同撈同煲

營業中

休息中

一行七人，坐在卡位有少少迫。嗌咗兩個湯底share。一個係沙嗲牛，另一個係醉雞湯底。沙嗲牛係比較濃味，店員提醒要不時都要搞吓佢。醉雞湯底包埋半邊雞，開始時酒味比較濃味，放咗半邊雞後，湯變得鮮甜，啱啱煮熟嘅雞都好滑。鵝腸爽脆、百葉豆腐（唔推薦）、鯇魚新鮮肥牛、響鈴係即炸👍、shake shake魚皮、蝦多士👍牛柏葉、珊瑚蚌、蝦滑、墨魚滑、涼拌魚皮👍👍食物都不錯，兩個湯底都好濃。比較推薦醉雞湯底。餐廳裝修很懷舊，很有特色。

是日，點了章紅魚刺身、餐廳話係活魚劏的，不過，食完兩小時後，我跟朋友都有肚痾跡象，其他食物，都係打火鍋配料，淥得好熟先食、尤其是我朋友，佢淥肥牛都可以好耐，點知，仲要係佢肚痾先、我遲佢半個鐘，咁最大可能，就係刺身方面問題，怪不得，餐廳係咁 sale 人食，唉 …… 😒湯底叫了花雕醉雞鍋，雞冇乜花雕味、味道普通，湯底、醬料、飲料幾貴，喺哩啲方面收貴張單，服務，成日走嚟收嘢、又未到時間收工，真係好煩 …… 😪

同男朋友兩個人去食，唔小心叫得太多，因為佢每次上嚟嘅份量都唔少，而且擺盤都幾靚，更加吸引我叫多左，另外食物質素都好好，牛肉正，另外蝦滑同老友鬼鬼（油炸鬼）都好味！建議可以一大班friend去食，咁就可以叫更多配料！

評分🩷 食物：⭐️⭐️⭐️⭐️⭐️環境：⭐️⭐️⭐️⭐️價錢：⭐️⭐️⭐️⭐️服務：⭐️⭐️⭐️⭐️餐廳內部以7、80年代風格為主題，好有老香港既味道，不過可能當日客人唔多，開好少冷氣所以覺得有D焗同熱。食物質素方面都好滿意，值得一讚既係店員都幾貼心，會係客人面前再洗一洗D餐具。而價錢方面，除左牛肉、海鮮等食物外，大部分都有75折優惠，折後每位大約3xx左右•美食Gogogooo🥘💡 火焰醉雞煲半隻 店員會係雞煲上枱之後倒入一杯酒再點火，係酒既加持之下雞煲即刻變得非常香。而雞煲亦都唔係虛有其表，雞既肉質鮮嫩，雞煲汁既味道亦濃淡適中💡 特級手切牛肉 雖然依到既牛肉唔算特別平，但每片牛肉都有一定既厚度，食落都好有口感💡 即炸響鈴 一上枱店員會建議淋D甜酸汁直接食。當響鈴既酥脆加上甜酸醬既味道，好有衝動想Encore😋 建議留一部分等打邊爐果時再食，點湯一樣咁好味💡 爆醬瀨尿牛丸 雖然依款唔會一咬就爆曬汁，但裏面由蝦製成既餡料確實幾有驚喜💡 油麥菜 望落都新鮮，食落都幾清甜

#邊爐愛好者請關注位於銅鑼灣既港式懷舊火鍋店，佈置，裝潢都好有舊香港既感覺❤️同美人一齊食緊係叫"冬甫美人鍋"🤭材料十足🤩半隻雞，冬瓜，花膠，蟲草花，紅棗等等🥰店員建議我地先飲湯之後先食火鍋，湯頭超清甜！好喜歡❤️🥰特級盛牛併盤封門柳，安格斯牛肉，一口雪花牛柳粒，牛舌，一次滿足牛牛愛好者❤️我鐘意食封門柳多d ,牛味重d 無咁油膩，安格斯油脂比較重，鐘意軟滑既朋友唔好錯過呀～田園併盤又是選擇困難者必選😆新鮮既蕃茄，粟米，油麥菜，生菜，娃娃菜配合美人湯一齊食更甜更清新。龍鳳大檸樂應該係我三隻手咁大😂店員仲好細心問我地要唔要轉zero,啱哂怕肥既女仔🙈甜品係免費的我真係食哂成條糖不甩魚！！！！超好味😆店員先將魚形既糖示甩放入湯到煮，煮熟後加左超多糖不甩餡料😍好軟滑，唔太甜，食完覺得好完滿😆❤️仲有杯細個最愛既遮仔黑加輪子味既淡奶啫喱😆係童年既味道同回憶😭

之前試過去呢度慶祝生日🎂，今次再同朋友老公去食團年飯，設施超級復古，玩味十足！餐廳所有裝飾，碗碟都好懷舊，好似穿越左時空🚀，番左去五六十年代咁都係點番冬甫美人鍋🍲，有半隻雞🐥，湯底一滾就可以先飲頭啖湯，入口十分鮮味，湯入面有花膠，桃膠，大蔥，黃芽白，紅棗，杞子，蟲草花等材料食材相當講究，用料新鮮，門前更設有海鮮水缸，郁多款時令海鮮🦑🦐🦞🦀選擇，更有不少海鮮套餐供應，選擇多樣化象拔蚌刺身我哋有四個人，所以要左條細嘅象拔蚌，點豉油食，非常之鮮味，四個人嘅份量剛剛好手切牛肉🐮 師傅將牛肉起雙飛，刀功了得，肉味鮮甜，非常軟淋。 🍲四寶餃分別有韭菜餃/鳳城水餃/鮮蝦雲吞/養顏美人餃😙 特別要介紹返養顏美人餃係由椰菜同桃膠整成😚真係好滋補😌 而且4款餃都好足料🔥 墨魚🦑滑釀油炸鬼視覺上已經好滿足！食落口唔單止爽口彈牙，味道非常濃郁，但係又唔會蓋過墨魚嘅味道，兩者配合得好好👍🏻 雙蚌、鱔片海鮮夠哂新鮮，淥完都唔會黐牙最後仲送左練奶啫喱⛱️同年年有魚，魚嘅年糕好特別，可以放入打邊爐嗰度加熱，變糖不甩，夠晒應節🧧職員態度依舊有禮親切💖💖

超級懷舊嘅裝修勁有特色🤣⭐️ 安格斯牛肉 (大) ($278)性價比大大份嘅安格斯幾高質，肉質肥瘦均勻，鮮嫩多汁，配上自己調配嘅醬汁，正😝 不過建議三個人以上先好叫大份⭐️ 花雕醉雞鍋 ($188) 🥘湯底都幾多選擇嘅，呢款湯底非常濃厚，裡面大份鮮嫩雞肉，咬落好滑嫩，亦重花雕酒味，好香滑👍🏻⭐️ 古法有骨炸魚皮 ($78)食過有骨魚皮就返唔到轉頭㗎啦，口感層次都完勝普通炸魚皮⭐️ 田園拼盤 ($78)⭐️ 老友鬼鬼 ($68)黑松露墨魚滑釀油炸鬼，好有特色✌🏻⭐️ 龍鳳大檸樂 ($48)⭐️ 大檸茶 ($48) ⭐️ 香濃芝士豆腐 ($38)⭐️ 醬料及茶芥 ($36)⭐️ 啫喱及糖不甩 （Free) 錦鯉魚造型嘅糯米好可愛，即放落鍋淥，上水超軟腍腍🤣

之前食過這間另一間分店, 剛好朋友慶生想食火鍋, 見附近都有這店, 便提議這間。這次叫了個美人鍋, 裡邊的雞很鮮, 湯一熱就可以喝, 三個女的自然都喝不少, 吃完雞要再加湯才可以繼續打邊爐哈。今次點多了不同的菜, 有鴨血, 墨魚滑跟蝦滑, 黑松露餃及在做活動的海鮮拼盤, 另外點了西冷牛肉。西冷牛肉仍是牛味香, 肥瘦適中, 很多熟同時很香口。海鮮則很新鮮彈牙, 完全是好味道!然後其他的食物都有一定質素, 不怕伏哈哈不然都不會再來吃~大大杯飲料, 打邊爐嘆著一流!最重要是最後邊的甜品, 糖不甩, 正! 每次都覺好棒又超懷舊! 畢竟現在不易買到嘛!

寒流又襲港，又係時候打邊爐！上次食完屋邨平價火鍋，🥘今次食間主打老香港情懷嘅打卡火鍋店。雖然定價比較高，但用類同湯底自然高級啲，唔止有日本飛驒牛，仲有龍蝦、鮑魚等海鮮拼盤，店入面仲有魚缸，即撈即劏，夠晒生猛！而且最尾仲會送錦鯉年糕糖不甩同埋遮仔啫喱，有得食又有得玩！👍🏻除咗用料，🪑餐廳裝修都好有心思，從門面「同撈同煲」嘅霓虹燈牌，到格紋地磚、綠色窗框🪟，仲有復古海報、雞公碗同戰鬥碗，連播嘅歌都充滿老香港情懷🪞，就好似置身60-70年代嘅香港一樣，處處打卡位！🖼️🍲花雕醉雞美人鍋 $188湯底散發陣陣嘅花雕香，煮咗一陣店員再加入雞件，大約有半隻雞左右，每件都幾多肉，而且幾滑。🐮日本飛驒牛 $338飛驒牛油花均勻，厚薄適中，入口慢慢溶化，亦不失口感，淡淡脂香喺好入面，幸福感滿滿！🥓牛胸爽 $88牛胸爽十分有彈性，薄薄一片，真係好爽口！🥟四寳餃 $118一份有8隻，韮菜餃、鮮蝦雲吞、鳳城水餃、養顏美人餃每款兩隻，隻隻都大大隻，都幾多餡。當中養顏美人餃有椰菜同桃膠，自帶爆汁效果，滑嘟嘟咁幾得意！🧆鴛鴦滑 $108鴛鴦滑可以揀兩款，今次揀咗蟹籽蝦滑同黑松露墨魚滑，兩款都好實淨足料，食落好彈牙！☂️啫

這間火鍋店之前在另一間吃過, 覺得不錯, 剛好幫朋友搬完屋, 附近食飯, 見到所以又來吃火鍋~畢竟冬天嘛!這次叫了個美人湯底, 裡邊雞不少, 又有虫草花等配光, 所以鍋剛煮好最適合什麼? 喝湯!我跟朋友都喝了2碗才開始吃雞, 及之後下火鍋料~這邊可以選的火鍋料一樣多, 今次點了松露餃, 鴨血, 2款不同的滑及栗米等蔬菜。因為湯底足, 湯好喝, 所以下其他配菜吃都是很有鮮甜感。真心不曾。最最最值得期待就是火鍋後的甜品, 一定要留胃吃哈。最最值期待一定是飯後甜品!懷舊的港風jelly 跟糖不甩!原來是好漂亮的2條魚之後入我們肚了!

今日同同事收工去左食打邊爐，早兩日介紹了客戶介紹這間打邊爐位置方便及好味，而且上菜速度一流。火鍋湯底有多款選擇，大路啲嘅有麻辣、沙爹等，特別啲有醉雞湯底，雞肉口感嫩滑豐腴，份量十足。湯底的酒香恰到好處，絕不過於濃重，一開始可以先飲雞湯，之後再加湯打邊爐。這裡座位都多，岩哂約會聚餐。.//涼拌麻辣魚皮小食麻辣魚皮好食，掙啲未打邊爐都食到飽晒~.//黑松露墨魚滑和蝦滑手打墨魚滑，食落黑松露味夠，入口都夠爽彈。蝦滑比出面嘅幾爽口，而且都食到啲蝦肉.//特別一提店員會將鯉魚造型糖不甩放入火鍋，撈起後再沾滿花生糖碎，作為打邊爐黎講係好得意。依個價錢會再encore! 多款美食選擇，質素唔錯！服務都幾好，幾有禮貌

店內除左播住懷舊歌之外，周圍都放滿復古擺設，好特別，氛圍感即時拉滿。一坐低，店員幫手清潔完餐具就會拎一大盤調味料俾你自由選擇👍▫️花雕醉美人鍋🐥有好多款湯底選擇，今次揀左醉雞湯底，新鮮雞件係另外用瓦煲仔上，唔會浸住湯咁上，可以湯滾即落，足足有成半隻雞，好抵！濃濃嘅花雕酒，岩曬冬天暖身驅寒，雞肉淥6分鐘岩岩好煮熟，嫰滑厚實，仲有陣陣花雕香味▫️珊瑚蚌一碟份量都唔少，爽口鮮甜，好新鮮▫️本地手切牛肉(細) 🥩打邊爐絕對唔少得一份靚牛肉，每片牛肉雪花分佈均勻，肉質鮮嫩，牛味濃郁，有入口即溶嘅感覺▫️娃娃菜打邊爐最鍾意娃娃菜，貪佢夠入味，吸收曬醉雞湯底，好夠味，而且呢度份量都唔少▫️鴛鴦滑小朋友先做選擇，直接食曬兩款滑✌️黑松露墨魚滑🦑墨魚滑起曬膠，鮮味十足，細味又有黑松露味，兩者都幾夾，唔錯。蟹籽蝦滑🦐🦐🦐真係見到原隻蝦喺入面，仲好多添，啖啖蝦肉，爽口彈牙，真材實料高水準！▫️脆鯇骨腩🐟好鍾意食脆肉鯇，嚟到都例牌食下，以為份量好少，點知都幾多，大大件，魚味濃又爽口，好正！▫️懷舊遮仔啫喱☂️細個去酒樓飲茶成日要食嘅遮仔啫喱，呢度都一樣有，仲會落埋花奶，而且仲係免費贈送㗎！兒時回億番曬嚟▫️懷舊糖不甩除左啫喱，仲

最中意港式邊爐，同撈同煲主打港式懷舊風，餐廳無論擺設同裝修都呈現出70、80年代既懷舊情懷。🔸花雕醉美人鍋見倒有醉雞湯底即刻忍唔住叫左，花雕酒味超香濃。醉雞係另上，等湯滾之後再落雞，咁樣可以保持雞既鮮嫩。店員叫我地先飲湯再食雞，湯同雞肉都好鮮甜好有酒香味，亦十分滋補。🔹本地手切牛(細)手切牛都幾高質，肉質鮮嫩，牛味香濃，雪花分布平均。🔸珊瑚蚌中意食珊瑚蚌，次次都係必點之選，今次亦好滿意，食落好鮮甜爽口。🔹鴛鴦滑有蟹子蝦滑同黑松露墨魚滑，蝦滑有原隻鮮蝦喺入邊，好足料。而墨魚滑既黑松露味好突出，但又唔會蓋過墨魚嘅鮮味，兩款食落好滑鮮味彈牙。🔸脆鯇骨腩超大份，仲件件都好厚肉，食落爽口鮮甜冇腥味。🔹甜品十分有驚喜，分別有啫喱同錦鯉糖不甩。啫喱配埋花奶同紙傘，好有童年回憶❤️🔸另外係即煮糖不甩，店員會先將錦鯉放入湯內煮熱，再撈埋黃糖粉、花生粒、芝麻。糯米軟儒，食落熱辣辣，香甜滋味。

走進九龍城一家懷舊風情嘅打邊爐店，沙嗲湯底嗲味十足👌，重點是手切牛肉，新鮮得滑，得硬朗！湯底配金菇簡直係婚配，吸滿咗濃濃沙嗲味，勁正！當然唔少得新鮮蘿蔔同皇帝菜，清甜得滋味。勁推介嗰個即叫即炸嘅響鈴，龜甲形狀特別，一啖咬落去，那個酥脆～ 真係香口得滯！而家呢間店送嘅啫喱，酸酸甜甜，食完湯熱鬧完美收尾🍮。最啱打卡嘅雷沙錦鯉，我話你知，啖啖花生芝麻味，淋上甜品，完美！總括來講，裝潢得意，食物又新鮮，仲有親切嘅服務，真係滿分，下次一定再嚟試下其他招牌菜式！🥘🥳🍲

冬天就係要不斷打邊爐🫡依間火鍋店已經多次回訪🔶今次食醉雞湯底店員會幫手煮雞，雞肉嫩滑，份量不少湯底酒味唔會太重，大家記住飲多幾碗雞湯先叫店員加湯🔶涼拌麻辣魚皮惹味又開胃，唔使去海底撈都有得食啦🔶黑松露墨魚滑同蝦滑都係每次必點，口感彈牙又足料🔶花奶啫喱配上遮仔免費甜品～ 好耐冇見過把遮仔啦🔶鯉魚造型嘅糖不甩都係由店員現場煮，在沾上滿滿花生糖碎後，可以用頭先把遮仔拮嚟食通常已經飽到食唔落😂 🔷店員友善又細心，見到我哋撈起火鍋嘅浮油會主動幫手，整體用餐體驗好好