影片
港鐵香港大學站 B1 出口, 步行約6分鐘
繼續閱讀
電話號碼
57071151
營業時間
今日營業
10:30 - 18:30
星期一
全日休息
星期二至日
10:30 - 18:30
以上資料只供參考, 請與餐廳確認詳情
今次想同大家分享嘅係位於西環一間隱世素食餐廳🥦，我都係上網先知呢間餐廳嘅存在🤣，因為個地址唔係特登過去都冇咩機會經過。同埋反正都諗住試吓食得健康啲😋，當然要搵返間有特色啲嘅素食餐廳啦！環境方面☝🏻餐廳除咗有得堂食之外，其實佢同時都係個素食超市嚟架🤪。佢啲素食款式都好多😚，仲有得提供menu入面嘅食物材料架👍。就算返屋企都可以試吓研究獨特啲嘅素食🥬！食物方面✌🏻#素海鮮沙律配薯蓉沙律一送上枱嘅時候就已經surprise到我🤭，因為個賣相真係幾靚下，仲要外觀真係完全睇唔出係素菜嚟😍。蝦肉同三文魚都做得好逼真🔥，啲紋理同真嘅一樣浮現到出嚟🤩。真係睇到都充滿食慾！講返味道先，其實我覺得啲調味幾特別，有唔同層次得嚟又唔會太濃味，啱晒素菜嘅調味方式🤤！#素鴨胸蕃茄意大利粉 鴨胸一樣整得好逼真，同埋口感其實都幾似平時嘅鴨胸😈。講埋味道先，我覺得鴨胸嘅調味都好夠，個感覺就好似健康咁食邪惡嘅嘢食😋，再配埋醒胃嘅蕃茄🍅，成碟意粉真係話咁快就清晒🤣。至於手沖咖啡我就唔喺度多講啦☕️，不過可以講嘅就係手沖咖啡嘅CP值都幾高🥳，睇住店員沖個感覺都幾療癒🤣。（希望大家喺活得健康同時，都試吓食得健康啦！）
繼續閱讀
撰文之時，香港疫情漸趨緩和，希望一眾素店在捱過疫情後，能夠吉祥平安㊗️，長做長🈶️，讓素食更為普及，讓更多人有機會接觸素食 雖然，我們似乎不太可能成為型仔的「銀河修理員」🙈，不過，這個銀河都仍然有着適合我們的位置，大家可以一起成為熱心❤的「素店幫襯員」，令素店在香港長做長有。 在西環的一條大街上，有一幢不太起眼的大廈，在這大廈內，有一條燈光昏暗，不太引人注目的小巷，但正正就是在這小巷內，有一間熱心推廣素食的小店— 吉祥草 。趁着星期六不用上班的機會，我們終於可以光顧這間小店。 1️⃣ 其實我不只是甘筍湯 表面看，這碗湯似乎就是一碗甘筍湯，但實際上，除了甘筍外，店方在煲湯時，還加入了薯仔、蘋果、雪梨、蕃茄等材料，湯味十足，店方誠意也是十足。 2️⃣牛柳絲炒烏冬 鑊氣十足，用餐具翻弄烏冬時，會見到有一些熱氣在冉冉上升♨️。在材料方面，素牛柳和天然食材的比例也算均衡，既能讓非素食者嚐嚐素食的味道，讓他們知道素食不是只得清淡食物，也同時能夠滿足不想吃太多素肉的素友。 3️⃣烤大啡菇素扒漢堡伴沙律 這款食物是「現時的」餐單上📜沒有的。 為何要強調「現時」呢？因為這食品是版主在openrice看餐單時發現的，到店時，發現店方提供的餐單沒有這食物，於是便問下店員仲有冇得食這個，剛巧店方也有這些食材，所以版主就有幸一嚐了。 漢堡🍔的體積挺巨大，素扒的咬感不錯，而從素扒和大啡菇的處理，也可看出店方的細心。素扒是一整塊夾在漢堡內，而大啡菇則是以切成數份的方式處理，不是整個放進去。這種處理方式，令到顧客在咀嚼時會較為方便。 這份漢堡餐，是一定足夠飽肚的。因為除了巨型漢堡外，還有一份「疑似雪糕」(WTSAPP群組的朋友看見相片，以為這是雪糕🤣) 的食物----薯蓉🥔。在漢堡包和薯仔的「夾擊」下，相信胃口較大的朋友應該也會覺得滿足的。 4️⃣小店的一大特色：任食任拎對，任食任拎，只要你有足夠金錢就可以😆 除了堂食外，素店也可以算是半間的「素食超市」，店內的產品也頗多元化👍：燕麥奶、各款醬料、即食麵🍜、零食、韓式泡菜、冷凍食品🧊、Happy cow雪糕🍦等等，絕對可能會令素友們大破慳囊的5️⃣餐後閒談小記 🅰️疫情下的素願 用餐後，和店員談起，她們也說在現時疫情下，由於要控制成本，不能預備太多的食材，營業時間也暫時至晚上6時。店方把餐單局限在十多款的「精選午餐」內，背後的想法，是希望能夠以一些「茶餐廳風味」的素食，吸引附近工作的人👩💼👨🔧👷♂️在午飯時段間中來吃一餐素，增加大眾接觸素食的機會。🅱️有一顆「讓素食走出店門」的善心 在言談間，其實也會感受到店方推廣素食的熱心💕。它們平日會有派飯活動，有時更會🏃♂️走到不同地方推廣素食，例如剛剛的端午節，店方便到了不同地方派送素糉，之前也舉辦過派福袋活動。這份熱誠是很值得欣賞的
繼續閱讀
有朋友茹素🥗十幾年，平日食飯🍽都比較少選擇，次次都要睇清楚餐廳有冇嘢啱食，咁啱見到屋企附近新開咗一間素食餐廳，中式西式嘢都有，全部嘢都啱佢食，所以就約佢一齊去試下啦👭🏻.餐廳嘅格局分為兩部份，一part係做堂食，一part係賣素食產品。呢個格局係想畀客人喺餐廳試完啲食材後，如果覺得幾好👍就可以即場購買🛒相當方便！.食物方面，茹素其實都分好多種，有啲人食得蛋同奶🥛有啲人就好嚴格，全素得嚟連素肉都唔食，因為覺得素肉嘅口感同味道都同食肉🥩太相似，係違背咗食素嘅原意。今次一齊食飯嘅素食朋友，佢嘅diet比較有彈性，蛋、奶、五辛類都食得🤗🤗.《鮮茄西西里意粉》$60呢個意粉嘅茄醬係西西里style，基本上佢成個醬就係一粒粒嘅新鮮蕃蓉🍅唔係平時食開嗰種用蕃膏蕃汁調教出嚟嗰種，朋友就覺得略淡，但我就覺得佢比一般嘅茄醬清新同有層次感。素肉用咗素魚扒，口感同真魚扒🐟好接近，用咗海苔嚟扮魚皮嘅部份，煎得幾香口，有少少嘅鹹香，剛好平衡返鮮茄醬嘅甜甜酸酸，幾開胃，好快成個食晒😋.《咖哩炒飯》$54 呢個炒飯極多蔬菜配料，有三色椒、芝麻、菠蘿、提子乾、西芹、生菜、椰菜、紅蘿蔔🥕同粟米筍，口感豐富。素肉就用咗素鴨胸，我之前未食過素鴨胸，所以都唔係好識分，食嘅時候以為係素火腿/素餐肉😅調味方面，咖哩味好勁，係星洲炒米嗰種味道。其實飯上面仲灑咗啲七味粉，但咖喱味太勁，蓋過咗七味粉嘅辣味，不過整體嚟講都非常惹味，而且炒得好乾身，食晒成個飯，見到個碟冇乜油，感覺健康👍.《凍果茶》午餐+$7 / 單點 $38果茶嘅茶底同我之前飲過嘅一款雜莓味嘅茶包好似，茶入面加左幾片蘋果同檸檬🍋跟餐加$7都抵飲，點都好過飲埋晒啲糖漿肥仔水啦！.《手沖咖啡》$48以前剩係鐘意飲嗰啲好甜、只有少量咖啡成份嘅飲品，唔係好受到齋啡☕️但其實齋啡先可以令人品嚐到咖啡豆最原始嘅香氣同味道。呢日飲嘅手沖咖啡用嘅係日曬哥倫比亞咖啡豆，磨成粉後聞到香濃嘅堅果香氣，飲落清爽順口，微酸唔苦澀，即使係我呢啲平時唔係好飲齋啡嘅人，都覺得幾易入口。.總括嚟講，呢間嘢幾多元化，茶記嘢同西餐都有得食，又有得買食材，食素嘅人不妨一試😉
繼續閱讀
呢排食滯咗有時都要食返清淡啲坊間鼓吹食素 對健康同對環境都有幫助到午市時段 菠蘿雞丁飯同白汁煙鴨胸意粉唔講唔知 佢哋嘅賣相同一般肉食冇分別煙鴨胸係用麵粉造成 但個質感可以媲美真煙鴨胸 又厚又大件真係難以置信 白汁同雜菇混合一體感覺好creamy 同一般白汁意粉無異加埋少少辣粉 感覺味道更濃烈另外菠蘿雞丁飯真係用料豐富！菠蘿、腰果、提子乾、青椒同素雞粒 加埋葡汁 賣相金黃色 非常吸引 而且即叫即炒 香味四溢 仲大大碟 點食都唔覺得厭 最後仲有杯嘢飲🧃蜜桃水果茶 冰極感覺 涼透心仲有一塊塊切片嘅蘋果同檸檬🍋 香甜可口 係解暑好選擇 店裏面仲有一啲冷藏素食可以購買 唔少食客都會買返去自己煮 相當方便
繼續閱讀
朋友早排轉咗食素，所以一得閒就會上網搜尋下邊度有值得一試嘅素菜館，最近又俾佢發掘到一間集超市與餐廳於一身嘅休閒素食店。店舖取名「吉祥草」，據知吉祥草係一種很常見的室內盆栽，葉色青翠，株形優美，是非常好的家庭裝飾花卉，有吉祥如意的寓意。友人話近年愈來愈多人選擇茹素，甚至把素食視為新生活態度，而心靈上的平和，正好就是吃素帶來的另類滿足。既然友人咁有心得，咁今餐就一於請佢代為發辦，點咗兩個午餐：時菜豉椒炒魚片配飯 ($58) 同 白汁鴨胸意粉 ($58)。碟炒魚片賣相好吸引，用料很豐富，除咗魚片，仲有百合、豆干、紅椒、木耳、西芹、紅蘿蔔、玉米筍等，色彩繽紛，非常悅目。第一次食呢款素魚片，口感好特別，爽滑得來又帶點彈牙，調味亦恰好。碟鴨胸意粉亦好有驚喜，鴨胸煎完再焗，咬下十分香口， 而且片片都切得好厚身。意粉煮得啱啱好，軟硬適中，內藏勁多菇菌，白汁唔會太 creamy，食落一啲都唔溜滯。食完嘆返杯清香嘅玫瑰花茶，真係好 relax，另外嗰杯係友人點的英式檸檬茶。聽店主講，餐牌上嘅食物不含五辛，而且大部分嘅材料都係選自自家超市的食材，所以如果食完覺得好味，都可以買材料返屋企自行烹調。
繼續閱讀