吃茶三千 (上海街)

營業中

休息中

(🔊咁好飲嘅珍珠奶茶都無人講)🥇我宣佈呢杯係我喺香港飲過最好飲嘅一杯珍珠奶茶，極高質極速榮登上第一名。所有野都岩岩好咁，珍珠勁有咬口粒粒煙韌軟硬大小亦都適中。茶味奶味濃厚奶香滑唔會有飲奶水嘅感覺，加上靚靚presentation 拎上手輕易打番兩三張靚卡！🧋國王珍珠奶茶 $➌➍.📍吃茶三千 旺角上海街618號地下G04D號舖將軍澳貿業路8號新都城中心2期地下G04號舖深水埗深旺道28號V Walk地下G25號舖

看網上面有在推薦被吸引過來了，但是也沒想像中那麼好，茶味挺重的，買了兩杯，問店員可不可以換一個袋子裝，裝在一起好拿一點，店員說拿袋子要加錢，請問是什麼邏輯？真是無語爆了

建議： 揀奶茶底，比純茶底好飲🤣因為路經618 見到吃茶三千出左新系列—台灣金鑽鳳梨🍍，仲要有3款：鳳來雪霜、鳳來厚奶、鳳來蜜冰茶。所以忍唔住又走左去試伏 😆 夏天有好多舖頭都有出鳳梨茶飲，不過真係唔係間間好飲🙈 因為有啲會係好假既糖水味，有啲鳳梨粒就有罐頭水果味🥲 今次試左：▫️鳳來蜜冰茶 (HK$38)睇番簡介，茶底用左桂花烏龍 。配料有：鳳梨果肉 + 百花香蜜 + 纖玉菓子當日飲到個杯就飲唔到纖玉菓子🤔 鳳梨果肉無咩口感，感覺似一直浸住糖水/蜜糖 (?!) 遮左鳳梨原本既味。 不過作為 #試伏專員 #鳳梨控 🍍應該會再試埋其餘兩款，鳳來雪霜感覺應該會唔錯🤣 ▪️凍頂烏龍鮮奶茶 (HK$32)再次覺得奶茶底係好飲過純茶底👍 唔知係咪因為奶茶比較濃，帶埋淡淡既茶香，真係幾夾。如果鍾意有咬口，仲可以加配料：珍珠/菓子/仙草凍/椰果。🥤#吃茶排名：1️⃣國王珍珠奶茶2️⃣凍頂烏龍鮮奶茶

呢間奶茶在網上傳到佢好好飲咁 昨天就去旺角時突登去買杯來飲下先！！點左杯凍頂烏龍鮮奶茶，聽講佢的奶是有加工？所以乳糖不耐症的人都可以飲用？其實不太清楚😂不過見到在我前面同後面點野飲都好多人用普通話下單 都是台灣腔的普通話！杯凍頂烏龍鮮奶茶的茶底我feel到是一個好清不會gip的茶底 但茶香又幾足wor?是飲到佢茶的味道的！奶不是好濃好濃個隻 是淡淡的奶香 是一個好似…行文藝風的奶茶咁😂😂😂😂😂都幾好飲！因為我平時飲手搖都不會少甜少冰 今次都一樣 就是正常佢點俾我就點飲 但都不會太甜呀！非常好！

青檸芬朵西 + 纖玉菓子Price：$34決明子紅烏龍 + 皇家厚奶 + 熱帶椰果Price：34📌朋友介紹呢間新穎既台式手搖飲品👍🏻夏天當然要隨時有杯野飲係手🥵青檸芬朵奇係青檸味牛奶，感覺超級新鮮😂中意試新野既朋友可以飲下😚配料揀左纖玉菓子，極度推薦大家揀呢隻配料😍類似珍珠Size既蒟蒻，超級爽口好嚼🤤小妹幾中意飲烏龍茶，店鋪入面有幾種烏龍茶底揀🤔唔識分咁多而又膚淺既小妹當然跟最高推薦度既決明子紅烏龍🤣厚奶好重奶味，下次揀返奶蓋配烏龍茶好d😎

因為醉心KEEP弗加上台式飲料都飲到悶悶地嚟嚟去去都係貢茶、 SHARE TEA同天仁茗茶（其他質素麻麻）所以近年都飲少咗好多不過呢日見到呢間「吃茶三千」 因為佢裝修實在太靚太乾淨同埋啲茶太香 （齋聞）而且平均一杯都係三十蚊左右 唔算好貴所以就幫襯咗我同我老公分別點咗青檸原汁松針綠茶同決明子紅烏龍 大家都飲得好開心 必須說 呢間嘅茶飲真係特別透心涼飲咗個人好舒服 絕對唔化學唔知係咪同佢宣傳語句「純綷原味」有關呢？至於兩款嚟講 我哋特別推介青檸原汁松針綠茶自從喺台中集銘園飲過一次地道青檸原汁台式飲料我哋即瘋狂愛上可惜之後都好難喺其他地方搵到同樣咁幸福嘅味道今日呢杯 叫喚醒番七成嘅感覺同回憶青檸嘅酸甜清爽感配上清香嘅綠茶係灌溉味蕾以及洗滌心靈嘅最佳選擇👍🏻

人稱茶飲界Blue Bottle嘅「吃茶三千」，由台中引入，着重茶底採用台灣高山茶，聽聞台灣同新加坡都出名有美女店員，咁香港呢🤔旺角分店位於活化咗果幢上海街618大廈，蘇媽蘇媽隔離呀～但額外一講，生意實在太好超多外賣單，我淨係叫咗一杯嘢飲都要等半個鐘...前面六杯六杯咁樣外賣等，店員又唔肯快手做咗後面一杯簡單訂單先，因為老實講我依一杯飲品唔值得等半個鐘頭😢不過依間茶飲店幾特別環境額外優勝，因為有個小露天有木枱高櫈，鍾意打卡嘅都可以當做一個小打卡點。👓決明烏龍奶蓋 $21 原價$27茶底都香茶香味，飲得出有茶嘅甘澀味，烏龍味明顯，個茶清嘅，但都係果句，味道未出色到值得我等半個鐘頭😟佢只係普通奶蓋並不是芝士奶蓋，所以味道偏甜而不是有鹹香味，所以比較普通冇特別，那個口感creamy稠身正常。叫咗走甜但竟然好夠味，因為奶蓋本身帶甜。評分：6/10

朋友話係米芝蓮三星嘅奶茶店！我飲水仙桂花蜜。因為花蜜關係就唔可以無糖，所以要左半甜。但冰量可以揀。叫左少冰都好多冰😅朋友點個杯芋泥鮮奶就定左甜度都無得揀。唔洗排隊但都要得15分鐘左右。鋪嘅外面有少量位置，如果好彩你都可以坐下打下卡。我就唔好彩喇～但環境幾舒服小清新！拎飲品時店員都好細心講解邊杯係邊杯之類～杯水仙桂花蜜，桂花蜜就好清香，半甜岩岩好！但茶味我就唔係好飲到喇！至於芋泥個杯芋圓幾好咬口，唔算做到好甜。好足料！味道的確唔錯，不過我就唔覺得係好飲到拎星星。未至於想回購～價錢嚟講都算偏貴價，雖然有9折！其實細鋪蜂蜜茶好似只係$2x左右（？ 未到要$3x一杯

來自台灣超人氣既茶飲店大家有冇試過啊～🍽水仙桂花蜜  （4.2/5）💰30太多茶選擇喇！根本唔知簡咩好就要咗個推介-水仙桂花蜜水仙茶加桂花蜜，少甜少冰水仙茶有淡淡回甘同清香，飲得出好濃郁既桂花蜜兩者混合岩岩好，好岩初夏時飲用，非常清爽🍽決明子紅鳥龍＋奶蓋慕思  （4.2/5）💰27茶底特別，入口首先係決明子既藥材味，然後滲出紅鳥龍香奶蓋慕思幾厚身同結實，食落帶啲啲雲呢拿甜，所以少甜就好足夠喇吃茶三千黎自台灣，主打獨家萃茶機同台灣高山茶葉所以茶底飲落口會特別香濃架！包裝好可愛有手挽，拎住都咪話唔igable仲有少量戶外座位，可以同朋友坐下飲杯野啦～

🌼水仙桂花蜜(HKD$27/杯)水仙茶清香香醇，配上🌼桂花，👃🏻花香撲鼻，與🍯百花香蜜十分融合，甜度剛剛好，喝下去很消暑解渴，十分清爽😋。❣️值得一提的是店家貼心的🖐🏻手挽手搖杯設計，每杯手搖飲品都配上以麻繩製作的手挽，以方便客人便攜飲品👍🏼。

📍旺角上海街活化唐樓 · 尋找芋泥鮮奶 -- 吃茶三千 ✨=========================旺角上海街618呢到係一幢活化左嘅唐樓，入面有唔少特色小商店~------------------------------⭐️慢熟濃芋鮮奶（$40）芋泥控見到呢個已經雙眼發光🤣🤣飲落奶香好濃，口感香滑～芋泥口感綿密，中間會有少少顆粒，但可惜芋味欠奉，而且份量偏少.... 🥺反而小芋圓就幾多，口感煙韌👍整體嚟講有啲失望，價錢亦略貴，性價比唔高🙈------------------------------賣相：7/10味道：5/10性價比：5/10回頭度：5/10------------------------------

最近響旺角呢頭睇裝修材料店，見到呢一間店嘅戶外小花園好靚，有啲bar枱嘅餐飲區，向着街外，感覺好chill，好似好正。上網一搵，原來係一間台式飲品店，今次又路過呢頭，就心郁郁想試吓，點左一杯國王珍珠奶茶$30，其實其他飲品都好想試吓，但係飲唔落咁多杯，唯有下次再試啦。佢仲有水果茶、奶蓋、黑糖鮮奶等等嘅飲品。等咗十幾分鐘，店員會逐杯咁用機榨茶，沖調，攞完第一時間就係行出去對住街外嘅bar枱。當日係閒日，條橫街唔太多人，好寫意，感覺真係有少少似去咗旅行咁。杯奶茶有一個小手挽，係用麻繩編織嘅，仲有一個杯套，都幾精美㗎！味道就正正常常，嗌咗少甜少冰，夠奶味又夠茶味，珍珠粒粒分明，有咬口，有正常嘅台式飲品水準。

叫咗少甜，我覺得少甜就啱啱好，侍應都好好，佢會提醒你點飲會比較好。我先飲烏龍茶，以後再溝埋奶蓋一齊飲。 真的，先飲原味，再飲溝埋嘅奶蓋，就會飲出另一個層次嘅香滑烏龍茶。

經過旺角上海街618號，見到有好多特色嘅小店，地舖仲有一間好受歡迎嘅台式茶飲店，就係吃茶三千啦😀 之前都有聽過朋友介紹佢哋嘅飲品，今次順便經過就黎試吓啦😌-國王珍珠奶茶 $30呢杯飲品係由鳳眉紅茶+皇家厚奶+國王珍珠製成嘅，整體味道配合得幾好，茶底帶點麥芽香，牛奶口感好rich，飲落順口細滑，珍珠份量夠曬足料，甜度仲剛剛好添～-寶島經典水果茶 $33茶味好香好出，仲有濃郁嘅果味，裡面有菠蘿肉、百香果籽、蘋果片等，飲得出好足料，誠意之作👍🏻 但怕酸嘅朋友建議都係落返少少糖好啲😉-另外，佢哋嘅飲品包裝設計好有心思，以麻繩吊住紙皮杯托，拎住一路行一路飲或者外賣都好方便，而且睇落都好有文青feel😆

無錯 黑洞又黎 吃茶三千真係有少少飲上癮🤪今次終於試到講咗好耐嘅芋頭系列🤙🏻心願清單又完成多一樣✅-🔹慢熟濃芋鮮奶（ $40 ）每日限量發售⚠️甜度冰量固定第一啖係濃濃鮮奶味🥛芋泥同小芋圓聚晒係底記得搞勻飲先吸😏小芋圓好煙韌😗芋泥甜度天然不過整體冰量都幾多🤨好快飲晒一杯😂-🔹決明子烏龍茶（$22）+鮮奶（$7）呢個組合溝出黎嘅奶茶有種烘焙味鮮奶中和咗決明子嘅苦澀味😘不過呢款茶底比較濃🙊黑洞揀無糖茶味會更加出🙂如果鍾意飲甜嘢嘅朋友仔可能要加樣配料/揀加糖就易入口d😉