古早牛肉麵 (已結業)

午餐鹽酥雞扒乾拌麵（＄58）有得選擇肉燥或者係麻辣醬，我選擇左麻辣醬比想像中大碗！鹽酥雞大大塊 外面夠脆、肉算juicy、調味都唔錯個麻辣醬係鹽酥雞底，份量夠撈唒個麵底 辣度夠但係會比較油同青瓜絲一齊食就剛剛好!另外仲加配o左宜蘭迷你蔥肉餡餅(3件) ($16)同埋花枝丸蔥肉餡餅入面好多汁 一咬就爆汁 勁香蔥味花枝丸有落椒鹽,彈牙又夠墨魚味呢間餐廳仲有下午茶供應，不過好似同全日供應嘅餐冇咩分別😂😂總結:下午茶嚟講跟set有野飲又有得加小食,cp值唔錯!recommendation rating (out of five): 

沒得去旅行只好睇相睇片望梅止渴，整理到台灣之旅時看著美味食物就衝到深水埔的《古早牛肉麵》LOL 剛好下午14:00，除了全日餐牌外也有下午茶套餐選擇 ～ 又可多叫小食 lol 🥳🥳佢等候期間，細看四周的牆上畫、餐牌、枱枱凳凳等等佈置得有台灣懷舊味道，猶如置身於台灣 職員服務態度有禮貌雞魯飯 HKD 36 魯肉及雞肉各半。魯肉肉香不太肥膩～ 送飯一流！ 😁跟餐8選1飲料，有滋潤、消暑、開胃 🥤 。杏仁茶，味道正常 沒有淡如水 又可滋潤 ～ 正！ 跟餐小食 - 滷水切大腸 HKD 16 及 台式小香腸（2條）HKD 14厚切肥美大腸！ 好入味，口感有嚼勁 ～ 最緊要內藏清潔得很乾淨啦 ！ 另一很邪惡的台灣夜市必食 — 香腸🤩！這個肉質外脆內嫩，滿腔油香久久不散 😋 小食皮蛋豆腐 HKD 28 愛多醬的我未開動己感到很吸引了！ 醬汁跟木魚碎及皮蛋豆腐混合後一口吃，味道濃郁但不會太咸。豆腐滑溜

深水埗多好野食就係人都知，今日就去左呢間古早牛肉麵度食個午餐。呢間餐廳最吸引我既一定係裝潢，入到去係有舊台灣既感覺，除左味覺享受，視覺既享受都比埋你。我地兩個人叫左兩個主食兩個小食同杯飲品。首先係古法滷水大雞腿肉燥便當，同個名一樣，係一隻大雞比，滷水唔會太咸味道啱啱好，配埋肉燥送飯真係味道唔錯；另一個主食係醬油豬軟骨乾拌麵，點餐果時可以揀麻辣醬/肉燥醬，我地就揀左麻辣醬，豬軟骨同麵既份量都好足，雖然話係麻辣，不過都唔會話太辣，反而好香，如果想食辣啲可以加枱麵上既辣醬，會另有一番風味；小食我地揀左麻辣牛肚絲同鹽穌大雞扒，牛肚絲切得都好闊身，食落好有口感，加埋麻辣醬真係一流，另外鹽穌雞扒可以揀唔同既味，我地就揀左海苔，食落咸咸地唔錯。最後飲品係奶蓋紅茶，奶蓋做得幾“杰”身，配埋淡淡既紅茶作為結尾真係好滿足。

呢間係深水埗既台灣面都幾受歡迎，原來都唔少人去，食無虛位，台灣野黎講，本人都覺得幾正宗，事關有d店員都好似係台灣人黎。感覺好親切，真係好似返左台灣咁。環境黎講，都用左唔少木既元素，感覺好和諧，唔知點解比到一種台灣青旅既感覺比我，好懷念舊時台灣獨遊既日子。食物方面，咁就梗係要試下佢個台灣牛肉麵喇，飲左啖湯先，清湯黎講都幾鮮甜，仲仲種係乾面，本人就鐘意食乾面多d，因為可以食到佢d肉燥，果重鮮油既感覺，都係用左粗粗地既面，咬落就偏軟，但好有口感，夠曬彈牙好味。另外，特別推介佢個肉丸湯，因為飲落真係夠曬鮮甜好味，d肉丸都好好食，特別係佢個貢丸。飲品黎講，就梗係飲珍珠奶茶喇，飲落好濃郁，唔會好似出面果d咁溝淡左。

呢日黎到深水埗, 成日都好想舒舒服服坐低食個飯~ 行行下就見到呢間古早牛肉麵, 又有台式飲品叫, 又有台灣麵食,望落唔錯於是就入去試下!我地一見到餐牌唔理三七二十一就填左野飲先! 一個叫珍珠奶茶, 一個叫胚芽奶茶! 估佢唔到仲有乾拌麵食! 即刻叫左個鹽酥雞排乾拌麵,真係夠哂份量! 另外仲叫左個生菜,綜合肉丸湯, 同埋一個牛肉香蔥手抓餅, 真係一次過滿足哂我想食台灣野既癮!首先係奶茶! 佢可以揀甜度, 為免飲咁多甜野我都係走甜算! 佢既飲品我覺得都做野幾好, 平時有飯食既台灣餐廳做既飲品都係一般, 呢度我覺得可以叫做係中上, 咁一定冇專賣台式飲品既鋪頭咁正~ 但我覺得都真係唔錯! 夠哂奶香同茶香!個鹽酥雞排乾拌麵真係好正…. 大份得黎真係唔駛講… 睇相都見到D 鹽酥雞排夠哂香脆…… 講起都流哂口水, D 麵又夠哂彈牙…. 配埋個D 肉燥真係忍唔住想再食一碗… 生菜加左肉燥成個層次即刻昇華左hahaha!綜合肉丸湯真係有番係台灣既感覺…. 個貢丸真係超好食!!!! 喧多粒最好食係貢丸! 湯又夠哂清甜! 至於個牛肉香蔥手抓餅其實都好大份… 食落去啖啖肉….. 好彩我地兩個人冇叫兩個麵… 如果

今日嚟到深水埗區買電話野，下午茶時間嚟到福榮街。全條街都有好多食肆，我哋最後入咗古早牛肉麵。入到去嘅裝修都幾有特色，有好多張台灣海報，仲有一啲台灣古老商店標誌我哋點左一份午餐，一份下午茶餐。肉燥飯都比我想像中大碗，肉燥份量足夠，我鐘意佢哋係偏瘦嘅肉, 感覺健康啲，而醬汁味道剛剛好。一啖肉一啖飯，加埋紫薑同埋酸蘿蔔食更加開胃！半根半肉都好入味香濃，湯底都幾重牛味，正！蘿蔔都好甜好林，絕對同牛腩好配合！另外我哋好少食新竹米粉，今次食我都幾鍾意，佢感覺有少少似粉絲，吸左湯底味道好好味！飲品我哋叫咗凍杏仁茶及凍台式奶茶，都好有台灣風味因為疫情關係去唔到台灣旅行，但係在香港食下依啲台灣小店都令到我哋回憶台灣古早味

今天去了深水埗買點東西剛好朋友在深水埗早收工很久不見的她說買外賣來我家一起吃我們都是很喜歡台灣菜的人她找到了這一間 — 古早牛肉麵 先看一看餐牌六點前還有午餐和下午茶我們決定點一個便當和一個拌麵一起分享紅燒牛肉乾拌麵可選肉燥或麻辣醬口味喜吃台灣菜首選當然是肉燥口味牛展醃得入味麵條是粗身的 入口彈牙拌麵沾上了湯汁 味道濃香不錯不錯鹽酥雞排肉燥便當鹽酥雞排大大塊 份量十足外層炸粉不會厚 一口咬下去連着香脆的雞皮和嫩滑的雞肉正肉燥飯正宗台灣風味 還配了半夥滷蛋豐富又好味凍冬瓜茶跟餐配飲品 陣陣冬瓜茶香喝下去清甜解渴 好喜歡

係呢頭做野果陣都食過呢間古早牛肉麵，之前食都覺得好好食，牛肉麵湯底濃，牛肉又啖啖肉！價錢又合理，仲要係超多選擇！今次去開深水步，諗起呢間野，就去望下有無ｄ野買番屋企加餸～因為夜晚無堂食，餐廳都變得冷清～因為番屋企路途遙遠，就無叫我至愛牛肉麵。 叫左個豬軟骨飯，加左２個小食，一個係麻辣牛肚，同埋沙茶魷魚～豬軟骨飯好大盒，豬軟骨都炆得幾淋幾入味，只係ｄ飯索晒ｄ汁，所以ｄ飯好好味麻辣牛肚細細兜不過都都幾多條牛肚，同埋真係好麻辣！不過好上癮！送飯都唔錯！沙茶魷魚好爽口，仲有ｄ豆卜係隔黎索晒汁又係好好味！無食一排，就算外賣都仲ｋｅｅｐ到咁好味，希望下次黎到可以食番佢既主打紅燒牛肉麵！！

近排疫情嚴重連政府都話冇得堂食，咁就冇辦法啦，唯有嗌外賣。今次就去到深水埗的一間台灣小店。😆我自 己本人好鍾意食台灣野特別就係牛肉麵同埋坷仔戰，所以今次一定要試吓。😌古早牛肉麵位於深水埗元州福榮街116號，人均消費$50以下。👍🏻雖然係外賣但都講吓店舖的裝修，舖頭嘅裝修10分有特色，全部都係八九十年代的台灣裝飾。配上工業風的灰色牆身，有種置身於八九十年代老台灣的感覺。可惜政府而家唔俾堂食所以只係影咗兩張相就要走了。😢好講講嘢食方面，今次我叫了一個半筋半肉牛肉麵，牛肉麵的湯底10分濃，好有喺台灣食牛肉麵嘅感覺，而牛筋亦都 滷得非常軟熟，😋可惜嘅係牛肉唔知係咪因為外賣嘅關係，相對就唔算多。🧐

疫情之下，夜晚冇得出嚟威，搞到呢排大胃之母餐餐都要煮，成日話攰死佢喎，咁大胃動吓孝心，叫佢唞吓一餐，等大胃化身外賣妹買台灣嘢返去囉一到6點，餐廳人影都唔見，似乎大胃係第一個叫晚市外賣，唔使等好耐，好快就整好，咁多嘢都裝得好穩陣一返嚟大胃之母就吼住杯珍珠奶茶，不過佢有糖尿，但大胃飲咗覺得唔會太甜，姑且俾佢試一啖啦便當份量都好大份吓，飯係珍珠米，好正，軟硬適中雞扒份量都幾多㗎，又夠嫩口，好飽肚湯另上真係好細心，半筋肉嘅牛，簡直係令成個晚餐變得溫柔麵好彈牙，又唔會糊，口感充實希望下次唔使叫外賣，可以嚟堂食啦

自己對台灣有好深嘅情意結，成日都鍾意喺香港搵台灣嘢食，咁呢間都算係幾正宗。叫咗一個 鹽酥雞排肉燥便當，便當嘅份量好充足又有雞蛋有肉燥 可以試到兩樣嘢。味道適中配埋肉碎非常豐富又有一隻雞蛋同埋一啲酸薑酸蘿蔔可以中和返， 整禮嚟講唔錯。另外呢就想叫啲小食，叫咗台式小香腸，咁佢有四條喎，我覺得幾抵食，我好怕食呢啲台式香腸因為多數都好多肥膏。但係呢度呢肥瘦適中，唔會有個鍾唔鍾意嘅感覺。 另外叫多個炸花枝丸都有五粒，好多。我最鍾意佢嘅表面有啲類似海苔粉嘅嘢，幾特別。 外貌好似章魚小丸子咁好可愛。飲品方面呢叫咗個輕芝士岩鹽奶蓋綠茶，叫做輕芝士但係呢味道都幾好同埋飲到有岩鹽嘅味道，味道適中。不過可以濃稠返少少咁個綠茶味都可以更出，如果個茶味可以再厚啲就更加配合奶蓋嘅厚身。整體嚟講，客人都好多，睇得出咗一定嘅客源，店員都好好人。 都會再黎。

好開心今日又可以食到台灣野，最鍾意！迫不及待就嗌左幾款嘢食就好似鹽酥雞排乾拌麵，又鍾意食蛋餅所以嗌左個起司蛋手抓捲餅，飲品就好想試吓輕芝士岩鹽奶蓋烏龍茶同埋個胚芽奶茶。咁呢鹽酥雞排都大大塊，又幾香脆同埋醬汁可以揀香操或者麻辣，咁我就揀咗前者，咁就可以一雞兩味啦！哈！之後個起司蛋手抓餅，份量非常豐富！三個人食都食得飽，我覺得材料都幾豐富，除咗有芝士蛋佢仲夾咗一啲菜喺入邊，咁就食落比較開胃冇咁油膩。飲品呢，我就叫咗輕芝士岩鹽奶蓋烏龍茶，我覺得可以芝士奶蓋可以厚同稠身少少，咁夠堅挺就會夠有口感。而個烏龍茶味都一樣呢，我都覺得可以再濃厚少少咁就可以同芝士奶蓋相輔相成。而個胚芽奶茶呢我就幾滿意一來夠大杯啦好抵飲同埋胚芽夾埋奶茶呢就好夾好啱，鍾意健康嘅朋友一定唔可以錯過。今日食得好開心大家都要來支持。不過有個小提醒：可以用返一啲重用嘅杯咁就可以更加環保保護環境啦！

呢間舖頭以前都食過，我覺得幾有台灣風味。堂食嘅設計真係好懷念台灣同埋真係有古早味。咁就叫咗一個綜合甜不辣.，我喺台灣都幾鍾意食甜不辣。我鍾意食啲丸類嘅物體。咁呢度呢佢都幾豐富嘅，麻雀雖小。佢有 兩塊大嘅甜不辣啦仲有炸年糕，年糕係好鍾意食嘅嘢，因為好有咬口，配埋個微甜嘅甜酸醬好夾，係必食既小食啦！ 主食方面就嗌咗紅燒牛肉乾拌麵， 首先要讚一讚呢個拌麵嘅賣相係非常之吸引。 首先講返紅燒牛肉，每塊牛肉都砌得相當公整， 睇得出廚師嘅用心。而且一大條紅燒牛肉份量十足。 醬汁 咁可以揀麻辣或者肉燥我就揀咗鍾意食嘅麻辣，題一題大家麻辣醬汁就係麵底，食嘅時候記得撈勻佢先食，麵嘅份量亦都好充足啖啖牛肉配上拌麵， 仲有青瓜絲喺度解膩， 好細心。加上少少辣菜譜即刻又好惹味！飲方面呢就嗌咗我鍾意嘅茉香珍珠奶綠，大大杯夠曬分量，不過綠茶嘅味道可以再濃啲咁就更加突出到奶綠嘅特色。同埋一個小小嘅建議就係餐廳都係堂食同埋其他碗碟都係可以重用嘅，咁建議飲品杯都可以用返重用的器皿，就可以繼續推動環保同社會責任啦！ 同埋我覺得餐廳員工都有善有禮貌，值得再嚟呀！

今日試咗呢間古早牛肉麵，叫咗少少嘢食外賣自取。我要咗半筋半肉湯麵，個人覺得好足料又好食。啲牛筋煮得好入味，我特別鍾意佢煮嘅牛肉麵同湯底。個湯好香濃，啲牛肉麵超級好食，麵質好有咬口。啲蘿蔔都好淋同入味。我亦都試咗台式小香腸肉操便當🍱，我超級鍾意食呢度嘅小香腸，有少少甜味。鋪在飯面上嘅肉操，佢嘅份量好十足。食落去同台灣食嘅差唔多，十分地道，令我諗翻起之前係台灣食嘅肉操便當，味道方面相似。我超級鍾意呢度嘅招牌珍珠奶茶，珍珠口感飽滿有彈性，奶茶入邊嘅一股茶香連同濃郁嘅奶味，都撲鼻而來。奶茶再吞落肚時十分滑順，令人回味無窮。呢度有好多唔同款式嘅嘢飲同食物，希望下次去嘅時候可以再試下啦

今個星期一至五乖乖地係屋企Home office，到weekend終於頂唔順決定出去買個外賣，咁岩有野買去到深水埗一帶，買完野係福榮街附近好多餐廳，就求其入左間好似幾有人氣既台式食店買外賣，拎到番屋企已經係一小時後，不過食物質素依然好好，值得一讚；首先個小香腸肉燥便當份量十足，有三條小香腸，係正宗台式味道，肉燥都有成半盒飯咁多；而間舖被人讚得最多既半筋半肉湯麵亦相當出色，係巴士度已經傳來陣陣香味，買到屋企基本上被阿妹食到一大半，牛肉同牛筋夠入味，麵正常牛肉麵