可可豬海南雞專門店 (寶榮大廈) (已結業)

第四波疫情又殺到黎，又要六點後限堂食，咁唯有外賣返屋企食啦。七點零鍾係炮台山個頭收工走搵下有咩好食啦就見到Cocopig。見佢連個名都有海南雞呢三個字就一定要試下佢得唔得啦。兩個人食再叫多個麻醬手撕雞冷麵同埋一d小食，湯同飲品啱啱好。等外賣個陣都見到佢本身舖頭唔係太大，十張枱左右。但係裝修環境唔錯，可以堂食的話都唔會坐得唔舒服。外賣等左一陣就有，一上手就feel到重量唔算輕，兩個人一定夠食。除左海南雞飯同埋手撕雞冷麵之外仲叫左個麻辣雞腎，食療拿杯湯(姐係佢嘅是日湯水，今日係霸王花合掌瓜百合湯），菜心苗同埋羅漢果茶。海南雞飯雞肉夠滑，份量多，配菜嘅木瓜絲香口。但係成個飯最突出嘅係個椰香飯。飯食入口椰子味就慢慢飄出黎，加上用左珍珠米煮，同埋海南雞一齊食好好味。絕對會encore。手撕雞冷麵一打開個盒就見到一層好厚嘅生菜係面，但係撈左佢之後就見到下面嘅雞絲同麵。麵唔會煮得太淋仲有d彈牙感，麻醬同雞絲份量啱啱好唔會唔夠，撈埋d生菜食有脆口嘅感覺。霸王花合掌瓜百合湯好足料，飲落好滑好舒服。麻辣雞腎夠入味夠辣。食完雞腎飲湯balance返好舒服。最後個羅漢果茶雪凍返佢黎飲好清甜，飲得出佢係無添加純

今日黎到炮台山附近做野，同同事睇到e 間店，有熱湯好吸引，冬天飲完暖笠笠。店家主打星馬菜。我地點左以下幾樣😋特色椰香海南雞飯+食療拿杯湯+時菜雞食落嫩嫩，唔會太多骨😋👍🏻飯係用椰子水去煮，食落都好有驚喜😌啖啖都有椰子味。時菜食落都唔會煮到過哂火，保持都清翠😋食療拿杯湯今日係霸王花合掌瓜百合湯，飲落唔似出面d 味精湯，都幾足料🥰飲完暖笠笠🥰招牌豬手飯，豬手煮得好腍，好入味😍仲有少少滷水味🥰配飯一流😋麻辣牛展，味道麻麻香香🤩🤩好吸引🤓 熱情豐盛，係熱情果茶，飲落酸酸甜甜☺️唔錯🥰

食外賣食得多都要搵下新野食，呢間可可豬海南雞，又豬又雞，究竟食豬定雞？一於試吓，間鋪門面似cafe , 都幾吸引人去望下佢自稱首創竹絲海南雞飯，雖然新鮮，但個人有少少驚竹絲雞會瘦，所以都係叫返正常雞，一個椰香雞、一個口水雞，有得揀標準/增量，好彩無揀增量，標準已經好多飯，成個盒都係飯，勁飽椰香雞既飯有椰香，食落同望落都有啲似珍珠米，雞肉夠滑，有7件雞，都幾足料，食埋啲配菜唔會好膩。口水雞唔會好辣，岩我又想辣又怕辣，口水雞既飯就係普通白飯另外加左個湯、菜苗、牛展同奶茶湯飲完唔會口渴，應該都係真材實料，牛展正常水平，杯奶茶喜出望外地香濃外賣飯應該都要食多一排，下次可以再試下豬手

呢間店由「椰粉湯紅」到而家轉咗名叫「可可豬」都有唔少朋友推介話好食，叫我一定要試吓！今日遲收工無住家飯食，就買呢間試吓佢係咪傳說中咁勁先！😛可能過咗晚飯時間，間鋪一個客都無，座位就唔係好多，大約得十幾個，同埋望落都幾迫吓。我個人好鍾意佢嘅壁畫😜色調柔和，最主要係因為佢將餐廳名椰粉湯紅同海南雞都融入落幅畫度😂 好用心！佢主食主要有海南雞、手撕雞、口水雞同豬手，第一次食就梗係試佢招牌海南雞啦！佢最平嗰隻$43，但我個人懶所以叫咗無骨嘅都係爭$5仲要係雞髀！另外可以以優惠價加湯、小食、菜等。❤️ 特色椰香海南雞髀飯 (標準份量：$48)海南雞好有光澤，雖然係雞髀但一啲都唔肥，而且肉質好嫩滑！亦都食唔到雪藏雞味，處理得好好👍🏻 飯係充滿椰香味！喺香港少有食到椰香味咁重嘅飯！我連佢嘅配菜青木瓜沙律都覺得好好味😋 無特別落咩調味料但食落好清爽新鮮！雖然雞嘅分量唔算多，但整體嚟講以呢個價錢有咁好質素係超抵食！好食度：⭐️⭐️⭐️⭐️✨ (4.5/5)❤️ 是日食療拿杯湯(另+$28)是日靚湯係淮山赤小豆扁豆湯，無論係望落去嘅色澤定飲落去嘅濃度都感受到好足料！絕無偷工減料！因為係素湯所以一啲都唔油，鹹味亦非常適中

今次又係我美食博士孝敬母親大人嘅時候，叫咗兩個外賣套餐拎返屋企。1️⃣特色椰香海南雞飯 $76食療拿杯湯 +$18時令菜芯苗 +$152️⃣麻辣手撕雞冷麵 $73熱情豐盛 +$15滷水雞腎 +$18首先我哋飲咗杯熱湯，裏面有茶樹菇、香菇、淮山雞湯，冇味精幾健康，暖下胃先食嘢。個冷麵真係好正，有好多生菜絲，青瓜絲，車厘茄。花椒濃蒜味嘅麻辣一流，食得辣嘅一定唔可以錯過。至於個海南雞飯我就覺得普通咗啲，海南雞飯我會期望佢有幾種醬料比我，另外可能因為食咗啲冷麵，花椒嘅味道仲係個味蕾嗰度。嗰度都幾多人帶嘢食，但係人手似乎唔係好夠，所以得得比較耐。

今天下班後有事去到北角弄一下，剛好媽媽說她今天好累不想煮飯叫我買外賣，所以我就在附近找找有什麼好吃的，就發現這間特色的海南雞飯。特色椰香海南雞飯（４３元）這個飯最特別的地方，就是相比其他海南雞飯餐廳的雞油飯，這裡改成了椰香飯，吃起來啖啖椰香，又不會有雞油飯的油膩感，又有種清新的感覺，最重要的是更加健康，正好適合現代人的追求！而海南雞方面，雞件都已預先去骨，啖啖肉，雞肉嫩滑，有雞味，雞皮也很爽滑！最後還配有青木瓜沙律，吃起來酸甜開胃！麻辣手撕雞冷麵（４０元）平常的冷麵吃得多，但麻辣冷麵就真的是第一次吃。冷麵面上放了大量的蔬菜，下面的是手撕雞，最下面的是蕎麥麵，吃前需要你先拌勻。手撕雞的份量不錯，吃起來一絲絲的，配上麻辣醬，麻辣鮮香！蕎麥麵本身是比較健康的麵條，配上比較重口味的麻辣口味，更能平衡兩者的感覺，吃起來也比較清爽！時冷菜芯苗（加配１８元）　　　　　　　　　　　　　　　　　　　　　　　　　　　　　老媽子表示沒菜吃會渾身難受，所以就加個菜滿足一下他了。菜芯吃起來很爽脆，也帶點菜芯的清甜！食療拿杯湯（加配１８元）一開始我還以為店員是不是拿錯了，因為他們用了飲品杯，問了一下才知道是湯，忘

疫情反反覆覆，而家又話夜晚要禁堂食，一向支持小店，今日嚟炮台山搵到呢間值得介紹一下。主打「特式椰香海南雞飯」旁邊仲有木瓜沙律， + $18仲有食療拿杯湯（霸王花合掌瓜百合湯）紙杯是加厚防燙手，好貼心呢...呢個天氣凍冰冰，有湯水滋潤下實在太好😍 海南雞啖啖肉，好鮮嫩，忍唔住連皮都食埋。朋友試咗「日式胡麻醬手撕雞冷麵」佢大讚好好味，加小食都係十幾蚊，梗係試下啦...「養生秋葵」好新鮮爽口，「滷水牛展」入哂味...yummy😋外賣包裝得好好，完全無走位...一路拎住，隔住盒同袋，都不斷聞到勁香。拎到返去依然暖笠笠👍🏻下次要再試其他菜式同湯水😍

超出色雞店！ 份量又岩岩好😍 佢所有雞都好出色！ 我地3個人食2個飯都夠哂飽！ 證明份量真係好足！ -特色椰香海南雞飯 $43 （標準） 必叫招牌海南雞飯！ 無骨海南雞超級香滑！ 就算外賣都keep到咁靚樣！ 我最中意淋埋佢個海南雞飯汁上去！ d汁流過d雞再到d飯 然後一啖飯一啖雞 最後再用汁撈埋d飯食！ perfect! 重有健康嘅青木瓜沙律 真係好好食！ -跟餐加 $15 要左個 養生秋葵😍 所有秋葵都幫你切好一細舊 一口秋葵而且可以看清楚入面有無蟲 好乾淨超細心！ 超健康選擇！ 必叫！ - 加$18 食療拿杯湯 今日我最鍾意飲嘅霸王花合掌湯😍😍 跟餐超抵飲！ 唔會好重咪精味！ 飲完唔會口乾！ - 加多 $13 金羅漢果養生茶入邊有羅漢果菊花杞子同陳皮 超養生同滋潤！ 唔會太甜係健康既味道！ 勁岩我呢d好怕甜既人！ 同啲麻辣嘢一齊食簡直係解辣一流！ - 香辣口水雞飯 $43 （標準）出色！ 出乎意料！ 我以為佢淨係海南雞出名！ 點知係所有雞都咁好食！ 海南雞有海南味道！ 香辣口水雞有四川菜味！ 辣度岩岩好！ 雞又超滑 - 加 $18 麻辣雞腎好麻辣好好味同好爽脆！ 所有雞腎都

經過北角砲台山麥連街，遠遠便被可可豬海南雞專門店的logo吸引。 可能由於疫情的關係，在這傍晚時分，店內未見有客，但卻有二人在店外排隊等外賣。原本只想外賣兩盒雞飯，落柯打時發現原來可以加錢升級，享用食療拿杯湯、特色飲品和時令蔬菜，當然不會錯過。特色椰香海南雞飯，飯的椰香味非常濃厚，雞的質地亦新鮮嫩滑，吃得出並不是一般坊間的雪藏雞肉，真不愧為招牌菜。香辣口水雞飯的醬汁辣味很勁，非常適合嗜辣的朋友。香芋南瓜食療拿杯湯，食材配搭新鮮，湯底濃滑，有點像中西餐湯 crossover 的感覺。金羅漢養生茶，裏面有杞子和雪耳，羅漢果的分量放得恰到好處，清潤而沒帶有藥材味。當日的時令蔬菜是菜苗心，有點意外是帶到回家仍然保持翠綠鮮甜。點了這麽多款食物才$132，價錢便宜得嚟又好味道，真的值得推介。

In view of the sudden surge in number of confirmed cases, we decided to buy takeaway and stay home for meal this time. Passed by this Cocopig and bought two different types of Hainanese chicken rice with some sides, soup and drink. There were some seats inside for dine in too. 特色梛香海南雞飯 $43We encored their 特色梛香海南雞飯. The Hainanese chicken on top contained thigh, breast and wing which went quite well with the accompanying sauce. The chicken meat was cut into 8 pieces. The chicken was quite rich in

尋晚放學經過炮台山，順便買外賣返屋企當晚餐～好耐冇食新加坡菜，見到呢間新加坡餐廳幾吸引😍就想嚟試吓🤣餐廳嘅價錢幾平☺️大概大概$50至$70就有一個套餐👍🏻仲可以加錢叫嘢飲或者食療湯水🤗幾健康養生🥰香辣口水雞飯$79好大盒嘅口水雞飯😍辣辣地，不過幾香☺️辣度都接受到～白飯配左海南雞嘅調味料，幾惹味香口😋仲有啲酸酸甜甜嘅配菜，都唔錯👍🏻食療拿杯湯跟餐加$18就有😆係蘿蔔薯仔湯～幾香甜幾滋味😋而且係健康之選👍🏻滷水雞腎同樣都係跟餐加$18就有嘅小食🤣滷水汁幾香濃☺️雞腎幾有咬口😆唔錯👍🏻招牌豬手飯$69有四至五件大大件嘅豬手～豬手幾有咬口😄而且啖啖肉😆好適合食肉獸🤣同樣有酸酸甜甜，少少辣嘅配菜☺️令個飯幾好味😋時令菜心苗同樣係加$18就有嘅小菜～幾濃甜😋而且幾健康👍🏻有菜有肉有飯先係均衡飲食🥰

OT的晚上 醒起公司附近有間海南雞飯好正 不如外賣返去比老婆一齊食😋 餐廳9點關門 好彩我8點幾黎到仲有野食🥰 叫左兩個餐+小食咁 。呢度出名食雞，一於叫兩個雞飯返去share食，「特色椰香海南雞飯$76」油飯用泰國米 夠香之餘仲好重油香味，雞髀肉大約有6-7件，雞皮金黃又香。另外「香辣口水雞飯$74」口水雞比較重口味，少少辣得黎雞肉又好味，個人中意口水雞多d, 但口水雞就配白飯唔係配油飯。跟飯可以用優惠價+湯/小食，叫左「食療杯湯+18」每個禮拜既湯都唔同 今星期係猴頭菇湯 清潤補腎 杯湯都有少少料👍🏻之後擇左個「金羅漢果養生茶+13」中意佢個樽可以重用，羅漢果落少少甜已經好濃好夠味。小食就加左「麻辣雞腎+18」同「時令菜心+15」簡簡單單又一餐。

晚上放工後想不到吃什麼，就去了家附近的cocopig睇下有咩買兼飲湯！這裡特別之處是買了個主食後，可加$18要個「食療拿杯湯」，而且每周的款式都不同，還要是真材實料煲成的。再加$18還可以配小食，簡單得來都可以食得豐富。店員準備食物好快手，轉個頭就ready好了。🌟特色椰香海南雞飯：餐廳的特色椰香飯好香椰漿味，有別於一般海南雞飯的油飯。雞肉肉質嫩滑，配上蘿蔔同車里茄等配菜，絕對係健康之選。🌟日式胡麻醬手撕雞冷麵：以為餐廳專長做海南雞飯，原來冷麵也頗特別的。麵拌上好香的麻辣醬料（比較像四川麻辣那種），辣得來非常過癮，最適合鍾意食辣嘅人～仲有好多配菜去中和一下辣味，為味覺帶來多重感受👍🏼🌟滷水牛展：加$18就可以食到牛展，真係超值之選，牛展肉質都好好，是不錯的冷盤選擇。下次再想不到吃什麼，可以再來買～

Coco pig 炮台山最近疫情又開始嚴重啦，所以我哋都唔係好想出街食飯，所以今日就喺炮台山買外賣啦外賣最怕就係等好耐，炮台山呢一間餐廳超快手！叫咗嘢食之後好快就可以拎走👍🏻👍🏻特色椰香海南雞飯($76)最鍾意佢送海南雞飯嗰個汁，我覺得好特別好鍾意👍🏻👍🏻另外仲叫咗個湯清清地，味道唔會好濃當然仲要加一個菜啦日式胡麻醬手撕雞冷麵($73)一打開個盒見到超多菜感覺好健康！再加埋計有足夠嘅蛋白質😆金羅漢果養生茶唔會太甜，而且返到嚟都仲係凍凍地，都幾好飲滷水雞腎好有咬口，不過覺得滷水味可以再多啲總括嚟講覺得呢一間店，如果買外賣其實都幾方便又快，而且價錢都唔算好貴

現在世界難撈，老細要加班，誰敢不從， 最後午餐變下午茶，還要限四十五分鐘完成，所以外賣是常識吧。樓下新開了一間海南雞飯餐廳，嗰個同事都話快靚正，服務員落單快，出餸快； 用新鮮材料整每周靚湯正茶，好多人買。同事話幫佢叫麻辣手撕雞冷麵套餐加配熱情豐盛同時令菜。落到樓，過一條街轉彎就見到一間logo 好可愛，有一隻雞仔抱抱豬，裝修簡潔舒服。見到咁多選擇，又選擇困難啦！我躊躇了一會，女侍應很好人，介紹佢哋最受歡迎的特色椰香海南雞飯套餐, 麻辣雞腎同不加味精的每月食療拿杯湯（茶樹菇香菇淮山雞湯）。當然，要點埋同事要的食物。在等食物時發現有藝術畫貼在貼咗喺牆同架上。真的好快，五分鐘已盛好所有食物。椰香海南雞飯套餐（$79）： 雞嫩滑飯很特別，除了有油雞香還有濃濃的椰香味，因此感覺不會太油膩。同事話同我分享食物，叫我試試那個冷麵。麻辣手撕雞冷麵（$79），份量大， 大量生菜絲，青瓜絲，車厘茄，粟米粒，手撕雞肉配蕎麥麵，拌勻好，麻辣有層次，麻辣醬先是胡椒蒜辣味，芝麻香，再嚐一口，花椒濃蒜味慢慢滲進味蕾，麻辣感覺充滿口腔，但當車厘茄嘅juicy, 粟米粒同青瓜爽脆，中和左麻辣感覺，又可大啖食哪滑嘟嘟、軟