吳留手居酒屋

營業中

休息中

三文魚丼午市定食跟前菜、咸菜、麵豉湯係銅鑼灣區，要食個丼飯閒閒地都要$120或以上，但呢到就唔到，平民價$68就食到三文魚丼，抵到呢！前菜係凍既雜菌，好香菇味，夏天黎個冰涼既前菜好開胃。三文魚丼飯有少量三文魚籽同一隻生鵪鶉蛋，配襯粒粒三文魚，又有口感又好食。飯仲加左肉鬆、蟹籽，好有誠意。柚子胡椒雞扒定食出面茶餐廳食雞扒都要50幾60蚊，呢到$68就食到！雞扒同出名既榮_雞扒有得揮，個皮脆卜卜，加埋香噴噴既柚子味，好正。係個咁舒適既環境下食雞扒，別有一番風味，值得一試。環境環境方面，可選擇樓上座位，餐廳樓上坐位寬敞，舒適，清靜，比人感覺遠離煩囂。

今日約咗朋友中午喺銅鑼灣行街食飯，search 到依間吳留手居酒屋食評一致好評，所以就試試佢。店員安排我哋上樓上坐。樓上座位寬敞，同我之前去嘅居酒屋感覺好唔同，完全唔會有逼同侷促嘅感覺。午市套餐選擇都多，銅鑼灣來講性價比高，68蚊一個定食，銅鑼灣真係好難搵。叫咗一個柚子胡椒雞扒定食同一個三文魚丼定食，兩個定食跟兩款前菜，一個麵豉湯。雞扒除咗有柚子香，雞皮煎得非常香脆，送飯一流; 三文魚丼除咗有三文魚粒，仲有三文魚粒，一粒蛋黃及幾片青瓜，夾埋一齊食有唔同嘅口感。性價比高，位置方便，環境舒適，想靜靜地同朋友食個飯傾偈聚聚，值得推薦~

見今日係星期日 就去咗銅鑼灣行吓街🤣 見到有間居酒屋 裏面有啲午市定食套餐 感覺都唔錯😍 🐷三文魚丼 👅8/10 $68呢個套餐包咗一碗麵豉湯 麵豉湯味道唔錯🥄然後仲有一啲前菜 感覺都幾開胃 而且唔會太過辣🌶️🥵🙅🏻‍♀️最後就係個三文魚丼飯 小編覺得份量都算OK 其實都對得住個價錢 除咗三文魚之外 上面仲有啲三文魚籽 🍣🍣三文魚食落去都算係幾新鮮 口感同埋色澤都唔錯 魚籽都幾香😍🐷溫泉蛋安格斯牛肉烏冬 👅8.5/10 $88呢個牛肉烏冬嘅份量都唔算少😍 嚟到嘅時候 啲牛肉仲未熟晒👍🏻 小編嘅朋友都唔食得生野🥹 所以佢要自己再淥淥佢啦🤣 啲牛肉嘅味道都幾濃 又唔會諧霎霎🤣 真心唔錯 仲有隻溫泉蛋喺中間 🥚🥚 不過因為溫泉蛋比啲湯浸住 😹 所以食起上嚟都要小心啲慢慢食先食到🤣整體嚟講 小編覺得呢間餐廳唔錯 下次可以再試吓佢哋嘅晚市其他食物🤣🐷 同埋除咗地舖之外 佢哋仲有一層喺上面一樓 我哋今次都係去一樓 坐落都幾舒服 位置亦都算係闊落😁.味道👅：8.5/10賣相👀：8/10扺食💰：8/10服務🙆🏻‍♀️：9/10.吳留手居酒屋📍銅鑼灣邊寧頓街5號地舖.#吃貨日常#香港#茶餐廳#Cafe#麵包#

I always pass by Nglausao Izakaya but never have a chance to try. I was craving some japanese skewers today so we decided to come here for dinner. Located around the corner, the restaurant has 2 floors. Ground floor was fully seated so we were assigned to a table upstairs. The place is spacious with japanese-styled interior.We ordered fried squid lips, cod roe tamagoyaki, salmon, maguro tuna and octupus sashimi. For skewers, we ordered japanese sausage, pork rolls with asparagus, tsukune, chicke

吳留手 日本居酒屋地鐵站F出口行4分鐘就到，地點都算方便，約左個大學舊同學敍舊，搵左間好有氣氛嘅居酒屋！前菜 木魚茄子🍆麻醬秋葵，日本蘿蔔都是開胃細緻的前菜！章紅魚海膽卷🍣魚肉刺身用起雙飛形式薄切，中間夾着鮮甜的海膽！海鮮冷盤有蜆肉大蝦🍤螺肉最令人驚訝，鮮甜到不得了，估佢唔到！炸墨魚咀🦑粒粒墨魚咀都好大粒，加咗檸檬汁同埋一點沙律醬，係非常好嘅助酒小食！雞翼串燒🐔燒到雞皮脆卜卜！雞肉串雞肉入邊有雞軟骨，沾上蛋黃好特別，令本身偏向行的雞肉串有蛋味厚燒牛仔骨🐄必點之主食！厚燒再薄切牛仔骨都係第一次食！六七成熟加上鹽花，令牛肉味提升到另一層次！每人飲左杯啤酒，開啤酒今晚真係盡慶而歸！🍻

隱世高質居酒屋😚😚，朋友介紹就去試下~~試咗三款刺身(三文魚,油甘魚,蟹膏帶子)，三個都超級肥美，好鮮甜👍🏻👍🏻特別鍾意佢嘅蟹膏帶子 蟹膏超濃味😚🤍🤍 💸💸前菜 APPETIZER $32三文魚刺身（三切）$68油甘魚刺身(三切) $88蟹膏帶子刺身(四件) $156燒自家製免治雞肉丸串 $48燒雞尾串 $42燒厚牛舌芯$68厚燒日本煙肉 $118鹽燒羊鞍 $108燒飯團Grilled rice $48📍吳留手居酒屋(銅鑼灣)地址: 銅鑼灣邊寧頓街5號地舖

食物:餐廳午市主打日式定食，選擇有好多，由魚生到牛丼都有。今日我就點左一生一熟。柚子胡椒雞扒定食($68): 雞皮煎到焦脆而唔油膩。雞扒唔會煮得過熟，肉質軟淋得黎又juicy。些少檸檬汁令整個味道再昇華，絕非茶餐廳質素的雞扒！三文魚丼($68):三文魚粒與魚子再加一粒蛋！看似簡單，但食落去卻一點也不普通。每一個食材都新鮮，吃到當中的原味。每款定食都會配上面一碗湯和開胃小菜，味道正常。環境: 店铺分上下兩層，下層位置少，上層相對寬闊。位置近銅鑼灣地鐵站F1 出口。值得encore!

銅鑼灣一向好多人，中午食lunch 都要花心思揾個好地方食下野，今日係中午時間黎到餐廳，發現都有多款日式定食選擇，熟食刺身都有日式丼飯好抵食👍中午輕食一流，包前菜、麵鼓湯及咸菜，及烏龍茶温泉蛋和風牛肉丼原隻日本温泉蛋，還有和風牛肉，味道鮮味多汁，丼飯當然美味，加有前菜咸菜，及烏龍茶，整個定食就好適合午餐時份去食三文魚丼三文魚粒加生薑，少許魚子，澆上Wasabi 嘅三文魚刺身丼飯好吸引，同樣有定食套餐，午餐之選

📍吳留手居酒屋銅鑼灣邊寧頓街5號地舖推薦刺身&炸大墨魚咀～1️⃣ 三文魚刺身（三切） $68 🌕🌕🌕🌕🌕2️⃣ 赤身刺身（三切） $118 🌕🌕🌕🌕🌕3️⃣ 八爪魚刺身 $48 🌕🌕🌕🌕🌗刺身不嬲都係我最愛，特別係口感爽滑嘅三文魚同重海水味嘅赤身，呢間嘅刺身都好新鮮😚～4️⃣ 自家製免治雞肉丸 $48 🌕🌕🌕🌗🌑免治雞肉口感唔會鬆散，有軟骨作點綴，增加口感增次～丸嘅表面燒得微焦，唔錯～5️⃣ 雞翼 $42 🌕🌕🌕🌕🌑雞翼只落咗最普通嘅鹽嚟調味，但係完全冇冰鮮/雪藏味👍🏻。雞翼燒得微焦，而雞肉部分唔會好柴～6️⃣ 芫茜牛肉卷 $58 🌕🌕🌕🌗🌑7️⃣ 豚肉露荀卷 $38 🌕🌕🌕🌕🌗都係有塊燒得微焦嘅肉包住蔬菜，但個人會偏好豚肉露荀卷，露荀好索汁，中間好juicy👍🏻～8️⃣ 黑豚腸 $32 🌕🌕🌕🌗🌑腸衣爽口，如果可以再燒到條腸爆腸衣會更加正🤣～9️⃣ 炸大墨魚咀 $68 🌕🌕🌕🌕🌕推薦！份量好多，墨魚咀好彈牙，炸衣厚度啱啱好～落埋檸檬汁超正！😋1️⃣0️⃣ 明太子玉子燒 $118 🌕🌕🌕🌗🌑玉子燒嫩滑、較甜，夾埋脆卜卜嘅明太子好match1️⃣1️⃣ 前菜 $32 🌕🌕🌕🌕🌑前菜有醃青瓜、芽菜、炆牛舌，特別一讚牛舌好有牛味，而且炆得好腍

返工食諗唔到食乜好, 朋友就介紹呢間, 話好味又抵食, 舖仔細細, 午飯時間去到坐滿晒諗住冇位, 點知原來仲有樓上😀環境唔錯, 比起地面大啲, 有啲居酒屋feel~我叫咗個午餐柚子胡椒雞扒定食, 平時食雞扒會搣咗啲皮, 但係呢度雞扒係即叫即煎, 啲皮又薄又脆喎, 唔食好嘥🤣啲雞肉都幾嫩滑, 仲有啲胡椒辣味, 味道幾刺激😛份餐入面有個小前菜, 我估係味噌蒜頭漬物🤔味道幾特別, 又幾好味Lunch性價比幾高, 見佢晚市有好多小食同刺身壽司, 有機會要約朋友唻食晚餐先得

老老實實都好耐無食過吳留手了咁岩有朋友仔約我去食晏我即刻say Yes吳留手居酒屋係位於銅鑼灣邊寧頓街5號地舖餐廳有分地鋪到閣樓成個環境同裝修都好舒適食物個方面 今次分別點左:- 柚子胡椒雞扒定食- 三文魚丼個人大愛佢地個柚子胡椒雞扒定食個雞皮炸到好香脆而且食落口個柚子胡椒好香濃超正@nglausao_izakaya Location: Causeway BayPrice : $100-$200/p.pEnvironment (10 is chill): 7/10Yummy (10 is delicious): 7/10

吳留手居酒屋，位於銅鑼灣，非常方便既地利位置，舖面好靚好優雅✨主打居酒屋食物，刺身、壽司、大量串燒等，仲有唔少清酒既選擇，介紹都算好詳細，差唔多枱枱都有叫酒🍶真係居酒屋，我都叫返杯三得利啤酒(白啤)夏天啱晒🤣餐具擺設好靚，忍唔住影低左，我好少會讚餐具都要提就知真係精緻🍴🖖🏻前菜，好靚既賣相，兩款漬物青瓜芽菜，味道都唔錯，幾開胃，加埋煮牛舌，少少胡椒味比平時常見既汁煮特別😋刺身時間，超級靚既擺盤，蟹膏帶子刺身，好特別既配搭，淡鮮既帶子配濃味既蟹膏加少少檸檬味，好有層次既鮮味，正😆三文魚刺身(三切)，切法都係有心思，厚身既三文魚，相當鮮味👍🏻居酒屋點可以唔食日本串燒呢，淺嘗兩串，個擺盤靚到…絶對係最特別既串燒賣相沒有之一🌟自家製免治雞肉丸，加埋日本生雞蛋，感覺做丸狀更加滑，調味好好味😛厚牛舌芯，鹽燒，我見過最厚既牛厚，外面超濃焦香，鹽味好夠整體勁濃味，好正🤤鯛魚湯烏冬，望落好清，烏冬口感唔錯，鯛魚湯奶白色好有魚味😙整體來講酒又正、刺身又鮮、串燒又好味、材料又高質😳最難得係份心思，係服務、擺盤同食物細節上完全呈現到💯難得既極優質居酒居🎌

今日lunch特登去銅鑼灣搵friend食飯，我話想食日本野，於是佢就帶咗我黎呢間居酒屋～*壽司定食 $128一共有六件壽司+湯烏冬，今日嘅壽司有左口魚裙邊、油甘魚、三文魚、帶子、吞拿魚、魷魚。食材全部都好新鮮！個人最愛係帶子同埋吞拿魚～帶子超鮮甜好軟嫩，吞拿魚肉質細膩，油脂滿滿🤤湯烏冬用嘅應該係稻庭烏冬，好彈牙，湯底係日式鰹魚湯味～*柚子胡椒雞扒定食 $68配前菜+鹹菜+麵豉湯🍲雞扒外皮煎得好香脆，肉質好嫩，配上柚子汁嘅微酸，令到雞扒冇咁油膩，送飯一流！

之前經過銅鑼灣都留意到呢個位開咗間居酒屋😚朋友話俾我聽，佢地嘅午餐Menu係銅鑼灣嚟講都算抵食！呢日就過咗去食晏晝啦😜壽司定食 跟烏冬🌟肥美又鮮甜嘅鮭魚🌟火炙過口感十足嘅左口裙邊🌟爽口彈牙又稱章魚嘅石蛸🌟魚油感十足嘅油甘魚🌟味道甘甜，口感清爽嘅深海池魚🌟厚身又嫩滑嘅鮮帶子食埋碗熱辣辣嘅烏冬，非常大滿足💓溫泉蛋豚肉生薑燒丼豚肉片口感爽脆，又有大量嘅焦糖色嘅洋蔥，同埋蛋香十足嘅溫泉蛋🤤生薑燒汁味道濃郁，甜甜地帶點薑味，送飯一流❣️吳留手居酒屋 (銅鑼灣)銅鑼灣邊寧頓街5號地舖

我們選擇了一間位於市區的居酒屋，這家餐廳看似不起眼，但原來有兩層樓的空間。今天我們選擇了午市套餐，點了一份豚肉飯和西京燒。套餐不僅包括主菜，還有麵豉湯、漬物、前菜和飲品。價格從六十幾至百多蚊，性價比非常不錯。豚肉煮得剛剛好，入口肉質嫩滑多汁，配上香噴噴的白飯，絕對是一道美味的主菜。西京燒採用傳統的日式燒烤方式，肉質鮮嫩多汁，可惜表面烤得過龍。除了主菜之外，套餐還配有麵豉湯、漬物和前菜。麵豉湯清爽可口，漬物則帶著微微的醋酸味，非常開胃。前菜的種類多樣，每一道都很精緻，讓人愛不釋手。總括來說，這家居酒屋的午市套餐價格也相當實惠。餐廳的氛圍舒適，經理服務態度友好，另外一個樣子很惡。