台風。R

營業中

休息中

With this kind of weather, think I’m going on a noodles tour again🤪 isn’t it comforting to have a warm bowl of soup noodles during winter time and I happened to discover this place that do really good seafood pork bone broth ramen😋and the half cooked chashu is sooooooo good that I ended up adding 6 extra pieces☺️

出到嚟附近行，又突然好想食拉麵，於是就搵到呢間入嚟試吓。整體嚟講係幾好，同埋都有特色。📌📌📌💥魚介豚骨拉麵 $78湯底唔錯夠濃郁，食到魚嘅鮮甜味，配搭粗麵條，另外配料有半熟蛋半隻、甘筍、紫菜、白葱絲同埋低溫慢煮叉燒💥墨汁黑松露拉麵 $93呢個配搭好新奇，湯底黑孖孖墨汁嘅鮮味同濃香黑松露味，食落去又覺得系夾的😃 啱晒鍾意食黑松露嘅人😄麵底係粗麵 半熟蛋半隻 有甘筍 同埋幾塊叉燒 吃完成個嘴黑晒😆🧮🧮🧮Total HK$171 (2人）

2大1小，試左沾麵，湯拉麵同兒童餐。小朋友好開心，好似日本餐廳咁兒童餐可以自選小禮物。沾麵汁好鮮，加左辣椒醬後香辣提升鮮味，最後試下加檸檬汁又真係refresh 感覺。

湯底好濃好食 拉麵真係超多 啲湯飲完都未食得曬拉麵 豚肉好軟好好食 糖心蛋正常水準 可惜紫菜份量較少 加埋我唔食個個唔知咩菜 以呢個價錢黎講配菜多啲會更加好 overall都唔錯嘅不過服務員服務真係好好 有耐性唔會趕落單又有圍裙提供 椅子下面有籃擺袋 服務好周到

台風由佢開喺灣仔嘅時候每個星期我都會去食，因為好鍾意食佢個叉燒，同埋佢可以好人性化咁如果你唔食筍或者其他配料可以轉另一款餸去代替，儲夠單仲可以換溫泉蛋！非常Happy！😋近排佢嘅Menu多咗個係可以揀多一個餸或者飲品，價錢同以前都好似差唔多，性價比高，每次嚟親都係食魚湯拉麵，拉麵彈牙、湯底熱辣辣又濃郁、叉燒唔會好肥膩類似火腿好嫩滑，溫泉蛋就比較普通冇乜特別，整體都好好食。要讚一讚員工服務態度好好，入到門口會同你講歡迎光臨（日語），坐低嘅時候佢會遞上一杯清水，再耐心等候你會寫啲乜嘢食，走嘅時候佢會同你講下次再見（日語），然後再幫你閂門，就係呢啲細微動作就會令到一個客人留低咗一個好嘅印象（重點係佢哋冇收+1服務費都咁好服務🤩），所以我都每個星期都去食呢間keep住有水準嘅一間拉麵店！請要繼續加油，加油！😋😋

去咗台風。R 。 試咗佢哋嘅海蝦味噌沾麵，真係好正！我揀咗冷嘅沾麵面底同熱辣辣嘅沾麵湯底。當個麵嚟到嘅時候，已經聞到滿滿嘅蝦湯味，仲有三塊慢煮叉燒同埋少少筍！慢煮叉燒食落好嫩同有啲黑椒味道，而面質就係爽彈，真係好好食！我將啲麵放落蝦湯入面，個麵質都幾掛湯。佢里個海蝦味噌沾麵係我最喜歡嘅沾麵之一！最重要係佢嘅價錢又唔貴，只係$88就可以食到咁好味嘅沾麵。如果你鍾意食沾麵同埋蝦湯嘅話，我就大力推薦你試下台風。R 絕對唔會令你失望！

嚟左銅鑼灣突然口痕想食拉麵沾麵，之前係荃灣食過台風，係好食嘅！！見到銅鑼灣都有，於是就走過來食！！我叫左海蝦味噌沾麵，佢送一款小食/野飲，於是我簡左半隻溏心蛋（但原來佢咁身都有半隻）。蝦湯超濃，仲有勁多櫻花蝦，每到成個湯底勁濃蝦鮮味，反而味噌味就唔算非常突出。不過食完好似好易口乾，少少咸，食完要飲多啲水。叉燒份量都算多，粉粉嫩嫩，唔肥之餘又勁淋，非常好食。 麵食嘅份量都幾多，我叫左少麵但都算多，大食嘅人可以叫普通/加錢加底。

剛剛轉咗去灣仔返工，經過呢間拉麵店，見到價錢都唔貴就入去試吓叫咗個最平嘅魚介豚骨拉麵，魚介湯底唔錯，有兩塊豚肉，紫菜同埋半隻糖心蛋麵質幾彈牙，份量女仔食應該夠，價錢$78唔使加一，仲包一罐烏龍茶。

想食拉麵，本身想行去灣仔食鳥X亭，途中經過第一次見的台風R，原來和荃灣的拉麵台風同出一系，算是信心保證吧，why not give it a try?第一次食，點了穩陣的魚介豚骨拉麵。先嚐湯頭，頗為濃厚，不覺味精。再嚐麵條，很有嚼勁，而且掛湯，和彩不相伯仲，我會給9分。肩肉叉燒、糖心蛋、紫菜都有中上水準。畫龍點睛的，是開口問才有的沙甸魚醋，很少見裡面會有這麼多條魚仔。加幾滴，令湯頭的鮮味再提升一個層次。$78超級抵食，翻食是肯定的。

位於灣仔同銅鑼灣中間有六款拉麵、沾麵同埋撈麵墨汁黑松露拉麵 ($88)湯底黑孖孖 勁濃郁黑松露味🤤啱晒我呢啲勁鍾意黑松露嘅人😈仲要個麵底係粗麵 係我鍾意嘅麵質另外有半隻半熟蛋 有啲甘筍同埋幾塊叉燒 呢個價錢嚟講都幾豐富正～～

銅鑼灣地鐵站出，大概行5分鐘左右到。星期一晚上，人唔多，唔使排隊可以直入。.每次食台風都覺得氣氛好好，我嘅歌、牆上嘅裝飾，都好有日本熱血動漫感覺😛.🍜濃厚蟹蝦豚骨拉麵 $88蟹同豚骨味都好出，湯底好鮮👍🏻叉燒同蛋不過不失，都係好食。面量偏多，面質偏硬身但不失彈牙口感，係碗好食嘅拉麵👍🏻 .🍜墨汁黑松露拉麵 $88朋友叫咗呢碗食，黑松露味都又香又明顯，但唔係好似拉麵，有啲似食緊意粉～同埋食完個嘴會好黑，好彩佢有足夠紙巾供應😆.朋友叫正常面量，碗麵大到不得了，都幾飽。..覺得呢間店overall都比其他分店好食😋

點了湯拉麵和沾麵，麵有彈性有咬口，份量也不少。湯底個人覺得偏淡，肉也不會有膩的感覺，反而荀有驚喜，吃多多也不厭。總括來說適合注重身形而又想吃拉麵的女生，價格在今天銅鑼灣區算便宜，經過可以試試！

#20230918 🤍📍 台風。R 灣仔駱克道389號地舖➖➖➖➖➖➖➖➖➖➖➖➖➖➖➖➖➖➖#魚介豚骨沾麵 #熱 $83💭 個湯杰身，好重木魚既香味🐟絕對可以用濃郁尼形容，沾麵尼講佢唔算咸，特別在有舊檸檬可以加落個湯度🍋令到個湯酸酸地感覺無咁油膩，不過都係想像唔到點樣凍食😅食完個麵可以加啲魚上湯落去變返個正常既湯底尼飲，但其實係會飽到飲唔落，🐷最後都係飲左兩啖就收左工😂.#濃厚蟹蝦䐁骨拉麵 $88💭 個麵啲麵質同沾麵係一樣，呢隻粗麵咬落更有口感，普通份量已經係出面啲拉麵舖既1.5倍，個湯以拉麵尼講都算有少少杰，飲落好重啲蝦殼蟹殼味🦐同平時啲蝦湯蟹湯有啲唔同🦀就算碗飲晒都唔會頸渴，高質！.#叉燒 #6塊 +$25#筍 +$10 💭 呢度啲追加碗料好抵食，碗筍成座山咁高，麻油味滿滿，叫一碗兩個人share食都得😎佢地啲叉燒同出面都唔同，粉紅色成塊火腿咁，無肥膏位但又唔鞋口，有時尼師傅會砌到成朵花咁好靚🌷

之前都試過旺角嗰間漁場台風，今次就嚟試吓佢喺灣仔嘅分店，佢哋每一間分店嘅拉麵都唔一樣，呢間就有多啲特別啲嘅湯底🤪佢哋成間店都用咗日本漫畫嘅角色來佈置，又一路播住日文歌，都幾有feel🤩✨濃厚蟹蝦豚骨拉麵🦀🍜$88一上到黎已經聞到好大陣蝦同蟹嘅香味，成個湯底都非常之濃厚，蝦同蟹嘅味都好出但都冇蓋過豚骨嘅味，平衡得好好，拉麵就用咗粗面，都幾掛湯，同埋呢間店嘅另一特色就係啲豚肉係低溫慢煮出嚟，所以睇落去會好粉嫩同埋啲肉質食落去都好嫩好滑，完全唔會鞋口，另外個糖心蛋都好出色🥚流心得啱啱好😍佢哋嘅拉麵都真係幾大碗，食完真係好飽😛

🦀濃厚蟹蝦豚骨拉麵（額外加咗溏心蛋+紫菜）💰$88🍜魚介豚骨沾麵（額外加咗溏心蛋+紫菜）💰$83.⚡️大學個陣食過旺角嘅漁場台風 ，一直都覺得佢哋嘅沾麵係食過最出色，前排先知原來🎏灣仔開咗分店，所以就去try try～.⚡🍜魚介豚骨沾麵沾汁湯偏稀，唔係印象中嘅濃稠，味道有豐富嘅豚骨、魚介、醬油同大蒜香味，不知不覺就一口接一口咁吸麵🤣味道確係會上癮.⚡🦀濃厚蟹蝦豚骨拉麵湯底濃厚，有滿滿蟹蝦嘅鮮味✨，可以話每一啖都係海洋嘅精華🌊🥰