古珐蛋糕 (花園街) (已結業)

呢排香港多左好多古早味蛋糕店，不過好多時只得一丶兩款口味，呢日經過太子見到古琺蛋糕有成八款味道選擇，所以就試下啦！店員話醬爆芝士同鹹蛋黃蛋糕係最受歡迎的款式，不過因為小朋友好鍾意食肉鬆，所以最後我就選擇香酥肉鬆蛋糕。打開個盒已經聞到好香濃的蛋味！成個蛋糕都好鬆軟，就好似彈弓咁，食落又唔會太甜，加上配上咸咸的肉鬆，味道出奇地夾，一次過食幾件都唔會覺膩。而且蛋糕係零香精丶零色素丶零防腐劑，咁就食得更健康！

第一次試古早蛋糕，覺得食原味先至試得出好與否。65蚊一個原味蛋糕，外表同一般海棉蛋糕一樣，切開見到入面密度好高，濕濕地，好firm，但個人覺得口感唔夠鬆軟呢！！

阿 B 真係好鍾意食嘢，個咀仔真係唔停，所以做媽媽的必定會尋找各式各樣的食物，務求令他開開心心。最近得知呢度有一間古早味蛋糕店，來到已經聞到陣陣蛋糕香，於是走入去睇吓有邊 d 款啱食。原來呢度共有 8 款口味，當中有幾款係周六、日限定的，心大心細之下我選了朱古力味。帶回家後，見到我放低盒蛋糕上飯枱，他就會急急腳爬過來。清潔雙手後，我抱著他，正要打開盒子的時候，心急的他用手一撥，把蛋糕弄破了一點點。我切了一件，逐少咁放進他的咀仔，他食得好開心，仲要係咁追食。見佢食得咁滋味，我都同他一齊食，暖暖的朱古力味香濃，仲要質感非常綿滑，比起海綿蛋糕更軟熟。連平時唔係好好食蛋糕的 c6 都大讚好食呀~下次再去選另一款口味試吓先得~

早幾日去開花墟買花，記得附近開咗一間賣古法蛋糕嘅舖頭之前因為疫情冇出去，今日咁岩行開就去試吓啦店舖環境好乾淨！見到佢哋個芝士蛋糕係啱啱出爐添入到門口已經見到佢寫住「零香精」、「零色素」、「零防腐劑」口味方面都非常清晰一共有八款俾你選擇。我係爆漿芝士蛋糕同香芋椰蓉蛋糕之間我揀咗香芋椰蓉味試吓！店員都話呢款多人揀。呢度嘅店員都好nice下次先試芝士講返個蛋糕先：蛋糕入口好鬆軟～佢嘅椰蓉味好香，蛋糕仲有粒粒嘅香芋，食落口感非常好

今年有台灣興起嘅古早味蛋糕喺香港開到成行成市，要搵一間有佢嘅獨特風格同埋特色嘅古早味蛋糕舖頭的確係有啲困難，今日行街經過太子嘅時候，見到一間好似係新開嘅古早味蛋糕舖頭，離遠都聞到嗰陣香噴噴嘅蛋糕味，結果忍唔住去咗間舖頭買咗一個返屋企食。點解我話呢間有佢嘅獨特風格，係因為佢嘅口味係其他蛋糕店搵唔到嘅，平時好鍾意鹹蛋嗰種香味，間舖頭咁啱就有鹹蛋黃味嘅古早味蛋糕，你話點可以唔揀呢個蛋糕食呢。佢所有蛋糕都係現場整嘅，所以好新鮮出爐！講真真係好抵食，份量好充足，而且嗰啲鹹蛋黃係遍布成個蛋糕，所以非常推薦大家去呢間蛋糕店買返個返屋企食，我下次都會去試吓佢其他嘅口味。

之前一直都有試吓不同的古早蛋糕，只有這一家令我覺得他是真的真材實料！疫情下周圍都冇得堂食，變相在家吃飯的時間特別多，而吃甜品這事就變得恆常起來了，這家就近太子地鐵站的，應該是蛋糕出爐時間最密的一家了。這次買了他們的朱古力口味，那天大概一點去到，過了不久就有一底出爐！看到朱古力味的雲石紋，老闆解釋他們是用百分百真的朱古力去做，真材實料，不是只用調味劑！回家的時候趁他還熱辣辣的時候， （我住在旺角）快快趣切了幾塊來吃，入口蛋香味十足，也夾雜着朱古力的苦甜味，覺得特別好吃！搞下去也是鬆軟的，我覺得他做得最出色就是比其他店的蛋更香，比其他店所有的材料味道也更出味道！下次有機會也會試其他口味！

沿路行去花墟買嘢，經過呢間鋪門口，蛋糕味香到一個點，深深吸引停低腳步，鋪面闊落，簡潔整齊，最重要係唔洗排隊😄行入去睇到牆上寫住， 零香精、零色素、零防腐劑。 全部八種味道其中三種係星期六日限定，當日係平日淨返5種選擇，最後由店員幫助下揀咗岩岩出爐嘅朱古力味。買完拎住蛋糕一邊行一邊不斷聞到香味，搞到放工時間搭車餓餓地都有啲唔好意思。打開盒蛋糕都幾大件，面層滿滿朱古力粒，切開後嘅朱古力綿密花紋真係忍唔住望多幾眼， 口感鬆軟而有質感，唔似一陣風，朱古力味濃郁但唔係太甜，配方控制得咁好真心犀利，食完一件又一件。下次去開花墟會再買其他味道試。

這種呢排最hit一定系古早蛋糕🍞🍞我之前唔知古早點解 原來最先系台灣淡水嘅著名手信材料睇落簡單 但偏偏最簡單嘅食材先係最難整得好味 😋去唔到淡水就去住太子先我今次試左太子呢間🍞古珐蛋糕 🍞第一次試當然要試原汁原味 佢呢度仲有醬爆芝士 朱古力🍫鹹蛋黃 香芋椰蓉 仲有三款星期六日 限定口味 分別係宇治抹茶 🍵檸檬🍋同埋香酥肉鬆順帶一提呢度係令色素香精零防腐劑所以買咗就要盡快食用 夠曬新鮮將蛋白🍳製作蛋白霜 再落蛋黃🥚及牛奶🥛攪拌然用水焗法烘烤一小時的蛋糕 極講究手勢精準 打開一個正正方方嘅蛋糕充滿着蛋香口感仲好鬆軟一啲都唔乾 最欣賞系夠挺身我由太子帶到返九龍城都仲系無鬆軟呢個蛋糕就作為我哋一家三口嘅宵夜😘😘下次要試埋芝士🧀🍞 同朱古力味 🍫

見到呢間店好多人排隊買緊, 咁岩有做緊試食, 就本住好奇心去試一試, 點知又真係幾好味!!試食左佢既芋頭蛋糕, 好香既芋頭香味, 而且入面係真係食到一粒一粒既芋頭, 唔係加入芋頭香味ONLY!!! 已經有所加分即刻排隊買個黎試下, 佢有分唔同時間有唔同既出爐蛋糕, 而且仲有期間限定款, 我見岩岩出左既係芝士蛋糕, 就揀左佢黎試下店員比我個陣話唔好關埋個盒先因為會有倒汗水!! 超級細心芝士蛋糕超香既芝士粒+芝士味道, 而且口感好軟棉棉!! 呢個價錢黎講真係無得啖!!

呢間位於太子既蛋糕店, 一眼就睇哂有D咩賣同埋製作既過程全部蛋糕都係即日新鮮出爐的有好多不同既味道可以揀, 不過如果想要新鮮出爐既就要自己MARK底岩個時間先黎買我今次食既係芝士味, 因為鐘意佢有流心既口感!!店員教我地買完可以拎返屋企食個陣再叮熱黎食, 比起就咁食又另一種既風味唔叮: 如果唔叮的話芝士唔會流心, 似係食緊一舊好RICH芝士味同有芝士係入面的蛋糕叮左: 一MEET開就已經可以見到濃濃的流心芝士係入面!! 超CREAMY!!

古早味蛋糕真係近呢幾年突然間超級爆紅嘅食物，隨住坊間越來越多嘅古早味蛋糕店，要點突圍而出真係要好靠口碑同表現，呢間蛋糕店係咁岩行過俾佢嘅香味同店面吸引到，咁多味道唔知點揀好，最後就揀咗我最愛嘅香芋椰絲呢個味道，因為我實在太太太太太愛香芋味道嘅食物啦，而佢個蛋糕做得出黎完全夠鬆軟，椰絲同芋頭味都好夠香，但係如果芋泥可以多啲，我會開心啲🤤我最後放左一晚到第二日食，叮番熱之後都係咁鬆軟咁好食，諗諗下我又想食啦🙈

最近又食咗間古早蛋糕🍰呢間分店係新開，總店喺九龍城店店員都好young好Nice🥰當日夜晚七點去到，唔係新鮮出爐嘅時間，睇唔到師傅即焗完即刻切嘅畫面，不過都揀到想食嘅口味。今次就食咗芝士味🧀感覺市面上嘅古早蛋糕價錢同大小都差唔多印象係好大個，但價錢又唔可以話係平而呢間嘅蛋糕食落都算鬆軟有啲似平日食嘅紙包蛋糕嘅，不過佢就再札實d聞落幾香蛋香，但食落又唔多覺🧐我哋expect佢嘅口感會再濕潤啲💧草根就比較鍾意食芝士味，焗返熱嚟食會香d食到啲屬於芝士嘅鹹味，算係蛋糕嘅亮點不過當然芝士多啲會更加開心🧀🧀🧀呢家嘅古早蛋糕食落又同上次食嗰間有一定分別，真係要再食多啲先知道其實古早蛋糕係點㗎😆🤟.Ps:佢個蛋糕真係幾大個，最好當然係即日食晒，如果食唔晒就記得要放入雪櫃啦！

全日禁堂食下的香港 外賣新生活 古珐蛋糕 Castella Cake 古早味蛋糕 焗蛋糕 鹹蛋味蛋糕 蛋香濃郁 甜味自然 非常好吃 一分錢一分貨 口感綿密 太子 九龍城 分店 出爐時間 古早味蛋糕最近一年食住疫情專做外賣優勢古珐蛋糕終於出走九龍城, 係太子開第2間分店主打零香精,零色素,零防腐共有八款口味,原味,檸檬,醬爆芝士,朱古力,香酥肉鬆抹茶,蛋黃,香芋椰蓉原本想食香芋,但時間唔岩,轉為選了鹹蛋黃味好大件,則面睇已經見到好多鹹蛋黃餡料賣相金黃色,蛋味濃郁,食到好自然既甜味,另外仲食到鹹蛋黃粒味道出奇地夾,難怪可以係咁多間焗蛋糕專門店突圍而出出爐時間可以先打電話去查詢先!部份口味賣得好快就無貨用上紐西蘭的牛奶乳製品製作,食起黎特別香和濃郁,味道自然,食得安心,牛奶用日本北海道的出品醫護,學生可減$10留意不收1000蚊大紙九龍城福佬村道49A-49D號地下3號舖太子花園街224號地下C號舖

最近大家都在吃古早蛋糕，也不知道為什麼，平平無奇的古早蛋糕竟然可以掀起熱潮，實在太神奇了！今日來到客人不算很多，蛋糕的款式很多，令我有些猶豫不定，經過店員介紹買了香芋椰蓉蛋糕。⭐️香芋椰蓉蛋糕$85蛋糕有一定的重量，果然貨真價實。一打開盒子，蛋糕上鋪滿了椰蓉，椰蓉的確是懷舊的食材，已經很久沒吃過了，看到椰蓉也有點懷念。蛋糕中間放了粒粒芋頭粒，味道很特別，芋頭粒已經融化在蛋糕中，吃起來芋頭味道頗突出，配搭椰蓉，味道不俗，唯一的缺點是芋頭有點水份，打濕了蛋糕，令蛋糕入口過於濕潤，口感上差了一點。

古早蛋糕店如雨後春筍，幾乎區區都有一家在左近，今日經過太子，也湊熱鬧買了一件。店舖裝潢跟台灣的手信店很類似，只有工場和收銀處，下單付款取貨。這家店的古早蛋糕無香精、無色素和防腐劑。口味不少，有原味、檸檬、芝士、鹹蛋黃等口味，但由於蛋糕出爐的時間不同，所以我最後買了朱古力味道。⭐️朱古力蛋糕$75蛋糕剛剛出爐，拿回家的時候仍是微熱，打開時候，蛋糕表面有輕微的裂痕，表面有漂亮的大理石紋理，上面點綴著粒粒朱古力。一切開，朱古力和原味蛋糕相間，蛋糕聞起來已經有陣陣朱古力香氣，蛋糕濕潤夠，入口鬆軟不失彈性。整體來說朱古力味道很突出，甜度適中，最佳食法先放入微波爐加熱，散發出濃濃的朱古力香氣，加上蛋糕裡的朱古力粒得以溶化，味道會更有驚喜。