吉野家

營業中

休息中

同朋友入咗黎大圍剪頭髮，新年前席大排長龍，我哋由七點鐘等到八點九先搞掂晒😭喺天寒地凍又趕住返屋企既情況底下，我哋㨂咗去吉野家，打返個快速既邊爐❤️估唔到咁夜仲有咁人未食飯喎，都等咗一陣先有位。我哋都揀咗食新出既「相撲鍋」，鍋料豐富、有齊晒雞、牛比你，另外仲加埋幾款丸類，平時肉類只能雞、牛、豬 3 揀 1，好抵玩！每一次都會點日式濃湯，甜甜哋好正，最後落埋個烏東，完美！不過，佢烏東真係差咗好多好多，口感同以前嗰款唔同晒⋯以前係好彈牙，煮耐少少吸晒湯既味道最正！宜家⋯點煮佢都係咁⋯我見隔離枱既哥哥食剩晒個烏東⋯比返以前嗰款烏東我😭

下午茶時間路過大圍，想找地方坐坐吃點東西，看到吉野家下午茶，21蚊港幣，就看這價錢份上，就進去坐下來了叫了個細醬汁豚肉飯，人不多，稍等了一下就拿到餐坐下豚肉是平常火鍋吃的那種豬肉片，但醬汁煮得入味，豬肉口感也不會太老，質量比預期高，洋蔥醬汁和豚肉配搭，非常下飯，飯是典型日本珍珠米，也是吉野家最給我印象深刻的產品，如果只吃洋蔥汁豚肉，會給人覺得單調，沒大驚喜，但配上這珍珠米飯后，就完全是不一樣境界，每天吃感覺也不會膩，紅紅的那小片，酸酸的，有點像酸瓜，給這配搭多了一點點綴，21元港幣可以吃到這樣高質的飯，算是很抵食，而且還送一杯日本茶

之前都食過呢間嘅早餐，試過叫早餐C，雞扒兼烏冬都ok，所以頭先見隔離「樂記」排長龍，尐餐牌又就嚟除晒落嚟咁，就決定轉過嚟食返個類似嘅餐啦！我地叫咗一個早餐B(魚柳)，一個關東煮烏冬餐。。。塊魚柳好淡，炸皮硬，肉乾。。。講完。仲要貴過隔離「樂記」嘅魚柳餐添。。。不過咁，其實個關東煮同溫泉玉子係ok嘅，只係今次呢個全西式早餐，食到我中伏咁先俾喊喊嘅。仲有，想提一提收銀姨姨其實好nice有禮貌，有笑容，仲提我個魚柳餐係冇跟烏冬添。。。諗諗下，唔通係暗示我唔好叫呢個餐

記得有一段時間我曾經係冇收入，於是好多時都會等到吉野家下午茶時間，就去買個飯等到晚餐先食。到今日我有收入，依然都係喺佢下午茶時段做特價嘅時候買個飯返屋企做晚餐。因為下午茶真係好抵食，而且就算係下午茶餐嘅份量，當晚餐係相當足夠今日叫左一個溫泉蛋牛肉飯。首先講吓佢嘅包裝，一直都覺得佢哋嘅外賣盒係做得幾好，因為會將飯同埋有汁嘅牛肉分開；而溫泉蛋亦都係用一隻好細嘅紙杯裝住另上，呢方面係細心嘅，抵讚牛肉同飯嘅比例相當適中，唔會話食晒啲牛肉之後會剩低好多白飯冇餸食， 而溫泉蛋放左幾個鐘依然係有流心嘅效果＄28嘅下午茶餐食到呢個質素，真係值回票價。

這日天氣開始轉涼，老師提議下在此Dinner，食個日式火鍋。我們一人叫了一款鍋，別別是蟹棒鍋($66)和芝士竹輪鍋($53)，再SHARE食火煲足料，其中一個鍋選擇了粉絲，另一個就選了公仔麵，都幾爽滑。芝士竹輪鍋芝士丸夠大粒，好芝士味，幾好食蟹柳都幾彈牙可口肥牛不算特別，質素中規中距，份量應再多些性價比一流，而且整體都幾好食。

一起身就去左大圍吉野家食飯。最鍾意叫佢既溫泉蛋牛肉飯。之前食開普通牛肉飯，覺得好似都係爭少少野。依家先開始識食，就叫左溫泉蛋牛肉飯。原來加左溫泉蛋，個味道真係唔同。成個飯香左，而且好滑，真係好好味。係比較單調既牛肉飯添加少少趣味，加左溫泉蛋，牛肉飯真係無敵。好開心食到蛋黃果種香味。牛肉同蛋香混埋一齊，加埋少少飯，個味道係好簡單但好幸福。下次再黎食先！

由於星期六要番工所以就去食個早餐 補充下能量先吉野家既早餐都好唔錯$31就有飲品、奶茶、滑蛋、雞扒、多士同米粉雞扒同平時午餐既雞扒一樣，都幾好食多士烤得有少少脆，但麵包仲好鬆軟，唔會似食緊磚頭咁，好食最正係個滑蛋佢有d似玉子燒，而唔係好似茶餐廳個種散開既滑蛋外層已經煎到凝固左但入面個層係流心咁，仲係超嫩滑同juicy 我比較鐘意食依種，真係好驚喜！味道都唔錯，甜甜地配上勁滑既口感估唔到米粉都有驚喜，本身以為係普通味精湯底，但原來係昆布同柴魚湯底！第一啖食落去就食到昆布味，然後就發現勁多昆布同柴魚係底！米粉同昆布柴魚勁夾！第一次食依種crossover 好好食！不過我有點失策，係因為我揀左午餐肉配米粉，午餐肉太濃味搶走左昆布湯底既啖啖甜味，所以我決定食左個午餐肉先再慢慢享受米粉奶茶普普通通，同一般快餐店水準一樣

今晚老公放假同我去屋企附近食飯，結果我揀左吉野家食日式火鍋，由於星期日既關係，好多人排隊，好多人食火鍋……原本想試有帶子果款，但賣晒，叫左個“芝士車輪火鍋濃湯底”，唔洗三分鐘便有得攞，果個主打車輪得一粒咋，不過都幾好味，有香濃芝士味爆出來，湯底不夠濃，甜甜地，牛肉都不錯，唔會鞋口，粟米清甜，我加追加左個蟹柳因為湯不夠濃，每樣都點呢個芝麻醬來補救，好香芝麻味每人消費六十零蚊就食到火鍋都算抵食既

7點去到, 已經滿座左8-9成人, 大部份人都係食佢個一人一鍋, 但我就選擇食佢既飯~ 芝士蘑菇野菜牛肉飯 - 溶左既芝士醬舖滿個飯面, 仲落左D芝士粉, 蘑菇汁"杰"左少少, 無乜蘑菇, 野菜份量ok, 牛肉同飯都保持到水準, 但可能樣樣都heavy, 所以都幾漏...好彩我配左杯日本茶, 解一解~!

好耐冇食過吉野家. 咁岩經過又未食野, 諗住入去食個下午茶點知原來星期六係3 點先開始. 最終都係叫左個雞肉泡飯~對吉野家都冇乜特別要求, 話晒都係平靚正不過比起以前,感覺冇咁好食了.雞肉上既汁, 太咸, 真係咸到冇朋友~而且雞肉同蔬菜都係凍左.....唔知係咪天氣太凍.....泡飯熱熱的~ 不過都係咸左dd 飯好似發左好耐咁~ 不過食泡飯, 都預左係咁~菌類好味, 十分香. 成個餐最好味係佢地喇~!!!

成日都心血來潮好想食吉野家,好抵食今日一放學就衝左去坐車黎食,點解馬鞍山冇其實我鍾意食雞扒飯多過牛肉飯,不過牛肉飯都好好食,而且好平喱家15蚊炸不過發現間間吉野家都唔同價上次同家姐係旺角食果陣發現出左烏冬,今次終於黎左試個汁係芥末冷麵汁~其實我想試芝麻醬多D,因為之前人地話好食,而且我唔鍾意芥末味但係SINMAN話想食冷麵汁WO,咁咪叫冷麵汁,因為我地SHARE個樣唔錯,但係D烏冬未煮淋,而且唔凍,仲暖暖地同埋佢上面果D配料好似冇煮過個醬汁一般,唔夠味,倒完入去變左暖既湯麵雞扒同平時一樣,不過得半塊

今日經過大圍, 想食午餐, 見到吉野家, 諗起佢既牛肉飯, 一於入去試下~點左玉子牛肉井, 仲要特盛版, 貪牛肉多, 隻玉子蛋涼涼地, 食落幾好味, 39.5 一個午餐, 接受到. 牛肉真係幾多, 每塊都切得好薄, 味道十分不錯. 飯就好多, 食到我好飽, 唔知係咪珍珠米, 好好食. 我仲點左個湯飲, 少少咸, 有少少豆腐, 清清地, 都唔太重味.

下午茶時段的吉野家特別好生意..長長的人龍..之前有網友過細牛飯下午茶只是$15但這間賣的是$18..很久沒有吃吉野家的麵..其實一直很怕在快餐店吃即食麵因為一切貪快...曾經見網友post了一碗美x的公仔麵..完全是用滾水浸麵餅...點會好吃?如果有良心的...用淥的方法..但亦可能煮一大窩去分...於是麵條發脹, 淋pat pat...今次見很多學生哥點..照跟 $18牛肉分開上.麵很燙..(應該是滾水浸, 起碼不是麵餅亦不硬)份量幾多...偏幼身..是大光麵嗎? 吃不出..欠彈牙洒上芝麻...沒有麻油...偏咸..牛肉今天也偏咸...下次還是吃回烏冬...較健康...

吉野家這家日式快餐店相信大家都有去過,也大約知道它的食物味道如何在此我就不花太多唇舌描述了我想說的是像我這些喜歡吃便宜飯的人,晚餐三十多四十元多我來說還是太貴那麼要是過了下午茶餐的供應時間,又想吃得划算的話特盛牛肉飯(＄32.5)是你的不二選擇它的牛肉飯份量相等於兩個下午茶牛肉飯的份量~只是要提醒的是,份量真的好大,女孩子的話還是選擇其它小碗份量的餐吧

大半年沒來過吉野家，見電視廣告賣的和風細牛飯，只賣十九元，令我生起回味的意圖。早餐時份，也不需吃得那麼飽，見有早餐版的細牛飯，只雖十七元，加多兩元還可轉奶茶。細細的一碗飯，剛好支撐一個不需太大勞動的上午，略嫌乾了少少，不要緊，可向櫃檯拿取牛肉汁、薑片和紅椒片。但如給我拿主意，我還是會懷念那個隨意可夾的紅薑盒。醬汁香濃，加上料料圓大的飯身，略有秥性，起初以為是日本的珍珠米，但細想其成本一定不止這個價錢，後來才知在多處(包括我們祖國)也有類似的米種。配上混和洋蔥的機片刨牛肉，果如廣告所言的肉質細嫩。其奶茶不是上佳水平，但起碼喝得下口。雖然這集團出過多個食物品種，但最基本的牛肉飯才是我的「賣飛佛」。亦知道在日本，有一間名叫「松屋」的集團作為競爭對手，如果我今生沒機會去日本的話，它們會否打過江龍的主意?