合成小廚 (裝修中)

同屋企人行左成個晏就，咁啱經過就求其啦嗌左3個餸:豉椒聖子$78，西蘭花鮮魷$68，中式牛柳$68。聖子上黎勁多碎殻，好咸，超咸中式牛柳又勉強可以入口，但係一樣都係超咸西蘭花鮮魷，上到枱變左菜心鮮魷。問個伙計，嗌10聲冇反應，忽略眼掂行掂過。問另一位先同我講話西蘭花賣哂，本來都想算數。。。但係啲菜心真係見到都唔想入口，果斷退貨！好委屈食左大半碗飯。。。餸剩一堆，賣單轉場埋單時$197!? 兩碟餸$146, 一碗飯一罐可樂$51。。。嚇鬼咩追問之下，飯10蚊我覺得合理，但係茶芥收10蚊位我覺得白痴，再收加一我覺得離譜兼不知所謂。地方餐具污漕都算，我覺得去得大排檔就唔應該有太高期望，但係古蠱隱藏收費加借啲意恰個客就離哂大譜，成晚我坐係度咁耐，佢有5碗白飯放係收銀咁耐，有烏蠅不斷係上面停留，極度嘔心。以佢既衛生環境，我唔明點可以仲續到牌，一定冇下次！

放工後踱步至油麻地與同事覓食, 走完廟街後都沒對任何一間食肆生興趣, 想起鄰近大排擋, 便打算隨便選一間坐下, 從外面看見合成的廚房內有師傅落力地在炒餸菜及煲仔菜, 火氣十足, 便進去一試!是次點的菜都是家常便餸, 因為只想試一下最普通的小炒, 這最容易知道這家食肆的水準 白灼鵝腸 - 平淡的一道菜, 沒不好之處亦不是最出息 紅燒豆腐 - 味道好濃, 送飯一流 蒜蓉炒菜 - 炒得夠火氣 椒鹽鮮魷 - 脆漿算薄, 魷魚有咬口, 夠香脆 金少骨 - 比酒樓的還好吃, 事關入味又夠脆 羊腩煲 - 看見大部分枱都有點這個菜, 便知要一試, 果然是不錯, 很難得是沒有羊的so味, 羊肉亦很軟滑, 一定是炆了很久整體上食物味道很好, 現在較涼的天氣是一個不錯的好去處!

poor hygiene conditions, sticky cutleries. I got a cold sore the day after eating at that place. Wonder why those health inspectors have yet to revoke their license!By the way, those staff stink with body odour!

每次想食乂牌檔都會黎依間,每次黎黎去去都係叫嗰幾味,個人推介嘅有薑蔥焗魚雲,我老公可以一個人"倫"成大半碟架,而我就會食晒啲蔥,因為真係炒得好入味架;所有鵝腸,不論豉椒炒定豉油皇都好正,西蘭花炒鮮魷,生炒骨..至於衛生方面都冇乜架啦,因為始終都係大牌檔,我仲時常見到曱甴添呀..唔好睇班夥計好以老粗咁,佢哋嘅服務庇度都好好嘅,仲記得我哋鐘意食乜架...叫3碟餸都係100蚊左右,真係好經濟..

原來MM已寫過三次食評，三個評分都俾過tim。雖然大熱天時，因為有冷氣都唔覺太熱。我一向都鐘意食大排檔D小菜，貪佢夠鑊氣。生炒骨份量唔細，甜酸汁味道恰好，可惜排骨太細舊又唔多脆口。相對其他大排檔出品，這間水準較差。本來叫東江豆腐煲，竟然o黎o左個生菜鯪魚球煲，問個伙記佢都話係生菜鯪魚球煲，佢話落錯單，可以換過俾我，之後師傅出o黎死撐都話係生菜鯪魚球煲，最多加多D豆腐俾我，都唔係我想食的當然唔會要啦。我要求換，佢又肯換第二款小菜俾我，我揀o左西蘭花炒魚鬆，西蘭花顏色好青，似乎唔夠成熟，雖然係好爽口，魚鬆簡直好難食，不止唔彈牙，仲係腍pat pat又冇味，未食過咁腍的魚鬆。MM由第一個食評笑面寫到第三個變o左喊面，早知睇MM食評，我就唔去啦。

近三個月來幾近每星期都會在這大排擋和朋友們吃飯飲酒, 可惜近兩次宵夜飯局似乎水準下降了一點, 原先一整個咸魚煎肉餅變成了, 分開十小片的炸肉餅仔, 味道和賣相已不及從前, 其他菜式水準亦開始走下坡, 而份量亦明顯縮小了一點. 和第一次來晚飯時已有很大出入, 真的有點可惜.

這個星期, 又跟師兄們到這間大排擋, 師兄們點了慣常的菜式; 椒鹽鮮魷已變了模樣, 用了十分多粉, 鮮魷偏韌; 肥牛煲, 羊腩煲同樣偏韌不討好, 椒鹽魚頭用料亦一般; 餘下的煎肉餅和椒鹽骨尚可保持水準. 希望只是偶然一次吧~

已習慣每逄星期四放學後和一班師兄們宵夜, 在同學之中, 我已是年紀最小的一個, 幸好同學間似乎沒有年紀界限, 大家有說有笑的. 師兄們是這餐廳的常客, 當然留給他們發板. 先來了一個椒鹽鮮魷, 鮮魷面上只有薄薄一層粉, 金黃色的鮮魷肉質與味道十分討好; 再來椒鹽骨, 肉質鬆軟香口; 咸魚煎肉餅, 這味似乎是師兄們每次必點的名菜, 肉餅外表像半煎炸, 肉餅軟硬適中; 味菜鵝腸, 鵝腸爽口, 但味菜不夠野味; 腰果蝦仁可有點失手, 蝦仁肉質霉了, 慘遭師兄們退貨, 換上一碟豉汁蒸魚雲, 豉汁香口野味, 魚雲滑溜可口. 大排擋環境, 但食物水準不下於大酒樓, 價錢經濟~