周記點心

營業中

休息中

週末朋友提議去中山紀念公園消閒，去之前想食個下午茶，就帶左我去試呢間以邪惡流沙西多聞名既周記啦未過馬路前已從遠處見到有一堆人係門口等位，好在我地得兩個人唔洗特好耐大概15分鐘就試到啦第一樣係xo醬炒腸粉，xo醬香味撲鼻，而且火喉十足但又不會令腸粉過分乾身第二樣試既係奶黃流沙西多士，西多士一切開真係見到熱辣辣既奶黃流沙流出黎，將西多切開一格格後點返流出黎既奶黃真係令人停唔到口！最後仲試左芝麻蝦多士，外層既芝麻煎過好香，而內裡既蝦肉塞滿整個多士，所以咬落口感令人覺得好滿足

為左食好西決定山長水又遠去試下呃Like好物'流心西多士'（$28）黃金流沙份量多過外層酥脆的外皮，一切開洶湧澎湃呀！各朋友可以試試喔！但不要抱太大期望，因為實在太似流沙包個餡啦😆食食下黎個充滿白芝麻既蝦多士（$40連熱飲，下午茶餐），佢係好好味既，但個邊就炸到好深色，怕熱氣朋友不可以吃太多啦！

今日晏晝想食多D嘢,喺條街行嚟行去食啲咩好呢, 見到有間週記點心非常之熟口面,而家咪就係喺香港仔好多年嚟嘅老字號地踎茶樓點心點我以前細個好鍾意食佢哋珍珠雞因為夠大件而又幾好食。估唔到而家佢哋去西環都開咗分店不過依家最出名嘅竟然唔係點心而係茶餐廳嘅西多士。而家咪即係香港仔嗰間週記點心 都唔到時間咁多年雖然係香西環均有分店 從店面睇非常之唔似香港仔嗰間老店。原來鋪頭放滿圖片同埋雜誌報紙嘅報導下午茶餐主要都係買咗幾款熱賣的菜式, 日出嚟嘅大 大部分客人我諗應該都係大學生佢哋一嚟到就已經唔使睇menu淨係講number 可能佢哋已經成功取悅到上面大學生嘅歡心。等咗大約15分鐘快西都已經送到嚟表面炸得非常之金黃色 而且每一面都有滿蛋汁。細細都持落去嘅時候流心已經流出嚟在大多啲切落去裏面嘅流心蛋黃馬上爆裂出嚟 呢個留心真係好好食 不過我嫌佢個外皮唔夠翠如果再炸得脆啲應會重香口不過一個人食落去都覺得非常之肥你而家好有罪惡感。親密都係普通茶嘅弱貨色冇乜特別。總結下午茶33蚊其實都唔係太貴, 因為佢裏面用嘅係留心下午唔係普通嘅花生醬 不過以前記得週記嘅糯米雞非常之大隻但係而家淨返嘅只有珍珠雞, 因為伙記

去開西營盤影相 諗住食個tea 一諗起西多士就想試下個流心西多本身想試奶黃 但見隔離枱既香芋好吸引最後簡左香芋流心好香 口感唔錯不過我個人建議2人share一個西多士 再試其他野食 本身想試埋佢個炒腸粉 可惜賣晒 另外每位店員都好nice

不枉我等左成個鐘周記點心，啲點心質素真係好唔錯。黑松露燒賣同蟹子燒賣都好正，黑松露清香不絕，仲有蟹子好新鮮彈口，燒賣冇咩肥豬肉溝落去，但啲肉都仲幾軟滑。另一推介佢既蝦多士~ 蝦多士原粒蝦肉，唔係一pat果啲蝦膠黎，食落有層次感，啲芝麻點左啲沙律醬都冇甩出黎，味道適中唔會偏鹹😍仲有唔係炸炸炸，所以食落唔太熱氣! 嗱嗱嗱，重點黎啦~ 我想食既奶黃流沙多士 終於食到啦😆 (下次我要食香芋流沙多士)首先個多士咁金黃已經好吸引，但切開你仲覺得吸引，因為蛋黃流沙不斷流出黎 XD 好香鹹蛋黃味呀! 多士索埋啲流沙勁正，香過用蛋漿炸~ 蝦餃非常飽滿，皮薄晶瑩，蝦肉相當大粒爽口。基本上今餐除左奶黃流沙多士之外，可以叫做全蝦宴。😂唔少得要飲呢度既奶茶，茶味十足。

近日秋高氣爽，難得同兩老一齊有假放，當然要行下山活動一下，就前進香港島去下薄扶林水塘。郊遊前要填肚，先係西環落腳。大清早，又同屋企人一齊，自必然首選飲茶食點心。蝦餃、燒賣為必然選擇。鮮蝦大大隻又爽口。燒賣好足料。鳳爪排骨飯，亦都水準中上。蝦多士係招牌菜，外層炸多士香脆，芝麻滿鋪，食落特別香口，蝦膠當然亦係啖啖肉，再點沙律醬，一流！果然係必食推介！唯獨是炸野始終比較熱氣，一件就夠晒數。 春風得意腸，即腸粉包春卷，亦都好味，腸粉皮薄，春卷入面都係啖啖蝦肉。不過兩樣熱氣野食，要二揀一既，都係非蝦多士莫屬。最後唔少得既，當然係紅極一時既奶黃流沙西多士！估唔到朝早都有得叫，幾飽都要試埋佢！睇住佢一切開，入面既奶黃餡湧泉而出，再食佢落肚，實在為人生一天樂事。雖然有些許熱氣，但都值得一試。好味既流沙奶黃包唔多，但總會搵到，而好味既奶黃流沙西多士，就真係只此一家。對住咁邪惡既食物，三個人竟然食得晒。食到肚滿腸肥，好彩最後都行左四五個鐘去消化。

聽同事提起「周記」好多次，卒之搵到一日夾齊成team人一齊由公司飛的過西環食個lunch。舖仔雖小，但點心就有好多選擇。同事極力推薦芝麻蝦多士，嘩！一上枱，完全顛覆左蝦多士響我心目中既形象！厚厚既蝦膠配上薄薄一片，兼炸到好脆但又不油膩的多士，頂級好味！一碟四大件，都只係$35，真係攪蝦膠既手工錢都唔止。一班同事叫左幾廿碟點心，基本上樣樣都好好味，特色推介黑松露湯餃。個湯真係充滿黑松露味，忍唔住成碗乾左。同事一直叫我要留肚試西多，我地點哂兩款奶黃流沙和香芋流沙。兩款都勁正。香芋味道好濃但又唔會太甜；而奶黃流沙食到好多鹹蛋黃響入面，感覺似食緊某某酒店受到熱捧的奶黃月餅。好味！值得一讚的，係lunch時段，全場爆滿，門口仲有一大班人排緊隊，店內得兩位姐姐做野，但上菜、加茶、招呼完全無問題，速度亦好快。仲送左碟怪味拍青瓜俾我地食添！

是日行完山再到埋西環泳棚後就過水街周記，　雖然係三點九呢ｄ唔三唔四的時間，　但門口都有唔少人係度等位，　幸好大部份人都係度食下午茶，　所以唔算等得好耐。　香芋流沙西多士 $37 ($32)貴個價錢係下午茶連熱飲價錢，　凍飲及紅豆冰要再額外加錢。　平個價錢係齋一個。首先香芋流沙香芋味好香。　個西多士亦熱辣辣新鮮出爐。　份量絕對唔少。　一個人食絕對好夠。奶黃流沙西多士 $33 ($28)咁難得走到咁遠，　當然唔放過所有推介。　跟香芋流沙西多士一樣，　包超脆，　流沙就好似平日去食的流沙包一樣。　但由於平日都時常食流沙飽。　所以個人比較推介少有的香芋流沙。芝麻蝦多士 $40 ($35)這個不得了，　個人十分喜歡食蝦，　呢個蝦多士，　中間的蝦膠超厚。　份量十足。　再加埋個皮脆卜卜。　熱辣辣。　不論口感及味道都一流。　推推推。　周記蝦餃 $26可能食左上面三個推介，　相比起蝦餃就有點失色，　就是平日食的蝦餃一樣。　不過不失。鴛鴦燒賣(黑松露/蟹籽) $26燒賣都有兩種口味。　全部都係新鮮出爐。　讚。。。蓮蓉箭豬仔 $26　（個名我改：ｐ）以為行完山中午又唔係食得多，　所以就係咁叫野食。　呢個食品係

最令食過返尋味嘅流心奶黃西多士，新鮮即整，上枱漲卜卜仲出緊煙，熱辣辣，一切開，wow! 不得了！流心流晒出黎！黃色帶少少金色！淋勁多糖漿最好食，方包炸得啱啱好，金黃色，一咬d油爆出黎

難得今日放假 就四圍去找美食平時小過海的我 今日就為左呢件西多士過海🍤多士: 5/5 麵包夾蝦肉再加芝麻 真是好夾每件都有好多好厚既蝦肉麵包上台時仲係好脆架 👍🏻下午茶不錯選擇😛

見到好多餐廳介紹，就諗住特登去試下，仲要排左好一陣隊，誰知十分失望。首先，燒賣係梅爛既，完全唔得芝麻蝦多士油太多，食落去啖啖油，蝦亦唔算大隻，所以食左一舊已經唔想食落去鳳爪排骨飯既飯好爛，亦冇排骨既香味。碟炒米粉一黎到，睇到充滿住油光，已經唔想食最後食最期待既流心奶黃西多士，冇報導咁吸引，只可以話為求一試。 整體黎講，真係好失望。

這次我用倒敘法開始。在水街這間人龍店見識過以後，根據與店員聊天的內容，我倆去香港仔逛了個圈，果然在香港仔大街找到一家同名的小店，而主打也真的是點心 (亦真的沒有西多士之類的非「狹義點心」食品)。然而到得太晚，這家裝潢更「貼地」(即是，冇乜裝修) 的「元祖店」已打烊了，無緣一試。是甚麼讓我們會遠道「探親」？因同伴實在「巧多士」... 唔係，該說是同伴實在「巧」喜歡水街的各款多士。既然咁喜歡，那麼為了一嚐這裡的多士產品 (西多士、蝦多士)，我們願意排多少時間的隊？答案是：零。所以，我因某天下午到附近辦公之便，早些少放自己工，在此與友人一起食個難得的 tea。平日的周記，人潮大異於假日，吃得輕鬆愜意。一看餐牌，多士茶餐索價達卅多四十，我也不能說不肉赤。不過既然要試，我也豁出去了 - 不論是對價錢或是邪惡的特高卡路里。西多蝦多，烹調需時，故奶茶先到。一喝，感覺淡然；那是種「慣」。原來我心中有條線，當遇到真正吸引的、超越那線，心中自然會鈴聲大作。是怎樣發現的呢？最近一探大埔街市，一嗅到那陣「除」，已心花怒放；也因為太遲才到、無緣一嚐 (連香味來自哪檔也找不出！) 而滿心遺憾。我到遍尋不獲、心頭泛

放假又同朋友上OPENRICE搵食，今次來到上環人氣點心店前，很多人在店前等候。取票後，我們到對面玩具店逛逛打發時間。逛了15mins，回去等一下即可入座，座位尚算舒適。我們點了OPENRICE勁多人讚的奶黃流沙西多士，切開金黃外皮，大量奶黃即湧出，香噴噴，未食已經流口水。吃下時（要小心燙口），香酥多士沾上味濃帶香甜的奶黃，味道襯絕，有窩心的感覺～再來點了也是好評如潮的芝麻蝦多士，芝麻香口，蝦爽口彈牙，十分滋味，名副其實。最後點了鴛鴦燒賣，大粒足料，蝦肉豬肉鮮而肥美，同時也吃到黑松露的香味，正平時厭倦茶樓食物的我，今次很開心品嚐到獨特美味的點心店，下次有空再來上環而必再品嚐！

今日特登過嚟西營盤買下午茶外賣，冇計門口冇得泊車。之前睇openrice又見朋友post相，個個都推介奶黃流沙西多士，以前真係食得太多次啦，今次特登叫蝦多士試吓，真係10萬個驚喜！面頭鋪咗白芝麻，個底用咗簿麵包，包住中間厚厚嘅蝦肉一齊炸到外脆內軟，外面脆卜卜，裏面軟林林熱辣辣，味道恰到好處，唯獨係個沙律醬太少下次要問佢攞多啲先得。呢個功夫一啲都唔野少，師傅簡直做到出神入化，真係冇得頂！下次一定一定要繼續encore，以後要做多啲運動減肥至得啦！

第三次嚟食，今次叫咗香芋西多士。今次切開竟然唔流，其中一個店員見到，即刻主動同我地換，低讚嘅服務態度。佢重送咗青瓜賠罪。新上嘅西多，一切即流，觸動味蕾。都叫咗其他點，幾好食，但無咩特別。