古早牛肉麵 (已結業)

【 台灣古早的味道 】疫情關係，要留守在家，但在家煮左咁多餐，真係煮到悶，今日突然好想食台灣野，叫老公放工隨便買埋外賣番黎食。一早就好想試下深水埗福榮街開的古早牛肉麵，聽朋友講味道不錯。餐廳食物的選擇都幾多，有麵有便當，有小食和台式飲品。我地點了一碗招牌半筋半肉湯麵，一碗綜合麵線，一盒鹽酥雞排肉燥便當，一盒古法滷水大雞腿肉燥便當。招牌半筋半肉湯麵的湯底好濃，好香，幾足料，白蘿蔔都幾淋和入味，牛肉好厚但入口又唔會硬，幾好！外賣的麵和湯底是分開上的。綜合麵線內有大腸和蚵仔，但我覺得麵線味道偏啖。鹽酥雞排肉燥便當，魯肉味幾濃，唔乾身，幾啱送飯，便當有送半隻滷蛋，鹽酥雞排好脆好香口，雞肉都算林。古法滷水大雞腿肉燥便當，今次的大雞腿肉質有小小"鞋"，如果鍾意食嫩肉的人就會覺得麻麻。整體食物都唔錯，下次可以再食，也會試下佢地的台式飲品。

今日和朋友來到深水步見餓就找晚餐，見一間台灣餐廳在九點多都不少人就心想應該不錯就入去吃飯，入去到坐下都可以，餐牌選擇都夠而價錢便當五十多元都可接受，就叫了一個台灣香腸配肉燥便當，香蔥牛肉烤餅，飲品要了百香果綠茶同柑桔蜜。便當來到有失望原來是碗飯，份量一人份，飯太濕不太好吃，肉燥普通，香腸都幾好食有三條，但這款五十多元有點貴。烤餅有二款就要了肉的款式，烤餅可以正常，醬味偏甜，牛肉沒有牛肉味類似薄牛展不太好吃，飲品二杯都好淡，百香果明知是醬但都只有一粒，只可以淡得來幾清甜，整體除了香腸外其他都失望。

我個人係好鍾意食麵線，所以見到有蚵仔麵線，就算已經食飽都忍唔住買碗外賣返屋企食！等外賣其間留意左一下裝修，見到好多台灣味嘅裝飾，望落坐都舒服嘅。不過疫情橫行，都係買外賣穩陣。一碗蚵仔麵線外賣價$35，唔算平，份量亦唔多，細細碗咁，不過味道先係最重要。望落去大概一半湯一半麵線咁，蚵仔有5-6隻，份量還可以。食落去麵線質地偏硬，同平時食開比較軟同滑嘅台式麵線有少少唔同。味道一般，湯底食落去只有咸味。食完之後仲有三分一碗湯剩，可想而知原本啲湯有幾多。以咁嘅價錢應該唔會再食，同我印象中嘅台灣味道唔同。

每次黎到ssp大多去食下豬潤面，車仔面或者餃子。甘岩見到有間以台式裝修的小店就入去食下野先首先來了一碗🍜招牌紅燒牛肉湯麵【$59】大大碗湯底濃郁帶點甜味，牛肉好腍好腍，蘿白長型既一件過，冇渣非常入味，麵煮得剛剛好點了兩客地道起司蛋手抓捲餅【$36】黎既時候嚇左我一跳，嘩甘大份既😯生菜絲非常多，蛋仲要係脆面架，最失望係芝士唔夠拉絲。我食左一件已經飽左一半，但真心好食，下次黎一定會再嗌。宜蘭迷你蔥肉餡餅【跟餐+$16/3件】外脆內軟，蔥肉餡好香口***食既時候要小心，一唔小心就爆汁彈到成身係🤦🏻‍♀️***最後來一杯輕芝士岩鹽奶蓋巧克力【$25】第一啖入口既係芝士奶蓋咸咸的感覺很特別，再將朱古力攪勻，非常濃面滑既朱古力非常好飲。店員帶點笑容非常親切

雖然受疫情影響，但都依然選擇外出食飯點知令人失望而回晚餐叫左紅燒牛肉麵，豬大腸拌麵，甜不辣，炸雞排飲品叫左黑糖珍珠奶茶同奶蓋芝士抹茶先講紅燒牛肉麵：麵條唔夠彈牙，牛肉麵偏淡牛肉冇牛肉味，完全唔知食緊咩豬大腸拌麵同樣味道偏淡，豬大腸太肥甜不辣個醬汁係全晚唯一可取地方，可惜裡面d餸好似未熟咁，仲食到d粉炸雞排還可以，唔會太油膩，肥瘦比例適中叫左香辣味，但唔知係唔係辣粉太貴，只係得幾點辣粉，完全食唔到香辣味到飲品方面啦黑糖珍珠奶茶算係比較正常而奶蓋芝士抹茶因為走左冰關係，所以味道剛好但如果有冰就一定會變得淡而無味另外一提，枱面會有一瓶辣菜的東西，但除左辣味完全食唔到其他味總結：餐廳叫得古早牛肉麵，但個牛肉麵係令人完全失望，就連其他食物都完全冇值得欣賞既地方因疫情關係，餐廳都唔算多人，但都竟然可以漏單，好彩我地自己發現得早，所以全晚簡直係失望失望再失望建議大家想食牛肉麵可去其他更好既選擇

呢間台灣餐廳想試好耐，今日終於食到！餐廳環境算大坐得都好舒服！招牌半筋半肉湯麵 - 偷偷地望到隔離枱個碗麵好大，所以我同朋友只叫咗一碗，打算再叫小食！牛肉麵個湯好濃，好香，好足料，唯獨是係舊蘿蔔唔夠入味！滷蛋豆腐干 - 不論豆腐乾定係蛋都好唔夠味！宜蘭迷你蔥肉餅 - 其實係有四舊，不過朋友忍唔住即刻食咗一舊，咬開嘅時候要小心，入邊啲肉汁多到彈出嚟，外脆內軟！招牌珍珠奶茶，芝士岩鹽奶蓋綠茶 - 兩杯嘢飲不過不失，不過要讚一讚嘅就係可以揀甜度！總括我最推介嘅係招牌半筋半肉湯麵，我絕對會為咗碗湯麵再去食多幾次

依間台式食店，裝修懷舊，牆上貼左好多poster同埋各種裝飾，幾得意。食物方面，我揀左最鍾意嘅招牌紅燒牛肉湯麵，亦都可以選擇米粉的。湯底有淡淡的藥材味道，好香，熱辣辣的。牛肉煮得好淋，好入味，份量十足，麵條係扁身的，夠彈牙。朋友揀左小碗魯肉飯，本來以為會好細碗，點知都幾大。魯肉味濃，最啱送飯，加埋半隻滷蛋, 絕對夠飽。食台灣野，點可以唔飲珍珠奶茶呀？我麻麻地鍾意珍珠，所以走珍珠。。好大杯，奶茶甜度適中，可以根據個人口味選擇甜度和冰度，好貼心。

我們入座後覺得太凍太大風，而麵店的樓底高，風扇也安得高，店員不嫌其煩地爬高幫我們調教風扇，實在有勞她們了。4人共叫了5款食物。可能是有些食物不合胃口的關係，最後覺得份量多了一點。牛腱牛肚牛筋湯麵 麵硬，浸一會後軟化了一點，但仍是偏硬。 湯很好味，是整碗麵的亮點。麻糬章魚丸 個人嫌章魚的味道不夠突出，與麻糬過於融和。鹵水切大腸 連墊底的芽菜也有大腸味。台式小香腸 對我來說就是甜的、少油版的臘腸。起司蛋手抓捲餅 整個午餐最好吃的便是這道手抓餅！新鮮的手抓餅又酥又鬆，卷著略溶的芝士蛋，至今還是回味無窮！醬油豬軟骨肉燥便當 質素一般，後悔叫了。不試無妨。

一入到去見到好牆身好多唔同嘅裝飾 好有舊式情懷嘅咸覺 我地叫左兩個傳統台灣嘅麵黎試下！1. 招牌紅燒牛肉湯面牛肉好入味 蘿蔔好香甜同埋好淋！但個湯底就有啲鹹 面嘅軟硬度啱啱好！ 再加咗枱面上比嘅辣菜脯 令個麵更上一層樓！ *如果我個人認為菜脯唔夠辣lol 如果再辣啲就perfect了2. 招牌半筋半肉湯麵呢個同牛肉麵大致上都係一樣嘅 只係有一半嘅牛肉變咗做牛筋！牛筋一樣好淋同埋好入味！ 如果唔想齋牛肉咁dry嘅話我suggest 叫哩個

去深水埗買野通常都食文x車仔面，維x果啲，今次試下食其他野，行落少少就見到尼間台灣面，睇埋左右兩間，完全冇興趣!就你啦!鋪頭裝修簡潔，有大量舊式掛畫裝飾， 感覺良好。落左柯打冇幾耐就上到。飲一啖湯頭先，味道乾淨夠濃，只有好少藥材味，非常好我中意!👍🏻牛筋好入味，牛肉都係我中意嘅，口感軟熟有少筋留有少少牛騷味，麵有咬口，唔韌唔痴口，good呀!舊白蘿蔔居然係淋嘅添!真係唔中意唔得😍飲品就普通啦，我冇加錢轉其他台式飲品，只叫左鳳梨多多試下。香港台灣牛肉麵有好多間，尼間絕對係好食之一，會再黎

位於深水埗黃金商場後面，地鐵站行過去唔算遠。店內裝修富有特色，值得一試！✨大腸麵線✨💰價錢：$28⭐️⭐️⭐️⭐️呢碗麵線絕對抵讚！湯底適中，唔會太濃或太稀。麵線爽滑，做到台灣麵線嘅感覺。大腸滷得入味，唔會有膻味。以價錢嚟講十分抵食！ 連附近枱嘅食客都大讚呢間麵線好食！😋✨紅燒牛肉乾拌麵✨⭐️⭐️⭐️⭐️💰價錢：$60💰店內乾拌麵可選「肉燥」或「麻辣醬」兩款口味，上面揀左肉燥口味。呢度最出名就係紅燒牛肉，牛肉軟稔，肉與肉之間有膠質，結合一齊口感豐富。麵底表現平平，作為拌麵如果可以更加彈牙就好！👍🏻✨小碗魯肉飯✨⭐️⭐️⭐️💰價錢：$30💰雖然話「小碗」，對女仔嚟講都夠食，唔夠可以再追加多樣小食。魯肉香濃，非常好送飯，唔覺唔覺就食哂一碗。唯一係瘦肉比例較多，無咗台灣魯肉飯個種油香🧐✨招牌珍珠奶茶✨💰價錢：$20💰⭐️⭐️或者係出面有太多形形式式嘅珍珠奶茶，相比之外，呢度嘅珍珠奶茶就略欠特色，算係不過不失，比較近似台灣街邊飲到嘅珍珠奶茶，所以記得要少甜啊！💡總結💡以呢個價錢嚟講，實在好抵食🥰麵線絕對要再試埋蚵仔麵線🤤後記：當日拎住好多嘢入去餐廳，其實一早預左小店空間較細。但估唔到姐姐一入去就主動話比張櫈我地放嘢，面

突然好想食台灣既麵線，經過深水埗搵到哩間古早牛肉麵，裝修有點特式，餐單上全是台灣既食品款式，好耐無食過台灣正宗蚵仔麵線，即刻整返碗滿足下先，麵線湯底唔夠熱，無咩味道，麵線質地正常，蚵仔有點苦，失望(可能我期望太多), 冬瓜茶都好飲既。

因為有朋友介紹，便試試這間，店內裝修似70，80年代的間格，我們點了牛肉湯麵，鹽酥雞扒乾拌麵，因為同行兩人都點了牛肉湯麵，但試其中一人的牛肉湯麵，牛肉食落很多渣，又不夠淋，但這店出名的正是牛肉麵，味道確實一般，另外，鹽酥雞扒，主打雞扒炸得幾好，但有點鹹，個乾拌麵，真心好乾，乾到一點汁都沒有，因為個設計係用大碗上，汁全下碗底，變相上面的麵根本沾唔到汁，乾拌麵真係乾噌噌⋯唔好食我們還點了珍珠奶茶，台灣餐廳來講，實屬麻麻，我諗不會再試下次⋯

朋友介紹這店，初試這店叫了一個半筋半肉米粉，沙茶魷魚，花枝丸，野飲方面叫了黑糖珍珠奶茶。湯底不錯，牛筋牛肉比想像中好味，黑糖珍珠奶茶更比我想像中好飲，相比市面其他黑糖珍珠奶茶。埋單時，收銀姐姐問我好食嗎，還問竹有無意見呀？可以提供咖.....我只答佢，好食同好飲。多謝！

福榮街好多美食都試過，今次嚟個快閃牛肉麵，貪佢唔使等位，行入去點餐唔使5分鐘就有得食！餐點選擇以湯麵撈麵同便當分類，簡單易明！而今次揀咗招牌紅燒牛肉麵同埋特性台灣牛肉湯麵！牛腩同埋蘿蔔直徑起碼有10 cm長，雖然係深水埗食個麵來講58至$68比較貴，不過真係足料又好食！牛腩煮得好淋好入味，好香五香粉同滷肉嘅味道，而呢個特盛台灣牛肉麵只係多十蚊就有埋牛展，豬軟骨，貢丸同花枝丸。最抵讚嘅係佢嘅麵質，勁有咬口！個湯都好香濃，加埋佢嘅招牌辣菜寶！比起喺台灣食更加好食！份量啱啱好夠一個人食唔會太飽。快靚正岩曬我！另外加咗個用水切大腸，呢個真係要推介！大腸唔臭之餘好香滷水味！及收細滷水汁精華，加埋大腸嘅肥膏，香濃滷水炆大腸，仲有d爽口芽菜伴碟！正