同人燒 (已結業)

本身自己一直都好想試下串燒放題, 咁岩係團購見到呢間鋪, 又唔貴, 所以就買左黎同朋友慶祝生日既時候食。一上到去, 客人唔多, 所以唔駛等位就可以開始。呢度既食物種類好多, 而且仲可以自己燒, 幾好玩。d店員都好nice好有禮貌, 見到我地有d論盡, 過黎問我地駛唔駛幫手而食物味道方面, d野食都算新鮮, 味道唔錯, 有部分食物偏淡, 但佢有好多唔同既醬俾你自己加。魷魚軟骨好正後來個店員講開先知, 原來佢地開左一個月左右咋, 可能無咩人知道, 所以成晚都唔多人黎食。但整體黎講真係好唔錯, 會再幫襯!

The only common is no next time to go there...the foods there was out of fresh and too salty. The quality was over imaged.

韓燒，網燒，鐵板燒，好多燒都試過今日就去試下串燒放題先每個座位前都一座電爐, 一半包左鍚紙，一半無包，但其實2邊都可以燒架~ 全部食物都串上，好似新年街頭擺檔個D咁仲有孜然粉等等的調味~一坐低，姐姐已經拎左幾串野黎俾我地燒住黎點餸，因為係限時，驚我地食少左會蝕底喎~XD仲有一杯雞汁，可以一路燒一路搽，等D 食物無咁乾之餘又有D味道。除左雞汁，呢度仲有好多款自家製的特色"混醬"，款式多到呢~話明串燒，全部都係一串串上有肉，有丸，最特別係竟然有成條韮菜上~叫左五款混醬，味道都較清淡，無想像中咁濃味尤其檸檬蜜糖，酸酸甜甜，配合燒過的肉食，好滋味亦都全靠呢D醬汁令到平時食開既食物都有唔同既感覺。除左平時食開既丸外，呢度既肉都醃製得幾好~大大舊白色既，竟然係牛舌。真係估佢唔到雖然咁大舊，但一D都唔韌，仲幾爽口羊扒都出乎意料之外的有水準，味道唔太重，但仍食到羊的味道~另一個好鐘意食既就係呢個台灣腸，細細條，燒完後有D肉汁係入面，係出面比較少食的我ORDER 左3 ROUNDS另一個好得意既就係迷你BURGER, 將肉同包底，面都分別燒下再合體漢堡的肉唔係死肉，幾JUICY, 本黎打算放棄個包底，好

生日聚會最好就係食放題，咩都有得食又可以任叫，是晚揀左黎同人燒，二百幾蚊人頭任飲任燒，一於試一試佢。同人燒用的是這種長方形燒爐，比起日式或韓式燒爐較難燒，空間不大，食物也易燶，真係要小心睇火。醬料勁多選擇，每樣都要齊整個大混醬先。飲品只有汽水類，但可要求要水的。爐邊有牛油同湯，牛油防黏爐，湯則用黎加速食物熟度！？雖然兩樣都無乜用到……入坐仲會送木耳一客，好酸的陳醋吖！感覺同燒烤無乜關係？！作為開胃菜確實夠酸。按人頭計可以一蚊加一件海鮮，要了扇貝，聖子同鰻魚，幾鮮甜喎，鰻魚只有一小片，比較唔抵囉。青口可無限點，不算肥美，但收貨了。蕃薯仔encore了數次，好甜勁正。鮑魚仔十蚊一隻，咁抵食一人整返隻試下，有燒汁或蒜容味揀，兩樣都正，鮑魚彈牙爽口又鮮甜，非常好味！！煙肉蕃茄卷，鯖魚，冬菇，台灣香腸，午餐肉，羊肉串，燒賣，無特別但又唔差。牛舌，牛油粟米，迷你漢堡，多春魚，芝士金菇，豬頸肉，牛油粟勁甜，芝士金菇正，迷你漢堡好睇但唔係幾好食，太乾了。蜜糖蕃茄，海蝦，茄子，雞翼，薯蛋，龍蝦丸，茄子加左蒜容燒起上黎真係勁香口，薯蛋原來咁燒咁好味喎。雞翼睇起黎好似熟左咁，但入而未㗎，都係要慢慢燒。牛丸，

開業無耐嘅同人燒服務同質素都唔錯！店內最讚的是食物都崇尚自然味道，不添加太多作調味一，因此吃上來的味道也是最自然的。多款食品飲品任點任食餐廳新開關係，每人可用$1點選一份特價海鮮！ 另外還可以優惠價點選海鮮，我選了巨型魷魚（$25）和鮮味鮑魚（$10/隻）。 十多款醬汁任勻選擇，包括燒烤醬、日本燒汁、新加坡醬、蜜椒汁、秘製辣醬、沙嗲醬、蒜蓉、韓式辣醬等等，我們都點了，不同食物配上不同醬汁，感受不一樣的風味！ 食物方面，以自家製薯片最為突出，輕輕燒一下，兩邊燒至金黃色，再待一會兒就可吃到香脆且薯味香濃的薯片了。其他食物也不錯的！ 最後還可一人點選一款甜品！ 兩個半鐘任你燒，食到飽飽先埋單！

燒烤食物雖然香口美味，但大熱天時要在戶外對著火爐燒烤卻絕不是一件樂事，幸好近年多了這種室內的串燒店，可以三五知己在室內嘆冷氣，圍爐慢慢邊燒邊吃邊聊。＊＊＊＊＊＊＊＊＊＊＊＊＊＊＊＊＊＊＊＊＊＊＊＊同人燒雖然地址標示在尖沙咀山林道，實際入口卻是松山道，距離佐敦港鐵站亦近一點。食店入口在地下，但座位都在二樓。店內空間都算大，能容納約一百位食客，裝潢簡單，但勝在不會坐得很擠迫。每張枱上都放有一個烤爐，爐面有一半用鍚紙覆蓋，相信是用來燒一些比較容易燒焦的食物，爐下面有一個抽屜，侍應會不時打開查看入面還剩多少水，太少水的話就會加水，以免燒乾。個人覺得這裡其中一個賣點可算這裡的醬料，因為單是調味料也有十款之多，而除了點菜紙外，桌上還有另一張紙用來勾選所需的調味料，我們就選了韓式辣醬、檸檬蜜糖、沙嗲醬和新加坡醬。另外，還有這個上湯，可在燒烤時為食物補充水份，不怕越燒越乾。除了一般汽水外，這裡還有多款果汁和韓國飲料提供，都頗有心思。食物主要分小食、豬牛羊雞海鮮和主食，選擇雖然不算特別多，但一般大路的燒烤食物也有。手打迷你漢堡漢堡上桌時是冷的，所以最好放在爐上烘暖，不過個人覺得由於漢堡比較高身，其實不太

朋友月尾生日，因為佢下星期要出 trip，所以今日就同佢提早慶祝， 朋友想食放題， 但又唔想打邊爐或日本野，見佐敦開左間新既串燒放題，就打算帶佢黎試下。 呢到既串燒放題價錢係$238，可以食足2.5 小時，包飲包食都算幾抵食。呢到既醬汁係自家製架，選擇雖然好多，但係我依然喜歡原汁原味多D，不過我都有試個檸檬蜜糖汁，味道相當香甜清新，檸檬同蜜糖兩種味道都相當夾，唔錯。平時出去BBQ都間唔中有燒下薯片，但係薯仔切片再拎去燒又真係第一次，不過因為本人功力有限，一係燒得唔夠火喉一係燒到燶晒，有點兒失望。雞翼:雞翼係用叉燒醬醃既，都算幾入味，自己加左少少蜜糖之口食落好香甜，令人食得津津有味。可能因為難熟既關係，餐廳係廚房整到半熟先至拎黎俾客人，咁客人就唔洗得咁耐先有得食啦，有好有唔好啦，有D客人鍾意自己由生燒到熟架嗎。雞肉串:雞肉串咬落好多肉汁，食落好有口感，啖啖肉，值得一讚。青口:青口味道OK，都幾大隻，但係如果可以加少少蒜茸就會更加好啦。娃娃菜: 烤過既娃娃菜味道依然清甜爽口，加埋佢地既自家製既汁都幾好味。燒粟米: 味道鮮甜多汁，唔錯。牛油粟米: 細細兜好可愛，可過建議店方牛油分開上，咁唔多

今晚一早計劃了到尖東海旁那邊捉「水系」小精靈，反正家人不想煮飯，便帶同他們一起到尖沙咀山林道這邊吃串燒放題，然後一同「孵著蛋」行去海旁。同人燒位於尖沙咀山林道，但其實在佐敦D出口出發前往三數分鐘便能抵達，雖然位於尖沙咀這黃金地帶，但山林道的人流比明較稀少，可是這餐廳在三個「pokestop」中間，而且大灑櫻花，吸引了我這個小精靈訓練員過來。同人燒是新開業的餐廳，在這旺中帶靜的地段想突圍而出確是殊不簡單，這晚除了我們只有另外的六、七枱客。任飲系列有獅威啤酒、森堡啤酒、樂天忌廉溝鮮奶、烏龍茶、雪梨水等等......在香港地吃這些串燒動軋也要$30-$40元一串，價值的確不菲，任食串燒當然很容易便值門票價，以市價計算，這裡隨便一碟在普通日式串燒店吃也要數百元吧。這裡加$98元即可享任食精選海鮮 (我看到別桌有生蠔、龍蝦等)、燒鰻魚、特大虎蝦等等，　　我們並沒有加錢，吃基本的便可-0- 雖說基本，但食物選擇有特級厚切牛脷、牛柳粒、豬頸肉、叉燒、羊肉串、雞肉串、雞腎、肥牛金菇、煙肉車厘茄、燒鯖魚、燒秋刀魚、各式燒蔬菜菇類等等……燒牛柳粒串肉味香濃到位，可是光吃肉的確感到有點膩，這還串著紅蔥片，實

尖沙咀的同人燒，開左個多月，主打港式串燒，可以自已動手燒，幾過癮！今晚同男朋友行完街去試下。七點半後入座係最貴的$238，無計因為行完街的時間差不多。坐下有店員講解點燒，而且欣賞小店有不同的醬汁，適合不同的人個人認為燒汁最好，甜甜地掃上蔬菜類食一流！落手點單，十分方便。不過選擇不算十分多，肉類，丸類，菜類，加$98仲有精選食物還有海鮮。當晚有$68一隻龍蝦，都算幾抵。後面枱客人有點，聞上去也幾香！招牌的串燒系列有著台灣腸，雞皮，雞肉串，蔥！加上香粉，有如尋回街頭小食的味道！燒牛肉串，牛肉沒有過度老筋，肉淋有汁！驚喜燒蠔也算是驚喜食品！蒜汁能入到肉里，蠔里的蒜汁甚香濃，加上些少香味粉，令燒蠔吃時錦上添花！芝士金茹，燒烤後的芝士溶在金菇內，感覺像在吃芝士麵條再有點爽口！配合得很適當！大啡菇真材實料，入面加上了芝士和煙肉，什有口感，熱辣辣，菇又多汁，味道正到暈！菇痴不能錯過啊！蟶子好新鮮，啖啖肉啊！愛吃蛋的老友記有福了，再來就是鵪春蛋！烤熟後點小小鹽，放進口里就是這頓晚餐中好的正餐結尾^_^正餐後，當然小不了飯後甜點，以朱古力棉花糖作結，烘一烘溶溶地，好有風味，烤熱的疏打餅，溶化的朱古力和棉

山林道靜中帶旺，最愛去搵好西食!最近係Open rice 見到山林道新開左間叫同人燒，於是就同班好姐妹好食，任食串燒放題，岩哂飯聚吹水!地方夠大夠寛，抽煙系統做得唔錯，食完成餐飯都唔會成身嗅味!入座之後店員會奉上食物，可以一邊食一邊慢慢揀有咩岩食，非常有效地運用時間!食串燒又點少得醬汁，醬汁有成十幾款，中意點混醬就點混醬各款既肉類串燒質素都唔錯，燒完都唔靱!最愛煙肉車厘茄，煙肉燒完更香口，車厘茄一咬就爆哂汁，非常JUICY!牛油粟米係必食!!!粟米去哂芯，食起上黎非常方便!!!加上有大大舊既牛油，燒溶之後成兜粟米非常香牛油味!芝士金菇係另一個必食之選~打開錫紙，滿滿都係芝士，仲要出現芝士拉絲既效果，單係賣相已經令人胃口大增!魷魚非常新鮮，燒完都唔會靱，鮮甜有嚼口，唔加醬汁都好好味!青口唔算細隻，燒完好Juicy，食落都唔會有沙，夠哂新鮮乾淨燒薯片你又試過未?!非常中意宜個燒薯片，又好玩又好食，想要幾燶幾香脆由我話事!

山林道食肆林立，今日行經同人燒，俾呢度$1一隻海鮮嘅優惠吸引住，而且見環境幾大，所以同朋友一同去燒下野食。一蚊一隻嘅有鮑魚同埋扇貝，我地當然唔會錯過呢個品嚐機會。兩者雖然價格好平，但係質素一流，新鮮而彈牙，賣一蚊一隻係非常抵食!而其他串燒肉食亦都甚有水準，香蔥雞肉及燒牛柳我兩款最愛嘅肉食，呢度都品嚐到。牛柳香嫩，雞肉軟滑, 點上特制醬汁，甚具滋味。而雞翼亦都係我嘅至愛，將雞翼放上爐上燒，唔駛好耐，亦可幻化成吸引嘅金黃香脆表面，內裡肉汁豐富，多食幾隻亦唔過份。金沙骨亦都好啱我愛肉之人，肉質帶有爽勁、燒至微烤嘅感覺品嚐就最正!海鮮方面就挑戰左青口、鰻魚。青口份量唔細，無需任何調味亦食得出鮮味；而鰻魚厚肉、質感嫩滑，絕對係誠意之作。

人頭俾238 蚊既串燒放題用一個長方形既爐黎燒烤, 下面倒水加熱, 通風系統做得唔錯飲品方面好多汽水都有得任點, 而獅威同森寶啤任飲全部食物都係大慨7, 8 成熟, 再俾食客喺爐上面燒而食物基本上冇乜醃過, 但燒緊既時候可以點七味粉同鹽, 而可以點有十多種醬料點, 好似蜜糠, 泰式辣醬, 韓國辣醬, 等等.食物種類多, 有蝦, 青口, 翠肉瓜, 秋癸, 各種肉類等, 蝦同青口幾新鮮, 若想食多D其它海鮮好似蠔, 扇貝, 鮑魚等, 可以加98蚊任食, 我同朋友冇加, 但食物種類多都夠食, 全部野食都算新鮮, 肉類方面雞翼, 同牛舌 特別好食另外加左68 蚊點左隻龍蝦 都幾新鮮, 落左蒜蓉黎燒都幾好食, 整體唔錯

前一天打來book位，因為自己燒額滿，所以book了廚房燒。本來覺得廚房燒應該會比較好、比較快，又冇油煙，但吃完就覺得好似自己燒好d(?)而少唔好食都有得玩下。但比$238玩bbq又好似唔係好抵喎🤔七點半入座，人唔多，廚房燒既得兩台，感覺中伏。限時2.5鐘，即刻叫野食。出菜都唔算快，飲料都係慢，叫完成10分鐘先黎，罐裝飲料咋喎🙄點哂九款醬汁，出乎意料既怪味...都係落鹽最好😬串燒選擇還可以，豬牛雞羊蔬菜類都有，海鮮加人頭費$98可追加。其中覺得比較好食或者係似串燒感覺既係豬肋骨、秋葵、台灣腸。味道真係冇乜特別，好多都係冇調味，而有調味既都係偏甜，應該係掃過下蜜糖？重點係！唔似串燒！冇乜火候，仲要唔熱，頂多係暖...應該係預先燒好/整熟，出菜前再輕輕燒過下，所以食唔出串燒既風味好失望。友人一致有感。韓燒/放題仲抵食過佢。還有出現漏單情況，不是一張兩張，而是三、四次，從來沒來齊過，但見佢地好似好忙呢行黎行去，都冇咩點催佢地啦。整體覺得廚房出既串燒好馬虎，食物味道也不好，醬汁奇怪，服務一般。10點交台，9點10分就同我地講要last order, 也太早了吧...

很開心今次與好友去到「同人燒 Together Yakitori」日式串燒餐廳一同感受串燒風味 ~充滿簡約格調，佈置有日系感覺，環境乾淨、整潔、明亮，而全層擺放多張串燒枱及坐位，空間感非常足夠，坐在這裡完全沒有壓迫感，胃口大開啦！這裡是串燒放題，在優惠期內，只不過是HK$218起 (原價$298) 可享用2.5小時串燒DIY任燒任飲，而每位 + $98 特選海鮮任食(原價$168)的特選海鮮包括 : 越南大虎蝦、美國蠔、扇貝、愛爾蘭蟶子、加拿大翡翠螺，超過80款美食、啤酒，任君選擇，好吸引！先來的是餐前小吃，有已調味清爽的雲耳及惹味蒜蓉多士，飲品類有十多款選擇，而我們卻異口同聲都選了餐廳自製雪梨茶，清甜滋潤而不膩 ; 還有很驚喜的是用新鮮薯仔逐片削出來的製成品薯片，將薯片烤過後，香脆和帶著鮮薯味的感覺，越吃越想吃，實在太美味啦！桌上放了綠油油的生菜，用來包著肉類進食。這𥚃有多款食物飲品選擇，樣樣都好吸引！這裡還有多種自家製醬汁任君選擇，而我們挑選了檸檬蜜糖和蒜蓉，令味道更有層次感！我們每人都加 $98 享用特選海鮮任食，有大大隻越南虎蝦，啖啖肉，味道鮮甜，然後點選了扇貝及愛爾蘭蟶子，兩

尖沙咀山林道又有新店開張，店名-同人燒，聞說主打串燒放題，特意相約三名友人前往一試。咱們8:00pm 才進場，盛惠HK238。餐廳設在2樓，地方十分寬敞，光猛舒適，粗畧點算了一下，可容下不少於100名名食客。入座後才知道該放題店的串燒並非由廚房製作，而是需要自己動手燒烤。光是基本的HK$238 任食任飲套餐，已有不少選擇，食物有以有62項選擇，飲品則有12款，但當看到只需要加HK$99 便可以無限添食愛爾蘭大蟶子、扇貝、越南虎蝦及鰻魚等水產，又怎會錯過？馬上決定追加特選海鮮任食。除點餐紙的食物可供選擇外，餐廳還有特選推介可供選擇，餐廳每天從街市精挑海鮮蔬菜，作為當天精選，基本任飲任食套餐包含，無須額外收費。甫坐下，小弟便點了一杯他們自家製的雪梨茶，不甜，但雪梨味十足，味道跟母親在家裏泡製的幾乎一致，下火一流。店員在我們下單前清楚地向我們解釋燒時的每項細節，如火力不要調到最大，燒時緊記以雞湯不斷的塗上烤肉上補濕，肉汁便不會嚴重流失等等。醬汁亦有多項選擇，我們挑了其中的蜜椒及星架坡醬汁，而白色那碗則是日式QP 醬汁。頭輪我們以燒肉類及蔬菜為主，某些食物好像牛舌因為厚，燒的時間長，店家為了食