台南阿豆仔 (已結業)

蘭芳道本來好多食肆，但應該係因為舖租貴吧，所以越嚟越小舖頭留得呢度。所以相信留得底既舖都唔錯啦！ 今日食咗一個好抵又好質素嘅饒河牛肉卷😋，飲品係凍古早桂花酸梅湯。牛肉卷個皮好似手抓餅咁，鹹料好爆，滿滿咁注滿個皮，牛肉好juicy，原來用牛𦟌做㗎，再加上青瓜絲、蔥，呢個配搭真係正! 平時企係到食手抓餅都要廿幾蚊啦，而呢到可以舒舒服服坐低，有杯嘢飲都只係32蚊，真係值回票價 !至於那個古早桂花酸梅湯，最主要只係酸梅湯味道，唔覺得有咩桂花味，但都好飲既。

約左朋友去銅鑼灣睇戲，想食d野就去睇戲，路過見呢間唔多人就入去，叫左滷肉飯，麻醬麵，滷水拼盤，炸排骨同埋一個餃子，味道不過不失唔算特別好，唔試都無咩損失，而且份量偏細。

對台灣既思念又來了..所以要去止止渴..約左朋友去銅鑼灣睇戲..所以揀左去台南阿豆仔..太掛住個酥炸尤魚..超好食..好似行夜市掃街咁..要即炸即食..無得輸..今晚食左兩碟..同行友人都被影響..食埋1份..😂😂😂😂😂😂😂😂😂

放工同好友去食飯，想平平地所以就搵到哩間，不過，真係見裝修唔錯，好似都幾多人食就黎試試，點知有點失望佢話期間限定有優惠，凡喺度食過$200，下次喺星期一至五黎就可以有佢哩度上面其中一個火鍋免費。先黎一個淡而無味嘅綜合甜不辣，仲要係煮得太淋，點啲甜辣醬都係一啲味都無古早味”乾”麵，真係好鹹！太多汁，太鹹，啲麵都俾啲汁浸到淋晒佢跟麵有碗好油嘅貢丸湯，見到面頭層油我都唔敢飲...食到一半都成碗係汁，認真太鹹太膩成本價唔洗好高嘅蒸豆腐，已經5算平，仲要啲豆腐淡而無味，仲有啲浸唔淋嘅東菇，哩碟嘢都幾唔扺食...魯肉飯喺哩度嘅招牌...認真無乜特別，啲肉都唔係炆得好淋，有啲又好硬，一啲都唔鬆軟，不推介！2人食左咁嘅價錢，其實喺銅鑼灣黎講都係算平，但睇翻成餐飯嘅質素，不值一試。

地點方便，只距離地鐵10路程。初進來感覺好像真的到了台南台中，現場設計，枱面，枱子還有裝潢都有一種好像回到80年代初那種村鎮風情。由於台灣菜比中菜精緻，一行人都點了不少餸菜，如三杯雞，鳳梨涼瓜湯，十全藥饍，水餃，客家豆腐，鹽酥雞，魯水併，魯肉飯，炒新竹，番茄煱，空心菜，A菜。要數當中鳳梨涼瓜，魯肉飯和炒新竹最為美味。無論那清燉鳳梨，三肥七瘦肉魯肉汁和嫩滑爽口炒新竹，火喉合度合適

Snowbellmama 今日突然間想食台灣野，喺銅鑼灣行完Time Square嗰邊，朋友提議去白沙道再睇下波鞋。點知比我見到呢間台南嘢食，就忍唔住執咗朋友入去醫飽個肚先！講真啦，台南到底係食乜，我一啲Idea都冇。平時喺香港食嘅台灣野，多數都講明話係台北過江龍之類，好少聽佢話係台中或者台南嘅餐廳。上次去完台北，對於佢嘅排骨湯念念不忘，喺香港真係搵唔到嗰隻味。而今次見到嘅係藥膳排骨湯，我又抱有期望try try。藥膳排骨湯嘅藥味真係幾重，仲有少少似肉骨茶添，有一種甘香嘅餘韻，我估未必係人人都鍾意，但我都接受到。之後仲叫咗一個滷肉飯，同平時識開嘅都冇乜唔同，不過今次嘅滷肉就肥咗少少，有啲食到油膩嘅感覺。而滷水拼盤都唔錯，豬大腸同蘿蔔都醃得好入味，我幾鍾意㗎 ！

看到網上介紹呢間銅鑼灣台式餐廳，見好近我公司，銅記又好少台式食店，冇睇過食評就入去食個午餐，點知係一個伏！雞肉飯，好細碗，雞肉份量好少，仲要好大陣雪藏味，個飯好少汁，煎蛋完全冇調味，好快食曬d餸，淨返成大碗飯，得好少汁，叫人點食落去！跟餐飲熱蜂蜜綠茶，太甜喇！個午餐連飲品，冇記錯好似50幾，但原來要收加一！服務同茶餐廳冇分別，係有少少裝修，水都冇杯，佢憑咩收加一呢？冇錯，銅鑼灣係好貴租，但如果食物有質素，我唔介意俾60蚊食一碗好食嘅雞肉飯，而吾係又難食又細碗嘅！

食係一種享受應該要有啲要求。所謂古早台南味。。。打正旗號就應該要做到，唔好拆自己招牌，都唔會翻兜再食，激起我更加想念台灣美食想即飛去食番正宗嘅。好食與否，試就當然要由最基本開始，魯肉飯，無咩肉汁味，調味方面鹹甜都唔夠，隻蛋好似酸宿咗咁咬咗一啖唔敢再食。唔敢再追單叫其他野食。嘉義雞肉蛋飯。。感覺將啲剩餸加隻煎蛋比你咁，啲雞肉好有雪藏味。服務方面店長睇都唔睇一碗飯擺低轉頭走差啲倒瀉我枱上飲品，第一轉係咁第二轉都係咁樣

同朋友一行三人行銅鑼灣，行到肚餓嘅時候要搵野食啦，朋友問我想食d咩！可能我近排太愛台灣菜啦，我又口快快講左台灣菜，咁搵下openrice之下就搵到e間餐廳啦。搵搵下就搵到e間餐廳，望落去幾特別咁樣，就去試下啦！咁去到啦，店面就唔係好多人，我地就立即安排到座位，望下周圍，個裝修都唔錯wor,牆上嘅燈箱好靚，好有台灣夜市嘅特色，燈箱上都寫住台灣夜市嘅美食，另外員工都非常有禮貌咁樣招呼我地。跟住我地就望下個餐牌先，款式都算多，有飯，有麵，小菜涼拌前菜，另外飲品都有好多款，咁我地都係選擇左以下嘅菜式。係等菜嘅期間，又周圍望下，發覺間餐廳都幾有心思，佢地d餐具真係跟足台灣地道餐廳，最有代表性嘅就係果支鐵匙羹啦！基本上你去到台灣好多餐廳都會用e支鐵匙羹!好，咁就飲品到左先啦，我就叫左個珍珠奶茶啦，第一啖飲落去，味道都係偏淡，但係我係無叫到少甜law!另外果兩杯我朋友都話係淡!你一個菜，擔仔麵，咁佢個份量都係跟足台灣，細細碗，麵入面有滷蛋魯肉，豬肉丸同蝦，麵就係用傳統擔仔麵，再加埋清湯，食落去都唔錯，幾好味，而麵質都煮得好好，剛剛好。跟住到我最愛嘅紅燒牛肉麵，牛肉麵賣相都非常好，可惜就係正宗果d牛肉

在銅鑼灣區租金昂貴大家應該不會反對，而租金引致高成本的後遺症，其一便是食品質素將價就貨，將質素壓縮到面目全非，其二要不然就是羊毛出在羊身上，價格轉嫁給消費者。兩者都不是食客佳音，不過今天試呢間竟然有驚喜，從原裝份量，到味道，到裝修，都很台灣，而且很“台南”味道。我們在香港普通都較多接觸到台北風的較濃味台菜，又或者是調教過的“香港味台菜”而鮮有吃到道地台味，對上一次已經係當年欣葉了。我推介呢間台南味道菜式，唯一要改善的，是同行幾杯飲品都很淡味，茶味不足，在飲品方面很有改善空間。

唔知食咩好！經過見食台灣野就試試啦！因為出面都幾full佢地比左房我地坐。4大1細叫左9樣野食加三杯野飲諗住應該夠啦！點知一嚟到！原來都幾細份喎！埋單都5百幾蚊架！但食唔飽囉！份量細唔緊要！但味道都⋯唔太岩我地！尤其鹽水雞。完全同想像中好大出入！可能食開台北嘅鹽水雞。同台南嘅鹽水雞係唔同😂呢個係熱食架喎！碟一口小香腸！又一失望。仲以為係台灣腸！一上枱已經知唔係我地想食嘅腸！口感好淋身！魯肉飯都還可以嘅。但無嘜汁！搶仔麵，原來係魯肉飯嘅魯肉加蝦同肉丸！水餃🥟唔知點解食到甜甜地嘅？柯仔煎，一般啦！唔失望嘅！炒蛤蜊，算好食嘅！但$78嚟講，好似貴左啲！沙茶空心菜。炒得唔錯！送飯都幾好！不過服務態度幾好！啲員工都幾nice!加返啲分啦！

是日到銅鑼灣閒逛，突然想吃台灣料理，剛巧路經小巴站附近的台南阿豆仔，見不用等位，於是入内一試。看過點餐紙後，點了份A餐，要一份皮蛋豆腐和古法魯肉飯，飲品則加錢點了台式奶茶加珍珠...餐點上桌後，先試皮蛋豆腐，味道不過不失，再來是魯肉飯，賣相蠻吸引，但一吃下去味道帶酸，不是想像中的魯肉味，米飯水份太多，都出來太軟太爛，吃了一半已吃不下去... 最後是珍珠奶茶，一喝下去，茶味太濃，帶苦澀味，再吃珍珠...珍珠表面太黏，中間還是硬...真的從未試過如此難喝的奶茶及如此難吃的珍珠...本來滿有期望找尋台灣味道，但卻換來如此失望的回憶，一定不會再有下次了！

蘭芳道有家裝修特有台灣風味的餐廳，環境用來打卡還不錯。店員很有禮貌，有彷如置身台灣的感覺。我們點了個午餐A，前菜是蓮藕，主菜是紅燒牛肉麵（+$18），飲品叫了個熱的薑汁奶茶（+12好像是）總之這三個東西加起來就要$95。$95一個午餐絕不便宜。蓮藕是冷的，賣相不好看，厚薄不一致，就不老已經算不錯。紅燒牛肉麵沒得選辣，湯底一般，麵條適中，不過味道就沒有特色，不值得加錢薑汁奶茶算不錯，不過一喝就知道是立頓奶茶，沒有台式風味🤣🤣🤣⏰⏰⏰⏰⏰⏰⏰⏰⏰⏰⏰⏰⏰⏰等著等著朋友也來了，到了下午茶的時間（14:30）她點了個滷肉飯，滷肉飯有分大的，小的。價格也不一樣。看到旁邊點了小的，真的是很小碗，份量好少。朋友就叫了大的，蛋的味道不濃，是冷的，不好吃🙈不過滷肉飯的味道卻不錯，肉跟汁的份量算多，不會到最後餐剩多多的白飯沒餸吃。朋友也點了薑汁奶茶，不過她那杯卻沒有薑片，是已經壓好的薑汁沖的。就是說，連奶茶都很不一致。總括而言：環境特別，員工有禮，食物普通。

難得lunch time時段唔洗排隊，裝修又扮晒古老台灣飯店咁，最重要係價錢大眾化就即管試下牛肉質地似罐頭牛， 有牛根但太冧。幸好湯底夠濃郁，加入酸菜大量䓤同芫茜，令湯變得沉悶中有小小特別 。麻辣豬耳， 零麻零辣卤水拼盤 -可能只係跟餐，分量比較細。只有豬肚同豬大腸但夠入味又夠冧 蘿蔔冇味魯肉飯 - 唔知係咪台南係唔同d, 但飯太濕變得有點爛，味道差小小鹽酥魷魚 - 冇嘜味但勝在炸槳夠薄又脆口仲有炒A菜， 雖然有點多油但夠鑊氣夠香蒜味👍🏻

星期六晚，歌利亞和祖利安一起到銅鑼灣逛街。由於很久沒喝珍珠奶茶，在openrice搜尋台灣菜後找到台南阿豆仔，於是到來一試。7時許來到台南阿豆仔，看見餐廳設計頗有心思，而且男店員非常有禮，不斷「您好呀∼」，但竟然不用等位，心想會否是伏？但食物價位不高，我們抱著一試無妨的心態點菜。店員推薦快炒蛤蜊和紅燒牛肉麵。由於我們較喜愛港式的豉椒炒蜆，於是只點了他推介的紅燒牛肉麵，另加綜合滷水拼盤和碎雞卷。歌利亞本想點珍珠奶茶，最後變節選了芋香珍珠。先來的是芋香珍珠，芋味濃淡適中，珍珠夠Q ，味道不錯。後來聽職員向鄰桌介紹時說，芋香珍珠是由芋粉溝鮮奶配製而成。接著到來的是紅燒牛肉麵，牛肉夠淋夠入味，可惜麵質和湯底味道一般。醉雞卷的賣相頗特別，雞肉有淡淡的酒香，不錯。最後來的是綜合滷水拼盤，我們點了雞翼、牛展和牛肚，雞翼和牛展毫不入味，只有牛肚味道較佳。