台南阿豆仔 (已結業)

這天放工後，我約了中學同學去銅鑼灣逛街，到了晚飯的時間，我們經過這間台式餐廳，看到門外餐牌上的選擇定價非常合理，店內的客人幾乎坐滿，證明食物的質素應該也不錯，而店內環境清潔衛生，便決定入去試一試祖傳擔仔麵($45)黏口的鹵水蛋，爽口微彈的蝦，軟彈煙韌的丸，軟綿綿的麵，整體份量很多古法魯肉飯($35)細碎軟綿綿的魯肉，份量非常多，味道恰到好處，不會太鹹，而食物的定價非常合理，非常抵食鹽酥蚵仔($58)軟綿綿的一口蠔非常新鮮，用鹽僻去海水既腥味，人們較容易接受，份量非常多，質素很高鹽酥魷魚($52)長方形狀的一口魷魚，大小均勻，十分有心絲，魷魚清鮮甜美和軟彈煙韌，份量非常多芒果爆珠多多($30)芒果味的爆珠十分濃郁，十分富有水份，非常適合炎炎的夏天飲用，非常消暑解渴，爆珠十分彈牙，份量非常多水蜜桃爆珠多多($30)水蜜桃爆珠非常清甜，份量非常多，可以用來補充身體流失的水分整體來說，食物的用料挺新鮮，食物都是即叫即做的，所以食物的温度足夠熱，食物的質素很高，食物的份量很多，食物的定價很合理，上菜的速度挻高，食物的水準可以和台灣媲美，店員有良好的服務態度，所以我認為這間餐廳值得再去惠顧

<台南特色小炒 阿豆仔>🔥喺香港有好多台灣野食店 通常都係鹽酥雞 珍珠奶茶 滷肉飯 等等 但呢間台南阿豆仔 仲會有小炒食 好似中菜大排檔甘 真係未試過👍🏻🔥🍴阿豆仔小炒 88 蚊🔥🌿個人覺得就係大排檔最常見既小炒王 有韭黃 魷魚 魷魚乾🦑 蝦乾🦐 豆乾 腰果 炸菜等 都炒得好夠鑊氣 韭黃新鮮 不過同hk唔同既係佢大部分材料都醃過 所以味道偏濃同咸 都幾有台灣風格 仲要加埋肥味既醃滷肉🐖 😂 所以一定要點啤酒 😈🍺🍺金牌台灣啤酒 26 蚊 枝呢隻金牌啤酒 喺台灣都試過 5度既酒精 中規中舉 口味偏濃 啤酒味重但唔苦 都幾啱 食濃味既台灣小炒🔥😈🍴鹹蛋苦瓜 48 蚊🥚炒得好好食既苦瓜🌿 有鑊你之餘充滿住咸蛋皇蓉 都不特止 同hk大排檔小炒唔同 佢仲落埋蛋白一齊炒 咸得過癮又帶有蛋白香味 苦瓜又夠新鮮👍🏻 好正🍴祖傳擔仔麵 45 蚊 🍜坦白講 唔知佢祖傳係乜 但味道十分唔錯 湯底有d類似雲吞麵既湯底 多魚味 有彈牙既豬肉丸 🐷半隻蛋🥚 肥味滷肉🐖蝦肉🦐 麵身係偏爽口既黃麵 連埋滷肉d豬油撈埋一齊食 都唔錯 🍜 若嫌唔夠味 點佢d帶有蝦乾既惹味秘製辣油都正 🦐🌶Score

偶爾也會想念台灣夜市美食👅 ，有時真的很想任性地出走一趟，今日放左工朋友同的都好想食台灣野，知道銅鑼灣有間台南阿豆仔係食台灣野，就去止住癮先😜店內有多款台式美食，彷如置身於台灣夜市一樣，食物選擇應有盡有。🍅梅子小蕃茄（$28）小蕃茄粒粒鮮甜多汁，冰涼可口，配上梅子粉酸酸甜甜，很開胃的一道小食！🌶香醋木耳（$28）木耳用香醋醃過，爽脆可口，酸甜開胃！🐷古法魯肉飯（$35）魯肉切成條狀，肥瘦比例控制得宜，香味撲鼻，撈飯一流！🍜古早拌麵（$40）拌麵配上青瓜絲、肉碎、麻醬撈成的麵條，麻香味濃，濃稠美味，掛醬力極高，非常美味！🐚鹽酥柯仔（$58）炸過的柯仔酥香脆口，柯仔食落新鮮，原全無腥味！🍲藥燉排骨（$68）湯頭非常濃郁，有濃烈的藥材香味，排骨軟腍滑口，吸收藥材精華味道，建議大家要趁熱飲。

真心唔會再去今日去食飯有位女店員態度真心差咁我地叫左野食後之後上飯啦，咁唔記得叫左啲咩咁問個個女店員佢拎返張單黎啲態度已經差嫁啦中間唔知講左啲咩最記得佢最後講左佢自己睇啦，就咁掉底張單咁我地唔記得麻煩到你唔好意思之後食完俾錢我們給3張單佢地俾錢碌卡我地點知你地會收少張，咁你地俾返張卡我地我地咪走囉突然個個女仔跑出黎係條街叫我同事喂…你無俾錢..我地都打個突好無。。下。。咩叫無俾錢係咁重覆講你無俾錢係你地收少左好無咁叫我地俾返錢好正常唔係我地無俾錢態度真係勁差一定唔會再黎

銅鑼灣越開越多間台灣菜，但呢間只能話食後印象並不討好古法魯肉飯 ❤️ ($35)評分：6.5/10.偏乾嘅魯肉飯，發現肉汁流晒落啲飯到，但正正因為咁面頭嘅魯肉雖然肥瘦均勻但就唔夠濕潤。佢哋以前魯肉飯有兩個 Size, 而家統一咗只有大碗。但其實所謂嘅大碗都不過係中飯碗嘅大細。有滷蛋嘅魯肉飯當然更上一層樓，但其實呢隻滷水蛋一樣係唔夠入味嘅豉油蛋。同普通嘅烚蛋分別唔大。鹽酥雞軟骨 ❤️ ($38)評分：6/10.魷魚要$52唔捨好捨得食，於是試吓第二選擇—雞軟骨。可能係我嫌尖啦～但炸粉厚嘅炸物我始終有啲保留 😐 每一粒雞軟骨雖則大粒，但內面只有少於半舊真係軟骨組織，其餘就係肥膏/炸粉。嚇得我一邊食一邊不斷將恐怖嘅炸粉堆埋一邊 (嗯嗯我都好唔好意思唯有不斷收埋係生菜下面🙈) 故事教訓我都系唔好貪平試平日唔會嗌嘅嘢

很久沒有去過台灣，就開始懷念美味的魯肉飯、擔仔麵等台灣美食，於是今天上網找到這間台南阿豆仔，止一止渴。食物選擇多樣，有多款台灣地道美食，價錢不算太貴。古法魯肉飯一碗魯肉飯相當豐盛，更有滷蛋半顆，五花肉經過長時間滷製，口感軟綿入口即化，卻不會讓人覺得油膩，帶有一點香甜的滋味，讓人吃得津津有味。祖傳擔仔麵擔仔麵湯底強調自然的美味鮮甜，麵上澆淋一匙肉燥，擺上兩尾鮮蝦及芽菜，入口芳醇濃郁，有水準。鹹蛋苦瓜因為苦瓜切法的關係，會稍微帶有一些苦味，鹹蛋黃看似沒有很多，但香氣十足，非常惹味的一道菜。萬巒豬腳豬腳份量多，肥瘦適中，將滷得入味的豬腳沾上濃濃的蒜香和甜甜的醬油膏，這是傳統萬巒豬腳吃法。台式三杯雞三杯雞的味道非常濃厚，而雞肉肉質嫩不乾澀，味道都吃進雞肉裡，連配菜青蔥都沾附三杯的味道，很下飯的一道菜，如可加入九層塔調味就一流。

筆者真的妹喜歡吃台灣菜，近來一個月都吃了幾遍，今晚又走到去銅鑼灣尋台灣味道嚕。餐牌簡單清晰。自家製辣醬中有，辣度足夠之餘加入了銀魚仔使辣中帶香口。《祖傳擔仔麵 $45》有豬肉丸、肉燥作配料。豬肉丸有肉汁又彈牙，好味，麵條煙韌有口感。麵拌勻肉燥吃更惹味。《紅燒牛肉麵 $68》牛𦟌好厚但夠腍又入味，𦟌味香濃。麵條粗身彈牙，十分有嚼感。最重要的湯底沒有令人失望，有台灣的味道，而且香濃得來沒有過咸的問題，麵條亦有口感。《咸蛋苦瓜 $48》但咸蛋蓉夠多，炒得十分香口惹味，咸蛋的咸香蓋過苦瓜的甘苦，反而令苦瓜更甜更多汁。份量雖少，但其實已經剛好足夠，否則會太膩。《芋香仙草奶茶 $26》奶茶很有芋香，當中的仙草清溜似涼粉。《水蜜桃爆水多多 $30》清涼但略甜，當中的爆珠好有口感。《阿豆仔小炒 $88》怪不得香氣撲鼻，原來材料有蝦乾、魷魚、木魚乾、苟皇、豆腐乾、 腰果。苟皇鮮嫩無渣；蝦乾大條好有咸香而且具口感；木魚乾香脆惹味；魷魚彈牙夠腍身；豆腐乾入味；而豆腰果香口亦腍。

今日從路經銅鑼灣蘭芳道時抬頭一望見到「阿豆仔」三個字，門面還要不小的，原來此處開了一間台灣菜館呢！圍觀此帶真的沒有一間台式餐廳，正好適合我的胃口，讓經常出入銅鑼灣的我又多了一個飯堂。《鹵水拼盤 $48 （鹵蛋、蘿白、牛展）》鹵蛋夠入味；蘿白可以再入味一點，夠腍身多汁；牛𦟌夠腍，之間得筋位很有膠質。《新竹炒米粉 $55》炒米粉上放了炸蛋花，令整體更香脆惹味。米粉炒得爽口不油膩，而且根根分明沒有黏在一起的問題。味道更是入味，若加上餐廳的自家製阿豆辣醬，更加香辣惹味，《三杯雞 $68》雞肉較鞋，但味道調得惹味，醬汁送飯還不錯。《炒A菜 $48》即是炒油麥菜。菜新鮮嫩綠，炒得有油光再加上蒜粒，惹味吸引。《蜂蜜珍珠綠茶 少冰 $28》略甜，但夠大杯抵飲，自己加加水沖淡就可以了。

今日同同事係銅鑼灣搵食, 佢話朋友介紹左間台灣菜小店唔錯~小店位於銅鑼灣利園一期附近, 位置方便, 而裝修亦花左心思做到好有台灣夜市風格, 幾有特色餐牌上有好多種類既台灣小食菜式, 我地樣樣都想食, 嗌左好多!香醋木耳 酸酸地開胃必食, 好清新爽口肉鬆皮蛋豆腐 皮蛋係流心咁...好好食, 而豆腐亦好滑, 夾埋肉鬆一齊食好有口感古法滷肉飯滷肉粒既醬汁味道同我係台灣食既一樣, 好正蚵仔煎 及 鹽酥蚵仔我地係蚵仔控所以嗌哂2樣蚵仔美食鹽酥蚵仔大大粒又唔腥, 好香口甘梅地瓜條 甜甜的地瓜條唔係採用炸粉, 食落唔會好油, 加上灑上台灣特有甘梅粉, 配啤酒一流台灣啤酒 見到有台灣啤即刻要枝啤啤佢, 唔係間間做台灣菜既餐廳都有, 店家好細心連台灣啤酒既杯都有!

香港而家都有好多台式餐廳，所以可以解決到我突然想食台式野既慾望不過唔係每間都能令我好想再去食多次，而今晚食呢間真係令我好想再黎一進入餐廳，好有感覺置身在台灣，連燈牌都一模一樣藥膳排骨湯呢個好好味感覺好養生同肉骨茶好似，甘甘甜甜而且排骨好軟腍九層塔茄子煲茄子好香，而且好入味鹽酥雞翼呢個係單骨雞翼，所以食落好方便而且相信係用左大隻既雞翼，因為雖然單骨，但都啖啖肉家鄉白菜鹵好有媽咪煮既味道不過裡面有蝦米的，我不太鍾意食蝦米古法鹵肉飯每次食親台灣菜，我都一定要食鹵肉飯，鹵汁撈飯超好味，唔會太多，亦唔會太少，剛剛好因爲太多就會好膩，太少就唔夠味，而且鹵肉肥瘦適中，好有口感超鍾意食台灣啤酒味道淡淡地，不過我覺得好岩女仔飲百香果乳酸綠茶水蜜桃爆珠多多食左咁多野每人$200都唔駛真係好抵食

同一班同事趕完project放工時已是饑腸膔膔, 有同事提議不如大家一齊去食個晚飯再各自返歸, 個個都贊成, 於是我們就近來到這間台南餐廳, 這間台灣餐廳我們中午成日來食, 它的set lunch無論是台灣麵抑或是魯肉飯都好好食, 但夜晚的晚餐我們都從未食過, 今次一食, 發覺原來這餐廳的晚餐竟然係咁出色, 台式小菜既有鑊氣又超好味!我們order的小菜陸陸續續上枱了, 同事仲order了台灣啤酒來飲, 我就叫了個冰凍焦糖紅豆奶茶, 啜一啖奶茶, 奶茶有茶香, 焦糖有它好獨特的香甜, 紅豆是又粉又甜, 唔! 這杯奶茶真的好有台灣味道, 正!最先上枱的是咸蛋苦瓜, 見到切成薄片的台灣苦瓜, 片片都均勻的沾滿了咸蛋蓉, 入口聞好香的咸蛋黃香味,食落一D都唔咸, 苦瓜因為有咸蛋蓉包住, 食落好甘香,非常惹味, 咀嚼到最後才會食到一點苦瓜的苦甘味, 超好食! 這碟小菜 - 咸蛋苦瓜即刻成為搶手菜, 個個都讚好食!仲有這間的超人氣地道台灣菜 - 胡椒蝦, 這碟胡椒蝦摆在我們面前時, 我見到碟上員有兩種材料, 超多的黑胡椒粒及好多隻大蝦, 一上枱, 空氣中便散發著誘人的香濃的胡椒粒香味, 聞到都令

今日同個老友去銅鑼灣買少少野，忽然之間又想飲下啤酒吹下水，但係銅鑼灣又比較少d小炒店wor ，就係果一下，個腦海裡面忽然彈左e間餐廳出黎，反正自己都係係sogo, 就行過去試下啦！咁去到之後都爆晒枱，好彩都係等左5分鐘左右，坐低之後就望下個餐牌啦，同我上次黎係唔同左，換左新餐牌，咁就望下啦！見到佢就換左個新餐牌，比起我半年前左右黎嘅時候多左好多菜式，但係最可惜嘅係我地今次只係得兩個人，叫唔到好多餸，咁我地就叫左以下菜式啦！首先是九層塔炒蛤蜊，蛤蜊肉非常肉厚，肥肉，而且炒得非常香口，你坐係廳面度都會聽到廚房裏面鍋氣十足，九層塔d香味出晒黎，再配埋台啤，真係絕配。近期飲食界出了一陣強勁嘅咸蛋風，繼咸蛋魚皮後全城狂熱，咁我地今次就試下e個咸蛋炒苦瓜啦，都係果句，鑊氣十足，食落去熱辣辣，而且苦瓜都好新鮮，食落去好甘香，絕對係一個無得輸嘅菜式，係e個時候，我地又叫多左一支啤酒啦！小小題外話，e個啤酒杯就真係無得輸，杯仔細細，令到你會唔覺唔覺一啖一杯，再加上咁多送酒美食，最後我地每人飲左3支呀！哈哈台式三杯雞是家戶喻曉的家常料理，其中的三杯指的是醬油、米酒、和麻油，基本上好多台灣菜式都係以米酒黎做

今晚同阿媽去左銅鑼灣食飯，今日早收工叫阿媽攞定位，去一間想食好耐既台式餐廳！「台南阿豆仔」主打古法台灣菜，我地唔算好肚餓叫左幾款開心share！台灣啤酒！必試台灣啤酒，入口甘甜香濃麥芽香，飲多枝都唔覺有醉意！滷肉飯！香濃花椒八角味道，惹味醬汁足夠送飯，滷肉肥瘦適中，入口油香豐富唔覺膩口，雞蛋滷得入味。阿媽叫左拌麵，醬汁味濃佢大讚好味！醉雞！雞肉吸收哂酒香，每一口都有濃濃酒意，肉質極是滑溜，入口非常甘甜！黃金苦瓜。咸香蛋黃加上甘苦苦瓜原來味道極是配合！

喺銅鑼灣返工，每日都要諗食乜好，因為實在太多選擇！😬今日突然心血來潮好想食台灣嘢，搵到呢間離公司最近，行5分鐘就到~鋪面不是十分大，但都算坐得幾舒適午巿套餐$68起，套餐會有埋涼拌三小碟+指定免費飲品我又唔食芽菜，又唔想飲一杯糖水，結果單點左一個香酥雞腿飯☺️偷影對面女士嘅涼拌三小碟，賣相幾好呀等左大約2分鐘，食物就送到！都算好快下有驚喜嘅係竟然有啲滷肉？or肉燥汁？喺飯上面，而且飯似係用珍珠米煮㗎，呢一點好好呀🙌🏻🍗雞腿一啲都唔乾，好酥脆多汁，有少少鹽酥味但不會太咸，而且份量都好足夠呀食到大半，雞腿+滷肉飯實在有少少漏😂我問侍應哥哥攞水飲，佢仲好細心問我想要凍水定熱水呀👍🏿埋單時仲發現，原來用匯豐卡，食滿$300有85折，$300樓下都有9折！好少可食幾十蚊嘢都有得簽卡，折左之後呢餐只需$49，噢好抵呀！😛個人食過，最好食嘅香酥雞腿飯（平價之中，貴嘅我唔知啦），係台北西門町嘅玉林雞腿大王..呢間未至於有咁好食，但都做到八九成呀！下次會再嚟食過🤤p.s. 隔離枱坐左4個台灣人，搞到一路食真係好似飛左去台北咁😆

去銅鑼灣行完街，唔知食咩好，行過見到有間台灣野，又有人排隊，唔執輸既情況下就去試下。餐廳大大個燈箱，跟足台灣夜市甘，好過癮。由於唔係太肚餓，同朋友都係叫左魯肉飯+皮蛋豆腐+飲品就夠⋯⋯個魯肉飯一上檯，甘少魯肉既！？食落都係好行貨，唔夠入味，滷水汁又唔夠，好淡，肥膏又多，真係無乜肉食；皮蛋豆腐就不過不失，無咩特別；我杯珍珠奶茶呢，d珍珠少到我以為叫左杯淨奶茶，茶亦唔香茶味，天X果杯好飲過佢。台南我未去過，不過我估用呢個價錢係台南一定食到好多餐。