱肉餡餅, 細細件, 外皮亦都煎香煎脆, 幾好👍招牌半筋半肉麵, 果然係招牌, 我同媽都覺得最入味之作, 個湯飲得出係足料配製!👍豬軟骨乾拌麵都係唔夠味, 亦都係油膩感. 而豬軟骨都煮得唔夠林. 但麵的質感口感好好, 挽回一d分數。整體味道偏淡. 再黎只會食招牌麵. 但深水埗區黎講環境唔錯, 服務ok. 份量都好足. 味道或者係我重口味👌

紅雨都要食野架🤣🤣🤣🤣🤣今日又係深水埗搵吃，呢期成日都係呢區開餐。打開OpenRice，好多人評呢間好食，就去呢度食個lunch啦！紅雨紅雨........好彩就係紅雨，好快有位（邊有人好似我地2公婆咁癲，紅雨都出去架）有人問我，呢間係咪台灣人開既，問得好，但我唔知，wakakakaka🤣🤣🤣🤣食台式麵，緊係要叫招牌紅燒牛肉麵，話係用80斤牛骨同菜熬架喎，果然味道香濃👍🏻。另一推介，鹽酥雞燥肉飯，個燥肉好夠味！

老佛爺心血來潮找我食晚飯，吾想食飯，和她去食碗麵，試這台式古早牛肉麵。內裏裝修簡潔，尚算濶落，點餐是tick紙，一目了然。麵食點了蚵仔米線，半根半肉麵，配了两小食，盬酥雞扒，牛肉蔥花手抓餅，飲品點了黑糖珍珠奶茶和芭樂蘆薈多多。蚵仔麵線量偏少，蚵仔得數粒，但味道吾錯。牛根麵湯濃郁，根很淋，肉很香，蘿蔔好甜，老佛爺全碗清晒😋。小食同樣美味，大大雞扒可酗幾款味粉，我選原味，正。 手抓餅好好味，一関四件，都幾大件，两小食都食吾晒，有食剩取走當宵夜😅。飲品可自選多冰少冰，多甜少甜，幾貼心。多多開胃又多蘆薈肉粒，吾錯。埋單211元，人均消費105元，性價比合理，可encore.

📍古早牛肉麵嗰日見到openrice幾多好評，就同屋企人黎，呢間環境唔錯 ，裝修懷舊風，坐得舒服😌個日張單🤥餐牌下次要食豬軟骨！—————————————————————❣半筋半肉牛肉麵（$62）✅推✅可能係🐷係香港食過最好食既牛肉面，飲得出好有層次嘅濃郁湯底，牛筋牛肉超淋的，又入味，仲要出面好多都係得幾塊牛，呢間都比足，起碼８舊以上，最重要好食！價錢仲要平民，一定會再來！！不過如果d 面再淋ｄ仲好.❣柯仔煎（$46）🐷媽覺得好煙韌，所以好食，🐷同🐷爸都覺得麻麻，唔值40幾蚊啦.❣綜合麵線（$35）呢碗都ok! 有台灣夜市嘅水準，唔會太水，蠔仔同大腸都好食，大腸乾淨夠入味！.❣小碗魯肉飯（$30）雖然話細碗但份量一啲都唔細，滷肉鋪滿面，夠咸，唔會太肥，雖然就唔正宗，但就配合翻香港人口味，仲有隻8成熟糖心蛋🥰但竟然忘記左影！！.❣麻辣牛肚絲（$28)✅好食！唔算話好辣好辣，但辣得好過癮，啲牛肚都好淋，唔難咬！不過就細碟左啲.❣肉燥燙青菜（$26)好多好多肉燥❣　佢啲肉燥真係幾好食，肉燥肥肪比例均勻，同台灣食嗰啲有得揮！啲生菜好新鮮，好爽！.❣炸花枝丸（$26)🐷媽favourite，I

和朋友做運動前都吃少少野外形好似煎薄餅，外皮好脆，內裹是菜，不知道是菜問題還是其他，食到菜帶有甘苦，我第一次吃，不知道是否這樣味道雞扒好酥脆，之前吃過原味，今次食甘梅味甘梅味亻不突出，都是原味好吃一點峰蜜蘆薈多多，酸酸甜甜，太冰涼啦下次要食麵和飯，這裡豬軟骨好食，大大件環境舒服，懷舊風情

等老公踢完波一就去深水步食牛肉麵半筋半肉湯面⭐️⭐️⭐️⭐️勁大麵一個女仔無可能食得晒牛筋和肉都好入味勁似台灣食嘅味道滷水蛋豆腐⭐️⭐️⭐️⭐️我唔食架但老公大讚好味一人清晒特盛台灣牛肉便當⭐️⭐️⭐️⭐️⭐️雖然掛住食無影相但我係食咗好大碗大力推介肉燥燙青菜⭐️⭐️⭐️⭐️完全是台風薑汁桂圓紅棗茶⭐️⭐️已經係小甜但都甜到飲唔到😏仙草冬瓜茶⭐️⭐️⭐️⭐️呢杯小甜都係甜但飲落好清新可解喝💕💕

深水埗最近都有唔少值得去試嘅餐廳 近排真係好鍾意食台灣野 特別係台灣牛肉麵 依家未入門口已經見到幾乎滿座 所以感覺都真係值得一試 坐咗落嚟我哋叫咗個招牌牛肉麵 仲有一定要飲嘅台式飲料招牌半根半肉麵-巨牛肉大份量 多到唔係好食得曬 湯底超香濃 麵夠彈牙 完全入味 牛根炆到好林 可以一試.-柯仔煎-味道同質感都同台灣食到嘅差無幾 幾好食 可惜係比較少柯仔.-芝士雞蛋手抓餅-大大份 手抓餅有啲厚粉 餅內包住啲芝士雞蛋同椰菜 味道不錯 可惜太厚粉

今日做嘢經過深水埗鍾意食台灣野嘅我即刻去試一間台式嘅餐廳。先係叫咗一個鹽酥雞挑好排肉燥便當再加錢飲一個輕芝士岩鹽奶蓋抹茶再要加珍珠。因為我呢啲係特飲所以加嘅價錢好貴。先係講咗個主食先啦佢份量都好大份嘅，雞扒非常香脆，味道啱啱好，做到鹽酥嘅脆同埋嗰種椒鹽同埋小小辣嘅味道，係幾好嘅。咁肉燥就略為少。不得不提嘅係佢枱面上自家製嘅辣菜脯！我好欣賞佢係切得好夠碎方便送飯！而且重點係佢非常之夠辣好入味好惹味係非常之適合攞嚟送飯！即刻可以提升胃口提升食慾！個飲品個奶蓋都做得幾出色。都係嗰個標準奶蓋要夠厚身密度夠高，味道本身夠濃郁夠稠身。本身奶蓋味道要夠香濃，質地要做得夠張力啦。咁先至可以同下低主要嘅飲品分成兩個層次唔會三幾分鐘都唔夠就跌落去下低混和晒冇咗兩個口感。要兩層分明之後一齊飲嘅時候又可以融為一體先係至高無上。店內環境佈置恍如置身台灣有小台灣味道。不過可以改善嘅係價錢方面，係深水埗只係食一個午餐都要$80，就真係有啲昂貴。😭

話說考完試，大家又累又肚餓😖😖😖但可能太夜既關係🤨都成日10點，周圍都關哂門，同學提議落深水埗食野🤗去到就尋尋覓覓，終於搵到間台灣野😊入到去個間隔幾舒服，都幾大幾闊落😁到叫野食方面，同行有三個叫左炸雞扒肉燥飯，一個叫麵線👧😊😊😊當野食黎到，個樣係唔錯，個雞扒其實係幾正，但個肉燥飯就堅唔到，肉燥冇咩汁😥😥，飯又乾又硬，食左個飯兩淡就冇食到，同學表示麵線不過不失，個飯價錢唔算太貴，56元，下次再黎我應該淨叫炸雞扒👍🤔

古早位於黃金商場附近店鋪唔算大 但內裡空間感都幾大相約朋友食飯 個場人都唔算多 安排我地坐大枱望到餐單 都好多選擇 飲品都大半頁紙今次我就叫了招牌牛肉麵 及 芋香珍珠奶茶等左一陣飲品就先到了 都大杯下底下珍珠都好好食 夠軟食又有糖味不過我都覺得杯飲品仲係有點甜可能因為芋香原來都帶糖 下次可以走糖了再來就有牛肉麵食了 牛肉麵是皇牌 果然是無錯的湯底夠濃 加試麵好滑仲粗身食落有口感麵好似吸了湯底 味道更濃牛肉香又大塊 入口唔會太硬本以為係又硬又乾的但喱塊肉煮得淋淋地 有帶點油脂唔錯呀 假如覺得好溜～唔緊要！食一吃蘿蔔淡味返哂 份量剛剛好 食得好滿足個人建議：如果行開黃金 入去食碗牛肉麵一定唔會失望 仲會好享受

深水埗咁多食肆，咁多選擇，都唔知食邊間好，最後選左呢間台灣店， 裝修懷舊舒適，用木台木櫈， 服務態度有善，叫左一個肉燥雞脾便當， 一碗牛腩牛筋麵， 一個小食沙茶醬魷魚，一杯熱香芋珍珠奶茶，食物質素：台灣牛腩牛筋麵湯底比較濃，有d 藥材味，份量正常，雞脾便當，係一個大碗上，用便當盒或短身大碗上好d，而家應該叫大碗飯，比較鐘意沙茶醬魷魚，味道適中，魷魚夠淋，但唔夠爽口， 香芋珍珠奶茶唔係好甜，剛剛好，總括來說， 經過可以再食，下次試下其他小食！！

其他冇試過唔知，第一次黎，試佢滷水大雞腿乾伴麵。真心唔覺得要排隊。麻辣醬冇層次，雞腿唔算大，而且唔入味。成碗野好淡，問佢落多少少醬但都係得個辣字，冇其他味。十分麻麻