吞POT 雞煲火鍋.住家菜

營業中

休息中

平時同朋友食飯最鍾意就係烚吓烚吓打邊爐😋一黎可以坐耐啲，二來食物又多元化，今次我哋就嚟到旺角試吞POT雞煲火鍋。呢度係單點形式，食物選擇好多，單單係丸類都超過10款🥳今日我哋就叫咗重慶麻辣雞煲，唔使等好耐雞煲就上枱，超多辣椒蔥蒜，所以係勁香，而且啲雞件全部都大大件，唔會碎濕濕👍🏻非常入味。配料方面我哋最鍾意就係頂級安格斯牛小排，超大一盤，擺盆整齊，每片牛肉切得好一致，雪花夠靚☺️ $300唔使真係好抵食。整體嚟講，單點一定比放題更加有保證，今晚食嘢全部食材，雞煲都好滿意👍🏻

我朋友極力推介我要去呢間舖頭度打邊爐，原來有原因㗎，夏天我真係唔多胃口想食嘢，但嚟到呢度就完全係兩個唔同嘅胃口，因為呢度太吸引啦！ 一坐低我哋就帶咗兩杯嘢飲，鹹檸七，超正！ 啱晒夏天飲，好消暑，我再追加多左一杯。 另外我朋友飲咗幾枝啤酒，原來呢度個雪櫃有好多啤酒嗌㗎，唔怪得知佢極力推介呢間啦🤣🤣🤣嘢食方面我哋嗌咗個雞煲翅，好濃郁好好味，啲雞嘅數量超級多，仲有好多大大塊嘅翅，好足料啊真係！ 所以火鍋配料之外我哋就簡單叫咗個肥牛同埋烏冬，其實都已經好滿足好飽肚❤️ 值得一提嘅係個肥牛係好大盆㗎，同埋佢嘅紋理好清，充滿着牛香。 同埋我好鍾意呢度嘅環境，啲座位好闊落，好企理。 仲要有落地玻璃添！ 睇晒成個油麻地旺角，正！ 呢間絕對會推介俾朋友😆👍

個個都話打邊爐會熱氣，但其實打邊爐都可以好健康㗎，首選推介呢間喺旺角中心地帶嘅吞Pot，佢有兩間分店，一間喺旺角一間喺油麻地，兩間都係好近地鐵站夠晒方便。 中完Covid 之後，食嘢都好小心，所以我哋嗌咗呢個蕃茄湯底，真心呢個湯底超好味，好健康好足料，有好多金菇蘑菇同埋蕃茄，好入味好補元氣，正。 另外配料方面我哋叫咗茶樹菇魚肚同埋十全大寶丸，全部都好正氣好健康，正！ 十全大寶丸呢個名好得意，擺盤賣相都好靚，最重要係啲丸有唔同嘅餡料喺入面㗎，最鍾意黑色嗰粒，充滿着墨魚汁味，其他啲丸都好咬口，好彈牙。 另外值得一提嘅，呢度除咗火鍋之外仲有雞煲啦，同埋有好多前菜嘢食，例如生蝦，辣酒煮花螺等，就咁聽個名都覺得好正！ 不過個肚嘅容量有限，下次要叫呢啲食先😆😆😆

打邊爐係香港人最鍾意嘅活動，無論夏天定冬天落雨定好天，最鍾意一班朋友一齊去滾😂🤣 最近同事推介左呢一間喺旺角中心地帶嘅火鍋店，望到成個景色好靚，嘢食好正好有驚喜。我哋叫咗個麻辣雞煲，好惹味 ，叫咗半隻雞好足料，食完雞之後可以加湯做打打邊爐，正😍本身已經都仲有啲雞係入面，吸曬啲精華，好入味。 另外仲叫咗好多嘢食，尤其最欣賞爆芝響鈴，佢哋原來係即叫即炸㗎，熱辣辣超好味，而且入面有芝士，浸夠3秒，芝士溶晒，好正！ 呢個真心推介！ 另外叫咗一個魚肚都好欣賞，佢本身吸晒啲汁，超好味，一個字：正！ 呢間絕對會推介比身邊啲朋友，用料上乘，好真材實料！ 推介👍👍👍

我本人真係好鍾意食雞煲，食咗好多間，呢間真係真心係我嘅top 3 頭三名入面。 今日帶埋另外三個friend過去，主打食雞煲翅同埋麻辣雞煲，超正！ 麻辣雞煲叫左bb辣， 全隻雞，啖啖肉，超正，送飯一流！ 另外仲叫咗個雞煲翅，勁正！ 有勁多翅喺入面，吸晒啲精華。 我哋淨係叫咗白飯同埋烏冬，吸晒啲精華已經好滿足。 咁當然都要叫小小火鍋配料，叫咗少少牛肉同埋竹笙，超鍾意竹笙，因為佢會吸晒啲汁！ 再點埋自家條配嘅醬汁，正！ 好好味呀！ 我朋友們都表示好滿足，佢哋都話呢間餐廳嘅用料好正，最重要係我哋係喺9:30後先入座，所有火鍋配料同埋小食都有半價！ 超抵丫！ 😍😍😍

有啲失望因為咁多食評講到世一，最難忘既雞煲，心諗應該唔會差但我食完都真係幾難忘，首先雞煲隻雞係冇事，洋蔥都係好食，可樂都相當正宗但之後叫既野就出哂事🥲先講象拔蚌同珊瑚蚌：未碌之前已經好乾好硬，點知淥完係仲乾仲硬，最後碟珊瑚蚌係一舊都食唔到再黎係蟹籽蝦滑：第一次食到鞋恰恰既蝦滑，完美背道而馳最後我諗住，叫個熟食起碼塞飽左自己先於是我就叫左個椒鹽豆腐：呢個餸唯一可以讚既就係佢係熱既我一度懷疑佢係預早整定先，但都因為佢係熱既所以我放棄咗呢個諗法成餐飯我唯一感到安慰既，就係杯大檸樂

娃娃菜洗得好乾淨，冇爛冇黃冇黑點好新鮮，份量多，叫一份已經好夠食。手打香煎鵝肝蝦丸有6粒，雖然價錢比起普通丸類貴，但係真材實料，肉丸以鵝肝同蝦仁手打而成，口感十分鮮嫩、QQ彈彈，而且用煎過嘅鵝肝打成丸，令肉丸充斥住鵝肝嘅香味。牛柳粒份量正常、大小適中，脂肪分佈均勻，煮熟後油香撲鼻，牛味香濃。煮嘅時候唔好一次過倒入去，分開煮，控制下生熟程度。煮到剛剛熟，口感更加嫩，唔會太老導致韌。整體黎講，用料新鮮，對得起個價錢。

今日同大家介紹下一間旺角勁正既棒火鍋店，野食超正，絕對係想去完再去。以下幾款一定要叫!- 餃餃震：餡料爆滿，肉餡與菜餡的比例恰到好處。餃子皮好薄，口感唔錯，肉同皮夾埋有嚼頭🥟- 招牌螺片雞湯鍋：這雞湯非常鮮美，螺片肉質很嫩，口感很好，涼住冷氣飲返碗熱辣辣的螺片雞湯鍋，超享受~ 個湯凍左少少仲會凝住，一睇就知佢滿滿骨膠原- 泰式生蝦刺身：生蝦非常新鮮，肉質很嫩，搭配上泰式醬汁，酸甜開胃雞煲火鍋好多係任食，但呢間單點份量都足會夠飽，食材又新鮮非常唔錯，亦好岩多人聚會

重慶麻辣湯底好得呀喂📣，辣得來又夠香又夠麻😍啱晒我哋呢啲麻辣之鬼😋佢地有一個手打丸都係好出名嘅，今次呢我自己就覺得香煎鵝肝蝦丸係最好味嘅☺️因為呢粒肉丸超Juice，真係有鵝肝味，配埋蝦肉嘅鮮甜味感覺味道好豐富多層次♥️另外就叫咗一款海鮮，就係珊瑚蚌🪸，其實我自己就係第一次食嘅，建議大家唔好淥咁耐，要注意時間，如果唔係佢就會吸晒啲湯汁食唔到鮮味㗎啦😂我自己覺得唔好淥太耐就會好食啲，一來爽口啲，二黎麻辣度剛好。你哋如果嚟嘅話記得要預早book位，如果唔係就未必有位坐㗎喇。因為平日夜晚都好多人😏

<極品雞煲翅 🍲🐔🍗>極品雞煲翅係火鍋店中一款非常出色嘅湯底，湯底清甜鮮美，加埋啲新鮮嘅雞翅，真係好好味😆食完之後仲可以再加啲火鍋配料繼續食。<十全大寶丸你🔟🍡>分別有:手打生拆蟹粉墨魚丸、手打黑松露墨魚丸、手打黃金海膽黑墨丸、手打香煎鵝肝蝦丸、手打芝心牛丸，我最鍾意就係海膽黑墨魚丸，食到粒粒嘅墨魚粒🦑。<滑嘟嘟😳>就係蟹籽墨魚滑、蟹籽蝦滑、鯪魚滑，唔知係咪佢哋自己自家製嘅呢，食落口嘅味道好似同平時出邊食開嘅有唔同，唔會好鹹，夠彈牙😋如果講火鍋餐廳，呢一間喺我心目中嘅排名都真係數一數二，因為佢哋嘅雞煲翅真係好惹味🤩

今日過嚟呢度食火鍋，我哋只係叫咗普通嘅蕃茄湯底，我平時好習慣食打邊爐之前會飲一啖湯😳不過今日飲落去嘅時候覺得稍為有少少清淡🤫所以呢就叫咗一份珊瑚蚌吊吊味🤭除咗可以達到調味嘅效果之外仲可以食埋落肚，真係一舉兩得😏另外我自己嘅欣賞佢哋嘅自創爆芝響鈴🔔，而家食得多響鈴已經冇咗當初嘅熱愛，估唔到佢哋呢度一反傳統將響鈴入邊再加入芝士🧀️即刻邪惡度滿分😝如果大家都鍾意食響鈴嘅話不妨試一試！我屋企人最後仲叫咗一堆蔬菜同埋芋絲調落去火鍋湯底當中吸埋啲湯汁一齊食😌味道真係好濃郁🙌🏻

呢個火鍋真係好正啊!!今次我嚟到呢一間都幾出名嘅火鍋店🤩試咗幾款菜式，全部都好好味🤤最出色嘅就係佢哋嘅鮮淮山🪵真係好新鮮，好香好甜，份量好足夠。另外佢哋嘅牛柳粒都係好好味㗎 ~好香牛肉味🙌🏻最令我意外嘅就係佢哋有一個菜式叫做餃餃震~其實就係佢哋自製嘅韭菜餃、鮮蝦雲吞、蟹粉蟹肉雲吞同埋魚皮餃。皮薄餡多，我自己就最鍾意食佢哋嘅蟹肉雲吞🦀因為鮮味十足😋另外仲叫咗一份桂花蚌，都幾正~全部都仲係好新鮮仲識得郁，絕對唔係死貨😆今次呢一間餐廳俾我想像中好，我成日都以為旺角嘅火鍋店係好呃錢，次次都驚食唔夠飽，點不知呢度食物款式種類繁多😙

呢間餐廳有3好分別就係1️⃣蟹籽蝦滑•好彈牙2️⃣牛三郎•好好食3️⃣手打香煎鵝肝蝦丸•好特別阿公都真係幾鍾意佢哋嘅蝦滑同埋手打丸，唔知係咪因為佢哋自製嘅關係所以味道相對上喺出邊食唔到😚覺得佢哋對食有一份執着🥰用心做好每一樣菜式😎覺得佢哋有冇heart?食一啖就包你感受得到😌蝦滑嘅蟹籽份量都幾多，阿公呢就將佢哋撈勻左之後先再慢慢放入鍋中，確保每一粒蝦滑都有蟹籽😁牛三郎就真係三個唔同嘅部位雪花肥牛﹑牛肋片同牛柳粒🤫一次過可以食晒三款😌估唔到佢個丸都幾出色，有濃郁嘅鵝肝味，鍾意食鵝肝嘅人一定會讚口不絕🧐好似阿公老豆咁(👴🏼👴🏼太公)😆

♦️極品手切封門柳♦️回頭率：✿✿✿✿✿✿✿✿✿✿牛肉當中，我自己就最鍾意食封門柳呢一個部位，唔知點解我覺得食啲上嚟肉味比較重，而且肉質冇咁容易爛。呢度有得俾我叫實在太好了😋♦️生菜♦️回頭率：✿✿✿✿✿✿✿✿呢度嘅生菜洗得好乾淨💧，而且單點都來得好快，唔會話等好耐先有得食！而且佢啲生菜食起上嚟有種甜味。♦️炸午餐肉♦️回頭率：✿✿✿✿✿✿✿✿✿✿有冇人同我一樣都係好鍾意打邊爐嘅時候加入午餐肉呢？平時呢我就就咁切開就調落去嘅，不過呢度就係炸咗先再放入鍋入邊煮，食起上嚟午餐用嘅味道更加突出，而且會更加香脆可口😻下一次我喺屋企自己打邊爐嘅時候都一樣會拎啲午餐肉去炸咗先食🫶🏻♦️湯底♦️回頭率：✿✿✿✿✿✿✿✿✿✿佢哋嘅湯底有好多唔同嘅選擇，有辣有唔辣真係任君選擇㗎😏我最鍾意就係佢麻辣湯，好濃郁好夠味。

今日嚟咗打邊爐，但係最近我嘅並唔係佢哋嘅湯底而係佢哋嘅火鍋配料呀😽今日叫咗三款配料分別就係🤞🏻:頂級安格斯牛小排、牛三郎同日本廣島蠔。講吓嗰個牛小排先啦，改個名係頂級估唔到食落去都真係頂級貨👑第一啖食落口已經感受到佢嘅肉味非常之濃郁❗️唔會有太多嘅油份，就算食多幾片都唔會覺得好膩。之後呢就介紹吓佢個牛三郎，分別有三個唔同嘅部位。我自己最鍾意呢就係食牛柳粒如果唔太飽嘅話我都會加多一份牛柳粒食㗎🎲最後呢就係今日嘅重頭戲廣島蠔🤗，首先佢哋嘅蠔清洗得好乾淨，唔會話有蠔殼。食落口仲要係非常甜美，厚肉🫶🏻