台風。R

營業中

休息中

據聞台風嘅拉麵唔錯，之前bookmark咗旺角分店但一直未有機會去🔖咁啱行過灣仔發現都有分店就試到啦😋平日午市都坐滿人，要等下位🙈店面裝修以橙色同紫色做主調，同一般拉麵店唔同，呢度仲擺滿好多動漫figure🧝🏻‍♀️·<濃厚蟹蝦豚骨拉麵> ʜᴋᴅ 88 + 25湯底如其名，真係好濃厚😎稀稠程度介乎喺普通湯底同沾麵汁之間🍜蟹蝦嘅鮮味非常突出，嗒真啲仲有少少似蝦醬嘅味🦐見過唔少食評話呢度嘅叉燒好食，於是加咗ʜᴋᴅ25加配🤪叉燒捲到好似雪糕球，見到個色咁粉嫩第一下以為佢未熟🥓原來係用真空低溫烹煮，用上三小時63°C慢煮，所以色澤比較紅🐖叉燒薄薄一片，冇額外過多調味，食到頗重嘅豚肉味，個人覺得沾滿湯汁會更好食😋配菜可以互相轉換，今次將筍轉咗做半熟蛋🥚蛋黃生熟程度適中，醃得夠入味，不過default 得半隻嘅話我就唔夠喉🤣拉麵偏粗，軟硬程度係中間偏硬，彈牙又掛到湯👍🏻·<墨汁黑松露拉麵> ʜᴋᴅ 88黑鼆鼆嘅湯底唔止有視覺衝擊👀連味蕾都有嶄新嘅體驗👅黑松露味恰到好處，唔會太淡，又或者濃得過分👍🏻返而會令墨汁無咁突出。不過食呢款湯底就要小心啲啦，嘴唇同牙都會被染黑，仲

平時係香港食拉麵，始終覺得同日本有好大分別，但今次入到台風入面就好有日式風格，周圍亦有動漫設計，裝修以粉缥紫色為主。每個座位下面亦有個小格俾我哋放隨身物品，而其中有個師傅係日本廚師。我叫左濃厚蟹蝦豚骨拉麵，湯底有非常濃郁蝦蟹味，而且好厚身，有紫菜、叉燒、筍同溏心蛋，我再添加紫菜，熱辣辣嘅湯麵非常好味😋叉燒係同其他唔同嘅叉燒，佢嘅肉特別幼一色，卷成個球型，原來個肉用真空低溫慢煮出來，所以特別幼滑😋

一日一黃店-銅鑼灣良心動漫風拉麵 由日本師傅主理 有3間分店 之前試過旺角店好評 但賣既湯底都唔一樣 銅鑼灣店有墨汁黑松露拉麵好吸引 唔多地方有 所以去左試試.星期六下午茶時間 入到店面 竟然冇咩人 唔洗排（呢區多數店都做唔住 變左吉舖）入面有小小文宣 同大量動漫模型 yell card機(餐牌睇圖) 濃度份量蔥都可以自己選擇.呢日叫左 ⭐️墨汁黑松露拉麵$88（又名實食到你件衫污糟拉麵）👍🏻湯底真係好黑 第一啖 墨味好香 幾濃👍🏻仲帶住陣陣蔥香 🤔但黑松露味就唔太覺啦應該係表面落咗黑松露油 比蔥味擋左👍🏻拉麵軟硬適中 明顯好吸汁 份量算多🤔仲有叉燒係用真空慢煮 粉色 口感勁軟👌🏻未試過咁軟既豚肉 幾特別 仲有糖心蛋見到買3碗麵送一隻蛋 收據可以儲起.整體幾鐘意呢間 本身動漫風會加分環境勁乾淨 廚房雪櫃門 都抹到反光唯一係 舊叉燒 慢煮設計 太粉太軟 食唔慣如果比番 半肥瘦叉燒 火槍燒過果隻 就滿分啦.#台風R (灣仔)地址：灣仔駱克道389號地下.⭐️評分：味道：4.5/5環境：4.5/5服務：4/5抵食：3.5/5

呢間以動漫為主題嘅拉麵店🍜2012年由東京登陸香港，主打魚介豬骨湯底，分別先喺荃灣同旺角開店，上年終於過海開到嚟灣仔。紫色嘅外牆好易認，令人一眼👀就見到。店內唔會有餃子🥟或者沙律🥗等小食，清一色只提供拉麵同沾麵，不過選擇就唔算多，有魚介豚骨拉麵、濃厚蟹蝦豚骨拉麵、墨汁黑松露拉麵、魚介豚骨沾麵同海蝦味噌沾麵。.🦀濃厚蟹蝦豚骨拉麵 ($88)，湯底以豬骨、蟹油同蝦醬油煮成，味道濃郁又帶點蝦鮮味，好好飲😋。另外，值得推介係呢度嘅叉燒由低溫烹調，所以色澤偏粉紅，入口超嫩滑。🤤.🦑墨汁黑松露拉麵 ($88)，墨汁配上黑松露油，淡淡嘅黑松露味，絕對唔會搶走豬骨湯底嘅鮮味。不過由於黑萌萌嘅湯底，食嘅時候就要小心啲唔好整污糟啲衫褲，有需要可以問店員拎圍裙架！😙

台風。R - 動漫風拉麵店有別於一般日系風格的拉麵店，粉紫色的門面加上白色窗框和透光的燈箱招牌，內裏以橙色和紫色為主調，跟特別是在吧枱上放滿一系列的動漫人偶，滿滿的動漫風。濃厚蟹蝦豚骨拉麵濃郁的拉麵湯底，加入蟹、蝦和豚骨，鮮味十足，湯汁稠度夠，可以掛上拉麵麵條。不得不提的叉燒片以真空低溫烹煮法製成，保留住肉汁和令口感軟熟。魚介豚骨沾麵另一款點了沾麵，香濃的魚介味，又不會死咸，麵條粗幼度剛好，配上叉燒片、蔥花、糖心蛋和荀段，非常完整的一道沾麵。

呢日12：30去食，其實佢只係開鋪左半個鐘，但係入面已經坐滿人。今次叫左個墨汁黑松露拉麵。碗麵一到已經聞到好濃嘅黑松露味，飲完啲湯，會試到佢有少少嘅墨汁味。麵嘅份量偏多，細食嘅朋友仔記住圈偏少嘅麵。配料有叉燒、半熟蛋、甘荀、紫菜。半熟蛋煮得恰好，熟得黎又流心，仲有啲甜豉油味。叉燒望落好生，但係根據店內描述，叉燒經過60度煮2個半鐘，所以符合安全要求。可以唔洗加飲品，因為店內提供檸檬水，個人認為飲檸檬水已經好足夠。餐廳放置左好多動漫模型，環境乾淨，員工友善，會主動幫顧客開門。走嘅時候1點左右，店外已經要排隊。

我好鍾意食日本拉麵，而沾麵更加鍾意食，係今日咁凍嘅日子黎到【台風。R】食拉麵就令我更有驚喜😍 室內裝修以紫色為主，周圍擺放日本動漫figures，而且有日本拉麵店風格，每個位下面有個格俾我哋放自己個袋 我哋叫左一個沾麵，另一個湯拉麵。呢度啲麵好彈牙，煙煙靭靭👍，而個叉燒好特別，卷成一個球狀， 由於用真空低溫慢煮出來，所以特別幼滑😋 🍜🐟🐖魚介豚骨沾麵魚介湯底好濃厚，而麵的普通份量已好大碗🤩，入面有紫菜、叉燒、筍同溏心蛋，我再添加多一隻蛋😋仲有更窩心嘅就係如果沾麵湯凍咗，可以加個熱石保持熱度😍 🍜🦀🦐濃厚蟹蝦豚骨拉麵湯底有非常濃郁蝦蟹味，而且好creamy，同樣有紫菜、叉燒、筍同溏心蛋，再添加多一份紫菜，湯麵熱辣辣非常好味😋

Good Quality Ramen🍜🍜🍜 in Wan Chai🥢..途經銅鑼灣往灣仔方向，竟然有一間超濃厚湯底拉麵店😍，而且麵質🍜 帶粗，係我喜歡既質感啊，吸湯力陰又夠煙韌，而且份量超級多呢，今次趁住lunch 時間，約埋喜歡吃拉麵既朋友來試試，感覺不錯喔。.🖤 ll $88🧡 ll $88.本來想吃沾麵，但因為天氣實在太冷了❄️，點選了2碗熱湯拉麵吃，寒冬下吃一碗熱乎乎拉麵感覺真棒‼️ 而且湯底都鮮味無比，極濃厚 超吸引。墨汁🖤 加上黑松露湯底好香；蟹蝦豚骨🧡 湯底超級鮮甜😍，第一次吃推薦這一款更棒。.另外豚肉🐽 有別於一般，薄身而半生熟夠鮮嫩，用熱湯浸熟剛好，很嫩滑的真空低溫叉燒，都值得來一試。悄悄告訴你。。店內仲有日本人店員💁🏻‍♂️，來偶遇一下吧 哈哈。..×××××ש灣仔駱克道389號地下..

I normally get the cold noodle on the side. With a thick shrimp paste broth to dip the noodles in. Once you are finished, can ask for more fish broth to dilute the thick shrimp paste and make a new broth... another delicious broth is created!Got their own branded “lemongrass” IPA, nice classic IPA taste but yet refreshing and not too dark.

都話咗食拉麵係有鋪癮架啦您哋睇下👀👀👀我又忍唔住去食啦🍜🍜🍜今次去試嘅呢間係又播動漫歌又擺動漫擺設嘅麵店作為小毒毒嘅我表示興奮👅可惜好似唔覺有我鐘意嘅火影仲有近排好hit嘅鬼滅figure 我嘅小炭治郎呢？😔一係唔食，一食梗係要特別啲睇勻成個menu🌞黑松露墨汁拉麵都算最特別提提大家真係會食到好dirty（成個嘴嘴黑曬，烏嘴狗咁）好彩鋪頭超sweet😍會問你需唔需要圍裙架唔就唔怕整dirty啦拉麵麵質比其他店更粗更有口感黑松露味道屬於淡淡地唔會搶focus個叉燒粉粉嫩嫩🐷🐖薄薄哋入口即溶相當入味😋蔥亦好脆好爽口唔係唔試埋佢個沾麵下話？一食驚為天人！！！個麵汁勁多蝦乾🦐🦐🦐每滴汁都完美地掛喺麵條上面原本怕食唔曬但真係香濃到我差啲想叫多啲麵後尾發現原來可以請店員幫手加高湯落沾麵汁度當湯飲結果呢？相信大家都估到成碗沾麵汁係比我飲曬嘅🤣順帶一提，個辣醬好香記得落啲試下搞到我想短期內encore我朋友仲約定我幾時再去添🤣

灣仔呢間以動漫為主題嘅台風。R 拉麵店最近 YouTube 睇完就好想試佢真空低溫嘅叉燒😯.海蝦味噌沾麵(凍)🥢湯頭蝦味濃郁，加上大量嘅櫻花蝦乾🦐令麵條食落富鹹鮮味😗而熱湯配凍麵🔥❄️使麵條口感更煙韌😆叉燒薄片🐖肉質鬆軟鮮嫩，甘甜帶肉香😋如果食食下覺得湯頭凍咗可以請職員提供熱石🙋🏻‍♀️🪨.濃厚蟹蝦豚骨拉麵🍜香濃豬骨湯湯帶鮮甜蝦蟹味🐷🦀呢款拉麵幼身啲，彈牙且軟硬適中😌掛湯力十足😬溏心蛋生熟程度適中帶醬油味🥚另外配上叉燒、筍、紫菜、蔥絲😍重口味人士更可自行加蒜蓉同辣椒油🧄🌶.烏龍茶(2 罐)🍵解渴一流

之前食過喺荃灣同旺角嘅分店，咁灣仔新開分店梗係又要試吓啦😁叫咗$78嘅「魚介豚骨拉麵」，揀咗「普通份量、大量醬汁、要蔥」，再加$25要「增量叉燒」😋拉麵賣相幾靚：粉紅色嘅叉燒、白色嘅日本長蔥、橙紅色嘅糖心蛋、黃色嘅拉麵，整體視覺效果相當唔錯😍。粉紅色嘅叉燒相當軟熟，好好味😋；拉麵我要求超硬，結果真係バリカタ幾夠硬啱我胃口😋；湯底就非常厚身，濃厚近乎汁液，所以非常掛麵😊。呢度份量相當大，食完真係好飽，非常滿足😋

《必撐💛濃郁拉麵🍜》———————————————-#ramentaifu 🇯🇵-呢間台風拉麵之前都試過荃灣同灣仔果兩間，水準一流，今次就嚟試吓位於灣仔呢間以動漫為主題嘅分店😚呢間啲拉麵大大碗，分量十足，係一般拉麵嘅1.5倍😍-濃厚蟹蝦豚骨拉麵好鮮味，湯底濃郁，超級掛湯，重口味必選🦐麵嘅麵質厚實，採取幼面，非常有咬口，叉燒肉質亦相當嫩滑，採取真空低溫方法烹調，保存當中嘅蛋白質同鎖緊肉汁🐷-墨汁黑松露拉麵烏卒卒、黑蚊蚊，驚你食到周圍都係，店員好貼心咁送上圍裙😊黑松露味偏清淡，用上墨汁感覺新鮮得來仍然保留和風味道，仍然食得出豚骨湯底👍🏻-⭐️價錢參考：（無須加一）濃厚蟹蝦豚骨拉麵：$88（另追加叉燒$25）墨汁黑松露拉麵：$88- 🍌抵deal 指數：8/10💰人均消費：$100

.可能係全香港最正嘅拉麵黃店🤤💛「台風」係👦🏻👧🏻小編其中一間最鍾意嘅拉麵店🍜佢哋總共有三間分店，分別係灣仔、荃灣同旺角每間都有各自嘅特色，連menu都有唔同㗎～今次就到訪灣仔嘅「台風。R」，座位闊落，坐得幾舒服㗎.✨ 濃厚蟹蝦豚骨拉麵呢款嘅湯頭真係飲到好濃嘅蟹味，係出面比較少見😍麵條屬於粗size，好掛湯份量比較多，建議女仔可以揀翻「偏少麵量」配菜方面有叉燒、筍、半熟蛋、紫菜，夠晒豐富啦！叉燒用慢煮方式烹調，呈粉紅色，似打邊爐個啲豬🐷口感好嫩滑，又唔會太肥膩，都幾特別㗎～.✨ 海蝦味噌沾麵湯頭就比較鹹，同麵一齊食會好啲，分開飲真係會腎虧😢餐廳好貼心，如果湯頭唔夠熱仲可以加熱石暖住碗湯～.濃厚蟹蝦豚骨拉麵 $88海蝦味噌沾麵 $88增量叉燒 $25———不專業評分💯食物指數 🍴: 💛💛💛💛💛環境指數 ⛱: 💛💛💛💛🤍抵食指數 🤑: 💛💛💛💛🤍推薦指數 👾: 💛💛💛💛💛———📍台風。R Taifu. R灣仔駱克道389號地下@ramentaifu.wanchai📍漁場台風 Isaba Taifu旺角快富街39號建煌華廈地舖@ramentaifu_mk📍拉麵台風 Ramen Taifu荃灣

細個聽荃灣拉麵台風就聽得多，終於開到港島啦！店主要紫色裝修，擺放好多動漫figure擺設。.呢間拉麵份量多，普通麵量係其他拉麵店嘅1.5倍。🐷叉燒好薄又十分軟稔，亦都keep到肉味，原來係用左真空低溫製法slow cook!!!可以保存叉燒嘅蛋白質同埋鎖緊肉汁~~.🔸濃厚蟹蝦豚骨拉麵($88)分數: (7.6/10)湯底好濃厚，好香鹹鮮味，拉麵好掛湯。吸湯吸得好快，而且湯底好thick感覺好快就好飽。.🔸墨汁黑松露拉麵($88)分數: (7.2/10)湯底係黑蚊蚊嘅墨汁，第一啖入口已經有黑松露香。湯底相對冇咁thick，不過都好掛湯，感覺冇咁膩。