名川苑雞煲火鍋 (已結業)

今日同朋友係旺角打完波，正當煩緊食咩好既時候醒起之前有朋友介紹過依一間雞煲，今次終於可以試一試！ 地點方面非常就腳，門口就有停車位，附近又有停車場，抵讚！一去到門口已經俾佢地啲介紹整到十分肚餓，一於快啲入去試一試！ 今次試左佢地個藥膳雞煲，個湯底做得非常出色，好重藥材味，啱曬我地依啲小湯水既人，雞都未食就飲左兩碗湯啊雞方面好滑，雞味好重，一食就知道吾係雪藏雞，食到我地抵吾到口啊，一隻雞吾洗十五分鐘就無曬啊！ 配料方面我地叫左啲清清地既嘢配合返個湯底，不得不提個魚片，真係好食到震啊，啲伙記話係係旺角一間好有名既魚蛋鋪頭攞架，吾係啲平價嘢黎，果然無介紹錯！其他既配料都好出色好新鮮，食到我地停吾到口！ 今次朋友真係無介紹錯，下次一定再黎試下佢其他既雞煲，仲有個豬骨煲都好想試，真係要黎多幾次先得！

是次星期六夜晚成班fd去食雞煲，雞煲食得多，心諗今次都應該冇乜特別，純食辣過癮⋯⋯點知點菜個陣發覺菜色同一般雞煲店有所分別：推介一定要食芝士雞或蝦，同時要加烏冬，d芝士完全唔流，食完仲想再食～雞煲就選左個唔辣既茶樹菇味既，好多時唔辣既雞煲都怪怪地...但今次依個配搭完全冇依回事～～食完一隻都好似唔夠甘～～仲有燒羊腩仔一定要食～送酒一流～

坊間越來越多雞/魚鍋的火鍋，愈吃愈喜歡邊烤魚又火鍋的樂趣，周不時都會與朋友一齊去嘆番晚魚鍋！店子除了招牌火鍋湯底出名，餐廳也有提供四川小食和惹味串燒，看到火鍋邊爐的配料都別具特色又吸引！明爐魽魚（烤魚一條配酸菜） $178 大大條的魽魚烤到表面有微醺的效果，店子同時加入大量酸菜和蒜頭，使這個鍋的湯料十分惹味！師父在魚腩位界了幾刀，建議先食腩位，配料有豆腐卜、蔥條、炸腐竹，邊食香酸味不斷湧出。烤魚煮到十分香腍，入口有微辣又有酸味：一邊食一邊在烘熱烤魚，夾埋旁邊的配料更香口美味。 另外點了一碟鮮腐竹 $29 一口軟身又滑溜的腐竹與炸腐竹相得益彰，加入魚鍋內更新鮮，而且富口感！手打墨魚滑 $66頂上沾上大量的蟹籽粒粒，一端上手斤兩十足！！每天由自家工場鮮製，聽聞是全旺角中數一數二不可錯過的美食！挖一匙落去邊爐，不消幾分鐘就可以吃！第一次食真材實料的墨魚滑，吃落好香好滑，超彈牙爽口又勁有墨魚香味，是我暫時吃過最新鮮的味道～一碟雙併各四粒的餃子丸雙併--韭菜餃和魚皮餃 $42喜歡韭菜的香味定不可以錯過！餃子餡料足料又香口，密密吃不停！魚皮餃有勁大陣魚香，最愛煙軔又不太厚的餃子皮；吃落又有微微的肉

又再次食雞煲啦！！本身諗住叫麻辣或芝士雞煲既，不過老闆娘介紹有個椰子雞煲新出，叫我地試下。我係稻×見到有做，不過得椰子同雞，但呢度用好多材料去煲，所以就試下！望個樣好似藥膳煲甘，上枱時已經文到好香既椰子味！老闆娘介紹時話有沙蔘，玉竹，紅棗等，個湯底可以當湯飲，好滋補。仲話煲煲下，滾埋啲配料更甜！不過個人唔中意滾太多配料先飲，會無甘清甜。所以滾左一陣就開始飲啦，果然好清甜，啖啖椰香味！正！配料叫左墨肉滑，仲有啲蟹籽係面，賣相靚！墨魚好彈牙爽口！味道幾好，唔太咸又唔會無味，一份可以整到十幾粒。牛柳粒好有牛味，雖然無葉過，但滾完唔點醬油都覺得好夠味！喜愛食牛既一定要叫。嚮鈴夠大舊，脆。個湯底唔多油，加落煲椰子煲度滾成舊都好有椰子味！有廚師推介，小菜，無試到，下次再嗌！

今日係旺角附近收工，“”天口“”有啲涼，秋天就到，所以突然想食雞煲！search 下附近就見到呢間餐廳，見到食物同食評都唔錯就試下！要首先講下個餐牌，係自己畫，但餐廳先張餐牌過膠，畫完擦反可循環再用！夠環保，抵讚！！除左雞煲同配料外，仲會有小菜同，串燒同小食叫！就食完先發現有廚師推介，唯有下次先叫啦！我地兩個人，叫左半只椰子雞煲。“不”上黎嘩一聲，有好多材料！！雞就一定啦，個湯底仲有玉竹，沙蔘，己籽同椰子等！材料超豐富！一拎出黎己經文到淡淡既椰香！以免啲雞滾得太老，、鞋，所以我地一開始就食左啲雞先！雞好嫩滑，有椰香味！正！配料叫左四寶丸，有墨肉丸、牛丸、包心豬肉丸同龍蝦丸。一次過可以滿足你幾個願望！雖然丸無加工，但都唔馬虎，伴碟有啲菜絲，賣相加分！雜菌菜籃有粟米，茶樹菇同金針菇，份量幾多下！第一時間放粟米啦！滾左一陣食，好甜！係甜粟黎！正！仲有最愛既茶樹菇，唔係度度有，當然唔會放過啦，！響鈴，黃金兩秒！浸一浸拎起，好正！呢度既響鈴夠大條，口感較厚又爽！整體唔錯！老闆娘健談，會為你介紹菜式！秋天黎啦！食雞煲可以揀黎呢度食！

今日系久違既親友聚會，来到名川苑食饭雞煲一级棒物超所值，同親友得閒聚下既首選十分推介老闆娘超好人，員工服務十粒星除左本來菜快之外，味道都超好食。平民價格下次會再来“！！！！！！

翻兜。上次偶然去過 湯底食物都不錯 最重要有折 埋單上次都幾抵。今次試芝士雞煲～各位朋友請留意 芝士味特濃 唔鐘意芝士的千萬唔好點。（利申：芝士粉絲）我係第一次試芝士雞煲 感覺好新鮮 不過比起平時既火鍋湯底 可能會容易飽點 因為比較膩。芝士雞煲 我覺得配搭丸類 肉類係perfect! 所以整個四寶丸嘆下先。特推～牛丸 好彈牙 又有牛味。👍🏻脆肉鯇&鵝腸～ 魚好新鮮 爽口 肉質又夠脆。鵝腸輕輕淥一淥 每一啖都是芝士香。如果食芝士鍋 枝竹響鈴呢d真是必食架。枝竹配芝士 係意思不到的驚喜。哈哈。豬牛呢d肉類我好少食 不過我估芝士淥應該幾yummy. 我反而鐘意叫海帶 木耳呢類蔬菜類。海帶唔係周圍有得食 夠清熱 正呀。特別一提。落單好環保 餐單過左膠 可以循環再用 讚。

雞煲黎講，我覺得咩時間食都係咁有氣氛，唔會係因為某一個節氣而岩食多啲，反而呢一度嘅食物同環境就令到我覺得好有氣氛 ．呢一度嘅食物選擇多，多到我都唔知點揀。同朋友傾左勁耐，先選擇好。雞煲最緊要係啲雞要滑，唔滑嘅話我覺得食落去都冇咩滋味。而呢一間就做到，因為我真係好中意佢啲雞，再夾埋茶樹菇個味道，我覺得好配好夾好好食。我地有叫麻辣豬耳同金錢肚。其實兩個都好好食但自己就偏坦豬耳多啲，覺得豬耳好食啲。而且我都好中意果陣麻辣味，麻味一流，唔會話得辣冇麻果陣感覺。而魚卜我覺得係最有趣嘅食物。因為要自己用籤整爆左先放落去，呢一種食物又好食又好玩，超值得推介。自己都多食雞煲嘅，呢一間我個人就覺得比較特出，值得推介一下。

與舊同事相聚，當然搵左個靜靜地，可以幾耐就幾耐的食店!老實說，雞煲真的很久無食過，同時希望同一大班朋友食雞煲!!呢度既食物種類都不少架! 除左例牌火煱材料：丸類、肉類、海鮮類等，還額外提供串燒、涼拌小菜，適合等緊火煱煮沸前都有個小口食下!為左可以食到其他小菜，我地揀左個半隻雞煲，而且仲要係邪惡芝士!!!呢個雞煲真係超好食，每一件雞拉出黎都有一條條芝士絲，廚師真係落左不少芝士，但是食落去唔會覺得太油、太膩，反而食到清甜的味道!我諗大概是因為廚師也落了不少洋蔥粒減淡吧! 好犀利!食火煱必備：四寶丸，貴精不貴多，每人食幾粒就算啦!貴花蝆：非常爽脆!大大塊炸魚皮，唔係散到碎片咁!金菇可以吸下芝士湯底，好有芝士香味!靚靚的肥牛塊! 呢間店做得最出色係個火煱，芝士雞煲真係無得頂，令之後加咩材料都有芝士的精華!下次希望黎試下其他火煱雞煲湯底!

跟懶朋友聚餐必定選雞煲，因為是需要放食材放進煲裡便可以安心跟友人聊天吹水。今日朋友來名川苑吃飯，他們有很多不同的雞煲選擇，我們選擇韓式風味的芝士雞鍋。我們叫了半隻雞加一點配菜，芝士雞煲需要25-35分鐘烹煮時間，幸好我們早就在旺角吃了點小食，所以便喝喝飲料慢慢等。芝士雞煲差不多30分鐘才出現，雞煲的芝士配加香草很惹味，我們都沒有後悔等了這麼久。但是我們怕芝士煮太久會糊掉，只好趕快吃完雞塊，半隻雞火鍋需要$118 我覺得下次來可以點全隻。因為他們是煮好才給我們，吃的時候很入味，雞肉很快就給我們吃完。吃了雞煲還點了其他配料當芝士火鍋吃，點了四色丸，紅薯粉等等。 但加了湯的火鍋的芝味不及雞肉這麼濃啊!但總體來說是還是不錯啦，下次來可以點全隻雞跟一些配菜就足夠。

一班人食飯去邊好？ 今個星期又係落左旺角。行行下就行左黎近油麻地呢邊既食街，打個邊爐同雞煲。入到餐廳，老闆娘即時遞左醬油配料比我地任添，雖然呢個service好common，但係值得一提既係左二呢隻辣醬真係好刺激，食得辣既人一定要試下！好快就黎左雞煲喇！雞肉好香好滑，夠肥美。味道略略唔夠味，食得辣既人可以試下中／大辣！另外打邊爐叫左一份金菇，索哂d辣湯汁，呢個食法真係好正架，呢度食野抵在一份會黎好大份，金菇好多四個人都夠食，唔洗爭！西生菜都係好大份呀～！另帶一提呢度既蠔係賣冰凍蠔，賣點係真係好抵食！而味道絕對唔會差過美國桶蠔，正！好FULL既一餐，大滿足！

好姐妹順產 探完BB近近地係廣華附近搵食。本身想食韓國雞 要等位 行下行下咪食雞煲囉 反正今日食雞癮起。醬料雖然選擇唔係特別多 但個麻辣醬夠香辣 正。藥膳醉雞煲*湯底藥材味幾濃郁 藥材亦好足料 唔太咸 而且食完唔會口渴。雞件唔會太老。店員建議先食雞 再飲湯 然後再打邊爐。雖然雞煲點都會比較油 但我覺得可接受。本地手切牛*必食之選。牛味夠重 有咬口 肉質幾鮮嫩魚蛋拼魚片*竟然係九龍城德昌貨色。正呀。我一向係德昌粉絲。魚片好彈牙 魚味濃 推介。瓜類雙拼～翠玉瓜拼蓮藕&油麥菜*可以雙拼岩曬我地二人世界的朋友。湯底滾滾下 都幾清甜 烚蔬菜類幾夾。瓜菜都好新鮮 特別蓮藕 好爽脆。鮮淮山*好少火鍋店有 我至愛。烚到腍曬 好粉 好入味。一個雞煲其實已經KO左我們兩個胃 但最後都忍不住叫多個薯粉 係粗條黎既。索曬d汁 又彈牙 yummy啦簡直。再加枝1664 特別一讚佢個杯係凍既 gur曬。👍🏻

尋晚係麥花臣睇完男友打波，之後同幾個朋友係附近搵d野食下 傾下計。大家都一致想食雞煲火鍋，我地見到街頭呢間名川苑唔洗排隊又勁冷氣，即刻入去坐。(後來偷笑因為我地坐落後五分鐘度出面開始要等位 哈哈)本來想食個大辣雞煲，不過朋友中有個女仔唔食辣，所以我地揀左個藥膳醉雞鍋。醉雞煲一出，濃濃既藥膳加酒香味撲鼻，隔離枱都心思思望住我地個鍋 嘻嘻。**本地手切牛肉**近來無咁中意食雪花肥牛，嫌佢好多時有雪藏味，牛味又淡。呢碟本地手切牛 牛味重，厚薄適中，脂肪較肥牛黎得均勻。輕輕一碌，入口彈牙，牛肉汁仲保存到係肉質裡面，正*鮮淮山*我最愛~~~~有益有口感，但唔係咁多地方有既火鍋配料！我個人喜歡食比家爽口，所以唔會煮太耐。我朋友喜歡食比較粉身，所以碌耐d稔d. 一樣好味*鵝腸*鵝腸好考人碌，碌太快又驚唔熟，始終內臟類。碌得太耐又會縮小到唔見左，仲會冇哂彈性又鞋口。今晚既鵝腸真係岩岩好，又爽口又有鵝腸既香口味，仲無縮水縮好勁添！都唔知係佢料靚定我碌既功夫好~~哈哈哈*翠肉瓜拼蓮偶*好喜歡佢某d食物類別可以雙拼，岩哂心大心細咩都想試下既客人好似蔬菜類同丸類 都係可以雙拼的*1664*食火鍋真係要襯啤酒！

係旺角睇完嘢之後肚餓，就系附近行下睇下有咩好野食。行行下見到呢間新開既餐廳做緊新張優惠，原來佢地有雞煲、炭魚同火鍋食，見咁抵就入去試下。 餐廳環境唔大唔細，但枱好大張，座位之間都有好多位，比較寬敞舒適。 我叫左個麻辣雞煲小辣，原隻雞無呃人，雞既肉質非常嫩滑，可能個人比較重口味，覺得d雞未夠入味。中意食辣既話可以叫辣d，因為小辣對於中意食辣既我黎講唔係好夠喉！食完d雞之後就可以叫店員加湯底打邊爐，湯底係真係奶白色既湯底而唔係滾水！ 豉油配料需要另外收費，不過佢地有一種麻辣醬麻辣愛好者一定要試！好香濃既麻辣味，而且辣度高！ 點左一碟四寶丸：龍蝦丸、墨魚丸、貢丸等等…品質幾唔錯,特別係墨魚丸,有濃郁既墨魚味,而且幾有口感。 另外叫左一份生蠔,上菜果陣已經雪到好硬,感覺唔係好新鮮~但原來煮熟之後好唔錯,蠔雖然唔係好大隻,但都算肥美,仲一d異味都無。 個人黎講好中意食素,所以次次打邊爐都一定叫大量蔬菜,　呢間一份蔬菜既份量令我地好意外,係我食過份量最多既!!!!而且蔬菜都非常新鮮,青脆既顏色,一d霉都無。` 最後為左飽肚一定要叫薯粉,薯粉索晒d湯味好好味呀!!!!!!! 

今日收工同同事過黎食晚餐，見呢到幾就腳，又好似幾多野食，就入黎試個雞煲火鍋😎一黎緊係叫個雞煲食住先啦，食過咁多雞煲，我覺得呢間特別既地方係佢香料好足，雞肉好嫩，所以食落幾惹味👍🏻我同朋友話咁快就清曬啲雞，之後就加上湯開始打邊爐！ 我地一開波就整啲蠔試下掂唔掂，啲蠔煮完好鮮甜，仲係大大粒唔會縮曬，但耂建議大家唔好煮太耐，咁就keep到入面creamy😗百福豆腐成pack上！抵食呀呢個，超滑之餘配佢個湯底好食！👍🏻跟住仲有店家自製魚腐，老闆娘介紹的，煮完會吸收曬啲湯汁，幾煙un，正！最後，逢親打邊爐我都叫既薯粉，呢到用既係扁身長條型，十分之吸湯汁，比平食既更有咬口，份量都幾多，食完滿足曬👏🏻👏🏻😂