台風。R

營業中

休息中

📍 地點介乎於灣仔與銅鑼灣之間日籍師傅主理 (有個香港店員用日文同師傅溝通) 💛濃厚蟹蝦豚骨拉麵 (HK$88) ラーメン💛海蝦味噌沾麵 (HK$88) つけめん💛增量叉燒 (HK$25) 💛不收加一服務費 🥛有檸檬水提供, 冇酒精飲品售賣 💬 叉燒用真空低溫製法, 市面少見, 肉質超嫩滑‼️湯底好濃好香蝦味🦐 如果沾麵汁凍咗, 店員仲可為客人加入熱石整番熱個汁🔥超體貼😍 如果拉麵有得揀幼麵定粗麵會更加好‼️ 🙆‍♀️ 呢度話佢d麵嘅份量係其他餐廳嘅1.5陪😳 我初頭唔信... 結果真係食唔哂🙈 下次會揀少麵😂 不過我食曬啲增量叉燒🤭✌🏼 

只賣三款拉麵同兩款沾麵，無其他小食。拉麵份量係一般拉麵店1.5倍，麵、醬汁、蔥份量都可以揀。每碗都有叉燒、紫菜、半熟蛋，唔夠可以加錢另加。🍴濃厚蟹蝦豚骨拉麵 HK$88、半熟蛋（另加） HK$15叉燒薄身，用真空低溫製法煮成，非常軟嫩濕潤，油脂分佈平均，豬味濃，唔臊。半熟蛋入味，無過熟，筍亦夠爽脆。麵條較粗，煙煙韌韌，唔會太硬。湯底的確濃厚，厚唔係指稠身，而係蟹蝦嘅鮮味持續散發，唔單止入口果一刻爆發，每一啖都要慢慢細味，最後飲埋成碗湯都會覺得太鹹同油膩。🍴墨汁黑松露拉麵 HK$88湯底比蟹蝦湯濃稠，墨汁香甜，加上淡淡黑松露幽香，味道頗有層次，雖然色水烏卒卒，但味道絕不奇怪，如果鍾意食墨汁意粉，不妨試下呢碗拉麵。📍台風。R灣仔駱克道389號地下

以日本動漫為主題嘅拉麵店店內有好多poster同figure 😎佈置上真係好有心機👍🏻店內坐位都算多 而且唔會好迫 坐得舒服👍🏻店員亦好有禮貌同helpful 👍🏻🌟濃厚🦐🦀豚骨湯拉麵🌟魚介豚骨湯拉麵湯底非常濃郁🤩麵條軟硬適中而帶一點捲曲亦好掛汁😋低溫慢煮嘅豚肉切片超級薄身粉紅色肉質食落十分嫩滑肉質入囗即化👍🏻同平時食開既傳統叉燒好唔同💯另外佢地仲有沾麵同墨汁黑松露湯底可以揀😎

放工嚟到以動漫為主題嘅拉麵店脫離吓3D現實，唔好以為得個gimmick，其實好有食力，裡面同一般日式拉麵店一樣有格局㗎大胃食嘅蟹蝦拉麵，湯底名符其實咁濃，但一樣好飲到差啲飲得晒大胃偏好硬身又粗嘅拉麵，呢碗合乎晒朕嘅心意，又夠粗，硬度十足溏心蛋外滑內軟，流心到條脷都軟化晒開頭胃民見到叉燒咁紅以為未熟，其實慢煮叉燒是咁的，照食可也，嫩口非常沾麵一樣唔輸蝕，份量十足十啲湯更濃蝦味，食完成晚啲蝦味陪住你呀咁樣浸出嚟嘅麵實夠味啦裡面仲有啲台場同日本嘅相，好想飛呀，嗚

🍜//魚介豚骨沾麵//大愛 #つけ麺 😍! 配料有叉燒、竹筍、蔥、紫菜、半熟蛋, 豚骨湯底加入魚介粉, 湯汁味道鮮甜又香濃, 濃度適中, 而且唔會太油膩, 又唔會過鹹。如果想個汁濃味啲, 醬汁方面可以剔✅「大量」。麵條屬於粗身, 口感煙韌彈牙、有嚼勁, 價錢合理, CP值頗高的! 如果食食吓覺得個湯汁唔夠熱, 可以叫店員幫你喺湯汁裏面加入熱石, 即時令湯汁變得熱騰騰。不過如果湯汁質地可以更加濃稠, 麵條既掛湯力應該會更佳呢~

台風。R💛想介紹一間位於灣仔既高質拉麵店，雖然舖頭位置唔算多但坐得幾舒服，入面裝修擺設簡單得黎又應有盡有，同埋吧枱有好多figure好得意。一坐低店員比口罩夾我地，枱面有水，食物到時問我地需唔需要圍裙，服務夠哂貼心。menu💡拉麵份量偏多，女仔既話建議叫少麵💁‍♀️墨汁黑松露拉麵（$88)👍“食物黎到既時候聞到超香黑松露味 仲擔心緊會唔會太鹹 不過食既時候反而唔太食到黑松露味""拉麵質感濃稠 而且好鮮甜💁‍♀️濃厚蟹蝦豚骨拉麵（$88)👍“湯底係非常濃郁同厚身 食落係超香濃既蝦味同蟹味 又幾夾配合得唔錯""拉麵比起出面拉麵店係粗身少少同埋食落比較彈牙同爽口"

一向中意食拉麵/沾麵既我，成日都會發掘下唔同黄店既拉麵食，而最近竟然比我發掘到有黑松露拉麵🍜 今次一於試試佢👀由於我唔食荀，正當要走荀既時候，店員竟然話可以轉其他配料，最後竟然轉左半隻溏心蛋比我🤤 太有人情味啦掛～ 平時出面既拉麵店加隻蛋都要加錢，今次竟然可以以荀換蛋，即刻未食都已經加左小小分😆一上到黎，見到啲配料都幾吸引下，特別係兩隻溏心蛋😍 而佢啲叉燒最特別，係粉紅色嫁😳 同埋係好薄身既叉燒，本身粉紅色都驚佢係咪未煮熟🤨 但食落口又唔係想像中咁唔熟，口感好腍，似係用低溫慢煮既叉燒👍🏻 另外，個溏心蛋好好食，入面蛋黄幾流心，又唔會過熟，仲食到有啲啲黑松露味🤣而個湯底好濃厚，上面仲加左少少芝士粉，聞上黎好香，但食落就偏墨汁味多啲，黑松露味就唔係好出🙈 而個麵條好掛湯，軟硬適中，仲幾彈牙，好岩我口味！

掛住日本拉麵🍜嗎？來到這小店一定使你尋到日本拉麵🍜風味呀！ 這間位置在灣仔的小店叫 「 台風。R 」，是最近我覺得絕對是香港的拉麵皇者！港島區朋友一定要試的一間拉麵店！ 灣仔有4 款麵，我今次選擇了「濃厚蟹蝦豚骨拉麵」和特色拉麵一定要點的 「墨汁黑松露豚肉拉麵」！可自由按需要選多份量，或細食的少份量，貼心選擇！大愛這店都是直空低溫慢煮一塊塊豚肉切片超級薄身，入口軟綿綿太好味了😋墨汁黑松露豚肉拉麵口味更是感覺高級又特別，仲有無敵流心蛋軟滑口感即時便咬啖呀！手工拉麵同樣出色，湯底配著以上食材全部使我難忘！樣樣都這樣喜歡啊！台風。R📍地址：灣仔駱克道389號地下

聽台風係銅鑼灣開左分店，已經想試好耐，但係因為疫情一再卻步。最近都好耐無出銅鑼灣，去左掃貨，掃完貨就去左台風食野。佢既位置比較唔近銅鑼灣閙市，反而靠近鵝頸橋果頭。晚黑行過果邊既人流不算太多，亦唔太多鋪頭開左。台風。R既招牌係漆黑中更顯明亮，非常易揾。可能位置不算就腳，去到也唔洗排隊，鋪頭入面都仲有幾個位。依點有啲驚喜，因為其他分店既台風通常都要排好耐隊。入到去職員比左口罩套，枱面亦有洗手液，衛生不錯。職員也好認真咁抺枱！鋪頭既裝修相對明亮簡潔，入面都放左好多figure仔，播住日文歌，不過無其他分店咁多掛飾/畫畫。佢既野食有湯麵同沾麵。variety 比其他鋪豐富，部份以蝦湯為主題。我地叫左一個濃厚蟹蝦豚骨拉麵（$88），同一個海蝦味噌沾麵（$88）個人認為拉麵比沾麵好。濃厚蟹蝦豚骨拉麵（$88）有拉麵應有既材料，另外加左少少洋蔥絲，幾特別，仲有佢既叉燒係低温加熱，睇落係粉紅色，食落去唔會韌。佢湯麵既湯都濃，但不過唔會好肥膩，係一個好好食既拉麵！海蝦味噌沾麵（$88）我本身叫左熱麵，但黎左凍麵。食落先覺，好sad：（ 佢既沾汁本身都熱，但麵太凍，感覺越食越凍咁。不過好彩佢有得加熱石，整

一路食開旺角分店，突然發現原來灣仔近銅鑼灣嗰邊有分店，超開心，就去咗食。由於我好鍾意食沾麵，而旺角分店得午餐時段有沾麵，夜晚係拉麵。但呢間就連夜晚都有沾麵，好開心。海蝦味增沾麵 $88個湯有好多櫻花蝦，好重蝦味，好正。可能因為我醬汁揀咗濃厚，所以個湯好多油。雖然好味，但太邪惡，下次都係揀正常算。由於我唔食筍，所以我將佢轉左做蛋，個蛋好食。麵我揀左暖嘅麵，落幾滴檸檬汁，好食好多。特別想提下嘅就係佢個叉燒，佢唔係平時拉麵嗰啲叉燒，係好似生生地咁，有啲似食緊ham咁。但好正，好想再食。

今次去咗呢間台風。R食日本拉麵。一入到餐廳就聞到好香嘅豚骨拉麵，望望餐牌選擇唔算多，叫咗個濃厚蟹蝦豚骨湯拉麵（價錢$88 ）。等拉麵嘅途中，留意到呢間餐廳係非常之「宅」嘅：播住搖滾嘅動漫音樂，餐廳入面仲擺設咗好多動漫角色嘅模型盒，相信男仔應該會好鍾意！等咗一陣拉麵就到啦，不過一見到拉麵嗰下有點嚇親，豚肉係粉紅色，好似未熟咁。我將豚肉放入湯入面浸住，隔咗一陣就變返啡色，但係食落豚肉嘅味道麻麻。個湯嘅味道就幾豐富，飲一啖有蟹、蝦同埋豚骨味，不過覺得有啲油。

終於到咗令人期待的星期五了 ＝）放19:20, 同同事諗住食完晚餐後去 Don Don Donki =P, 所以去咗灣仔揾好嘢食，收藏咗一排，終於試到了 。去到已經4-5人排緊，店舖唔算大，大約有20個位，但係多是 bar 枱，所以應該不會等太耐。排隊時，店員已經派發了點餐紙，選擇唔算多，主要係你食唔食沾同拉麵的分野。我同同事都驚沾麵太飽，所以都揀咗拉麵🍜。 真係等咗大約是15分鐘就安排到坐位 =D,  因為之前已經交咗餐紙，坐低後等多一陣已經有得食。我點咗墨汁黑松露，同事就濃厚蝦豚骨拉麵。墨汁黑松靈 - 如期，湯好黑。但最吸引我既係嗰塊叉燒，我初時真係好驚，唔知塊肉係熟咗未，我就胆粗粗試下。嘩！好特別 ；0佢嗰樣雖然好似無煮過咁，但食落口真係有叉燒味。太神奇了！！！麵嘅味道就唔錯，但我個人就覺得比較「傑」，黑松露味唔算好特出，但食完後全口變成黑色好搞笑。濃厚蝦豚骨拉麵，朋友覺得太多，最後佢食唔晒。P.S. 店員好細心，佢見我食墨汁麵，佢問我要唔要圍裙。So nice 

次次嚟食都唔捨得唔嗌海蝦味噌沾麵，海蝦湯鮮美濃郁、唔會死鹹，蝦味餘韻綿長，而且個湯好掛麵，每次食都覺得好幸福😭麵底就算叫普通嘅量都相當大份，連埋啲湯又會忍唔住一啖接一啖，食完會係滿足嘅一餐！慢煮叉燒軟嫩化口；跟麵嘅半隻溏心蛋高質唔使多講，啲筍都冇「壓味」，平時唔食嘅我都食哂👍店家好貼心咁提供熱石，湯凍咗嘅話可以叫店員加，不過我好快食完就冇加喇。最後食剩沾麵湯，加埋魚湯一齊飲，鮮味無窮🌟呢餐先叫完滿！朋友叫咗濃厚蟹蝦豚骨拉麵。稍稍試咗拉麵湯底，畢竟唔夠沾麵湯濃厚😂但朋友都覺得整體好好食。聽聞拉麵台風其他區嘅舖頭都要排大隊，呢間灣仔新店就冇咩人龍，但質素、價錢、服務都好出色。蝦沾麵同慢煮叉燒仲係灣仔店獨有🤪好想幫佢宣傳但又唔想以後排隊，好矛盾...Btw毒J私心鍾意店內擺設，尤其攻殼機動隊、EVA、Paprika💛而且有說好食是良知，店家兩樣都有，支持！

好大碗拉麵，1.5 倍拉麵，真係好大碗，如果再加大真係要好大胃口先食得哂，所以我都係擇咗少麵，份量啱啱好！🔸魚介豚骨拉麵 𝐫𝐚𝐦𝐞𝐧 $𝟕𝟖 (𝟒.𝟏/𝟓)香濃魚湯，麵質爽口，用豚肉代替傳統叉燒，豚肉用低溫煮，色澤粉紅色，但入口一啲都唔生，而且仲好淋添，我用咗$10 加一份紫菜，有成10 片咁多，好抵食呀！整個拉麵同湯底都好好，最重要係食完都冇口渴，證明冇用味精👍😋😋🔸濃湯蟹蝦豚骨拉麵 𝐜𝐫𝐚𝐛 𝐚𝐧𝐝 𝐬𝐡𝐫𝐢𝐦𝐩 𝐛𝐫𝐨𝐭𝐡 𝐫𝐚𝐦𝐞𝐧 $𝟖𝟖 (𝟒.𝟏/𝟓)呢個基本上同魚介拉麵差唔多，不過加咗蟹肉，飲落口好香蟹味，如果喜歡蟹嘅朋友就可以試呢一款啦！

天陰陰落雨天突然間好想食拉麵，呢一種天氣食一碗有湯暖笠笠嘅粉麵係特別有溫暖嘅感覺。台風拉麵一直都有聽朋友講個質素好好就趁機會去試下。點咗濃厚蟹蝦豚骨拉麵，份量同配菜都係揀普通。鋪頭都有溫馨提示佢哋普通嘅份量係比一般舖頭多，實驗證明係！我係正常食量嘅女仔，出街食嘢盡量唔浪費會洗碟果種，但係佢麵嗰份量真係多，食完之後差啲飽到有啲反胃。如果大家係細食嘅女仔，就可以揀"少 "。講返拉麵，湯底好濃郁，好香蝦油味道， 但飲落好唔會一口都係油膩嘅感覺同埋無豬骨臭。麵質係個人比較喜歡偏少少硬度，比較粗嘅麵。如果下次去我可能睇下有冇機會要求要硬麵。肉，唔係傳統拉麵舖圓碌碌一片片嘅醬油叉燒。佢係比較入口鬆軟即溶嘅薄片，我個人其實比較偏好呢種。銅鑼灣灣仔分店餐牌上嘅拉麵都係全日供應，呢方面比起旺角店方便，咩時間都有得食拉麵同沾麵。