名朝特色火鍋 (已結業)

之前都有同事講過呢間火鍋抵食，同朋友行過佐敦，決定去試下.上到去好多人等緊位，我地等左大半個鐘，一坐低先望一望點菜紙，選擇不少，重點係有海鮮點，不過有部分會售完即止，想食就快手. 另外肉類有平時散叫先有既手切肥牛，牛骨髓等，仲有叫埋刺身，新鮮唔會一陣雪味最後不等不提係佢地既飲品，種類多等嚇人，全部係平時少見既韓國飲品，不少得hite啤酒呢餐我地食足兩個鐘一路食到甜品都唔放過(有新鮮出爐梳乎厘)，埋單一位$200冇得輸

1.火鍋料叫左幾次先黎一次，食物分量唔係計人頭分配，每碟肥牛得四塊，唔夠一人一塊，完全唔夠分2.服務差，部分員工企哂係度但唔收空碟，特別叫carmen個位員工，黑口黑面，仲話反啲客轉頭3.食物質素一般總結：唔會再光顧，唔會介紹其他人黎

想打邊爐 見呢間有蠔就黎左呢間 其實預左麻麻地 食完覺得食物方面真係普通啦 但服務態度比想像中好 仲要係超級好 所以食得幾開心星期五 5點食 7點半前走減20蚊 所以149加一 唔算平唔算貴啦haha 自助區菜既選擇唔多 出面可以拎既有西洋菜 生菜(有3個兜都係裝生菜) 油墨菜 粟米 生根 冬菇 秀珍菇 白菜 翠肉瓜 金菇 無我最想食既菜心 d菜睇落唔算新鮮 但食落又無問題 西洋菜勁好味 粟米好甜 娃娃菜都好甜麵既選擇多到爆 仲要好與眾不同!!有蝦子麵,福字麵,菠菜麵,營多撈麵haha有隻泰文既米粉 福字米粉 上海伊麵 韓國拉麵 仲要有成7隻味既出前一丁囉(幅相無係因為佢未擺哂)!!!!!!!!!!但烏冬薯粉就竟然無haha熟食區有韮菜豬紅 蘿蔔豬潤 茶葉蛋 雞腳 仲有幾款但唔記得左 唔見之前食評見到有既壽司haha甜品區好多選擇!!!好多款蛋糕 佢個藍莓芝士批竟然好好味!!!!!同埋見到佢d甜品真係自己整 見到佢焗芝士撻haha心太軟太飽無試到 今晚佢個軟雪糕機同棉花糖機都話暫停 仲有爆谷 阿波羅雪糕 雪米磁 盒裝既豆腐花 杯裝啫哩 仲有2款糖水!!!!!飲品區都有超級多選擇!!!!

預早喺2個月前包場搞活動，之前就講到天花龍鳳，咩都無問題。點知當日店長玩失踪，店員咩都唔知，連最基本咪都無安排（之前我地已確實問咗幾次要用咪），最後係買個大聲公比我地🙃仲講佢地個場12月份有幾間公司已包場。講好咗甜品要有心太軟，但當日又話無時間安排。我地包下午時間，價錢同夜晚差唔多，但質素及服務太差，永不再幫襯

天氣開始涼涼地，又係時候去打邊爐，聽朋友講名朝又抵食又多選擇，立即約朋友去試下，七點左右去到，坐低後立即睇下有咩湯底先，湯底都有幾多選擇，不過唔係好想食辣，所以最後揀左粟米豬骨湯呢道除左打邊爐之外，仲有刺身食，只要加$38就可以一樣任食，所以等湯底未到又立即落單叫埋刺身，刺身確實有驚喜，好新鮮，又有我好鍾意食的泰式生蝦刺身，同出面其他日式放題有得比，飲品選擇亦非常多，而火煱配料除左基本肥牛，手打肉丸，雲吞，芝士腸，仲有好多海鮮可以選擇，叫左蝦，蠔，蜆同埋魷魚，而蔬菜就係自助區自己攞，食到最後已經好飽，但都要食埋甜品先至圓滿，有一個好大的甜品櫃，甜品種類又多，我最後選擇左雪榚，細細杯份量啱啱好。總括來講，一個價錢可以任食兩個半鐘，而且質素高，性價比高，值得介紹其他朋友再來食。

1行3人去食，叫左個蕃茄濃湯個湯底完全冇味，連豉油都係冇味，追加左刺身，3文魚勁厚切食幾塊已經好飽，漏單情況嚴重我地只係叫小量食物都可以冇黎，不過熟食檔食物唔差由其咖哩魚蛋非常好食，飲品有好多選擇，甜品我朋友話除左心太軟同椰汁紫米其他都非常差都係冇味，今次3人埋單$500如果係對比其他放題邊爐都真係算平。

收工同老公去嘆返個邊爐放題先，呢間係老公揀既，佢話早幾個星期黎食過，可以翻兜😂唔知係咪我少出黎食放題呢⋯宜家間間放題都咁多嘢飲既😂好誇張，呢間除咗一般汽水、韓國飲品、烏龍茶之類⋯連百福豆漿都有👍我好貪心，咩都拎咗啲黎飲🙈有得揀，當然好過無得揀😎飲品櫃旁有一個放菜既冷凍櫃，佢好出奇哋有好多款公仔麵任你揀，出前一丁、韓國辛辣麵、芝士麵⋯但我唔歡喜公仔麵🙄我老公就好受落😝喺打邊爐料未到之前，先整返個刺身船你嘆吓先，幾貼心💕食住等，驚你無得食～刺身我推介三文魚、甜蝦同泰式生蝦，又估你唔到有泰式生蝦😂又估你唔到又幾好味，真係好驚喜肉類有本地肥牛，美國肥牛，羊肉都有，肉類新鮮，丸類選擇都很多，火鍋料既心水係蝦同午餐肉，蝦肉好新鮮，隻隻都無變霉，我真係食咗好多🙈佢呢度仲有好多即焗既甜品，有藍莓芝士餅、木糠布丁、最巴閉有朱古力心太軟😂見隔離枱既食得津津有味，我如果胃有位置我都會叫，最衰我有一個一入到去就要食公仔麵既老公🙄玩死，有得再黎一定會留肚食心太軟💕

上星期香港終於有點冬天的感覺，梗係搵地方打下邊爐啦，聽朋友講佐敦的莊士倫敦廣場好多野食，話試過間名朝特色火鍋唔錯，價錢唔貴仲有大量甜品供應，鍾意食甜品的我就即刻去試下！上到去好彩有Book位，門口人山人海，有點似日式放題，有好大自助拿野食的位，一邊係熟食、甜品和刺身，一邊係多部放滿飲品的雪櫃和火鍋料。這店任食火鍋都有好多種湯底選擇，我地選了蟲草花豬踭窩，我呢D牛魔王梗係咩牛肉都試下啦，其他都點了打邊爐唔少得的菜、冬菇、餃子、肉丸、響鈴之類的。我地都選埋食刺身，火鍋來之前先上刺身拼盤，原本冇咩期望，但竟然食落都唔差，樣樣新鮮，仲有泰式生蝦，有點驚喜，主菜方面湯底味道夠，牛肉有牛味，唔會唔知食緊咩用咁，其他配料都是基本野和一搬任食火鍋無異。而我就保留實力主攻佢地的甜品，有芝士撻，榴連布丁，切餅，豆腐花，雪糕，木瓜雪耳等等.....芝士撻的芝士味好濃，木瓜雪耳糖水也好足料，最後仲有即叫即做的綠茶心太軟，真係樣樣食一件都食到飽，喜歡食甜品的人這店係好選擇！

琴晚涼涼地諗住同男朋友去大鍋口打邊爐，點知好多人等位，就轉場黎lee間試試。點知一試新野就岀事坐低無耐已經交曬火鍋料嘅紙，等等等一等就半個幾鐘，催佢單之後只黎左碟魚同牛。最嬲嘅係第一轉唔齊都算，諗住再落過單啦，點知一樣都唔送黎以為係d蠔，脆肉鯇無曬啦，點知見到隔離枱上左兩三轉漏單勁嚴重。叫人加湯答你轉頭黎，等左3個字都無岀現，見個員工四圍行無左件事再叫過都係咁。。成晚唔係食飽，係等佢d火鍋料等到飽😑😑埋單每人$150左右。。真係未食過咁差嘅火鍋。。無下次

火鍋任飲任食2.5小時，$98起！（上星期四）繼葵涌廣場掃食大行動之後，其實飽就有啲飽但係又感覺又唔多實在咁，始終都係小食，好彩早有準備約咗朋友仔去滾下～打邊爐✌🏻️其實我去開樓上個間火鍋店，分店黎嫁，都唔錯抵食，幾好味！但原來樓下開咗間新火鍋店，試下無妨！聽聞依間火鍋店經常預約滿座，所以如果有興趣黎試的話，就打電話黎訂台安全啲！黎嘅時間尚早，只有幾張台，環境寬敞，餐桌以白綠色為主，睇落舒服，繞場一周發現，與其說係任食任食，不如話係半自助餐方式！火鍋底有5款特色湯鍋，4款傳統湯鍋，更可以加錢升級至韓國人蔘雞鍋，特色或麻辣雞煲！配料有肉類，海鮮類，自家製類，刺身類，丸同素菜類，全部都標註：即叫即做。再想食好啲？無問題，加錢點另類海鮮，肉類或飲品。有啲似去咗台北食涮涮鍋😂因為火鍋店介提供你多個自助選擇，多款醬汁料你慢慢調慢慢揀；甜品：爆谷，棉花糖，焦糖燉蛋，芝士撻等等；泰式開胃小菜，拍青瓜；多款雪糕；好多新鮮蔬菜，好多款麵類，仲好多種飲品！！淨係食依啲半個肚都飽晒！！事實上都好快全場爆滿，先唔好話好唔好味：依個價錢咁多野食，真係抵食夾飽！我幾時都話，打邊爐要食到又飽又滿足先正！依家好似做緊冬

天氣開始轉涼，係時去下打邊爐喇，由爸爸擔大旗選擇去邊食，佢就覺得任食放題至抵食，所以就決定咗呢到食喇因為成棟大廈都係餐廳嘅關係，等𨋢係需要排隊嘅，好彩唔洗等大耐。成層都係屬於間餐廳嘅，而且佔地都算頗大，估唔平日都咁多人安排好座位之後，緊係要去探索吓有啲咩食啦，首先係要搵野飲，但係我好震驚，呢到有五、六個冰箱都係擺領品，種類好多同係平時少見嘅飲品，爸爸係愛啤酒人士，所以見到咁多啤酒選擇，都好雀躍咁試唔同嘅啤酒跟住行過少少京會見到蔬菜櫃，主要係俾人減低罪惡感嘅，而隔離就有甜品櫃，有多款奶凍或者啫喱揀，另外仲有即製心太軟添，同有得食有得玩嘅雪糕機、爆谷機同綿花糖機當我同爸爸探索嘅期間，媽媽就負責嗌湯底同肉類等嘅食物，佢就要咗**草蟲花豬蹄湯鍋**，但係草蟲花就寮寮可數喇，得幾條仔，個湯就有豬肉味同杞子味，算係幾清，唔會太過濃湯底上咗無耐，唔同嘅肉就慢慢遞上，分別有**手切肥牛**、**黑豚腩片**同**羊肉片**等(依圖片次序)，**手切肥牛**比美國特級肥牛好，雖然油脂較少，但係口感都尚算可以。**黑豚腩片**就質素有啲參差，第一次嘅肉質，睇落較差，顏色暗淡之餘，仲有少少開始出水，第二份就

真心垃圾，勸各位真係唔好去，我地今日21個人去到，個個都肚餓，係禁叫野，點知我地叫完雞煲之後，佢地既職員用話叫左雞煲唔可以叫湯底，但係其實每張台可以叫2個湯底，遲遲都唔上湯底，但d火鍋料不斷上，禁我地催促下佢地，點知佢搞左1個鐘先終於上到個湯底，仲要態度係極差，到要換gas既時候，我地足足問左5個職員先有1個人拎gas比我地，但都拖左3個字，先換到gas。到埋單既時候，張單上面多左個「升級刺身優惠」，我地係預約時段已經講明唔要升級，但同職員反映既時候話我地講左要，原來係佢地淨係話要唔要升級，從冇講過要加錢，完全係呃左我地呢d消費者，仲要比錢受氣。真心真心真心真心勸大家唔好去呢間，完全出自良心。

因為見好一鍋同大鍋口都滿晒人，唯有試下呢間唔駛等位既， 價錢其實同全棟d火鍋都差唔多一樣， 坐位唔舒服又細，食物質素差， 寫完單d食物，次次都黎唔齊， 份量又超少， 追完再追 d食物都係無出現過， 連夾蔬菜既夾都係得一隻， 夾個菜都要排！ 成場最好食係d蔬菜但無晒之後，要等好耐先會refill ...服務態度又一般…見d 職員都好無助咁…..唔會再去

尋晚係佐敦收工，開餐唔一定淨係澳牛既，莊士倫敦廣場都係好選擇！樓下見到易拉架6樓有打邊爐，成日食大X口，轉下場先！ 因為無book位，等左15分鐘先入到，我地仲加埋每位$38食刺身任食～ 湯底有好多選擇，靚女同事話想試下藥饍（因為聞到成場都好香藥饍味啊），湯底唔hea架，藥材當然不能少，仲有雞腳，煲到林晒黎食就最正啦！肉類，丸類都係order的，飲品，蔬菜，醬油（留意返，每位要比$5醬油錢）都係外面攞的。先來肉類，因為朋友唔食豬，我地主攻牛肉，牛肉分兩隻，一係手切肥牛，二係美國特級肥牛，手切肥牛色水靚好多，一片片似新鮮牛肉，血紅色顏色鮮豔，美國肥牛相對地比較遜色，白色肥肉部分比較多，望個樣好似好肥，但係烚完放入口我覺得肥牛好啲，爽既有咬口，反而手切肥牛韌左啲，所以我還是推薦美國肥牛！ 另一賣點，呢度有白饍片食，真係值回票價！不過每次黎都比較少，建議大家可以叫多啲！食左白饍片唔使食鯇魚片啦！饍片切得幾薄，烚左一陣就撈起了，食落有啲脆，有口感，仲吸收左藥材味，幾正！自家製響鈴：我絕對相信係自家製，因為口感同外面的不一樣，呢度的比較香口同脆，平時我數123就撈起，都感覺有啲鬆散，

朋友推薦說這間任食火鍋CP值很高，，於是就來試試嚕！我們是禮拜三晚上宵夜時段來的，差不多10:40到場，等了大概20分鐘，11點左右入了座。人真的好多啊，好少見到晚上11點還有這麼多人在打邊爐，只能說明這間真的很抵食了。最大的問題是服務人員實在太忙，根本沒空理你，你一定要很大聲叫他們（有時候揮手他們也不理）或直接走上前將自己點菜的單子交給他們。食材都不錯，飲料選擇也很多，有我喜歡的韓國啤酒HITE，還有一堆別的韓國/本土飲料。湯底我們選擇了皮蛋芫茜，味道很甘甜可口，裏面的皮蛋可以一直煮，直到吸收食材的香味再吃。蔬菜類有我喜歡的萵筍，但沒有茼蒿和通菜，希望可以增加一些種類。肉類和丸類的選擇都算還行，基本上看你和同伴喜歡吃些什麼了。每人加$38可以追加刺身放題，但我去刺身吧看了一眼覺得質素普普通通就沒有追加（雖然看很多評論都說他們的刺身還不錯）。總的來說，宵夜時段的$118一人（還外加$10醬料費）真的很抵，難怪生意如此旺，算上加一也不過是$130左右一個人，而且可以隨便吃到3點關店為止，很適合作為即將來臨的冬季宵夜之選！