古琴雅苑 (太子集團中心)

營業中

休息中

兩個字，難食。之前睇過一D介紹片皮鴨的食評其中有呢間未食過，就同家人來食生日飯。家人在開飯網預約，送了烤夫，叫左一個二人套餐A$6xx，因有三人用餐加左一客湯，另加左一客松子桂花魚。上菜好快，最先試左片皮鴨，已經完全失望。麵皮質地ＯＫ但係上菜時一食已經是完全凍，不是微溫是完全凍。鴨肉亦唔新鮮直接食到一塊蘇味的，好離譜，以片皮鴨聞名既餐廳交咁樣貨仔？真係不如快餐店燒鴨。松子桂花魚亦都係我第一次食到難食的，條魚有腥味，食材質素有待提昇。

香港食片皮鴨嘅地方有好多，但正宗派系既就應該冇乜幾間。今次到了古琴雅苑。喺尖沙咀太子集團中心，地鐵站行過去都係幾分鐘就到位置非常方便。這裏是師係承北京正宗這家百年老店！有多款二人，四人套餐選擇，各有特色。必點主菜。即烤片皮鴨。配料用上京蔥，哈密瓜，青瓜絲等等，再加上自家製烤鴨甜醬，砂糖，酸梅漿，黑醋等多款調味料。和在北京的吃到的一樣！烤鴨啖啖肉，鴨皮烤得非常香口，皮脆肉嫩，荷葉餅厚薄適中，用了蒸紙分隔，非常細心，令食既時候唔會黐住黐住！金腿濃湯津白香濃的奶油全被津白吸收，每一口都非常多汁入味，即使將菜吃完了，還會想把那奶油汁喝完。四喜烤麩是上海食店中的一道餐前冷盤小食,自已當去上海食店時都很喜歡點這小食,食材中有烤麩.毛豆.雲耳及冬菇,更會有冬筍，這冷盤十分適合夏天進食,喜歡素食的朋友不可錯過呀!人均消費不到$300，已經可以食到北京味道，實在難得！

朋友生日，因為想食片皮鴨，再encore 古琴雅苑～本身想試灣仔分店，可惜朋友唔願過海～3個人叫左個2人餐再叫單點，份量足，主角片皮鴨亦不錯，冇失望，其他中規中矩～ 以價錢計算抵食又唔加一惟二失望，其實上次黎都覺個場好應聲，所以想轉場，但壽星唔願過海，惟有再黎尖沙咀分店，本身個場可能樓底低，d 檯又密麻麻，好應聲好嘈，朋友坐對面或者同侍應講野，個場嘈到都唔係好聽到，成個用餐體驗似去左大牌檔，食完落樓隻耳仔先得到片刻寧靜～另本身想另外單點叫小籠包同高力豆沙香蕉，叫左3次待應都話落左單催緊廚房，及後先話賣哂，我諗其實係冇落單冇跟，有個看來比較高級既同事連埋幾位同事行埋黎話唔好意思，不如送腰果糊比我地，因為落左order甘耐先話冇，不過個腰果糊又稀，勁似用水沖粉，飲左1啖就放低左～

同朋友約左食片皮鴨最後決定食呢間7點去都full full地， 但都有位可以即時入。佢本身有個set dinner 2人餐6百幾， 但朋友唔想食飯同面就無叫到 最後散叫左下面幾樣前菜1. 海蜇一般，建議食其他2.雞絲粉皮合格， 可以叫主角出場片皮鴨半隻我自己其實己經食過一次， 但今次朋友第一次黎就係咁話唔差好食， 佢話中意有青瓜同哈密瓜做配料， 夠清新爽口， 中和番個肥膩度。 另外，片皮鴨個皮都夠脆身， 唔會太乾， 厚度適中。 搭上配料岩岩好不多不少。 份量多同埋 最後兩個人都食唔哂。我地其實仲叫左個炒四季豆呢個都好食， 夠獲氣， 炒到好乾身同入味最後因為本身係openrice book 左枱， 所以會送兩位腰果露做甜品， 朋友食左又係話好食唔停口。 我就覺得ok， 唔會太重味埋單5百幾， 值得一試

這家中菜館名字已經聽久了，終於有機會與家人來試。可惜，最後全家都大失所望，覺得名不副實。食物方面 - 附送的四喜烤麩︰普通中菜館質素吧！醬汁濃郁、麵筋容易吸汁而且煮得淋身，這道算可接受。砂鍋雲吞雞湯︰雲吞皮薄，內餡有完整一隻蝦跟豬肉。蝦子爽脆度是OK的，卻沒有鮮味，猜是冰鮮貨。另外一半豬肉餡應該也沒調味，整隻雲吞吃一口「更清淡！」。雞肉"榎歰歰"，雞脾都不嫩，心想湯底會煮成濃郁鮮味。結果，一鍋湯「淡而無味」，只有一把鹽的水味一樣。蒜香元貝時蔬︰菜被煮太久嗎？很軟，不爽脆。上湯沒有元貝乾海鮮味，又是另一碗只有一把鹽跟油的水味一樣，哭笑不得唯一，「蒜」又真的香，不錯。小籠包︰豬肉餡料有很多湯汁，但偏咸沒有肉鮮味。外皮厚度適中，起碼夾起來點汁也不會破皮。意大利黑醋骨︰繼「砂鍋雲吞雞」之後，另一道哭笑不得。醬汁是很濃稠，但因怕黑醋太酸嗎？很甜，砂糖的甜膩。在又甜又咸又酸情況下，還用來煮超肥排骨。連半肥瘦也稱不上的排骨，整碟就只有油脂。我爸吃一塊之後，完全沒有人夾它。不過也沒有浪費，就所有菜已經完食，還是只有他一人默默強哽。最後唯一可以入口菜色，就是「北京填鴨」︰將配料工整排桌，豐富不隨意。鴨肉

星期一2點左右黎同男朋友食野，WALK IN都有位入，黎過幾次都係食片皮鴨，因為係最出名，今次冇叫了~諗住試下其他。BTW，加價了!!!!!茶今次叫左桂花烏龍，有D淡味。京醬爆肉絲 (配荷葉包4件) $178 - 荷葉包有蒸籠上，又熱辣辣又好軟熟，肉絲都好味GE，有D甜。但片皮鴨加完價都係$195，好似片皮鴨性價比高D。松子魚$245 - 酸甜汁好正，魚皮脆，職員會幫手開，都OK的。蔥油拌麵 (好似$79? 吾係好記得)  - 吾係市面上果D甘，佢下面有個汁，好似係豉油甘，吾係好香蔥味，佢有蔥粒同埋櫻花蝦仔，但呢個性價比有D低。

呢排好想食片皮鴨， 專登做下功課搵出邊間餐廳食片皮鴨出名， 而正好呢間餐廳都好多好好既評價，決定訂枱同屋企人黎食！ 一上到餐廳見到坐無虛席就知道搵岩餐廳。 餐廳安排左卡位， 坐得舒適。 侍應服務上都唔錯， 侍應每次招手都必會過來幫忙加水/落單/執枱，所以服務上未算招呼周到但都必是合格有餘！食物味道方面都很好，菜式上必點每張枱上都有的片皮鴨， 再點了松子魚，小籠包，飯同甜品。 每款菜式都中上水準， 尤其片皮鴨皮脆肉香令人再三回味！

間唔中就想食一次片皮鴨😚，兩個人嗌半隻share啱啱好。除咗晚市太嘈之外都冇咩好挑剔，職員會留意客人嘅需要，好快跟盡返，can try🫶🏻。✏️烤北京填鴨 半隻 $188 🍎9/10手工餅皮大概有十塊，拎上手依然係微溫，食完要另外再嗌，配料就任fill。除咗最經典嘅京蔥、青瓜同黃梅醬，仲有哈蜜瓜同另上嘅烤鴨皮，鴨皮酥脆啖啖油香，不過都係鍾意包住鴨肉食☺️，肥瘦適中，皮脆肉嫩。餅皮有韌性，就算咬開一半再食啲配料都唔會跌晒出嚟，不錯☺️。✏️醬爆鴨架 $88 🍎7/10鴨架係鴨嘅脊椎位，預咗冇咩肉嫁啦，同三色椒一齊炒都幾惹味，如果鍾意食啖啖肉嘅建議唔好嗌，食鴨架有少少似食未剝殼嘅茄汁蝦🤫，長期同啲殻打緊仗，又唔想整污糟隻手🤛🏻。✏️桂花酒釀湯圓 $36 🍎10/10食完中菜一定要食返碗熱辣辣嘅糖水收結☺️，湯圓係花生餡，應該係寧波湯圓，入口有桂花嘅清香，帶微微酒酸，完美😚。哩個價錢嘅片皮鴨都幾抵食，份量多而且上菜速度都幾快，溫度都keep到係微溫以上，不過預咗係比較熱鬧，比普通晚市嘅酒樓更加嘈😂，但一大班人聚會都開心嘅。

今日同朋友再嚟食古琴雅苑因為好耐都冇食過片皮鴨上次食過一次片皮鴨印象都好好一如既往 佢嘅片皮鴨好好味小籠包都係必食小籠包個底有塊羅白 好聰明 唔會夾爛皮又唔會太厚太薄 好適中片鴨配菜可以任意添食 啱晒我呢啲會夾到勁大舊夾勁多嘅人哈哈今日試咗呢個就比較普通 冇乜特別 下次可以再試吓其他嘢食到好飽 我最鍾意佢啲茶又有好多選擇因為我勁鍾意飲茶我擇左玫瑰荔枝茶 消飽岩哂呢度環境都坐得舒服雖然張枱唔算好大而且服務態度好不過比較多人 一定要訂位

坐落於15樓我們坐的位置十分開揚，可以看到少量維多利亞海港景色，我們四個人叫了一個午市四人套餐，套餐包括北京填鴨半隻、揚州水晶肉、上海粗炒、醬香雞、雞絲粉皮、乾煸四季豆，送了一個四喜烤麩。片皮鴨配青瓜、哈密瓜、京蔥再蘸著秘製的蜂蜜黃梅醬和京醬，片皮鴨不太肥膩配上青瓜、哈密瓜味道十分清新，得半隻片皮鴨四人分實在不能夠回味，所以我們再叫多半隻片皮鴨一齊分享。食下食下又再叫上意大利黑醋骨、無錫脆鱔、上海小籠包，最後甜品叫了腰果露和杞子桂花湯圓為這頓豐富的午餐劃上句號。

(〃'▽'〃)┈┈┈┈┈┈┈┈┈┈┈┈┈┈二訪尖沙咀性價比高片皮鴨餐廳🍴果日係同屋企人慶祝父親節而屋企人又鐘意食扁皮鴨就去左呢間🫶🏻尖沙咀地段黎講，位於北京道既古琴雅苑都幾多人幫襯，所以環境都好嘈🤣同酒樓飲茶一樣。但勝在座位之間都算闊落，個人覺得人手不太夠，點餐時舉左好耐手先有人。┈┈┈┈┈┈┈┈┈┈┈┈┈┈呢到既片皮鴨賣相精美，配料同醬料都係包左青瓜，京蒽，哈密瓜，蜂蜜黄梅醬同傳統甜麵醬✨餅皮仲有蒸籠暖住，非常貼心！可以額外散叫餅皮，仲有荷葉包揀😳選擇豐富。不過都建議一塊皮夾2塊肉🤣如果唔係一定會食凈啲肉！┈┈┈┈┈┈┈┈┈┈┈┈┈┈𐂐 ⠜烤北京填鴨 半隻 $188 (3.5/5)上碟前店員會先附上一小碟既鴨胸皮一口酥作為前菜，呢個係最好食既部位🥰點上砂糖入口即化，油香四溢✨幾欣賞餐廳自家製既蜂蜜黃梅醬，配上哈密瓜令到鴨皮格外清爽，減低油膩感！餅頗厚薄適中，口感煙韌，鴨皮烤得金黃香脆，肉質毫不乾身。但最底既鴨肉油脂較多，有點油膩呢🙈┈┈┈┈┈┈┈┈┈┈┈┈┈┈𐂐 ⠜南翔小籠包 $78 (3/5)正常發揮，外皮不是相當薄透但也不會過厚，肉餡湯汁適中。┈┈┈┈┈┈┈┈┈┈┈┈┈┈𐂐 ⠜至

今次懷住期待的心情去食呢間片皮鴨，因為實在係好難有位，去到餐廳都見到人山人海了。今次被安排坐窗口卡位，位置闊，坐得舒服。這間片皮鴨的好處是可以叫半隻，咁就可以叫下其他野食。今次叫了5款食物，包括半隻片皮鴨，炸鱔片，小籠包，香菜魚湯，雞絲粉皮，再有腰果糊送。炸鱔片的賣相有點失望，加上口感像炸魚片，所以我們也不太喜歡。片皮鴨就尚算可以，有哈密瓜做配菜，感覺新鮮，正！香菜魚湯的香菜味濃，很好飲，但最少兩位起，本來想試下其他湯都唔得。雞絲粉皮味道十分好，係我哋最快食完的一碟。小籠包的湯汁也很鮮甜，很美味。最後那腰果糊就比較甜，大家都食了一半就放下了。

掛住🥰古琴雅苑嘅北京填鴨🦆，又唔想行咁遠去食就可以試吓佢哋嘅送餐服務啦，外賣仲有八折優惠㗎，送餐費大概$50，落單後好快就送咗過嚟啦！🥳雞絲粉皮 $75雞絲粉皮有好多雞絲同青瓜，拌上我最愛嘅花生醬，味道非常濃郁🥰  北京填鴨（半隻） $195烤鴨切得好薄，師傅真係好刀工，厚度啱啱好，外皮香脆脆😚😚個餐跟埋鴨卷紙，夾埋烤鴨青瓜同哈密瓜一齊包埋食，香脆得來又有啲爽口，真係好好食！推介👍🏻🥰宫保雞丁 $138宮保雞丁味道是微辣但味濃、雞肉肉質滑脆，鮮嫩雞肉同腰果嘅香脆配合得啱啱好❤️🥳乾扁四季豆 $86四季豆吵到好香，好夠鑊氣，仲有好多肉碎喺表面㖭👏🏻上海粗炒麵 $108最鍾意食上海粗炒麵，第一時間俾我哋食晒嘅就係呢個炒麵，炒麵夠鑊氣，而且面質彈牙，好正❤️腰果露 4碗 $156最後就係飯後甜品腰果露，聞落去有好香嘅果仁味，打到好幼滑，入口清甜，又唔會好漏😁

朋友生日飯話想食中菜~ OpenRice search咗呢間食片皮鴨嘅餐廳😂 上到去都算多人食， 不過好彩有吉枱，所以唔使等位👍🏼👍🏼片皮鴨不過不失， 個皮我略嫌唔夠香口唔夠脆， 不過都唔算太差，鴨的份量好充足， 足夠一塊皮內包兩至三塊鴨肉， 四個人食做一隻全鴨都夠曬👍🏼配料比較特別有哈密瓜， 其餘就係常見嘅蔥、青瓜等~風味松子魚我覺得就麻麻地， 好似差緊啲唔知乜嘢嘅感覺.... 但係又唔可以話唔好食😂 不過二百幾蚊條，呢個質素我又覺得麻麻地😏意大利黑醋骨， 比較偏甜嘅口味， 黑醋骨都比較林， 都還可以！至尊拼盤我覺得最抵食， 入面有幾個小菜， 算係幾款餸入面比較出色嘅一碟， 建議都可以叫下😏😏香菜鮮魚羹， 其實芫茜就係如圖所示表面嘅幾粒， 入面根本冇芫茜， 所以如果唔食芫茜嘅你，想食清淡啲嘅魚羹都可以考慮😂金腿濃湯津白，真係麻麻地啦！ 我覺得比較淡冇咩味道，唔值得叫😂😂不過整體嚟講都算過得去， 都唔算話唔好食， 正常中菜嘅味道👍🏼 不過仲有好大嘅進步空間， 勝在店員都比較有禮貌可以加分人均$400左右，都算飽，算係咁上下👍🏼👍🏼#中菜 #中菜小炒 #片皮鴨 #松子魚 #津白 #黑醋骨

小編屋企逢星期六日就會淪為Party Room，雖然外賣app已經好方便，不過不過不過，當晚朋友想食片皮鴨，俾我搵到呢間餐廳嘅外賣餐牌！！花雕醉雞花雕味道清香，酒味未完全消散 ，入口芬郁，醉雞爽嫩，皮脂唔重，作為前菜不俗！烤北京填鴨(半隻）外賣質素不輸堂食，填鴨嘅皮唔算太過油膩，肉質易咬，更細心配搭埋蔥花、青瓜絲、蘿蔔絲及填鴨醬！如果屋企有氣炸鍋，可以翻叮一下，油脂更加滿溢！農家醬爆牛肉牛肉份量唔算好多，不過勝在口感軟腍，而且醬汁濃郁，配飯一流，當中炒上蒜芯，爽口又清新。乾煸四季豆四季豆炒得不油膩，配料放入蔥、薑、蒜末、蝦米末爆香，乾煸得非常有鑊氣～小編特別喜歡佢嘅肉碎，食落萬分滋味！古琴鹹肉菜炒飯鹹香到十足的炒飯，就算外賣送到都粒粒分明，非常乾爽！腰果露(4位）腰果露極香果仁味，幼滑得黎又濃稠，入口清清甜甜💡餐廳職員會喺前一日打嚟同你確認地址，細心到滿分💯！套餐仲要做緊八折優惠(⁎⁍̴̛ᴗ⁍̴̛⁎)