合利潮洲粉麵

營業中

休息中

今日特登嚟到新蒲崗試下呢間舊式粉麵由於間舖幾細所以等左大概15分鐘左右見到筋腩同魷魚鬚都幾出名，就嗌左筋腩魷魚鬚銀針粉碗野嚟到，先飲一啖湯，湯底濃郁，好濃既腩汁味，但唔重味精味，好真材實料第一舊試下牛筋先，大大條，入口即溶，feel到炆左好耐，好入味好有膠質再試吓個魷魚鬚好有咬口好魷魚味佢嘅份量都好，祝起碼都有成3，4舊銀針粉係偏林唔係太好咬口同埋短身啲美中不足嘅係喺網上見到人哋會有菜脯，但係我呢張枱就冇啦 下次要試吓菜譜配銀針粉呢個配搭，聽人講都好好食另外嗌咗碗跟腩魚皮餃米線，佢嘅魚皮餃都好好食另外不得不提嘅，即係嗰個辣椒油店員order之後就會拎住一盤嘅辣椒油問你需唔需要，你點落去係簡直係畫龍點睛，你係feel到到咗辣椒油係好香好好食🤤魚皮都好脆好有魚味，見到有好多街坊都會特登買一包魚皮拎走

新蒲崗美食多，呢間舊式粉麵店都幾出名，放假又咁啱喺附近就即管試下😆小店座位唔算多，不過唔使等都有位坐，仲有啲幾特色既擺設添🤣 叫左個雙併既水餃腐皮魚條麵 ($30)，仲配有炸蒜粒👍🏼哥哥仔仲會主動問要唔要辣椒油 (聽講幾出名😎)水餃入面好足料架另外叫左個筋腩河 ($32)份量好足！😍牛筋一啲都唔韌，軟身得黎感覺充滿膠質。牛腩肥瘦適中，絕對唔會食到痴牙！加埋佢地自製既辣椒油真係好香好好味。仲有叫左個炸魚皮 ($16)怕食唔晒所以叫左份細既，但黎到發現一啲都唔細，兩個人絕對夠食👍🏼仲有碗魚湯可以配埋添。呢間小店充滿人情味，值得一提既係負責樓面既哥哥仔超好服務態度，有禮貌又好笑🤭

💛合利潮洲粉麵·呢間我地已經食過好幾次架啦 佢真係好適合做完運動食 唔肥得黎好好味🤤🤤·雙拼粉麵$30佢呢度嗌魚三味都係$30既 咁就會有3樣餸 不過因為我地今次嗌3碗 咁就決定分開嗌 可以每樣有多啲😈我自己最鍾意佢個魚蛋 佢係超級彈牙 魚味好濃 而且嗌魚蛋嘅話佢仲會跟有一個好似魚片咁但係係扭埋左 食落好脆身既配料 呢個我都係第一次食 但係覺得口感超正🐟😍😍之後佢個墨丸又係超濃墨魚味 而且中間仲會有啲墨魚粒 口感好好🦑魚角同埋魚片都好好味 魚味好出 而且唔會太肥膩 唯一係佢個腐皮魚卷我自己覺得一般啲 因為佢呢個食落比較粉🫢最後推薦大家落少少佢個辣椒油 佢呢度個辣椒勁香 落少少已經勁提香🌶️·#rbyeat#rby港式#rby新蒲崗·📍新蒲崗衍慶街19號A舖地下

住附近咁多年幫襯合利次數真係好少見最近又好多人吹捧佢，諗唔到食咩就簡簡單單叫個外賣返去啦==========🔹足五兩厚切牛𦟌拼牛腩 $64 (外賣+$1)可選粉麵/菜底❤️我揀左菜底，菜心份量都唔少，菜好嫩，不過就唔算好有菜味牛𦟌有7-8片，唔算厚切，煮得夠時間，有嚼勁但牛味唔算濃郁，部份有少少騷味牛腩4-5件，同樣煮得夠時間，可惜肉質偏乾同"鞋口", 欠缺牛味鹵水汁偏鹹，欠缺鹵水應有香味，令牛𦟌同牛腩都只有鹹味😥推介指數：5/10==========🔹魚蛋拼魚片湯河粉 $30 (外賣+$1)河粉份量正常，煮得剛剛好，河粉冇斷開或太硬，而且幾滑身魚蛋3粒，比較細粒，幾爽口彈牙但魚味唔重魚片2片，同樣爽口但魚味欠奉湯底就正常發揮整體份量偏少，食一碗唔係太夠飽🤭推介指數：6/10總括黎講都幾失望，應該都唔會再去🙅🏻‍♀️

聽說這間食店的墨魚丸及墨魚鬚很出色，假日又一於來試吓，剛到時店內已坐滿客人，在外等了不久便可進入，人流都幾快。叫了墨魚鬚魚片銀針粉、墨魚丸魚蛋銀針粉、豆漿、忌廉及魚皮(細)。墨魚鬚煙韌爽彈又鮮甜；墨魚丸色澤潔白，彈牙還帶有墨魚香；魚蛋鮮嫩可口；銀針粉頭尾圓碌碌，入口滑溜美味，現在坊間已比較少見；反而魚皮比較薄身，好容易浸腍，小心控制時間。見有新出品的香菇貢丸、韭菜餃、扎肉拉麵，下次可以考慮一下。#墨魚鬚魚片銀針粉#墨魚丸魚蛋銀針粉#豆漿 #忌廉#魚皮 /細#合利潮洲粉麵地址: 新蒲崗衍慶街19號A舖地下電話: 23219179

真係好多年都無食，今日去開黃大仙，順便過嚟食⋯一個人order左一碗物演河同一碗浄物蘇，物演超足料，多物兒肉，彈牙爽口，一D都唔粉；物蘇好食好新鮮；辣椒油仍然保持一貫高水準，值得推介河粉就真係麻麻地，湯底亦偏淡而且無左以前嘅味道，有D失望⋯

早前於網上見推介此新蒲崗小店推介筋腩四寶銀針粉好味，特意前來買外賣回家享用，誰不知一回家打開發現只得四寶銀針粉頓時非常失望但又費事再回去取回下次買外賣時一定必須要小心看清楚是否正確

有句說話幸福就在身邊，衹係你冇留意，呢句說話雖然老套但真實，揾食肥華曾為一碗好味嘅魚旦粉惜嘥車錢嘥時間，到大埔，旺角，深水埗，筲箕灣多間名氣魚旦粉麵檔試食魚旦粉，但都未有一間做到，價錢，味道，環境都令肥華滿意嘅魚旦粉，但在6月21日肥華要去住處附近的新浦崗接靚媽收工，卻在呢間老牌潮洲粉麵舖食到一碗無論價錢，味道，環境整體來講都令肥華有高度評價嘅魚旦粉，加上此店待客員工，對客人態度有禮細心更添肥華對此店好感💯👍👍👍

在新蒲崗歷史悠久的粉麵店之一，經常也看到有人推介，就膽粗粗去試一次。店舖位置在新蒲崗的邊緣，小公園的隔壁，因為樓上在裝修搭了棚架，把招牌遮蔽了，驟眼看不起眼。但到了中午時段也是客如輪轉。叫了一個魚三寶墨魚鬚河粉，重點是個墨魚鬚，爽滑彈牙，不會焯得過熟，有魚皮餃x2，魚角x1，魚蛋x1, 配料略嫌過少，河粉洽得剛剛好，不會一pat嘢，湯底也有調味，不會是一般的淥麵水，不用加腩汁也有味。牛筋腩墨魚鬚河粉，牛腩質感很腍，充滿五香味，重點是個辣椒油，落完單店員會問要不要辣椒油，可以無限refill，我們吃了三碟，辣椒油香而不太辣，不吃辣的朋友也可以吃很多。油菜菜心加腩汁，也是一般貨色。唯獨是衛生環境未如理想，用餐全程也出現了3-4隻蟻,在桌上，碗邊等等，價錢大眾化也不會要求太多。

假期行過新蒲崗想食啲粉麵搵到間唔少好評又難得係良心小店就揀左哩間黎試下———————————-墨魚鬚墨魚丸河粉墨魚鬚彈牙但無味 好似白烚完扔落碗粉到墨丸就食到丸入面有少少切碎左既墨丸碎河粉唔會煮得過火搞到碎哂-牛筋腩拼四寶丸銀針粉銀針粉份量足 男朋友表示好似食極都未食完咁牛筋軟腍 但牛腩肉質甚柴四寶丸係豬肉丸 魚丸蛋 魚皮餃 同墨魚丸味道就正正確常常 無嘜特別自家製辣油係配給制店員落完單會問你要唔要男朋友話個味食落有啲似桂林辣椒醬

這天沒太多時間吃午餐，但也要善待自己，怎樣趕時間也要找美味的東西吃。想吃麵，預早搜尋了這區的好味麵店；向著目標直跑。由於到達時剛過了午飯時間，不用等位，姐姐招呼我坐下。點了魚三味麵。平時一定會點一碟菜，無奈真的趕時間，所以放棄了。🍜魚三味麵🍜 $30⭐️⭐️⭐️⭐️魚三味包括魚蛋、炸魚角、魚皮餃。習慣先喝一啖湯，湯底不錯，幾鮮味。麵夠爽、不覺有皂水味（一向不喜歡有皂水味的麵），不錯。圓形魚蛋彈牙、長形魚蛋爽口，兩樣都不腥；魚皮餃比一般的皮薄，餡料偏淡，個人比較喜歡魚蛋。如要辣椒油，落單時要提出。平時我一定要加辣椒油，但這次太趕時間，怕麵又熱又辣，要花更多時間才吃完，所以沒有要辣椒油！（其實十萬個想吃！）總括而言，在街坊人情味麵店吃麵，食物味道不錯，姐姐很有禮貌。唯一感覺不好的，是當時有一枱客人坐室外吸煙，煙味直飄向我這邊，我被逼一邊吸二手煙一邊吃麵，有點辛苦。

湯粉麵是我的 Comfort Food，可是近年似乎沒怎樣分享過，直至那晚因緣際遇從樂富轉到新蒲崗，「合利」的味道、包括珍貴的人情味，令我覺得有執筆的必要！「合利」切頭切尾是一家街坊麵店，老闆是位爽快又幽黙的中年男士，一進門便遇上他，可謂緣份、亦是對麵店加分之處！點好食物，第一時間送來是一瓶大大的黑烏龍茶，我們不愛汽水，這裡精選了好幾款 Made in Taiwan 的台灣茶，正好應對 Made in Hong Kong 的「合利」， 又正好對準我們的喜好！先來一個重料組合 —厚切牛腱拼牛筋腩 HK$64。在深濃的湯汁下是燜得純和入味的牛筋腩，吃得舒服！摻著筋膜的牛鍵軟彈可口，假如再切得厚一點，口感必定更佳！油菜是粉麵店必點的項目，是晚要來腩汁菜心 HK$18 也！粉麵選擇是魚三味墨魚鬚腩汁撈麵 HK$58，順滑濃厚的腩汁掛上幼麵，每口也是滿足滋味！ 至於另上的魚三味有魚蛋、魚角和魚皮餃！魚蛋爽彈帶魚香、魚角屬不過不失，未算突出，然而魚皮餃則不俗，魚餃皮不厚不薄富魚香，餃餡香且實在、沒有糊糊黏黏的弊病，魚餃成為魚三味之中最喜歡的！最感興趣的墨魚鬚，墨魚鬚入口盡是彈牙又鮮美，好吃、也是「

今日去食個快lunch, 雖然知道佢哋嘅魚蛋粉係最出名，但今日太肚餓，所以索性叫咗個「筋腩墨魚丸撈粗麵」，筋腩好味，但有一兩舊比較乾身，無乜咬口，不過整體都唔太差，可能我加咗少少湯，因為個墨魚丸係連湯另上（唔記得影相），所以有啲湯無咁乾身，幾好～然後個腐乳通菜冇咩特別，純粹係似細個嘅味道，唔會太淋，幾綠幾爽口，同埋個腐乳唔太咸，好食！值得一提，每個人客一坐低嘅時候，佢都會俾一小碟自家製辣椒油你，通常我食一碟係唔夠喉，好多時都會叫佢拎多碟，不過其實嗰度又可以成樽買返屋企😅😅😅

.呢家就連食普通粉麵店都好有要求😏湯底 辣椒油 餸菜 以至粉麵 全部都好重要😋以上所有野 新蒲崗呢間合利就真係做到水準😘佢地出名食墨魚鬚同墨丸 梗係要試呢個啦☺️墨魚鬚超爽好彈牙 外型脹卜卜咁望落都feel到正😍配襯埋呢個濃濃嘅腩汁湯底 令較為淡味嘅墨魚鬚頓時升呢🆙佢地嘅筋腩都好入味架 炆得又夠腍夠滑😬墨魚丸大大粒咬落好有口感 一樣咁爽🤗辣油都係自家製👨🏻‍🍳唔算好辣 不過個味道夠香口滋味😜配粉麵食好夾🥢.本身墨魚鬚同筋腩雙拼就$40😎另外再加3粒墨丸就$14🤫覺得有啲啲貴 所以抵食指數有少少折扣😅

牛筋腩河粉🍜$30今日落豪雨，仲要有黑雨☔️走去避雨個陣，結果就入咗呢間小店食🤣入面座位唔算好多，但都幾多人食🤓唔算好大碗，啲牛腩肥瘦適中👌大大舊，都幾入味😝合利潮洲粉麵 (新蒲崗)新蒲崗衍慶街19號A舖地下