合時小廚 (裝修中)

老闆請食飯，有同事介紹合時小廚，一行6人就黎試吓。同事話呢間野日日都咁多人，已經一個月前訂位，但都俾另一班人攞咗張大圓枱，因為人地有8個人。去到坐底，地方淺窄，坐底就唔可以再郁，唔係會撞到後面張櫈。點咗幾樣推介菜式，先來蓮藕餅。蓮藕餅非常香脆，用料十足。啖啖肉，除咗蓮藕仲有葱同埋爽口嘅粒粒，口感正，味道好。唯獨有d熱氣，要飲返d酒清吓熱。再來係蝦多士，好大件，夾一件，已經填滿隻碗，炸到金黃色，香脆可口，而且非常厚蝦肉，堅係俾足料，厚厚蝦肉下面仲有隻蝦，喜歡食蝦嘅朋友唔好錯過不過食完一件就飽咗一半～跟住係古撈肉，聽聞係用五花腩包住舊肉嚟整，食落又真係唔同d喎，係好厚肉嘅質感，唔係一般厚炸粉嘅古撈肉，唔錯。金銀蛋香菜，同一般冇乜分別，味道較濃。蒸蟹飯，呢個堅係正，未食蟹，淨食啖飯，撈埋d汁，已經好正，飽咗都想再食，蟹本身亦有膏，好味。炸子雞，皮脆肉嫩，冇得挑剔。最後有糖水，係南瓜芋頭西米，好香，唔會好甜，係好味嘅甜品。呢餐食得飽飽，好滿足。

魚香茄子食得多但這個「蒜蓉蒸茄子吊片」真係比左我小驚喜去皮茄子好細心🍆以蒸煮法 食落已經唔油 仲帶淡淡魚香味 吊片同樣鮮味蟲草花鳳爪燉豬展這個湯更叫我着迷真材實料 味道濃郁估佢加左少少豬膶個湯特別香甜 另外都試左千層咕嚕肉 這個價錢這個手藝——-值得吃！

今晚三五知己去到合時小廚.有啲驚喜。大家可以一試但記得一定要訂位雖然鋪仔細細，但食物水準一流。首推介，杏汁白肺湯。飲得出杏汁係自己磨。生炒骨多菠蘿，椒鹽鮮魷，蝦多士係一定唔可以錯過的。

The menu drives people away because the options are weird.For $102 you get a choice of vegetables, a choice of mains and two bowls of rice.The reason it turns people away is that most of the choices on the mains are noodles or fried rice and then you get another two bowls of plain rice for what.There is also a hidden charge for tea, which I sensed when I sat down because they were really pushy to get you to order tea ASAP.The noodles I had were actually ok but I didn’t touch the rice because it

今天午膳落腳於合時小廚，六餸一湯一甜品，值得一記。頭啖湯😊魚雲時菜滾豆腐。一上枱，奶白色的湯頭教人叫：好。其實魚湯要煮出奶白，電視教火要大，配料亦要熱落，例如：豆腐先加熱。料足湯頭自然好味。最重要是：魚湯夠熱無魚腥味。我相信即使唔食魚的人都愛飲。炆牛尾😋冬天佳品。我愛配菜，連薯仔都入味。送飯一流，連女生都連連添飯😜濃味的菜，還有魚香茄子炆斑腩。😊我笑說這是一道有🐟的魚香茄子。粵菜做法，有魚香的香，但比平常用肉碎豐富得多。畢竟是一家走私房菜路缐的小店，粗菜細做。👍🏻當紅炸子雞。聽說是席上殿堂級食家最愛。可惜budget有限，上菜時個樣似得半隻，七人一人一口，所剩無幾。各人再無舉筷，由得隻🐔，係張枱游來游去⋯⋯差點忘記講味道，連背部的骨都入味，肉亦唔嚡。隔場是姜粒炒芥蘭。主角是黃金虎蝦陪年糕。有別於一般煎蝦碌，除泡嫩油，再回紅鑊煎透。此店泡嫩油後，煨上咸蛋黃，份外惹味。如何炮製，非重點。😜重點是碟上金黃色的年糕。席上討論究竟是上海年糕，還是韓國年糕可以煮得又軟又綿。於我而言，反正好味又好意頭。暫時將痛風，膽固醇高等通通拋諸腦後😁食完再算。偶爾一次。😋甜品：蛋白杏仁露。雖然是加錢的甜品，但非

金生終於放下心頭大石，工作至9點先嚟食晚飯，咁岩經過呢間小店，舖頭細細，估計食物應該唔會粗製濫造，咁就入去試下啦。為左慶祝一下，今晚就叫個魚翅再加個白飯先，呢個煲仔翅味道都唔錯，料還都幾足，用嚟送飯一流。金蟲草花燉雞腳湯，好清甜潤喉，湯料十足，即刻順返條氣，不錯呢度有咕嚕千層肉同埋咕嚕肉，我問佢地有咩分別，佢話千層肉即係用腩肉卷住，我怕肥，所以叫左咕嚕肉。睇見個款好似好得咁喎，其實呢碟咕嚕肉，色香味俱全，只可惜啲肉太乾太鞋，後悔無叫千層肉，相信千層肉一定會好食好多。上湯浸枝竹小白菜，不造作嘅味道，好有家的感覺。另外仲有叫左個砂鍋炆龍躉，本來打算蒸龍躉嘅，但伙計話要等20分鐘，不如炆啦，心諗唔係麻，佢咁講咁就照聽啦。不過無影相，味道係唔錯嘅，但略嫌個芡汁有點杰。

2個人去，叫了2個湯，半隻炸子雞和籠仔蟹蒸飯(伙計落單時話這個菜要加$10)。湯先到，然後等了30分鐘，2個菜仲未到，叫伙計跟跟，佢話入廚房睇過，2個菜都煮緊，好快得。10分鐘後，炸子雞到。再過5分鐘，剛才個個伙計同我講，今晚沒有籠仔蟹蒸飯。咁你剛才又話睇過，又話煮緊，即係耍我啫。然後老闆娘走過黎，話今晚好多單，宜家先執我地張單，才發現無蟹。我地45分鐘前落單，宜家先執單? 其他熟客的枱已經食到七七八八，差不多埋單。老闆娘仲話，如果有蟹，立即幫我地整，但今晚真係無蟹。我答: 宜家先整，咁8點都冇得食啦, 你又要求我7:45pm交枱!!! 佢冇聲出。我諗佢地把我叫的籠仔蟹蒸飯比了另一枱熟客，而不是沒有蟹，佢地又想我7:45 pm交枱，所以就話無蟹，費事幫我整。 我知你熟客多，但生客係咪可以隨便待慢? 奉勸各位，唔係熟客就唔好去。

年初三團拜後來了這朋友介紹位於西灣河的中菜餐館，朋友之前力推，所以也有小小期望, 估不到在期望下還有驚喜！餐單如下:1. 涼伴豆腐 - 清新,味道適中 (4/5)2. 蝦多士 - 有驚喜, 兩層蝦, 一層是蝦膠,一層是真蝦,口感十分好 (4.6/5)3. 豉油雞 - 好嫩滑,非常入味 (4.5/5)4. 牛尾煲加法式飽 - 先預定。入味到不能型容,牛尾超淋,加上法飽來點汁,一絕的配搭 (5/5)5. 砵酒桶蠔煲 - 蠔很肥美，唔腥，（4.2/5)6. 清蒸沙巴躉 - 三斤重,這樣大的魚要控制火喉不容易,但這裡做得剛好,肉質嫩滑 (4.6/5)7. 千層咕嚕肉 - 有心思, 不是一般的肉, 而是肉卷，味道也很好，送飯之選 (4.6/ 5)8. 魚湯豆苗 - 很清甜, 很靚的豆苗, 上面有些鯪魚肉 (4.4/5)9. 臘味糯米飯 - 好戲在後頭，多料,臘味出味,糯米炒至一粒粒,不沾身 (4.8/5)估不到這小小的餐館有這麼高的水準, LIKE 爆

What a surprise ! The restaurant is small but the food is much better than most big restaurants in taikooshing area!杏汁豬肺湯。piping hot with taste of real almondsweet and sour pork , just the right taste. Not too sweet and not too sourbaked crab in shell. Best for lazy people. Loads of fresh crab meat without getting your hands dirty !Fried prawn in soya sauce. Succulent prawn meat . Yummybest part was it costed only hkd 200 per head with all these food. The he place is crowded but definitely worth

雖然今次重點不是想講其食物..但食評嘛..都是以食物行先~杏汁豬肺湯~是這裡有名的..很多人專誠來拜訪就是為了這個湯..湯濃..清甜..確實做得不錯..很有住家湯的感覺..三蔥炒魚球~非常之惹味..有驚喜是魚肉夠厚..啖啖肉又夠新鮮..干扁四季豆~正常..炸子雞~標榜用本地農場雞..我對這個挺有期望的..可惜今次這個雞肉做得亁咗小小又鹹咗小小..但皮薄也香脆千層咕嚕肉~很有趣..像在吃豬大腸..味道偏酸..焗釀蟹蓋~好味！蟹肉頗多..但價錢略貴($88/個)..頭抽豬扒(唔記得影相)~呢個正！豬扒肉質爽脆..味剛好..不會太鹹..其實..食物不錯..但我今次想講嘅重點係佢地嘅service!20:00坐低..不客滿..已經即刻落單..我個蟹蓋食剩4份1..阿姐就走埋嚟問我仲要唔要..我即刻愕咗然..我以為係咪我掛住傾偈..坐咗好耐而唔知？我一望隻錶..21:10..一個鐘啫..唔使咁趕呀？！跟住隔離走埋..得番我地一枱仲離譜..開始係我地旁邊掃地..我地食淨小小餸..阿姐A同阿姐B講..收唔收得..阿姐B話：收啦..喂..收唔收係咪應該問食緊嘅人-->即係我地呢？ 跟住朋友問.

呢間合時小廚o係筲萁灣差館對面馬路，o係公司行去要兩三個字，呢個天氣ok，熱天就麻麻。佢得１６款點心（連炸物），唔損多，都係大路野，我地５個人，差唔多樣樣ｄ點，有ｄ仲encore左添。　　食左廿一款，埋單每人７４蚊，價錢可合理呀(午市免加一)。食物方面，　除左呢兩樣麻麻　－　叉燒包（ｄ餡太乾）同魚肉豆腐（ｄ豆腐好鞋，有渣）其他樣樣都好好味，有酒樓水準， 其中炸雞亦，蝦餃，燒賣，馬拉糕，炒蘿蔔糕最出色，同事話呢道ｏ既小炒都好好味，不過今次少人，只試左點心。　咁ｏ既價錢食咁多野，整體好滿意，下次再去呀。

西灣河 合時小廚 杏汁訣燉白肺一定要試(我在全港各大古老及新式酒樓試過不下十多間, 大多是杏仁味不足 淡而無味 不飲實無損失)合時 的杏汁燉白肺 有好香的杏仁味 (應該是自磨杏汁) 熱騰騰 買相一流相當吸引 有一種你不試是你的損失感覺要飲杏汁燉豬肺 合時小廚 應為首選

前文提要, 2星期前專程去「合時小廚」, 試食朋友極力推介嘅「生炒骨」, 可惜「生炒骨」要預訂, 撲空一場...死心不息, 決定再去... 早一晚致電預訂... 結果...拉姑 : 唔該... 訂位o架... 聽晚X點兩位, 要預訂埋「生炒骨」o架...男侍 : 嘩!!! 你兩個人學咩人食「生炒骨」呀???拉姑 : (愕然) (忍住度火) 我D朋友話好食嘛...男侍 : 唉... 我比老細同你講...老細 : 我地呢度冇「生炒骨」...拉姑 : (更愕然) (堅持+忍住) 上次你話要Book位時訂埋嘅...老細最後幫我留位兼留埋「生炒骨」...查實收咗線之後, 越唸越把幾火, 佢地居然咁樣同客人講o野... 不過Honey話唔怪得人, 人地餐牌真係冇「生炒骨」... 好, 我就忍你, 食埋你個「生炒骨」先, 睇吓有幾巴閉...到咗第2晚...我地被安排係角樓最盡頭張枱度座... 角樓同樓面差不多大, 都係2排枱, 每排4張枱左右...落單時表明預訂咗「生炒骨」, 但男侍應講極都話「千層咕嚕肉」, 佢見我咁堅持話唔係咕嚕肉, 係生炒骨, 佢就話去問吓先...跟手, 老闆娘走上o黎So S

多謝隔離要排隊，誤打誤撞入了這間小店。三人點了四人餐，三個點心，三個小菜，一個甜品。點心：蝦餃 - 很不錯，熱騰騰，蝦餃皮晶瑩彈牙；蝦膠包蝦，有蝦立體口感之餘有蝦餃的嚼勁，正！燒賣 - 足料燒賣，沒有現在很流行的肥豬肉，啖啖肉 + 一片冬菇，正！炸雲吞 - 同蝦餃一樣，個餡係蝦膠包蝦，微暖但很脆，配上酸甜度剛好的甜酸汁，好味！小菜：涼瓜支竹班腩 - 起初看到很petite的份量，大家都有點失望。但吃下第一口後，大家都喜出望外。鑊氣夠不在話下，班腩入味皮脆肉嫩！很久沒有吃過這樣好吃的班腩！口水雞 - 很好吃，細心的waiter落單說會辣，我們之前還有點擔心，但幸好我們都不覺得辣。豆板醬+豆士醬+士油，很好吃！而且雞肉很滑很嫩!! 豬排 - 忘記了是甚麼豬排，椒鹽豬排還是soya sauce炒豬排... 但一致覺得很好吃！ 很唸很入味，而且很細心把骨頭挑出來，方便食客，highly recommend! 甜品南瓜西米露 - 雖說套餐包埋，但絕無欺場，落足料。我家大廚好impressed，話個南瓜真係蒸熟後用spoon刮肉出來褒，而非用blender打碎，所以一向不好甜的大廚也多吃了半

this is one of my fave restaurants in Sai Wan Ho area. Personally I like strong taste of food, it satisfied my preference. Additionally, I like spicy food which it serves good and quality spicy foods as well!~