合利潮洲粉麵

營業中

休息中

去開果頭打波，朋友帶我去食呢間合利叫左墨丸拼牛筋腩銀針粉，牛筋腩分量好多，食到近尾都仲搵到舊筋另外值得一提既落單係叔叔推薦叫我加入銀針粉度食既菜脯！辣辣地、爽口，加左入去之後好惹味朋友就叫左豬手拼雲吞米（唔記得影近鏡），豬手無試，雲吞好食！

建議： 繁忙時段請耐心等一陣位最近物色到新蒲崗內街有間潮州麵店🍜💛 聽講墨魚鬚 同墨魚丸好出名，所以就走左去#試伏😋曾經食過一啲唔新鮮既墨魚鬚，口感好霉，咬唔斷🙈 之後仲柯足幾日，自始就有啲驚係街食🐙今次試左：▫️筯腩＋墨魚鬚＋銀針粉▪️墨魚丸＋墨魚鬚＋銀針粉▫️炸魚皮 (細份)價錢正常，3️⃣樣野總共HK$90。牛筯食落好滑同軟身，牛腩都唔會好嚡，而且每舊都會有啲肥，食落口感都唔差🐄 墨丸同墨魚鬚都好爽口彈牙😋 而墨魚鬚每粒都一口Size，份量亦算適中。另外，🌶️辣椒油應該係幾出名因為見到有食客直接買走左一罐辣醬油。如果想試下味，每碗粉麵都配有一兜細🌶️

又黎【#肥波魚蛋米系列】🍜之前提到營養師批准我地食魚蛋米嘅，所以今日又黎推介魚蛋米🍜😂呢張相入面肥成夾緊粒貢丸比我✨🎈呢間又係喺新蒲崗嘅黃店，店舖細細間，係角落位，差啲行過左😂當日我叫左魚蛋米，而肥成就叫左魚蛋貢丸米。魚蛋好彈牙，米粉煮得岩岩好！加左熟蒜令到清湯變得好香🤤 不過，辣醬唔岩我地口味，同埋肥成覺得份量少左啲，女仔食就份量岩岩好嘅🐷🎈減完肥我會想試炸魚皮，好似好出名咁🤤💵$30/碗；凍飲$18📍合利潮洲粉麵 @hopleenoodles 📍新蒲崗衍慶街19號A舖地下

💛合利潮洲粉麵·魚三味墨魚鬚米粉$34 l 炸魚皮$16佢個魚三味係有魚蛋 魚角同魚皮餃 佢地魚味好濃 好彈牙 而且唔會好腥 尤其係佢個魚皮餃個皮好薄 個餡都整得好出色🤤🤤之後墨魚鬚都係好彈牙既 完全唔會韌 個米粉加少少辣椒油都好好味😎之後佢個炸魚皮好薄好脆 而且完全唔會油膩 呢個我都超中意🤩·📍新蒲崗衍慶街19號A舖地下

銀針粉墨魚鬚 $30湯清 先突顯到辣椒油同埋墨魚鬚嘅鮮味我個人覺得依間個湯唔係賣點 重點係啲料 ☺️銀針粉有咬口 唔會淋謝謝腐乳通菜 $18大兜到食唔晒＝＝ 佢個腐乳汁無落生粉所以啲通菜都可以hi到啲汁同埋落單叫碗仔翅 姐姐話無😩

近來四處吃喝食得太多，感覺飽飽滯滯，是日上完堂，喺附近隨便食碗粉做晚餐。星期六六點幾去到有三兩個客人，Menu排版一般，花咗少少時間睇，仲一度懷疑自己有閱讀障礙，好彩之後見到一對年輕情侣同樣有疑問，先放心啲哈哈。魚皮餃米/ 墨丸米 $30兩碗麵來到顏色偏白，老實講唔算吸引。無期望底下係有啲驚喜：湯底雖然無色但夠味，墨魚丸大大粒，爽口彈牙；魚皮餃唔腥唔肥膩，真材實料。加碟油菜，食完唔口渴，以質素嚟講價錢佛心，簡單輕食之選。

合利係街坊小店，地方唔大，一個人嚟幫襯，當然要搭枱。呢度用風琴式爐頭錫紙風擋將食客分隔，可因應情況開合，非常聰明，盡顯智慧🤓。叫咗碗魚角筋腩麵，一上枱，見到個賣相已經有信心。先咬一口魚角，爽滑彈牙，魚味濃而不腥，好食，原來係自家出品，怪唔之得感覺特別新鮮😋。試埋筋腩，又腍又入味，份量亦算多，呷多啖充滿腩汁嘅湯底，成個麵實在冇咩可以挑剔。

番工番到新蒲崗，食米線食到寡寡地，今日轉米粉。係hkers介紹下嚟咗呢間💛店潮洲粉麵，好街坊嘅店，播住好岩睇嘅電視，雖然內容好嬲，但起碼唔會欺騙你。講番食物，食過咁多間魚旦米嚟講，呢間係唔錯的🥰$40/魚旦筋腩米，魚旦2粒仲有塊魚片，筋腩堅有筋有腩，童叟無欺👍🏻👍🏻👍🏻湯底自動有腩汁，濃郁👍🏻👍🏻可惜原來辣椒油要另外叫先有….一小碟，對於好辣嘅人嚟講會有少少唔開心，但我見佢有賣自家辣椒油，都明白嘅🥲另外！凍飲$18！！！好貴！！不過太熱啦…叫左，又幾好飲喎～只不過，認真望望，原來街坊們都無叫野飲🤣🤣🤣BTW，整個過程快上快食，無阻礙，服務禮貌正常，街坊人情味。會再去❤️

我食咗呢間舖頭好多次，冇一次係覺得唔好味，30幾蚊一碗粉，香港唔係真係邊度有，最特別係有銀針粉，更加冇乜邊度有得食，魚蛋牛腩墨魚鬚都好好味，西洋菜都唔錯，魚皮都好脆好好味。老闆又好人，有時請我哋食炸魚皮。有時晏晝食完，夜晚都會買一斤魚蛋返去屋企，用嚟第二朝當早餐煮麵食。兩個人食通常$100有找，又經濟又好食。相片我唔upload啦，喺嗰度嗌嘅嘢食多數都好味，建議腩汁上，啲粉麵會更加入味，啲蔥蒜都好好味😋

第一次寫食評 不嬲只會睇人寫 呢間野真係好正 本身經過打算求其食 知佢係幾💛就黎左點知40蚊D配料勁多又大舊 好有魚味 原來係自己整 個汁都好味 原來自家製辣椒醬仲任添姐姐好nice 我無位放野幫我攞登不過下午荼時間黎 可能晚餐門面細就無咁多位啦 好快又去試下佢其他野先

其實之前在星期三晚上的「新蒲崗」，我已經想光顧位於「衍慶街」旁邊的潮州粉麵食店「合利潮州粉麵」，但是我那時趕不及享用「合利潮州粉麵」堂食，令我當時被迫押後光顧「合利潮州粉麵」的計劃。後來我把光顧「合利潮州粉麵」堂食粉麵食品的計劃，押後到星期日晚餐時間才真正付諸實行。由於「西貢」跟「新蒲崗」之間，只需要在「西貢」小巴站乘搭專綫小巴，就可以徒步走入「新蒲崗」裡面。然後我沿着「大有街」右轉轉入「爵祿街」，再由「爵祿街」左轉轉入「衍慶街」，在「衍慶街」左邊接近公園位置，找到「合利潮州粉麵」。所以我先在「西貢」喝完一杯甜味蜜糖鮮奶咖啡，然後才在「西貢」小巴站慢慢乘搭專綫小巴來到「采頤花園」，然後徒步前往「衍慶街」，看看「合利潮州粉麵」有否開門營業。幸好我來到「衍慶街」之後，終於看到「合利潮州粉麵」有開門營業跟提供堂食。雖然「合利潮州粉麵」裡面的確是有電視機，但是我急着享用粉麵，忍着不看電視機就沒問題，電視聲浪不是太影響到我。我終於成功第一次親眼看到「合利潮州粉麵」的潮州粉麵食品內容。「合利潮州粉麵」餐牌裡面的潮州食品食材，跟坊間大部分潮州粉麵食店一樣，都是以牛肉、豬肉、魚肉為主，底層食材粉麵飯一

新蒲崗良心店林立 無論燒味 麵包 海南雞飯 茶餐廳 cafe 定日式便當都有得你揀 就連粉麵都有良心之選💛舖頭位於內街 唔係當眼位置 入內點餐後發現電視播緊既係蘋果新聞💛足五兩 厚切牛𦟌拼牛根腩 幼麵$64 厚切牛𦟌大約1cm厚度 口感嫩滑 夠稔夠入味 又唔柴 好好食😋😋😋極高質 唔知點解上網見好少人推介牛根好稔有膠質 一咬就斷 都好好食 牛腩都不錯 但係一定係牛𦟌牛根最出色同埋值得一讚既係一碗竟然有四五條菜芯 菜芯新鮮唔苦 湯底濃郁偏鹹 後尾用左黎浸通菜食😋😋😋腐乳通菜 $18份量巨多 一定唔係一人份 食極都唔到底 同埋通菜新鮮好食 食到索索聲伙記仲會問你食唔食辣 食既話會俾碟仔合利特製辣椒油你 辣椒炒得好香🌶😋有良心又好食嘅餐廳 一定要瘋狂encore!

新蒲崗附近有唔少平價嘢食，有一日下午，想食下午茶之際經過見到呢一間粉面就外賣左返屋企試吓，牛筋河味道一般，不過加埋秘製嘅辣椒油，簡直錦上添花！！ 如果佢哋嘅辣椒油可以買返屋企嘅話，我都會想買少少返屋企試吓。牛筋質地煙煙unun ，但係味道都係一般。感覺偏鹹，可能因為自己食開比較淡味少少 🤏！同埋湯河望落有少少油膩，如果減緊肥女士未必適合。。同埋勝在價錢夠平，一碗牛筋可只係需要31蚊！！超親民！！夠晒地道！

太耐無出過街食嘢。今日決定做自己一條友去新蒲江食嘢。聽朋友話合利的牛腩好好味。我勁鍾意食牛嘅嘢。去到三點幾，等左一陣有位，個位有消毒酒精同一塊板隔開每個食客。叫左墨魚丸牛腩米。的墨丸勁彈牙，牛腩好淋又入味。阿姐姐問要唔要辣椒油。無辣不歡嘅我梗係要啦。佢的辣椒油好香。勁好食。下次又黎試其他嘢先。我見到好多客叫紫菜湯同魚蛋。下次必試。

上次食完新蒲崗新開嘅粉麵今次試反D老鋪呢間係衍慶街地鋪嘅粉麵檔 開左都應該有廿年(?)我朋友係新蒲崗由細到大都食佢位置近民居 主要都係做街坊生意野食相對平好多 勁抵食兩餸麵大大碗都係30蚊 好似返左5 6年前咁味道方面比較清 可能要照顧街坊 話晒都係舊區老人家多 唔食得咁重味但值得推介係鋪頭自家製嘅辣醬好香 又唔會死得個辣字餛飩同魚片餃都幾好 有咬口 皮薄咸靚銀針粉好大碗 朋友食唔晒最有驚喜都係呢個炸魚皮朋友話平時就咁食碗麵 老闆見佢熟客會送細細地碟魚皮比佢食咁今次我地就掉反轉主動叫啦我地都未講要咩SIZE 老闆就話要碟細夠食啦黎到 嚇死我地 呢個細魚皮係打破左我地對細炸魚皮嘅認知平時D細魚皮最多咪得5條短短的但呢到15蚊  個份量係夠一個人齋食魚皮食到飽塊塊都手掌咁大 食到驚驚地老闆仲好貼心咁上左碗魚湯 食住等 唔洗等碗麵先食得總括黎講係超級親民價 食人情味