名川苑雞煲火鍋 (已結業)

一班朋友好耐冇聚會，朋友咁岩係旺角踢波，踢完就黎哩頭搵食啦😋餐廳位置不算太顯眼，如果唔係朋友介紹都未必知道哩間店，但朋友話佢之前黎食過保證好食，咁就信佢一次啦😄等齊人期間先叫左小食同串燒頂下肚先。夫妻肺片 - 好爽口，而且味道好好，唔係一味得個辣字。係辣得黎又帶點爆香既味道。燒金菇肥牛 - 肥牛唔會太老，金菇亦唔會太乾，加埋孜然粉，好香口。尖椒皮蛋 - 醬汁味道同夫妻肺片一樣，但蒜蓉既量就多d，又係食一舊想二舊燒多春魚 - 好肥美，入面d籽都好多，燒得岩岩好，唔會話燒到入面d籽都乾晒，最重要既係沒有腥味呢！朋友到左之後就進入主打環節啦！芝士琵琶蝦 - 老闆娘好熱情咁推薦我地試哩個，老闆娘攞由個袋入面攞2隻蝦出黎既時候都仲識郁呢！老闆娘仲好熱情咁話我擺好比你地影相先😬芝士味超濃超多，而且仲可以拉絲架～岩晒我哩個芝士迷啊琵琶蝦好多膏，處理完後肉質好陣牙，好鮮甜呢！食完之後朋友仲叫左鳥冬，煮左個芝士鳥冬食麻辣雞煲（半隻） - 因為有朋友唔食辣，所以只叫左半隻，再加多另一個煲。個煲岩岩上台已經聞到好香，老闆娘建議我地煲乾d水會更好食。食落去真係好香口，雞亦都冇雪味，佢都唔算好辣，唔係好食得辣既

我以為去長沙灣食芝士雞煲，已經無得輸，點知真係一雞還有一雞更芝！純睇賣相，真係平平無奇，但當食到第一啖之後，果種芝士味直頭係由件雞度浸出來，而且d雞肉又嫩，八個人由左一個醉雞煲同一個芝士雞煲，最後我地都要再叫多個芝士雞煲，因為確實太好味。其實個醉雞一開始以為無咩特別，但原來係越食越有酒味，所以最後我地都叫左其他野打邊爐。而戲玉終於到，老闆娘無貨，叫我地自己去超級市場度買丁丁麵，我地食晒第二煲雞，聽老闆娘話先放麵，煮到差唔多林晒，嘩，佢完完全全吸晒芝士既精華，重有濃郁既雞味，之後夾番醉雞入面既雞（要乾乾地身），呢碗麵簡直係200分。之後我地再落韓國既辛辛麵，想試下唔同質地既口感，但發覺始終係丁丁麵贏出，之後都叫左d菇同午餐肉，飽既指數當然係爆左！多謝朋友既介紹，美食加好友簡直係絕配！

天氣凍，就想食雞煲，所以就約咗朋友們一齊到旺角吃。我們來得晚，所以不用訂枱就已經有位置。首先，我們來了個招牌雞煲半隻，因為朋友不吃辣的關係，所以我們只是點了小辣。對我而言，再辣一點會更惹味，但整體而言，味道也是很吸引的！雖然只有半隻雞翼，但是份量也不少，我們四個人也很足夠。雞件嫩滑，即使多煮了一點時間也不覺得''鞋''。吃完雞煲後，就加入清湯打邊爐。他們的醬汁是自助形式，沙茶醬麻辣很美味，記得一試！我們隨便點了一些餸，當中我特別喜歡薯粉和墨魚滑。因為雞煲湯底加上沙茶麻辣醬與薯粉十分配！而我本身是個薯粉愛好者。而墨魚滑爽口彈牙，感覺很新鮮！其他的就比較普通一點🙈整體而言，算是中上的惹味雞煲，但火鍋配料偏貴了一點。

天氣那麼凍，雞煲火鍋很受歡迎呢。今晚與朋友飯聚就是在旺角吃雞煲火鍋有電視，不怕錯過黃金時段的節目呢。超喜歡吃涼伴小菜。這個豬耳十分爽口，麻辣汁有點酸酸辣辣，很開胃同樣是開胃小菜我們點了小辣，雞煲汁挺濃郁，雖然只是點了半隻，但份量也挺足夠，很惹味。吃完雞後便加湯火鍋火鍋配料選擇也挺多的。每份配料的份量也很足夠，吃得很飽呢。這只是我們點配料的一部份。飲品方面，汽水、啤酒和涼茶等的選擇也有。雞煲火鍋喝啤酒，爽愉快的飯聚

秋冬起最啱食雞煲！有幾款比你揀 辣既真係好好味 好過癮 芝士拉到長一長 足料到爆炸 啲餸又正 服務態度又好 真係一流！大家不仿去試下 食完真係好滿足 過番個暖粒粒既冬天！！！！！正！

帶同做老闆仔開cafe的朋友同枱進餐，朋友指教摒棄平價肥牛選擇高檔次本地牛肉。火鍋用的本地牛是已閹割牛隻，牛味會比較濃和肥美。向來本港的新鮮牛供應有限，訂價必然高於入口冰鮮牛，不過重點是物有所值。牛肉部位接近牛脊，雖不及頸肉般雪花，但肉質軟滑有嚼頭、價錢更親民。脂肪彈牙有油香，比雪花牛更有肉的原有質感。唯一的是本地牛的牛味一定沒美國牛來得強烈，勝在肉嫰，各有各喜好吧。手切牛好處是師父可以判斷肉的紋理下刀，除去筋位切斷纖維肉質自然軟滑。手切的肉亦厚一點保留豐盛的肉汁，非機切牛肉可比。火鍋一紅一白，白色為大骨高湯。湯底以大骨熬煮，配合紅棗、杞子、大葱，滴油不沾非常適合鮮味材料。紅色的麻辣鍋則用辣椒仔、蒜頭、花椒八角等材料。湯頭滲透火鍋料，起初聞起來濃濃的，後麻麻辣辣有著多層次口感。越煮越香，好的麻辣湯不覺得嗆辣，不妨叫個中辣吧，吃著也不怕口乾舌燥。白湯灼海鮮、蔬菜為主，故此要了一碟脆鯇腩及油麥菜。清淡的白湯不掩蓋魚片的鮮甜味，當中鍋內的大蔥、紅棗都有助發揮肉香。最後一罐涼茶喝進喉嚨非常爽快。

天氣凍凍地 就決定去食下雞煲依個芝士雞煲做法比較似西式好好食！表層既芝士用火槍烤過 令芝士更香口芝士味道豐富，咸咸地之外仲有洋蔥既甜、香料既香味，仲有多種芝士味係入面！牽絲既芝士一層層滿滿咁包係雞塊出面好正啊！叫左餃子、墨丸同烏冬，質素都唔錯。煮好烏冬、加d芝士湯式撈埋一齊食好正啊！

天氣跌到十四五度，出街食飯一心想打邊爐。旺角食開個間已結業... 周圍行見附近有雞煲火鍋食就入座。原本想食芝士雞煲，隔離枱大大個瓦煲上好香仲幾足料。可惜朋友病左要戒雞，所以湯底揀鴛鴦鍋，一煲兩味。湯底有平有貴，當然貴既用料有返咁上下，例如田雞煲、明爐烤魚，因為工序複雜坊間比較少有既。鴛鴦鍋味道特別向職員查詢味道，平時出面指清湯+沙嗲湯，而呢間提供係麻辣+養生湯$72價錢合理。湯底材料豐富，養生湯甜甜地好滋補，麻辣湯原來較過香港人口味所以唔係好辣亦都唔麻。打邊爐點少得牛呢？想食得精揀左比較靚既本地手切牛，新鮮牛做火鍋料我都係第一次食。一碟牛價錢同分量成正比，都有二三十片，而且肉質結實色澤紅。靚肉食原味，夾一片去養生湯灼十秒熟即可以食，肉纖維細膩，牛味濃唔會有羶味呀。另外肥膏量唔多，唔會整油湯底。之後仲食左丸類芝士腸生根，不過無影相。傾計講到無聊點埋涼拌雲耳。 酸酸地好開胃，可以中和食火鍋既油膩。如果芫荽切碎同雲耳一齊醃會更入味。在場見一開門即使有位，但已有不少熟客親身來訂位預留食物，似乎愈夜愈旺場呢。

每次途經火鍋店都會聞到藥膳醉鷄煲的味道，今日就決定和朋友去旺角廣華街42-56號廣發商業中心地下2號的名川苑鷄煲火煱，店舖面積不算太大，坐下就即刻叫<藥膳醉鷄煲半隻$112>，<明爐酸莱烤魚$178>，<四宝丸$48>，<淮山$43>，<脆肉瓜蓮藕片$36>和<鷄蛋$>6 加<烏冬$15>。一張枱兩個火爐，要一次過食晒鷄煲和烤魚！講真，藥膳鷄煲的味道是稍稍有點不足，因除了鷄肉味外，藥膳味稍微欠奉，不過鷄煲炆得很入味，味道似三杯鷄多啲；幸好明爐酸菜烤魚窩就真的誇啦啦，用魽魚作主打加酸菜再配少許紅椒，豆腐卜，枝竹和葱作莧汁煮，一路煮一路食，魚肉很滑兼肉厚，不會一夾魚肉就散，食完烤魚或鷄煲後還可以叫自己喜歡的火鍋料再打邊爐，朋友喜歡吃四宝丸，貪佢夠口感啖啖肉，我就比較喜歡淮山和脆肉瓜蓮藕片，貪入口夠爽脆。可能天氣凍就變得胃口大，再來鷄蛋加烏冬，食完之後暖苙苙，一句講晒，天氣凍就一定要滾！加支飲品都是$15-18。

老媽子話佢想食煲，特別係藥膳醉雞煲，今晚去左旺角做野，於是搵定附近有咩雞煲食，再約老媽子出嚟等我收工一齊去食！朋友介紹左呢間，雖然地址寫旺角廣華道，但老媽子醒呀，識喺地鐵油麻地站出，近好多！藥膳醉雞煲 （$112）都幾平，再叫d野滾就岩岩好！雞煲份量係2人份，湯汁望落幾濃、聞落幾香，但藥膳味就無乜，岩我呢d唔太好藥膳味既麻甩仔。相反，老媽子好高興，仲話煲入面好多藥膳材料，佢高興就好啦。雞肉算多，一d多肉，一d就骨比較多，不過有肉既地方都係嫩滑既～我自己就鍾意叫隻雞蛋 （$6）加豉油點餸食既，因為覺得甘樣食可以令d餸滑d同香d。老媽子胃口唔大，所以叫多個 四寶丸 （$48）一齊食就飽晒！有墨魚丸、貢丸、龍蝦丸、花枝丸4款，每款2粒。因為雪過，所以記住滾耐少少。d阿姐都幾爽快 即叫即應!

天氣涼左，我又好想食烤魚了！今日喺旺角家樂坊附近行完街之後就一直向廣華街行，沿路睇下有咩烤魚食！比我見到呢間坐滿人既名川雞煲，望下餐牌見佢原來都有烤魚食，開心！價錢又抵，即入！梗係叫條魚先啦：《明爐烤魚 （酸菜）（鉗魚）$178》- 好大條下，完全夠2人（或者3個女仔）share食！魚皮好煙韌同滑身，有厚度所以口感唔錯！酸菜既湯底令到成條魚好入味，用火爐煮住條魚更加惹味～～魚肉鮮嫩，一直煲住都無變鞋！最後我連魚頭都唔放過！～～《脆肉瓜 & 蓮藕片 （雙拼）$36》慣左食飯要有蔬菜，所以叫左呢個雙拼，岩晒怕食唔晒又多心既我！脆肉瓜煮到稔晒好正，帶有湯既酸菜味～蓮藕片煮熟左好仍然爽口～《稻庭烏冬 $15》魚就食晒，但唔好浪費個甘惹味既酸菜湯底麻！於是我地就叫個烏冬煮煮佢～～烏冬吸晒d酸菜湯精華連顏色都變埋，味道好鬼正！唔使一陣已經食晒！埋單都係200幾蚊2個人，好抵！（仲有電視睇，haha~)

係旺角收工，食左雞煲當晚餐。叫左個芝士雞煲。雞煲一黎，芝士味勁濃，正。熱辣辣的雞煲，入口，芝士雞煲整到好有西式既味道，好特別。芝士好厚，夹起塊機，芝士拉絲拉到好長，正！叫埋個香辣脆皮豬手。原來間野唔止雞煲好味，小菜川菜都好好味。豬手既配菜整到豬手好香。甜椒，辣椒乾，蔥一齊爆香，真係好惹味。豬皮香脆，加埋蔥一齊食，味道無敵。最後叫埋個雪花牛粒食。牛柳粒放入雞煲入邊，同芝士一齊撈埋，好味。最重要係芝士雞煲好味，放咩落去都好味！

呢d天氣最岩就係打邊爐食雞煲嫁喇前日就約左一大班朋友去食雞煲揀左呢間試下，因為見佢好似有好多唔同類型既雞煲。一入到去見到一個應該係老闆娘既人，好好禮貌，招呼我地入去坐左之後就介紹佢地既野食。個人開心，食都食得開心！值得一讚因為同行既朋友唔食辣既，我地就揀左老闆娘推介既茶樹菇雞煲同芝士蝦煲。講左個芝士蝦煲先！因為太太太太好味喇！芝士味好重，但又唔會覺得好油膩既感覺！加埋d蝦簡直絕配！平時唔鍾意用手食蝦既我都食左好多隻。每隻蝦都拉出一條條芝士絲！正呀食完再加烏冬落去！咁先叫識食！再到茶樹菇雞煲，d雞都好滑又入味！又好好食喎！原本仲擔心唔夾！我地成班朋友爭食茶樹菇食完再加其他火鍋料落去，都唔錯喎！d料都算新鮮，至愛墨魚滑！好彈牙好有口感！佢個度仲有d熟食嫁！等緊d野熟可以叫d黎食住先。我地就叫左個好似叫燒羊腩仔同埋雞皮。個人對雞皮麻麻地，不過同行朋友話好好食。個羊腩仔超正都係老闆娘推介的，不過稍為咸左少少，可以用黎送酒下次會再黎！

星期六晚嘅飯堂太太太好味了特別推介芝士雞或蝦煲 食完主菜一定要加烏冬 次次爭食到見煲底！今次試埋燒羊腩仔同雞皮 好惹味 鍾意飲酒嘅用嚟送酒正呀！大家一定要試！老闆娘仲要好好招呼好鬼nice!!!!

星期六一班朋友仔一齊搵地方食飯，見雞煲半價就入去試試。真係估唔到既好味道雖小弟雖然唔食海鮮，但個芝士煲真係太得，叫多左幾個烏東黎食，仲要個個係度爭雞煲都唔錯，夠新鮮又滑，叫打邊爐既料都一樣咁新鮮。野飲既種類都唔少，驚喜係有戰鬥碗，好有Feel啊～老板娘仲要好nice咁親自招呼我地，間野又好服務又好食真心推介