台風。R

營業中

休息中

難得收早，實在太懷念日本，今日帶咗男朋友嚟呢一間食拉麵！👍🏻濃厚蝦蟹豚骨拉麵配有紫菜、半隻糖心蛋、荀同叉燒，仲可以自己選擇拉麵嘅份量同湯底既多少。碗面帶有蟹油，飲落有濃厚既蟹膏味，咸度適中，明顯真材實料。粉嫩色既薄切豚肉亦係值得推介之一，餐廳用60度慢煮方法去烹調，除左可以鎖住豚味，亦能夠令肉質保持軟嫩濕潤。👍🏻海蝦味噌沾麵湯底比拉麵更濃，而且帶有有少少鰹魚味，仲配上海量既櫻花蝦仔。食左一陣，店員仲主動俾粒熱石我加落湯底到，保持返湯既熱度同鮮味。雖然拉面相對粗身，但依然能夠做得掛湯既效果。由於我唔太鍾意食荀，所以轉左增量紫菜，浸入湯汁，超級惹味。食完之後仲可以叫店員將魚嘅上湯加入沾麵汁添！由於麵量十分驚人，溫馨提示大家可以叫少麵。菜單雖然款式唔多，但樣樣出色，是值得排隊一試日本的味道。另外最喜歡日本餐廳有得換禮物嘅制度，憑3張收據可以換到一隻半熟蛋，15張收據更加可以換到佢哋嘅特別版T恤！

今日過灣仔做野，午飯時間同行朋友想食拉麵🍜我哋都想搵間之前冇試過嘅拉麵店，於是就搵左哩間試下啦。入到去先知道店舖係以動漫為主題，店內有好多動漫海報同Figure，食食下野抬起頭都會見到幾個，幾得意，而且座位間亦有足夠距離，唔會迫。坐低之後店員會比張點餐紙📄你揀野食，今次我哋就叫咗一碗拉麵同埋一碗沾麵share。哩到必須要提下大家❗️如果你有配料係唔食嘅話，其實係可以將佢轉成其他嘢嘅，我都係落完單之後周圍望先發現，好彩仲轉得切。我自己就將本身唔鍾意食既荀換咗做半熟蛋，成件事感覺好抵🤣🎈濃厚蟹蝦豚骨拉麵🍜麵既份量非常多，係點餐紙上面已經寫左哩間店舖既拉麵麵量係一般拉麵店既1.5倍，如果細食既女仔可以揀少麵，因為我係正常食量既揀普通都食唔晒。湯底味道非常濃郁，因為湯底由蟹蝦🦀️🦐熬製而成，所以食落去有淡淡既蟹蝦膏味。麵條方面，同一般嘅拉麵麵質唔一樣，係粗麵。而最特別嘅係佢嘅叉燒，哩間拉麵店嘅叉燒全部都係真空低溫烹調，我覺得佢嘅感覺有少少似慢煮，能夠令肉質保持嫩滑。佢嘅🥚半熟蛋非常出色，裏面勁流心！🎈海蝦味噌沾麵🍜而哩個沾麵既湯底比剛才拉麵既更濃稠，會見到上面有好多細細的蝦乾🦐🦐，所以蝦味好特出。

呢間拉麵店聽到唔少人介紹。終於有機會去一試。😋bar枱前面見到好多figure。同見到日藉師傅努力煮麵。😆拉麵湯頭係豚骨湯底。仲可以選擇魚介/蝦蟹。連配菜都有好清楚寫明乜野可以轉乜。成個拉麵好多選擇。仲可以好個人化。👍濃厚蟹蝦豚骨拉麵。加半熟蛋。個湯真係好濃厚。濃稠度好高。味道濃得黎又有海鮮鮮味。拉麵用左較粗身嘅麵。掛湯力一流。拉麵本身跟左半隻蛋。加$15有多一隻。蛋黃流心程度掌握得好好。醬油漬得入味。海蝦味噌沾麵。加增量紫菜。湯頭除左飲得出有陣陣蝦味。仲有濃濃味噌味。入面仲有唔少櫻花蝦。配上沾麵味道適中。拉麵本身跟左1塊紫菜。加$10有成1x塊好誇張。如果啲湯唔夠熱。可以加熱石reheat啲湯。小店好細心。做左好多細節位真係值得一讚。小店叉燒係用左真空低溫製法。再將叉燒刨成薄片。肉質好嫩滑。一啲豬臊味都冇。口感同味道都好高質。有驚喜。😋仲有麵份量偏多。男士都唔驚唔夠飽。😛

台風位於銅鑼灣同灣仔交界，一間由日本廚師打理既拉麵店，店內放左好多模型公仔，每個位都有介紹食品同埋點食法既提示👍🏻1. 魚介豚骨沾麵 $83原味沾麵已經有齊叉燒、糖心蛋、荀同埋紫菜，湯底魚介味非常濃郁，配上佢粗身既麵，非常掛湯🤤不過麵未食到一半湯就凍了，有點可惜拉麵中既叉燒用左真空低溫製法，令到叉燒入面既蛋白質同肉汁都鎖住係入面，做法令叉燒更加軟熟😋所以煮出黎叉燒係呈現淺粉紅色，入口鮮嫩軟滑，有少少似巴馬火腿既感覺2. 海蝦味噌沾麵 $88湯底比魚介沾麵更濃郁，蝦既味道包括鮮味同蝦膏味，入面仲有少少蝦乾☺️食到後期店員幫我地加入魚上湯入去沾麵汁，沾麵汁既精華依然存在，又能試到魚湯😆

過完年日日都勁忙，同事話知道我呢期發緊旅行夢，今次帶我去 #食左當去左旅行系列 嘅 #日本篇 ！聽完立即開心哂！地點喺灣仔駱克道，遠遠已經睇倒紫色門面非常吸睛！店內播住日本動漫歌，仲放滿日本動漫figure ! 擺設用心！ 我地坐正拉麵師傅對住嘅bar枱🍜不時聽倒佢講日文，原來佢真係日本拉麵師傅黎架！ 🦀濃厚蟹蝦豚骨拉麵🍜$88🦐 先飲一啖湯，果然係。超。濃。厚！🦐蝦🦀蟹味好香濃而唔咸！真料實料！拉麵嘅麵條比較粗，彈牙帶點煙靭都幾掛湯！所以每一食啖拉麵都好濃湯味！拉麵嘅軟硬度我揀左適中，落單時仲可以揀嘅拉麵嘅份量（少量，普通同大量），我揀左普通都好大碗，女仕們應該揀少量比較好，最後追加左份紫菜 $10！超多塊！ 🦑墨汁黑松露拉麵🍜🍄$88極香嘅黑松露配埋烏卒卒嘅墨汁湯，仲有極靚粉紅色嘅鎮店之低温叉燒，賣相極吸引！真空低溫慢煮嘅叉燒真係好特別，肉質好軟帶有肉味但食落有食雞嘅口感！湯頭嘅黑松露味唔會太搶帶有墨汁味，食落一樣係好濃厚同埋掛湯，店員仲好細心提供圍裙比我，讚！下次再來！

本身唔係特別好拉麵嘅我，今次就去嘗試一下拉麵～🤓感覺非常良好🙌🏻🤟🏻🤟🏻🤟🏻😈。。。。。。。。。。。。。。。話說喺灣仔嘅一間小店，入面嘅裝修以紫色橙色為主，周圍嘅佈置有動漫嘅氣氛🥴🥴🥴叫咗兩碗豚骨拉麵，唔同嘅湯底(魚介、濃蝦蟹肉)😙😙✌🏻可以自己選擇拉麵嘅軟硬度同埋份量、湯底嘅多少～點選嘅拉麵亦根據我自己選擇嘅餐單，完全合乎我自己嘅心意～湯底亦都夠濃味，正！。。。。。。。。。。。。。。。雖然拉麵唔係我常食嘅菜式，但係的確令我留低好印象，所以撐～！

🇭🇰💛台風。R🍜日本師傅主理大大碗拉麵荃灣名店終於開到黎港島 係灣仔銅鑼附近座位既設計都跟日本拉麵店 自閉位形式🤣舖頭入邊放哂日本動漫figures入到去店員好好準備左A4紙比👩🏻👧🏻放口罩先剔紙落單☑️比錢 再係位等食👅留意到樓面同事用日文同師傅溝通先知原來係日本人拉麵師傅 師傅仲好有禮貌😍😍👩🏻👧🏻就叫左拉麵同沾麵佢地既麵條較粗身 而且彈牙煙靭 而且幾掛湯開初都冇為意有得揀少麵/ 普通/ 多麵原本佢地普通麵量 已經係其他拉麵店嘅1.5倍😨真係勁多麵 大食既👩🏻👧🏻雖然清哂✔️但都覺得好飽 下次會叫返少麵🤣🤣🥓叉燒比較特別 真空低溫慢煮而成粉紅色 薄片 入口即溶 好軟稔 出邊好少見😋😋🍜濃厚蟹蝦豚骨拉麵(💰$88)湯底有濃厚 湯係比較杰身creamy的蝦蟹🦐🦀味 鹹鮮甜味 比相像中出好多 但完全唔鹹粗硬身既拉麵 配埋幾掛湯🍜海蝦味噌沾麵 (💰$88)沾麵湯底對比起拉麵一定要濃啲鹹啲👩🏻本身唔太好沾麵 成日驚好鹹但呢款感覺都👌🏻👌🏻湯底唔淡 鹹度可能接受✔️櫻花蝦味好出 👧🏻表示鐘意沾麵多啲

今次介紹一間拉麵店好特別，佢嘅叉燒係用真空低溫處理煮成，所以叉燒嘅狀態係10分軟熟，但望落去有啲生，都並唔係個個接受到。如果覺得生可以一上菜嘅時候就浸落湯度，等佢熟少少。魚介豚骨拉麵以為魚湯湯底會清啲，但其實佢個湯底有豚骨湯，所以都好濃郁，夠晒真材實料。濃厚蟹蝦豚骨拉麵蟹蝦豚骨湯底好鮮，佢嘅海鮮鮮味比豚骨湯更突出，豚骨湯味唔算好重。

#跟住我食唔中伏.食拉麵？一定要去呢間！#台風 共有三間分店🙈我最中意去灣仔店去親呢邊就會過來食🥰如果超肚餓一定要來！因為啲拉麵勁大碗😆次次嗌減麵都食唔哂😅.［濃厚蟹蝦豚骨拉麵］＋增量紫菜 #重點 ⚠️增量叉燒 #一定要本身好想加埋蛋，但考慮到會食唔哂就忍住🤭濃厚蟹蝦湯底好香好好飲💞紫菜浸完啲湯食好正！低溫叉燒同樣無變😋係超粉紅色💖入囗即溶，超級軟綿綿...#雖然我已經order咗偏少麵#但最後都食唔哂#好難想像有人食到加麵底 😂

要數邊間黃店係好食 佢一定榜上有名🤫由幾年前開始食旺角漁場台風 到而家灣仔都有😍以前已經大排長龍呢間都唔例外 兩點幾都仲有人💪🏻身邊唔少朋友都上曬癮😋 仲大力推薦蝦蟹拉麵(˶‾᷄ ⁻̫ ‾᷅˵)❣️濃厚蝦蟹豚骨拉麵 $88超級濃郁‼🦐🦀 呢個價錢真係超值🥺湯嘅份量唔多但好精華😽 面頭橙色嘅油有啲膏味🦀成個配搭冇得頂 紫菜糖心蛋荀同叉燒💛糖心蛋原本有半隻 同朋友額外加多一隻٩(˃̶͈̀௰˂̶͈́)و煮得啱啱好好入味😍 拉麵麵質超好 以為會同沾麵唔同 但原來係一樣🤫 但如果係正常食量真係可以揀減量😂 我哋叫咗正常係相咁大份 好食都要食淨😿十級推介呢度必食🙆🏻‍♀️ 絕對性價比之王😽❣️魚介豚骨沾麵 $83當然唔少得要食佢嘅沾麵 好x正呀‼️👅沾麵食熱嘅 麵超級彈牙 啱啱掛晒汁又唔會太咸☺️好難得食沾麵個湯我覺得係可以飲😂呢度嘅叉燒好特別 係用真空慢煮嘅方法 勁粉嫩 🐷 感覺係冇咁肥有肉味 但就冇咁有口感👅朋友叫咗多荀 真係好多😂 又係超飽( ˙༥˙ )

🍽濃厚蟹蝦豚骨湯拉麵（4.8/5）💰88賣相超靚超吸引，湯底濃郁仲有啲蝦油🤤蝦蟹既鮮味做得幾balance麵條偏粗一點同幾彈牙🔥唔好睇啲肉好似好紅，其實係經慢煮煮成，非常嫩口💛但記得搞散啲浸落湯一陣先食，會入味啲熱番啲🍽魚介豚骨沾麵（4.5/5）💰83魚香好重，但我未覺得佢太咸😗加落拉麵一齊食超滿足‼️食到一半覺得個湯唔夠熱仲可以同店員講店員會比舊熱石你放湯底，到目測夠熱就自己找番出黎😂呢到拉麵既份量比出面多1.5倍，自認細食既大家就記得簡少麵喇🤫店內好多動漫周邊，店員同師父對話都係講日文去唔到日本食住碗拉麵頂住先啦😆______________________________人均：100以下整體質素：🌕🌕🌕🌕🌗服務態度：🌕🌕🌕🌕🌑地理位置：🌕🌕🌕🌑🌑再戰機率：🌕🌕🌕🌕🌗

🦀濃厚蟹蝦豚骨拉麵🦐 $88 （8/10）⁣蝦蟹嘅配搭就係鮮🥸！⁣拉麵上到枱就聞到好香嘅蟹味🦀，湯底嘅分工好明確，魚介豚骨湯負責主味同尾韻，蝦蟹油則負責提鮮🤞🏻🤞🏻。⁣叉燒方面，佢地用左慢煮方法令叉燒又嫩又滑😛。然後將叉燒搓成一團粉紅色嘅肉球放係碗到，感覺幾特別💕。⁣麵嘅份量好多，加上碗身比較深，顯得好似好少湯咁，食之前要翻一翻啲麵先可以試到個湯👀👀。⁣⁣🐠魚介豚骨沾麵🐷（凍）$83 （8.5/10）⁣配料同拉麵一樣，有蛋有叉燒球🥚。⁣凍麵口感彈牙，沾麵汁咸淡剛好🤞🏻🤞🏻，魚介味夠哂香😎，入口一樣順滑唔會好重顆粒感，比「漁場」的更順口🤪。⁣

平時拉麵食得比較多 好少食沾麵 決定黎試下呢間好多好評&朋友都推介既既沾麵店😚🦐海蝦味噌沾麵🍜 $88個湯唔杰而且唔會過鹹👍🏻岩我口味 真係有好多櫻花蝦仔好濃蝦味😳因為呢度講明麵既份量係比正常拉麵店既1.5倍 所以叫左少麵 份量岩岩好✨沾麵口感偏硬身彈牙 粗拉麵始終冇幼既咁掛湯🙈豬肉以低溫慢煮所以係粉紅色🐷好嫩滑 薄薄幾塊入口即溶😍如果再多d就好😂食食下個湯唔夠熱仲可以叫佢地加熱石落碗湯度🔥我中意食熱辣辣既湯沾麵😚🐟魚介豚骨沾麵🍜 $78呢個朋友叫既 但我反而中意呢個湯多d 我覺得同拉麵夾d💗🙈

其實我鐘意片多過相，感覺總係吸引我多啲😂 #少左啲靈氣啊#我唔鐘意排版 #豐富色彩就係我人生最完美既排版 #由我話事#無野限制到我買左野要去灣仔交收拎，因為本身都約左朋友黎食 @ramentaifu.wanchai 我交收完早到出面等陣時有兩位客人由入面食飽出黎，已經聽到個女士講：呢間野好高質🤔我就諗咁誇張有無咁激動啊好啦我入去坐住等朋友先，店員親切☺️我睇左睇究竟沾好定湯好，我講過自己好鐘意飲湯🤣 最後決定要濃郁蟹蝦豚骨湯加左紫菜、荀🤤🤤 朋友黎到後就叫墨汁，我偷偷地心諗：咁勇啊🤭 因為好怕整污糟所以我無叫到😜 我個碗黎到連朋友都話：哇好香啊 ，望住啲湯就流曬口水我，店員好貼心人會俾橡根問需唔需要，見叫左墨汁就會問使唔使俾圍裙咁😍😍小提示：要快食或者女人叫少麵先，因為好易吸曬啲汁，我朋友碗墨汁吸到脹曬，飽死左佢🤣 仲有蝦碌野佢唔食荀到我講起先知佢唔食就講有走荀架嘛..🥲我就接收左佢啲荀點知..我自己有荀，再加荀係1.5倍再接收埋佢啲荀，我碗野食到係荀多過麪🥲🥲 #食荀定食麵 #whynotboth但都係好好食，啲麪質偏硬身好有咬口岩岩好係我最鐘意個種😋😋紫菜兩個都好鐘意因為都有食過一

今日去灣仔做啲嘢，晏晝我同朋友都想食啲日式料理，諗起之前係Instagram見到好似幾好食，所以就去左呢間試吓！呢度擺咗好多動漫figure!，擺滿曬成行枱前！而且一直播放日文歌，相信如果鍾意日本文化既朋友，尤其係動漫，一定會好喜歡呢度！完全係世外桃源呀！😍😍濃厚蟹蝦豚骨拉麵$88🍜 (+半熟蛋 $15)湯底比較有海鮮味，鮮甜而且濃厚！拉麵浸得耐左之後，海鮮湯底滲入去麵條度，更加入味同好食！鍾意海鮮既朋友就不容錯過啦！仲有啲叉燒一開始仲係紅紅哋色，但浸左一陣之後就會熟，所以唔使擔心！而且叉燒既肉質好嫩，食落去鬆軟，好印象深刻呀！😆魚介豚骨沾麵 $83🍜湯底既味道比起拉麵更濃！本來湯底偏鹹，但當啲拉麵沾過湯底之後，味道啱啱好！呢度拉麵份量偏多，我都差啲食唔曬！所以胃口細既朋友可以叫少麵！而半熟蛋整到好好食，中間蛋黃熟度啱啱好，建議可以試一下！🥰