合時小廚 (裝修中)

10年前（2014年）幫襯過一次，果時小店新開張，walk in即有位，但果次食完冇咩深刻印象….聽人講此店摘星Michelin，唔知幾時開始，好難book檯食飯，閒閒得要提前半年大半年～小店晚晚門外人頭湧湧，好誇張㗎！終於，我又book到位啦！提前check openrice撿定口碑餸，晚8:00（第二輪）準時入位…..地方好逼（唔計較喇）1）蝦多士（HKD85/件） 👇👇👇坦白講，食一件已經飽一半了！過量之餘，仲非常啲油膩，建議份量減半，薄身小小，相信味道仲可能更鮮美，最重要價格也應下調至合理一下！（7/10）2）薑蔥焗蟹煎腸粉 HKD650.- 👇👇除咗價格貴，其它冇意見！好味！推薦（9/10）3）韭菜花銀魚小炒皇 HKD180.- 👇👇搭配啲顏色唔錯！但味道好重，特別鹹，仲有小小腥😅 （7/10）4）雞油花雕火腿絲蒸馬友 HKD590.- 👇尼味餸係功夫菜，酒味十足，ok！（8.5/10）5-6）乳鴿HKD85.-/隻，標準（8/10）茶香煙燻雞 HKD330/半隻 普通（7.5/10）7）瑤扒西蘭花 HKD168.- 👍👍推薦8)少爺焗豬扒飯 + 4 荷包蛋 HKD420.-

合時小廚是我其中一家最喜歡的粵菜，菜式簡單精緻，味道非常出色夠鑊氣，總廚權哥功力深厚，實而不華，價錢也非常合理，性價比超高。隨著中環畢打街新店下個月就會開業了，新店是新的投資者，走高級會所會員制，估計到時菜式單價也會上調不少，員工如嬌姐和一些老伙記也不會過去新店，知道後的確有點惋惜。臨別秋波，跪求嬌姐安排了在舊舖最後的晚餐….是晚菜單有：椒鹽鮑魚鍋貼小棠菜迷你蝦多士花旗參玉竹螺頭燉豬展雞腳湯沙律煎英䱽魚蒜香蔥油林雞薑蔥焗蟹煎腸粉底啫啫生菜煲招牌焗豬扒飯雖然光顧過這麼多次，但每次都仍然讚不絕口，每道菜式都近乎無可挑剔，飯局尾聲和權哥喝上兩杯， 十年人事幾番新，無限唏噓…這餐飯吃的不是味道，吃的是滿滿的回憶。多謝大廚權哥和嬌姐的精心安排，江湖再見🙏🏻#合時小廚

聽講合時小廚係西灣河只係做到7月底，之後就join 私人葡萄酒俱樂部Club Bâtard. 所以今次就黎最後一擊！蝦多士好厚 好多蝦 好彈牙 🍤 小炒皇超多料 有韭菜、銀魚、魷魚、腰果 好野味杏汁豬肺湯好足料 但應該有其他餐廳好味過佢藕餅就普普通通 一般水準整體黎講個人覺得冇人地講到咁好食

「合時小廚」自從攞左米芝蓮必比登推介後就一枱難求，難得朋友識人可以book到但都要等一個月先有枱😅，終於可以一嚐昔日的味道百花蝦多士12件口水雲吞皮蛋杏汁豬肺湯 窩上雞油花雕蒸馬友極品茶皇雞1隻千層咕嚕肉豬油渣炒芥蘭薑黃炒肉蟹煎腸粉焗豬扒飯8位煎蛋12隻咁多道菜我最喜歡係雞油花雕蒸馬友，平時唔食魚既我都覺得又滑又好味極品茶皇雞茶既煙燻味好香，仲伴隨雞肝雞腎，入味又好食薑黃炒肉蟹煎腸粉既煎腸粉索晒成個蟹既精華，仲要有少少黐底有d焦，好惹味餐廳地方有點淺窄，坐得好迫，食物有質素同份量好大，多人食就可以試多幾款菜式，呢個就一大班人食野開心既地方☺️

廣東菜，經典老味道真係好無敵，老師傅或者深得老師傅真傳嘅弟子，整出來的味道就是不一樣。香港真不下有好幾間這些街頭巷尾名廚名店，西灣河的合時就是其中一間。老店地方狹小一座難求，早兩年在木星街開多了一間分店，依然客似雲來。老顧客當然認為老店味道最好，我就覺得木星街店也很出色。早幾個月得悉有老闆聯合了在西營盤同樣是一座難求的Bâtard和合時，在中環畢打行打造一個會所，入會費聽聞是15萬，城中名人都爭先入會。個人而言，一來我沒有15萬去入一個食飯會，二來花費了15萬入會的話，不經常去又真有點浪費資源。這些要付費食飯的地方的目標客戶當然不是我這社會級別的升斗市民，還幸我有朋友已經成為會員，我有機會去試食的機會指日可待。又據聞合時因為木星街店及畢打行新會所的落成，西灣河老店將會結業。不知道這傳聞是真是假，適逢有朋友生日，反正也是時候去幫襯一下，最近又去了老店一次。杏汁豬肺湯、咕嚕肉和小炒依舊出色，蝦多士是用厚蝦膏炸成球狀，口感和味道獨特。茶皇雞都好，但說不上是出眾的味道。這裡最令我難忘的一定是蒸馬友和焗豬扒飯。我一向對馬友情有獨鍾，這裡的蒸煮發揮得淋漓盡致。焗豬扒飯沒有像坊間刻意去宣揚是用甚麼黑

朋友兩個幾月前，已經book定，九月中我哋去食合時小廚，食8點鐘，餐廳比較細，所以都坐得幾逼，餐廳出名嘅係豬扒焗飯，我哋有叫，係好大一份，10人份每人也有1小碗，蕃茄醬味道甜甜的，不過未見特別驚喜，係豬扒食得出係高質啲嘅，夠鬆軟，冇豬肉so味，要510蚊1個飯。我哋仲叫咗茶皇雞，好大一隻，茶味啱啱好，百花炸釀蝦多士，新鮮炸起，好夠香脆，大件，不過唔平，杏汁白肺湯，杏汁味唔太濃，唔太啱我口味，薑蔥肉蟹煎腸粉好惹味，必食。咕嚕骨正常水平，酸酸甜甜，幾開胃。仲要咗燒乳鴿，多肉汁好好味。

聽講遲啲會搬去中環會員預約制，所以要喺佢搬之前即刻食多次餐廳服務態度一向正正常常，地道香港小菜館風格，今次我哋五個人，order咗六個菜今日叫咗：燒乳鴿兩隻 - 乳鴿炸得外脆內軟椒鹽鮮鮑魚 - 炸得好好食，口感一流花雕雞油蒸馬友 - 條馬友真係不得了，油脂極重，配合埋花雕，我哋好快就已經清晒條魚半隻茶王雞 - 唔記得影相，茶燻味同隻雞配合得天衣無縫，味道啱啱好薑蔥焗肉蟹配腸粉 - 又係唔記得影相，一個字形容： 正焗豬扒飯 - 雖然係餐廳嘅王牌，但係感覺就係一個好簡單嘅焗豬扒飯，略嫌茄汁比較多但係總括嚟講性價比極高，所以經常性爆滿

早排係白子當做嘅季節，大膽同廚房要求要自攜做一個麻婆豆腐嘅升級版，廚房竟然要求而且仲比我埋位添😂 咁順手來料加工日本鬼爪螺啦！點都好，呢一度嘅出品好穩定。餐牌可以選擇嘅菜式唔算好多，始終廚房唔夠大，未必應付到太多唔同花款嘅煮法，但係假如有特別要求都可以有輕微改動。好多時候觀眾都會問我有啲乜嘢值得食，其實最值得食嘅就係最基本一路以來嘅熱門菜式，包括雞油花雕蒸馬友，XO醬炒蟹腸粉底，蝦多士，牛尾煲，豉油王炒麵等等。今次食嘅其實同蝦多士差唔多，只不過轉咗做鍋貼小棠菜，上次食完花錦鱔，今次試吓蒸魚雲，點知出嚟嘅效果超乎想像，大大嚿好好食。👍👍其實食小炒小菜呢啲嘢，最緊要夠火候夠味道趁熱食已經加晒分，佢哋冇特別追求極致嘅擺盤，因為時間一來溫度就會減，上到嚟可能已經唔係應有嘅味道。呢度除咗食物出品味道好食之外，侍應嘅人情味都係好值得一提，雖然唔係星級水準，但係每一次嚟食都食得，非常之開心！唔知幾時開始訂枱，可以要半年以上，但係可以食嘅就趁機會係賣盤之前食，各位街坊唔知有冇食過呢？

🇭🇰合時小廚·呢間真係長期都好多人推介 所以前排我地就同朋友仔一齊book左呢間 因為我地13個人要坐大檯 所以我地3月中訂 訂到9月先有得食 超誇張😂😂不過佢野食都真係幾好味 而且佢仲有啲簡單啲既小炒 不過我地今次就主要嗌左最多人推介既菜式😎 ·百花蝦多士$63/件 l 韭菜花銀魚小炒王$180 l 金銀蛋浸勝瓜 l 菜膽杏汁燉豬肺湯$80/位佢個蝦多士真係超巨型 係好似手板咁大個 而且上面真係好多蝦🦐之後佢啲蝦都幾新鮮 好彈牙 不過我哋大家都覺得其實兩個人食一嚿已經好夠 因為佢實在太大件 自己食會有啲膩🤣🤣之後佢個小炒王都好有鑊氣 而且個銀魚味好香 好惹味 不過蔬菜嚟講我自己就鍾意老闆娘推介嘅金銀蛋浸勝瓜多啲 佢呢個勝瓜唔知點整 真係超甜 而且超多汁 好好食🥒🤤🤤最後佢個豬肺湯都係勁滋補 佢係勁濃杏汁味 係好似食緊杏仁露咁 如果大家鍾意杏汁一定好鍾意😂😂之後佢入邊嘅豬肺都處理得好乾淨 口感好好😎·雞油花雕火腿絲蒸馬友$490/條 l 極品茶王雞$630/隻 l 薑蔥焗肉蟹煎腸粉$600之後個蒸馬友係全餐我自己個人最鍾意既😍😍😋佢條魚蒸得勁靚 蒸到岩岩好 油分豐富滑得黎完全唔會油膩

朋友早半年訂枱先食到的合時小廚，門面非常低調不起眼，第一次行差少少miss左入口。準時8pm入去，店舖唔大，得三張大枱及兩張二人枱，環境都幾逼，坐得唔算舒服。朋友亦已經提早預訂了幾道菜。特色帶子煲仔翅 每位$268每碗一粒大帶子，非常爽甜，好足料！必點百花炸釀蝦多士 每件$63好大舊蝦多士，裏面全是蝦肉，配合甜酸醬，非常開胃！菠蘿千層咕嚕肉 $148千層肉口感特別，咕嚕汁不過不失，可以一試。韭菜花銀魚小炒皇 $180最令我驚喜的一道菜！入面有韭菜、魷魚、合桃及銀魚，脆卜卜的銀魚，提升了整道菜的口感！好食😋椒鹽焗吊片 $168外脆內軟，外面炸得很鬆脆，不油膩，吊片唔韌，有鮮味！極品茶皇雞 $300 半隻外表平平無奇，但係唔提早預訂係冇得食的茶皇雞。太驚喜，雞件非常嫩滑，帶有濃烈的煙燻香氣！好好食！生炒糯米飯 $185有少少太濕，但味道不錯的糯米飯！總結，果然名不虛傳，成餐都好好食。晚市會每位奉上自製糖水。

因看到 Youtuber 的介紹,誠讚此店小菜特別且好味,縱然難book,也硬著頭皮試一試.只預早一星期訂下星期日的午市,居然有檯, 立即訂了. 若電話預訂晚上吃餐的話,相信要等三個月呢! 當日連同我一共5人, 叫了出名的咕嚕肉, 蝦煎腸粉, 半隻茶皇雞和焗豬扒飯. 肚子滿載而歸,非常滿足! 我很怕那些超級市場用白色粉調出來的糖醋酸汁,故此很怕吃咕嚕肉. 坦白說, 合時小廚的咕嚕肉非常好味,酸甜度和粉槳包得剛剛好! 我很滿意.蝦煎腸粉火候剛好,若腸粉少些咸就滿分了😅. 茶皇雞送上檯時茶香薰味濃郁,不愧此店其中一項最受歡迎的食品. 我喜歡吃雞胸,一吃雞胸就知大廚的廚藝和功夫如何🧐! 如五星滿分, 我給予滿分評分👍🏻.焗豬扒飯是戲肉,我十分期待! 當年張曼玉的一齣電影"白玫瑰",男主張耀揚為了討女主(張曼玉)的歡心,去不同大酒店跟大廚學藝,製作焗豬扒飯給女主吃. 在此小店,終於可吃到大廚級的焗豬扒飯配煎荷包蛋. 不好飯的我,亦吃了兩碗飯😂

9月5號、朋友生日、她的女兒已早在半年前訂枱、一行11人、在逼夾的環境下進食。我無意中見到原有一層有兩間包房、我多口問一句侍應、最低消費多少、他說$8000元、當時我沒理會因為這間小店不可能吃$8000的晚飯。我們等上菜的時，背着枱後，有一位四眼女人說、為什麼要給枱我們、又話我們這張枱之後有大客到、原來我們八點要交枱⋯⋯19:45才上三隻的避風塘炒蟹、六人份的豬扒飯！😏終於全部打包、蛋糕都沒有切、就已經交枱….總共消費了8000多元、這個價已經可以包房⋯⋯上菜慢、嘢食一般、一路食一路俾人鬧、下張枱只是一個明星仔、應該都係彼此彼此😏差平！米之連😏大家都說不會再有下次……..

今次第三次同朋友嚟食合時，每樣招牌味道都一樣咁出色，唯一有啲批評係其中一道菜，牛肉炒菜心（啲牛肉那到爛晒，亦冇牛味，炒完亦冇獲氣，冇收好水），同埋冷氣比較凍建議係，招牌不得不試😊👍👍會再食！價錢就唔算平啦，人均要$600左右

筲箕灣|合時小廚 . 有貴人相助，今晚有食神😎位於筲箕灣電車路嘅小店 大枱訂位已經排到出年1月😂細枱4位可以碰碰運氣😂 嚟到當然食翻佢拿手野啦 . 🔺蝦多士這個這枱都有點，蝦多士炸得金黃香炸，咬落脆卜卜，蝦膠採用蝦膠跟半膠粒，有咬口，蝦份量異常嘅多😂.🔺雞油花雕蒸蟶子王 雞油之外仲加入酒糟去蒸，上枱時候滿滿酒香，蟶子仍保持鮮甜彈口，完全無沙，洗得好乾淨😎.🔺豉油雞半隻 豉油雞上色好靚，夠味而不過咸，配有雞肝，味道好香濃，雞肉嫩滑💞.🔺濃湯浸芥菜 湯有有啲似胡椒豬肚湯，芥菜選用最嫩芯位置，煮出來青翠嫩綠，入口腍甜🫶🏻.🔺薑蔥焗肉蟹煎腸粉 選用新鮮肉蟹，先以薑蔥煮，再加入白煎腸粉，腸粉於底部吸收晒所有蟹汁精華，非常美味😂.🔺焗少爺豬扒飯四位又係枱枱必叫，一放上枱個個舉手機影相之作，原煲上份量非常之大，芝士入量滿滿，豬扒厚身又不會過腍，有肉味再有滿滿芝士味，重點再每位一隻煎荷包蛋😂 瘋癲之作😂 . 餐廳 : 合時小廚 地址: 西灣河筲箕灣道39號麗灣大廈地下

終於食到呢間要2個月前訂位既合時小廚店員會係1-2日前打黎確認及寫菜單，我地一行4人預留左最出名既少爺焗豬扒飯、香葱焗肉蟹煎腸粉。少爺焗豬扒飯(每位計$90)👉🏻果然有驚喜，面層鋪滿芝士，全個飯都充滿蕃茄汁，每粒飯都好juicy，豬扒亦好入味及淋軟。份量亦唔止每人一碗，但唯一食完之後，會覺得好口渴，須要飲番一大杯水。香葱焗肉蟹煎腸粉(時價：$600)👉🏻 肉蟹非常新鮮，肉質彈牙，份量亦十足，煎腸粉索哂啲汁。煎蓮藕餅($130)👉🏻蓮藕新鮮爽口&煎得香口。沙嗲芥蘭炒牛肉 ($130)👉🏻沙嗲味好出，唔太辣。京葱炒牛肉($130)👉🏻 牛肉唔會炒得過老，夠入味。茶位每人$15，連加一後每人大約$400元。PS：餐廳比較細，全間餐廳大約4至5張枱，每張枱之間比較近。