古早牛肉麵 (已結業)

有人放工想同朋友食台灣菜，去到深水埗見到古早牛肉麵裝修唔錯餐牌吸引，我哋兩個人叫咗一個牛筋牛肉撈麵 ，撈麵麻麻辣辣凍冰冰好野味開胃，牛肉牛筋份量夠多，牛筋好彈牙口感一流！再叫咗屙仔煎份量夠大入邊夠多蠔，質地唔會太濕，啱返香港人口味！再叫咗芝士蛋餅，外面夠晒脆，入面cheese分量剛剛好，幾香口美味！飲品方面芝士岩鹽奶蓋紅茶，唔會太甜入口香濃非常高質好味！位置幾好坐，服務唔錯，下次可以再戰，試吓其他食物！

除咗coffee shop之外，深水埗仲有好多隱世食店值得發掘。今日嚟到黃金附近，就嚟咗呢間 古早牛肉麵。隱若喺門外已經見到，店內嘅裝修非常別出心裁，走入店內，走嘅係一種有精雕細琢嘅台灣街道風，會見到燈牌、掛畫、鐵箱；個人總覺得裝修能夠加持食物嘅出品。🎯今次點了個古早半筋半肉牛肉麵同皮蛋豆腐（坊間漸漸少見的皮蛋豆腐！），上菜速度好快，5分鐘左右就齊了。先講筋同肉，筋好冧夠入味，肉偏實微嫩，算得上係師傅時間嘅證明；湯頭有肉香，淨飲湯略鹹，配麵就剛好，如果肉香/香料更強，風味會昇華。皮蛋豆腐係我最記掛嘅台式風味之一，呢個絕對能夠一解思鄉之苦。豆腐嫩，皮蛋香，醬汁甜辣香口，呢個配搭真係別無二致；或者係適合番香港人口味，呢個醬汁偏多偏甜好慷慨都合情合理，一樣喜歡原味一點嘅大家可以落單特別講聲。店舖嘅服務好好，加上環境因素，用餐體驗都好不錯。其實佢仲有小食、手搖、芋圓等等可以食，有興趣一定要幾個朋友一齊嚟一站式食渾咁多款式！👨‍👨‍👦‍👦半筋半肉牛肉麵賣相：⭐️⭐️⭐️⭐️味道：⭐️⭐️⭐️⭐️價錢：⭐️⭐️⭐️⭐️皮蛋豆腐賣相：⭐️⭐️⭐️⭐️味道：⭐️⭐️⭐️⭐️⭐️價錢：⭐️⭐️⭐️⭐️

渣車黎到呢條街，兜咗一個圈，最後都係想食台灣牛肉麵。呢度裝修好有特色，是新派懷舊街景裝修。台灣牛肉麵勁香，牛肉軟淋好好食。湯底一流，我覺得仲好食過台灣幾檔出名嘅牛肉麵。

深水埗除咗行黃金 玩具街 之外過開呢頭可以喺附近搵嘢食 相對來講價錢會平民化啲舖頭裏面*打扮*得幾有feel木系 木枱木凳 放心 唔會木口木面😂店員有禮貌 加上下午茶時間都係俾人放鬆一下可以慢慢坐慢慢hi個T可以試一試佢嘅牛骨湯底雞扒新竹 米粉冬瓜茶無糖烏龍茶滷水雞髀🍗——大大隻雞髀啖啖肉 滷水汁唔會太咸男性補充蛋白質之選另外仲有幾大條甜番薯條 ～～～～～～～～～～～～～～～～～古早牛肉麵 深水埗福榮街116號地舖

餐廳水泥懷舊風 裝修別出心裁 好多台灣特色畫 燈箱 好似入去台灣小店咁 平日放工7點唔洗等位☺️☺️☺️ 落單自行係餐牌上用白板筆tick好俾侍應就得 主食有11款選擇 有湯麵/米、肉燥飯、乾拌麵/米 可選擇麻辣醬  提供多款台式小食、飲品 性價比高選擇多冇加一 值得推薦🙈🙈🙈酥炸大豬扒肉燥便當豬扒好大塊 外層酥脆 肉厚唔乾 冇甩皮 加埋肉操拌飯感覺上唔錯❣️❣️❣️秘製醬油豬軟骨 + 滷肉乾拌麵 有4大舊豬軟骨 軟骨部分不錯 乾拌麵配料滷肉碎、青瓜絲 好豐富🤣🤣🤣甘梅地瓜條 必點小食 地瓜好甜 炸得脆口 內裡口感濕潤 曬上甘梅粉 相當開胃😄😄😄招牌奶茶主食配一杯飲品可減$10 茶底香🥹🥹🥹檸檬愛玉酸酸甜甜 解渴解辣 很開胃😁😁😁

今日去左深水埗特賣城買野，真係好多平野買，臨走果陣就去返附近揾野食，發覺深水埗都開左好多新鋪頭，見到依間餐廳都幾乾淨，同時個裝修好懷舊，價錢平平地，就入去試下。一入到去，間鋪頭好多d講規則既台式poster好好笑。Menu款式都幾多，野飲都有唔同品種。古早半筋半肉麵，都幾大碗，個湯唔會太油，但味道都唔錯，麵好滑同彈牙。牛展同牛筋份量都多，口感同味道都ok，可以妏得再淋啲同入味啲。鹽酥大雞排肉燥便當，個飯都好大。個雞扒都係即炸，卜卜脆幾好食，唔會太柴，肉燥調味剛好，不會太咸。牛肉香蔥手抓捲餅，依個係蛋餅皮捲住椰菜絲同牛肉，配上啲辣汁，好惹味。輕芝士岩鹽奶蓋紅茶，輕芝士岩鹽奶蓋烏龍茶，茶味都好出，叫佢微糖都真係唔會太甜，芝士奶蓋份量都多，但唔會太咸/太漏。埋單都係$200，食到捧住肚皮，雖然唔係人氣店，但勝在性價比高，行過都可以再食。

本來想食隔離嘅越南野，可惜太多人，誤打誤撞入黎食台灣野。裝修幾有台灣風味。紅燒湯底嘅牛肉麵，感覺唔太正宗，就好似係港式牛肚河嘅腩汁味道，加dd豆瓣醬咁。味道係濃嘅，但唔係台灣的味道。牛肚牛筋份量多，而且好淋好入味，值得一讚👍🏻至於麵條就比較普通，欠缺韌度，煮得過軟。起司蛋手抓餅裡面夾著生椰菜絲，幾有趣，唔難食但會掉到周圍係，好碎。見到都知道味道淡，全靠丁點起司嘅味道，就算好食，都係因為手抓餅本身酥脆。

今晚去咗深水埗食一間叫古早牛肉麵嘅台式餐廳。黎到鋪頭前，有兩張大menu，不過冇咩睇就入去坐低再睇。入到去見到好多好有特色嘅掛畫，全部都好有教育性質，畫風好Old school好懷舊，好得意。餐廳啲枱好大，好闊落，幾好坐，唔會好逼。叫野食方面都係好似一般台式餐廳咁寫落張膠menu度。一面係食物，一面係飲品，簡單易睇。我就叫咗鹽酥大雞扒，牛肉香蔥手抓捲餅同輕芝士岩鹽奶蓋烏龍茶。另外佢哋好似啲餃子店咁樣，有啲辣菜圃比客人食，我試過都幾辣，如果食湯麵加啲落去都幾惹味，不過我食飯。嘢食好快嚟到，首先試吓杯嘢飲，因為係輕芝士，所以唔會好似其他台式飲品店咁濃，芝士清味淡淡地又有少少鹹，幾好飲，因為嗌咗少甜，所以茶味好突出。跟住到鹽酥雞扒飯，除咗雞扒仲有少少配菜，好似滷蛋，肉燥，同埋醃蘿蔔。佢哋啲味道唔似其他台式舖頭咁重口味，偏向淡一啲，肉燥都係，食到尾先見到啲汁喺晒個飯底到，如果一開始知道嘅話就會撈勻佢黎食，特別一提嘅就係佢啲飯好有咬口，粒粒分明咁，我好中意。我見到頭頂有塊寫住三好米嘅招牌，唔知係咪三好米呢。手抓餅方面，有一塊牛展捲住啲椰菜，幾清新，雖然唔太食得出有香蔥，但係入面個醬汁有少少辣，又

是日外出，老公帶我來到位於深水埗的古早牛肉麵，他說這家店是他有時放工後去吃晚飯的店，覺得不錯而帶我來試試。店內裝潢充滿台灣感～～～餐牌的選項好多，單是主食，有11款配菜 x 飯/麵 7款，可以有77種變化，任人自由組合。老公就選古早半筋半肉配牛骨湯麵，而我的配搭是鹽酥大雞排配滷肉乾拌麵。地道台灣小食也有20多款，我們選了滷水大腸及地道甜不辣。湯品及甜點則沒叫，只加配了飲品。鹽酥大雞排滷肉乾拌麵，雞排炸得外層酥脆，脆漿不會太厚，肉質仍然嫩滑，鹹香味適中。不過，滷肉乾拌麵的味道好淡，滷肉份量少，不夠甘香，所以有點點失望。若滷肉乾拌麵能更惹味一點，與鹽酥大雞排是很好的配搭啊！古早半筋半肉牛骨湯麵，先試一口牛骨湯，味道濃醇。牛筋煮得夠稔，牛腩入味並帶點嚼勁。麵條柔韌，不會煮得太稔。配菜的白蘿蔔也好甜好入味呢～～～滷水大腸，豬大腸肥瘦適中，滷得夠入味，沒有羶味，又不會太鹹。地道甜不辣  (8條) ，甜不辣不會炸得太油膩，內裡的魚糕煙煙韌韌，QQ的帶點甜味，蘸些辣醬吃夠惹味！加配台式飲品可減$10，芋香珍珠奶茶 ($17)，叫了少甜，帶淡淡芋香，奶味不會過重，甜度剛剛好，只是珍珠稍稍稔了一點。仙草

我因為太愛蛋餅 連手抓餅都唔放過，見到兩款都想食 Why not both?🤪 小朋友先做選擇(๑˘ ₃˘๑) ———————————————————————🔸牛肉香蔥手抓捲餅🔸$38大大塊牛展車落去，肉質軟淋唔痴牙，應該係紅燒牛肉麵入面嘅肉肉(?) 落好重手嘅豆瓣醬作醬汁，略嫌有啲搶味。🔸起司蛋手抓捲餅🔸$38🧀呈少少軟心狀態，要注意不是拉絲芝士喔！呢款用嘅係沙律醬 口味較淡，牛肉香蔥嗰款滿足感會大啲。［總括而言］比想像中嘅大份飽肚，🌯裏面放超多菜絲，有點乾巴同淡口，健康的感覺😂

平日放工6點幾到，唔洗等位裝修係懷舊路線🖼落單可以自行係餐牌上面用白板筆填寫🖍我地叫左1碗主食，2份小食，1杯飲品🍴主食方面 有大約十款肉類選擇 + 7款飯面類我地揀左秘製醬油豬軟骨 + 滷肉乾拌麵🍜有4大舊豬軟骨，軟骨部分不錯仍然有硬骨🤨乾拌麵正常，配料滷肉碎、青瓜絲豐富小食方面有二十款選擇我地叫左手抓餅同蚵仔煎🌯肉鬆蛋手抓餅手抓餅脆口，肉鬆豐富🌯蚵仔煎既賣相同我認知既有d出入🤨豐富既醬汁，數量有限既蚵仔，加埋配菜飲品方面選擇眾多，多達30款🥤我地揀左招牌奶茶嘅芋香珍珠奶茶，再加胚芽另一樣同認知有d出入既，呢到既胚芽係放係杯底部芋頭味不錯，加上珍珠胚芽口感level up!下次有機會再試埋其他小食同芋圓甜品👋🏻

餐廳裝修別出心裁，好多特色畫、燈箱，水泥懷舊風，就好似入去台灣小店咁。晚市7點，不論堂食或外賣，都好多客人。提供多個2人座位，侍應冇限你坐邊，揀位好free，亦有禮。餐牌上提供多款台式小食，飲品都有一整頁，自己tick好俾侍應就得，膠餐牌可重用，環保又唔怕落錯單。酥炸大豬扒肉燥便當($60)，肉燥唔會太鹹，送飯一流，飯量多到飽肚。豬扒超大塊，外層酥脆，肉厚唔乾，亦冇甩皮狀況。滷水大腸麵線($32)，大腸滷得入味，麵線羹稠杰，有陣陣麻油香味。起司蛋手抓捲餅($38)，捲餅酥酥得黎軟，包得夠實，配料唔會散開到周圍都係，但捲餅易咬。芝士、蛋組合一定冇錯，仲有大量椰菜，清爽解膩，捲得仲好靚，見到每一層。台式小香腸($30)，肉汁juicy，好香口，逼哂d油花出黎。一碟4條唔夠喉，因為好食到停唔到口，好掛住台灣。伴碟仲有醃蘿蔔添。招牌珍珠奶茶，主食配一杯飲品可減$10，茶底香，珍珠煙韌量多。而芭樂蘆薈多多($25)，蘆薈粒多，多多消暑，仲有多款口味添。整體，值得讚係，唔需要等好耐，就可以食到熱辣辣既食物。而且每碟既份量都好足料，價錢唔貴亦冇加一，抵食。

當時在深水埗橫風橫雨，想找個地方吃飯避雨，眼前就見到「 古早味牛肉麵 」，心裡都想吃台灣湯麵。所以就衝過去。餐廳裝修有台式懷舊風。有11款煮食選擇,有麵/飯可選擇（湯麵/湯米/肉燥飯/乾拌麵/乾拌米/麻辣醬乾拌麵/麻辣醬乾拌米）$52-$72選配台式飲品可以減$10，所以最平$15就有杯。今次獨食點了碗《秘製醬油豬軟骨 $60》（要湯麵）湯底算香濃亦不咸，醬油豬軟骨有4大件，件件連肉十分腍嫩入味，肉完全不會韌，筋亦有膠質感，不錯。麵條對我口味，軟硬適中，亦飽肚。蘿蔔大件十分多汁清甜，又夠腍。喝了點湯所以沒點飲品，反而想吃個甜點，點了碗《蘆薈芋圓仙草凍 $38》可能凍食關係，三色芋圓帶點咬口，仙草凍和蘆薈都很清涼消暑。服務員幾有禮貌，會聽到他們對客人說「你好」「byebye」「多謝」。

位於深水埗的🇹🇼台灣小店我經常幫襯，裝潢也很有台灣feel，牆上的畫，以及燈箱，也是台灣獨有的標誌🥰。進店之後，可以自行填紙點菜式，點了如下：🐮紅燒牛肉湯麵 $62大大的蘿蔔，湯底有少許中藥材味道。牛展啖啖肉連少量筋位，肉質軟淋，筋位有爽彈口感。🌶辣菜脯桌上設有辣菜脯，菜脯混和辣椒籽，辣味有餘韻，加在湯麵絕對一流。🍠甘梅地瓜條 $27 甘梅地瓜條是必點小食，面頭曬上甘梅粉，外面炸得脆口，內裡保持番薯濕潤口感，甜甜的，相當開胃。🍋🥤檸檬愛玉 微糖 少冰 $15大大杯的檸檬愛玉，解渴解辣解油膩，而且套餐價減10元，性價比高。酸酸甜甜，很開胃，內含愛玉，增強口感呢！總的來說，這裡性價比高，選擇也挺多，絕對值得推薦！🥰

今日去深水埗買電腦產品同game順便食埋個晚餐先返屋企星期六大約夜晚7點幾，唔洗排隊就入座餐牌如下叫左一個古早牛肉肉燥飯$62黎到望落幾細碗，因為唔係我食所以俾吾到食評第二碗叫左古法滷水雞腿麻辣醬乾拌米$57依碗等得比較耐先到我覺得幾好食😋雞脾不過不失食落幾野味另左加左2杯野飲-仙草奶茶 $15-綠茶蘆薈多多 $15欣賞佢用外賣杯上，大杯，抵埋單一共$149，抵食