台風。R

營業中

休息中

魚介豚骨沾面  83元  多蔥+免費流心蛋   4/5分1. 由於之前儲落3次拉面收據,所以今日可以換1隻流心蛋,其質素相當平均,值得一讚,各間分店的質素都一樣2. 面條的份量200G,比其他拉面店都多,基本上不用加面都夠飽,口感偏硬,我比較喜歡的面底3. 溫體CHA燒就比較薄,味道較淡,我更喜歡厚切一大片的CHA燒4. 多蔥非常重要,配上濃郁的湯底,沾上面條身上,淡淡入味。其實味道好濃,可能香港人偏愛清淡,所以加點湯會好一些,但我就超喜歡濃湯啦~5. 薄荷檸檬冰水透心涼,比許多拉面店的純冰水優勝此店竟然有YELL CARD機,2元抽一張,今次我就抽到一張相當滿意的小卡。價錢十分公道,份量超多的拉面黃店,如果喜歡捧腹而歸的手足,又想一試濃厚湯底的拉面,我就超級建議一試,先試魚介拉面吧,之後有機會再試沾面,不會令你失望。

去唔同嘅台風分店都會食唔同款式～ 嚟灣仔分店就揀咗食「濃厚蟹蝦豚骨拉麵」喇😋😋真係不得了💘 湯底好香好濃🤤🤤 而個叉燒肉好特別、同平時其他拉麵鋪（甚至台風其他分店）都唔同，60度慢煮、肉味香濃💛 麵條麵質就更加唔駛講，好好咬口😋

一個人最好去食拉麵，又可以面壁，又可以聽住歌煲住劇食。終於試到台風R, 我叫咗濃厚蟹虾豚骨拉麵，湯底好味好濃，亦都有鮮蝦味，拉麵厚實彈牙，溏心蛋整得幾好，好滑無煮得過熟，有葱絲荀做配菜，中間有幾片嫩豚肉幾鮮味，對女仔嚟講份量岩岩好。疫情期間座位都用膠板隔住，大家都有適當分隔距離，衛生做得唔錯，員工會為進舖既客人量體溫，亦會於每個食客離開後都不停抹枱清潔，餐枱上亦有酒精搓手液消毒，食得安心。員工好有禮貌。

📍激濃厚湯底嘅拉麵🦐 -- 台風·R🍜💛台風·R位於灣仔，舖頭用上亮眼嘅紫紅色，以前離遠望一直以為係食台灣嘢🤣🤣後尾發現原來係食拉麵，仲要係黃店嚟💛更加要大大力支持❣️所以前排小編就拉咗朋友一齊去試下😋店舖只專注賣五款拉麵，我哋當日叫咗兩款------------------------------⭐️濃厚蟹蝦豚骨湯拉麵（$88）拉麵賣相吸引💕蝦香撲鼻🦐湯底非常濃郁厚身，滲出好濃嘅蝦同蟹味，而且兩者味道平均，balance得好好，唔會有搶味嘅情況😝拉麵口感係偏煙韌粗身，掛湯力十足😋雖然慢煮豚肉冇咩調味，但係煮得好淋好嫩💕------------------------------⭐️黑松露墨汁拉麵（$88）湯底烏卒卒，加埋溏心蛋同粉嫩嘅慢煮叉燒，賣相好吸引😋店員仲好貼心送上圍裙，咁食嘅時候就唔怕墨汁彈到衫❣️墨汁湯頭質感濃稠，而家好鮮甜！絕對唔係死鹹，好有驚喜😆加埋芝士粉帶少少鹹香😋 有劃龍點睛嘅效果🙈不過就食唔出黑松露嘅味道🥺拉麵嘅份量好多（呢到普通份量已經係1.5倍！男仔食都應該好夠）🙈麵條係比較粗身，偏煙韌嘅口感，而且都幾掛湯，令人一啖接一啖❤️慢煮叉燒肉質嫩滑，應該無特別調味，所以會偏淡

噢~ 麵麵麵麵麵麵麵麵好耐冇出現拉麵拉麵拉麵拉麵今日講拉麵 嘻！食湯拉麵梗係要整啖湯試試係咩料到先啦WOW super蝦!!!!!!! 蝦殼蝦頭蝦腦蝦漿乜都喺入面咁😂 勁濃郁勁thick!即使而家係throwback, 都有陣蝦味喺個腦入面呢度嘅拉麵比起出面嘅粗少少 十分爽口彈牙!肉係慢煮嗰隻 所以係勁嫩勁粉紅!食完成碗啱啱好 超級滿足呢度嘅價錢算係有質量兼且冇overprice到台風。R濃厚蟹蝦豚骨拉麵 $88📍灣仔

今次又介紹另一間拉麵黃店 位於銅鑼灣同灣仔之間 餐廳係以日本動漫做主題 擺左好多poster 同figure 動漫迷要留意啦🤪~~🍜濃厚蟹蝦豬骨拉麵 $88呢間拉麵嘅份量注明話比坊間的多1.5倍 食落真係幾大碗 麵條偏粗身 質感彈牙👍🏻湯底好重海鮮味 🦐蝦味較出 冇咩蟹味 但味道都好濃郁😋🍖叉燒比較特別啲 係薄切半生熟 煙薰味幾香 食落好嫩口 有啲似食緊Parma ham🤪🥚溏心蛋幾出色 唔會太鹹~~總結1）唔錯的濃味拉麵 可以一試~~評分📈味道 7.5/10環境 7/10性價比 7.5/10—Rating 📈Taste 7.5/10Environment 7/10Worthiness 7.5/10

Very yummy. Have the taste of real Japan. About $80. Very big portion. A normal lady can have reduced portion. A big eater can have the normal portion. Good Japanese Anime style decoration. I tried the shrimp dip ramen. Very tasty. You can tell they use a lot of shrimps to make the sauce. 超超超好食，有日本嘅感覺，價錢80蚊左右，裝修係動漫系食左蝦沾麵同蟹麵，沾麵正d，個湯係真材實料，份量超夠，揀普通份量已經食到好飽，自己已經算大食，老婆食唔哂，平時食拉麵都要加麵，超抵

係銅鑼灣附近按完摩，去咗按摩店附件嘅台風R食拉麵！一入到去 都差唔多滿哂人，2個人叫左一個拉麵一個沾麵濃厚蟹虾湯拉麵，加左25$要多份慢煮x燒，好值得俾多25$，因為真係好好食！！！！ 個湯好濃虾味，啲湯麵好掛麵，叫左正常份量，但其實都比出面其他拉麵店多麵，女仔食未必食得哂，有糖心蛋，雖然唔係食過最好食，但都ok👍🏼 最好味嘅係，可以加蒜茸，加左生蒜又係另一番風味，蒜頭怪表示正！海虾湯沾麵，佢個湯有得俾你加熱石！！！ 喺香港好少可會有咁嘅安排，好有誠意，會keep住熱，個湯都好濃，可以之後加湯飲埋，啲湯都好掛麵👍🏼 啲麵都好有咬口唔會林哂，同樣份量都係比出面其他店多👍🏼但我都係鍾意拉麵多啲，拉麵個湯味道濃郁好多佢唔似平時啲拉麵店，佢只賣拉麵/沾麵，無餃子個啲小食，只做好拉麵，有誠意👍🏼👍🏼👍🏼

係lunch時段周圍覓食之下搵到呢間拉麵舖 都唔使點等位 兩個人即到即入座 主要得5個選擇 3款拉麵同2款沾麵同朋友各自嗌咗款沾麵 我就嗌咗熱海蝦味噌沾麵 大量醬汁 同普通份量嘅麵底 同加量叉燒總共113$初初無特別留意 原來呢間舖頭嘅叉燒係用慢煮真空低溫嘅形式整出嚟嘅 都幾特別 未曾試過店舖自稱普通份量比其他拉麵店多1.5倍turn out都的確係幾多 食到好飽碗麵嘅材料大概有甘筍 半隻半熟蛋 一塊紫菜 生蔥同 我嘅增量叉燒 值得一提嘅係的確叉燒唔錯 望落粉嫩粉嫩 切到比較薄 食落都的確十分嫩滑軟熟 唔似平時食開嘅口感 而且都幾有肉味 再浸落碗湯到就更加出色海蝦味噌嘅蝦味都算係十分濃郁 本身睇落好似好多水咁 經驗中沾麵碗嘢都幾稠 雖然味道上個人而言覺得有啲咸 不過都忍唔住一啖又一啖咁飲咗好多 不過比未食過嘅朋友睇相話望落就唔算係好討好 但好味就得啦 最後係收據到見到好似有個優惠係嗌三碗麵就可以送多半隻半熟蛋 另外偷偷試咗啖朋友嘅魚介豚骨都感覺唔錯 味道突出

黃既拉麵唔係咁多正既選擇，呢間就好推薦，雖然地理位置唔係好方便，要專登過去，可能都係呢個原因，餐廳人流唔算好多。餐廳同一般漁場台風唔同，夜晚都有齊拉麵同沾麵比你揀。叫左個蝦湯拉麵同蝦湯沾麵，雖然我好鐘意沾麵，但竟然拉麵勝！（額外加左隻蛋，所以有1.5隻）拉麵湯底濃淡適中，唔會咸到飲唔到，好種重蝦湯鮮味。荀絲夠味，肉就特別啲，係慢煮既粉紅色肉，有別一段既叉燒，麵質彈牙，成碗好協調！沾麵既麵質同樣無得輸，彈牙爽口，瀝水都做得唔錯。至於湯底就太咸啦，我重口味開都唔係太頂得順，咸度調低少少會好啲。沾麵汁唔夠熱會好大罪，呢到就貼心地有熱石比你加，食食下唔夠熱都可以加石，保持返個湯既味道。整體唔錯，係會想Encore既拉麵，仲要係黃。題外話，餐廳主動提供a4紙比客人裝口罩，貼心。

朋友介紹😋我來到灣仔嘅台風R入到去環境好光鮮又乾淨😍坐嘅位置舒服，平常好多拉麵店都坐得好迫👀。點拉麵大路都係寫紙圈出自己想要嘅款式＆配搭💞。#More推介［濃厚蟹蝦豚骨拉面🦀🦐🐖］拉麵湯底杰身，蝦蟹味唔係超級strong唔會搶哂豚骨湯個味，食哂都唔會太漏🤤拉麵比較沾麵幼身，口感偏硬味道不錯，啖啖掛湯😋食到尾都無影響湯底流心蛋軟滑，白蔥新鮮重點係個筍 #超好食 😍朋友本身好憎食筍都讚好(仲食哂)。［海蝦味噌沾麵］蝦味香濃🦐👍🏻比較上面嘅拉麵湯更杰身＆重口味冷拉麵麵身比較粗，方便掛湯不過份量真係超級多😂(弱弱的我食唔哂)😏沾麵有樣超型超特別嘅服務：就係當你啲湯凍咗，係可以要求用「熱石」加熱！我Ig有得睇片有得慢慢食，加熱又有得睇「溫泉沾麵湯😝」。比較平常拉麵店嘅厚叉燒身為女士嘅我會更喜歡台風R這個：［大愛💘］低溫慢煮嘅豚肉切片超級薄身！而且熟度做得非常平均粉紅色肉質十分嫩滑🤤入囗軟綿綿因為好薄，滑滑的微咸香濃豚肉味個感覺有啲似西餐嘅Parma Ham😆(希望咁諗唔會激嬲廚師😂)。。。#好吃拉麵 #回頭率100巴仙 #初音好可愛 #初音純白底底 #灣仔美食 #員工好nice #高質拉麵 #日

一直都鐘意食台風, 通常都係去荃灣果間, 食得台風都知要排, 不過呢次係喺之前疫情中一個下午, 咁啱迫住要返公司做少少野, LUNCH就去咗灣仔間台風, 果日唔駛排就直入呢. 呢次係知佢灣仔開咗之後第一次去, 裝修有啲驚喜但我唔太習慣, 因為唔太似佢地. 叫咗個平時少食O既海蝦味噌沾麵, 食得沾麵當然要凍麵. 個湯唔算好杰身, 但啱啱好夠沾, 蝦味好香濃, 試一談的確係好重蝦味. 麵比想像中小, 同樣普通感覺荃灣多啲. 肉似係低温煮, 入口即浴亦有香豚肉味, 比醬汁煮豚肉更配合沾汁, 喜歡. 最後湯割飲完整個湯好滿足. 

眾所周知，港島區拉麵店林立，好多間都米芝連餐廳，但你又知唔知邊間係有良心？前幾日發現原來某間主打蝦湯拉麵係藍店😢，雖然佢係幾好食，但再見，所以今日特意介紹一間良心店，希望大家多點幫襯良心商戶。呢間拉麵店係荃灣同旺角都有分店，最近就終於登陸灣仔！我就試左豚骨拉麵，佢呢款拉麵🍜豚骨湯底係濃厚順滑，我覺得碗麵既蟹味同蝦味主要集中係表頭層油度，所以撈唔勻的話，食到尾香味就唔夠！我會覺得豚骨湯底同蟹蝦味係好突出，但兩種味都好濃而唔太夾。有食評話拉麵掛到湯，我就覺得D拉麵只係掛到表頭層油多D😂。另外，因為拉麵麵量為正常麵店1.5倍，雖然抵食，但出現左另一個問題，就係碗麵變大碗左，令湯底少左，湯就變得唔夠🤷🏻‍♂️。細食既朋友記得落order時同店員講返！配料方面，糖心蛋係半流心，OK！另外，呢度既叉燒真好特別，因為用左真空低溫製法，所以好軟熟，好滑口，但相對薄左，少D口感！總體上，以拉麵店嚟講，台風。R表現係唔錯，低溫叉燒係幾有驚喜，而佢咁大碗麵都係賣$88，其實都真係好抵同好食😋！希望大家係呢段非常時期，可以多點支持愛香港人既店舖。

老老實實，如果呢個粉紅門口，經過我真係唔會入去。唔係我style。但見係拉麵，真係專登黎食。無計，因為我真係好鐘意食拉麵。疫情下夜晚真係好少人。連埋我哋8個人都無。窩心咁有A4紙俾你放口罩。水有檸檬加分。叫左個濃厚蟹蝦拉麵。估唔到個湯底真係杰。蝦蟹味其實唔係好激動，但我反而鐘意。拉麵本身係重身嘅麵，偏硬，似一般食沾麵嗰種麵，啱曬佢個濃湯。慢煮豚幾有豚肉味，朋友就麻麻哋個豬味。蛋十分流心。白蔥十分香。佢紙寫明佢哋麵底係一般嘅1.5倍，所以我叫偏少。已經夠曬飽。總結：比較重口味嘅濃拉麵。估唔到好食。相信會返黎試沾麵。

今日行過銅鑼灣少少事呢一間開咗冇耐嘅台風R， 係漁場台風嘅灣仔分店！！相信好多人都聽過佢嘅拉麵同沾麵啦😼·間店舖有好多日本嘅動漫做主題，有figure又有海報～同旺角分店比呢一間就冇左客人嘅comment癡晒喺牆🤪·好耐冇食沾麵嘅關係就叫咗佢哋餐牌上僅有嘅兩個沾麵～仲有得揀熱定凍添·個汁一上真係熱辣辣，配埋粉粉紅紅嘅叉燒肉，相機打完卡之後即刻滾一滾佢先，都幾滑㗎～🥓·個麵呢就算係粗麵嚟嘅，有埋啲勁聰、半隻溏心蛋、叉燒、筍一齊食，都幾飽肚～·至於最重要個湯底，魚介豚骨比我想像中出色，特別係個魚嘅味道濃郁🐟，但又唔會濃郁都要特登飲水！！😎海蝦味增反而就相對失色左少少🦐，可能係味增搶咗少少海蝦嘅鮮甜風頭～如果海蝦味再出少少會好啲，不過而家都中上水平😛·不過講係咁講，以前成日食三x製麵所嗰啲質素，會覺得呢兩碗都比嗰啲出色😗行幾步路過嚟都係值得嘅·題外話，附近既橋底辣蟹sss其實係咁消費條鵝頸橋都有啲好笑（藍店好多）🤦🏻‍♀️喺碼頭開店會唔會叫自己做碼頭小食呢⛵️🤣-魚介豚骨沾麵｜$83海蝦味增沾麵｜$88-台風。R (灣仔)灣仔駱克道389號地下-