吉野家 (粉嶺名都商場)

營業中

休息中

熱焫焫，喺屋企嘆冷氣打邊爐好過癮🔥！屋企人鍾意日式邊爐，尤其豬骨🐷湯底夠濃郁，我就無辣🌶️不歡。咁就一於試下吉野家嘅蕃茄湯底🤗，真正［日本邊 x 本地辣］！可以自己決定加幾多本地秘製辣醬🌶️🌶️入蕃茄湯底🍅，無論一個辣定係十個辣都可以自己話事😎！我覺得佢酸酸辣辣嘅湯底，好開胃😆！我仲會留返一半辣醬直接點餸料食，惹味加倍😋！我就幾鍾意呢個配搭，外面都有蕃茄湯底，但呢度蕃茄味濃，正！邊爐定食配埋優質穀飼肥牛🐮，經特別切片，點煮都唔韌。我鍾意佢每片都滿滿牛肉香味，打邊爐真係一流。仲有年糕福袋，索晒酸辣湯汁，煙煙韌韌，刺激味蕾又好有口感😋。芝士竹輪都好有驚喜，每啖都有滿滿芝士流出。嗌埋杯抹茶紅豆特飲🥤，紅豆好甜好味道，又有口感，同抹茶好夾，焫辣時飲一啖，解辣又解熱😌！成個邊爐套餐可以 fit 晒全家唔同人嘅口味，大滿足🤤，下次一定要再嗌！辣蕃茄湯底吉邊定食 $48起咋，4:30pm後有得嗌，堂食外賣都可以😉。

今朝返屋企肚仔餓當然要買個早餐🥣但係又諗唔到食咩見到附近有間吉野家就嗱嗱聲搞掂佢，發現佢而家做緊一個外賣自取嘅優惠$20 就有一個細牛肉飯，叫咗個細嘅牛肉飯同埋野菜油楊， 雖然味道冇太大驚喜但勝在夠平建議大家可以幫襯。

Chain Japanese fast food restaurant famous for its Beef Rice Bowls.EnvironmentA typical fast food restaurant layout. Counter at the front to place your order and rows of tables and seats inside with Yoshinoya themed colours and Japanese music playing in the background.ServiceYou won't get any special service here. The person taking your order and giving you your food is very robotic. Just there to do their job really...FoodA range of rice bowls available, curries and seasonal meals depending on

第一日出左咖哩濃湯就去左試果然無令我失望啲配料都好多下 但有幾條芝士腸型既丸麻麻地 同埋佢啲肥牛真係太多脂肪肥膏🤣🤣但$70整體黎講性價比都高大家有機會可以一試

本來連鎖店真係無咩好寫，但食完覺得好抵食，加上店員又好態度，上黎開飯讚一讚佢啦，唔使一面倒話連鎖店無好野。是咁的，公司十分忙，於是一眾同事齊齊OT，返九點收九點，做足十二個鐘。又攰又餓，就拉大隊去食宵夜，本來想去xx粥店，但差不多所有粥品都沽清，就轉戰吉野家。唔講唔知而加有宵夜餐，一碗細飯加一杯汽水都係$22，好平呀，好過夜媽媽仲返去煮啦。仲有另一款多隻溫泉蛋或甜品$25，睇下你鍾唔鍾意食囉。我就揀左$22就夠嘞，海苔粟米牛飯+16oz百氏。粟米脹卜卜幾甜，紫菜香口，牛肉半肥瘦甜甜地ok啦，飯都幾多夠飽的，美中不足係啲飯落得水多左有啲爛。汽水16oz飲唔哂，天氣凍唔係好想飲汽水，下次都係要綠茶。

呢間位於粉嶺名都嘅吉野家，好近火車站，行幾步就到超方便職員速度好快，雖然落單嗰下會好急咁催你講嘢，但你落完單真係好快5分鐘內就有嘢出，唔洗好似其他舖咁等10分鐘以上吉野家間間唔同質素，我覺得呢間唔錯之前推出過三重芝士牛肉/雞飯，好出色，可惜現已下架無得再買！

由於今日覺得好攰，好想早啲返屋企休息，所以我們喺粉嶺名都商場嘅「吉野家」買外賣自取返屋企食！我們買咗蒲燒鰻魚定食喺打開嚟食之前，我們仲好充滿著期待，點知一打開見到實物，就令到我們覺得超級失望呀！因呢條「所謂嘅鰻魚」好似起碼有十日或以上無食過嘢，嚴重營養不良咁，極之薄身，一啲都唔肥美厚身，食落一啲口感都無，真係非常差呀！至於野菜牛肉煎鷄雙拼飯嘅煎鷄同較早之前食嘅一樣，肉質極之「粗嚡」同又乾又硬，而牛肉嘅肉味都幾濃郁，但食落嘅感覺就比較油膩！

如果每晚收工，諗唔到食咩，吉野家不失為一個選擇，方便又快捷，總有一間係附近，水準一定唔會差得去邊，所以每次去買都好多人。平時食開牛肉飯，今次叫左日式咖哩牛雞雙併飯餐（$54）如果要多咖哩汁就要加多一蚊，如果唔加真係太少啦，因為同女女一齊食，可以叫佢多飯，咁就唔駛買多個餐食唔晒啦，咖哩有少少辣，牛肉份量都多，但雞就真係少，雞唔鞋，另叫左杯巨峰提子+白桃汽水加多（6蚊）好得意個杯，分開左兩隻味，每人飲一隻味。

經過吉野家見宣傳牌寫連續5個星期一都會有唔同嘅套餐做特價,而今日就喺細野菜牛肉飯餐,好耐無食過吉野家,咁抵一於去食啦野菜牛肉飯-牛肉嘅份量都幾多,洋蔥&牛肉都幾淋,好入味......牛肉汁嘅份量就少咗啲啦,但可以額外叫待應畀多一碗牛肉汁...牛肉汁真係好濃郁,好香野菜有紅羅白,西蘭花,耶菜花&豆角.....而麵鼓湯我就覺得鹹咗少少....另一個餐就加左$3轉飲凍新鮮檸檬茶,檸檬茶嘅茶味幾香,幾好飲

開工大吉，諗住放肆d﹐見到三重芝士煎雞飯餐$45﹐睇相都幾吸引，點知中伏!見到個飯時，我心裡想…good wor, 幫我走咗雞皮。拎到埋位，睇真d係有三種芝士形態…芝士漿、細細條狀芝士、芝士粉。我先夾起細細條狀芝士試下，係冰凍嘅，所以我趕緊將全部芝士撈飯，等佢溶化，撈好嘅賣相都唔錯，有晒拉絲架，睇到都流口水。去到食果下… 失望! 冇味架。相信大家都知道吉野家嘅雞係靠d醬汁才有味，而呢款三重芝士係冇平時雞飯果d醬汁，咁即係全靠芝士做靈魂，但d芝士竟然係…冇…味…架! 加上冇味又乾嘅雞…呢個飯真係敗筆之作。

今日經過粉嶺吉野家見到 新推出嘅磨菇牛肉飯 及 磨菇雞飯真係好抵食 因為 有個好入味嘅牛肉汁仲有個好好味嘅雞飯再配埋汽水都只係 廿幾蚊 兩個人食 啱啱好如果 堂食唔方便 太多人 仲可以選擇外賣返屋企慢慢歎

今晚我們去咗粉嶺名都商場嘅「吉野家」買外賣自取返屋企食！我們買咗三個牛肉煎鷄雙拼飯同東坡肉煎鷄雙拼飯嘅牛肉嘅肉質都幾鬆化，牛肉味亦好濃郁！東坡肉頂層嘅皮同脂肪都幾軟滑，肉質亦幾鬆軟，醬汁嘅味道相當惹味！至於煎鷄就係當中最差嘅一款，因鷄肉係白灼，唔係香煎㗎，而且灼到又乾又硬，肉質極之「粗嚡」，一啲都唔嫩滑，而照燒汁嘅味道亦相當鹹，真係令我們覺得超級失望呀！

本身我好鍾意打邊爐，之前見吉野家出左呢個海蜆蕃茄鍋已經心郁郁好想試，咁岩同朋友去完街而佢又好想去吉野家打邊爐，於是乎擇日不如撞日就去試下啦。7點幾去到已經好多人，坐滿晒，本身間舖都幾細，所以搵個位坐低都真係有D難度，好彩等左一陣就有位。我買左個海蜆蕃茄鍋配肥牛同烏冬，肥牛配芝麻醬不嬲都好好食，可惜肥牛質素麻麻地，而d蜆本身已經熟左，開晒口，不過d蜆無沙而蜆肉亦都幾肥，加埋其他配菜再食埋個烏冬其實好夠飽，番茄湯底就普普通通無咩特別啦，70蚊都唔駛正正常常簡簡單單就可以食飽飽已經好滿足，真心覺得去吉野家打邊爐係好過去大X樂打邊爐。

買晚餐外賣比家人，太遠要唸食物都幾難，吉野家外賣一向企理，我喜歡飯餸會分格，外賣盒又入得微波爐，所以收工就去公司附近買！因為唔想攞飲品唔方便，只係單點！唔要套餐！去到好多人，不過櫃臺店員好快手，落單執入袋好快攪掂！野菜牛肉飯（大）（$38）薄牛肉肥瘦相間，夠薄所以唔韌，牛肉汁入味唔乾！珍珠米飯鬆軟！洋蔥條爽口好味！野菜種類多，爽口好味！溫泉玉子牛丼（大）（$44）喜歡溫蛋另上（紙杯仔）唔會打咗落飯度索晒啲水份！薄牛肉肥瘦相間，夠薄所以唔韌，牛肉汁入味唔乾！珍珠米飯鬆軟！洋蔥條爽口好味！溫泉蛋嫩滑，蛋味濃一番巨丼（$53）飯量好大份！薄牛肉肥瘦相間，夠薄所以唔韌，牛肉汁入味唔乾！珍珠米飯鬆軟！洋蔥條爽口好味！溫泉蛋嫩滑，蛋味濃食物返到家仲暖，唔使加熱！店員勁爽手，快速包裝！簡單方便抵食晚餐

掃墓天⋯下雨天⋯吾怪得話清明時節雨紛紛喇。做嘜拜山先嚟雨，又做嘜吾改期呢晨早去到粉嶺站，又落雨，去食個 breakfast 先。岩岩行入商塲就見到吉野家。都好喎，未食過佢地D早餐。買左牛肉烏冬餐試下先掛念嘅肥牛呀仲有獅子丸 Tim份量剛好for 早餐烏冬有咬口 味道一流盛惠 $26 不錯的早餐選擇