味中味餐廳

營業中

休息中

2019年3月11日（星期一）位置唔就腳，响正太子同深水埗地鐵站中間，依然有好多捧場客，證明食物質素有保證。平日夜晚七點前到達已經要等位。冇錯，晚市套餐小菜+湯+白飯+餐飲最平$40有交易。份量足、味道好、冇得彈！超值🍗抵食豉汁蒸鱸魚$58蒸海鮮最考火喉；鱸魚鮮甜、豉椒惹味，阿廚果然夠功力！鮑片東菰扒福菜花$55福菜花清、甜、爽，獻汁少少甜，令餸菜特別鮮味，水準以上仲有凍檸茶料足茶靚唔孤寒，抵讚！家庭式茶記，老闆收銀、樓面、廚房一腳踢。太子爺做緊廚，老闆一返嚟直衝廚房幫手！太子傳菜見到扭計小妹妹也不忙哄哄小孩子！小店座位窄唔好坐，但食物平靚正，食客駱驛不絶！味中味、出品好味、店舖更有人情味！名乎其實 「味中有味」！

一直都幫襯左呢間餐廳好耐但懶得打食評😂😂今次終於的起心肝，因為實在平靚正。講真呢間餐廳外表平平無奇，基本上係一般茶餐廳既款式，但老闆呢到既撚手小菜、煲仔飯實在要大大推介！仲要用比出面平一半既價錢就可以食海鮮，魚蝦蟹一應俱全。今晚屋企人生日，前一日特登同老闆留枱（呢到一到晚市通常人山人海，好多街坊幫襯，人情味濃），預先叫老闆買定令海鮮（老闆每日都親至去街市做採購），有咩想食同佢講定就得，整出黎唔差過大酒樓👍🏻👍🏻👍🏻今晚都係good ar!!👍🏻

位置唔就腳但相當有水準嘅餐廳。好耐之前嚟食過煲仔飯，今次嚟試佢個小菜。我哋一行六個人叫咗七個餸，整體黎講味道係唔錯。豉油雞好入味，個蒜蓉蝦好多蒜蓉幾個餸入面令我食完想encore嘅就係呢個鹹魚煎肉餅，本身肉餅係一個好普通嘅餸唔會難食又唔會特別話好好食但佢反而令我好有驚喜。本人原本就好鐘情墨魚餅，飲茶成日都會叫到，而呢個肉餅口感就exactly墨魚餅咁，仲要加咗鹹魚令個餅更濃更入味，好想食多幾塊，餸飯一流。

天口咁熱，晏晝都唔知食咩好，今日味中味有個菠蘿咕嚕肉飯，就揀佢啦。鋪頭細細有啲舊，lunch時段好多學生，所以我都係買外賣，唔同人爭位啦 😁價錢平民化，味道不過不失， 咕嚕肉炸得幾脆😋 份量亦都夠大，好飽肚👍

本來病病地冇諗住評論，連續食咗兩日味中味，平平哋又快，味精多油都好多，茶記來講，我好正常，但係真係好冇誠意，我連那一個時菜魚片飯，你都同我整到咁難食冇打生粉水， 成兜野水汪汪！咁我咪食白飯囉，點知連啲白飯硬到阿媽都唔認得，成盒野食咗一半，發現一條唔係我自己本人嘅頭髮，我真係火都嚟埋，電話冇晒電病到死下死下我都要評論踩佢一鑊！發現小強我都冇咁🔥，30幾蚊快餐我淨係飲咗碗湯，仲要係味精加水嘅湯，真係火都嚟埋，簡直影響我情緒，失控到我要攞起個電話，即刻喺呢個平台叫做OpenRice，好耐都冇評論，馬上打返幾個字，平復我心情！麻煩儲餐廳嘅老闆廚師真係想做好少少香港嘅茶餐廳真係要留意什麼叫做質素什麼叫做香港茶記嘅文化，唔係死平就有人食，咁搞法我想香港搵一間茶餐廳食我最喜歡嘅嘢可能都搵唔到啦！

食左呢間餐廳好多次, 真的要寫個食評讚下佢.  首先, 佢地$33一個快餐包湯包飲品, 仲要份量多又好味, 係今時今日都已經唔知邊度有了, 即使深水埗街市既熟食中心食一個餐都要成$34, 何況佢地仲有湯送呢!!食左咁多次, 最鍾意係佢地既快餐牌裡成日見到既冬菇蒸肉餅, 肉餅份量大, 又滑又夠味, 真係可以用黎KO晒成碟飯呀!!  有時快餐牌又會有干炒牛河, 又係又大碟又好味呀!!  大佬, 炒粉麵都常都要成40幾蚊架, 有D仲更貴添, 而佢擺係快餐牌時連湯連飲品都係$33, 真係冇野好講.而今次催使我寫食評係因為剛剛上星期日去食LUNCH時竟然係快餐牌見到西檸煎軟雞, 第一次見到呢個選擇即時二話不說叫一客來食.  嘩!!  上枱時竟然同我地之前叫過一次係小菜價既份量係一樣咁多同一樣咁好味, 簡直喜出望外呀!!  所以個餐食得好開心, 因為覺得超抵食, 亦很多謝老闆咁益街坊, 多年來不加價, 亦冇減份量, 可知道數年前$33一個快餐叫做市場價, 但今時今日就已是超抵價了.PS. 呢個快餐係由11am到11pm都有呢, 真係好抵, 老闆抵讚!!

是日，約好了友人在太子共進午餐，可是，目標的餐廳原來星期一定休。再行遠少少找另一家型格咖啡店，又遇上了 private party，不開門。結果，我們決定繼續行，求其簡單一餐，志在吹水閒聊。說求其，由食友帶路的，總不會太求其。我們在荔枝角道行，到了這一間名叫《味中味餐廳》的地方停下來，說，就是這一間。是一名已移民加拿大的食友推介過的。我一聽是他介紹的，對這一間帶點殘破感的茶仔更加有信心。 說明求其食，而且餐廳於午市時段並沒有什麼天花龍鳳的食品。所以，我們就一人一份午餐。而且，非常開心的，這兒仍然是有湯、有飯/麵，有飲品的好茶仔。湯，是夏日的合掌煲豬瘦肉湯，沒有味精，味道滋潤。像我的小家庭，少煲湯，若是在外飲到一電似樣的湯水，會是十分之開心。 我的午餐是洋蔥豬扒飯，兩片大豬扒，份量十足十，洋蔥汁是中式的，是用豉油糖生粉打出來的百搭茨汁，洋蔥當然也夠多，而且是一個汁多好送飯的物品，有少少越食越滿足的感覺。不過，太大碟了，我食唔晒。 朋友點了炒粉麵餐中的干炒牛河，油亮而不覺膩的干牛河，一定要是夠鑊氣才會有此品質。而且這牛河的味道均勻，豉味香而沒有過份地咸，很有水準。 要評茶餐廳好不好，其中一

天寒地凍，最啱食煲仔飯，放工去左太子買野，就search下開飯附近有無，搵到呢間味中味八點到去到門口，望入去很多客，沒有太多吉位 ，在門口等候，店員無打算協助點左兩個焦仔飯，一個排骨潤腸，一個北菇雞，落單後送上兩碗例湯，不過不失，之後等等等，足足半個鐘先有得食，一打開好有飯焦味，夠燶，排骨夠味，好食，潤腸皮韌，味又咸又怪，似大陸cheap野，北菇雞一般水準，沒太大驚喜，埋單$120,算合理水平，好飯焦者可一試，但等候時間實在太耐

這餐廳的外表不值一晒。「環境系」食家大概不會步進這食店。是有點像工廠大廈飯堂那種舊式裝修。小弟初時也以「無甚要求」、「但求飽肚」的心態用餐。一吃之下不得了，就此愛上。現在每星期有至少三晚到這裡解決。怎麼說呢。他們的菜式花樣繁多。未必是一食覺得「好好味呀」那一種。但絕對唔會差，接近「大排檔」與「酒樓」之間的級數。比一般茶餐廳的炒菜好。而重點是：價錢便宜。我每晚都在$35以下便完成晚餐。有湯有餸有飯有飲品，味道唔錯。總結就是-性價比一流。今晚點了枝竹火腩煲。已經值得推介，這道菜的草根風味在酒樓品嚐不到。但請相信我，這家食店大部份炒粉面飯小菜都唔錯。怎麼說呢。他們的菜式花樣多。未必是一食覺得「好好味呀」那一種。但接近「大排檔」與「酒樓」之間的級數。比一般茶餐廳的炒菜好。而重點是：價錢便宜。我每晚都在$35以下便完成晚餐。有湯有餸有飯有飲品，味道唔錯。總結就是-性價比一流。而且他們以街坊小店形式運作，不是先生前小姐後禮貌周周那種。但有種親切的人情味。也因此忍不住要寫篇食評表揚一番。

坐落太子同大角咀之間既一間茶餐廳味中味，除左食普通茶記碟飯少炒之外，原來仲有煲仔飯煲仔飯用傳統平既瓦煲去煮，煮得溫度夠平均，　我點左潤腸白鱔飯潤腸比較粗，咬落去多汁夠甜，不錯。　白鱔新鮮夠滑又夠多，上面既豆豉同辣椒吊味，正。　飯身比較軟身，配以上面既醬汁，不錯。　重要係有飯焦夠脆呢間食店環境逼而且冇乜服務，但坐低叫個煲仔飯食都係一個不錯既選擇！

今日仔仔遲放學,接完佢都黎唔切買送煮飯,所以一家三口黎到附近既一間茶餐廳食晚飯。呢間味中味係呢兩條街都叫幾有口碑,但係老公平時比較鐘意食美味屋(住呢頭既應該知係邊間) 所以比較少去味中味呢間茶餐廳食飯。但係今日心血來潮,好想食下呢間既煲仔飯,所以強行將老公同仔仔扣押到呢間餐廳。畢竟大熱天時,點睇都唔係食煲仔飯既季節, 所以係入去之前都問左老闆有冇,老闆好爽快咁大聲應”有,幾時都有”入到去其實都幾多人,咁岩有一張卡位仔, 見到係到食既都熟口熟面既街坊,有一種好溫馨既感。 今次要推介既就係白膳煲仔飯, 因為得我一個人想食,所以正係叫左一個煲仔飯,其實我仲想食埋另外一個煲仔意粉但老公同仔仔都唔食,唯有下次先啦.哈哈。 講番個煲仔飯, 火侯我覺得掌握得好好因為個飯唔會太乾,而且白膳食落去幾彈牙,唔會太老, 新鮮白膳加上師傅秘製既豉油,我一個人就食哂成煲飯。我老公同仔仔就叫左三碟送一齊食,蒸左一條石斑仔 $108 ,蒸到幾好, 無乜特別, 有一個魚香茄子煲,都係正常水準,最後一個付乳通菜牛肉,呢個真係要鬧下,牛肉切得太厚,仔仔食得好辛苦,同埋付乳落得太重,成碟菜太鹹。食左四樣野二百幾蚊,價錢合理

話說已經住在太子荔枝角道獨居已接近兩年，平日除了自己做菜吃飯之外﹐還會到周圍的食店尋吃去。四周的美食很多，例如「金鳳餐廳」，走前一點的「美味餃子店」﹐佬味菜「珠江酒家」；每一晚食飯時間均座無虛席，外面更是排滿人龍。不過我更愛的是比較低調的家庭小菜茶記－味中味餐廳。像一般茶記，它們包辦一日三餐。基本上我每個周六日都會由這家餐廳開始，它們的沙牛麵好讚，坐得幾舒服（有時還有小貓叮叮坐店﹐羞羞怯怯的非常可愛），我一坐就會坐好久，由激優一族坐到道地星期日影院。腰骨坐酸了就會起行回家，或者做運動去。今天跟小貓一起去吃晚飯﹐她因為腸胃不好就會比較對吃店的外觀和衛生程度比較注重。我得承認此店的外觀衛生程度分數是比食物質素低一點，但受我多番勸誘之下﹐她偶而也會陪我去吃晚飯。點了菜後就收到一碗老火湯（老黃瓜煲豬骨），他們說那是沒有下味精，十分足料。也對的，實在是沒有味精的味道﹐但也沒有太喜歡（我由細到大只喜歡喝兩款湯，一是青紅羅白，一是蘋果百合）。因為已過了煲仔飯時節，就來吃兩個開胃一點的小菜。第一道菜是西檸雞（＄48）。個人認為好吃的西檸雞應該要炸得香，雞肉軟滑，茨汁的酸甜和濃稠度適中；我曾吃過「螢光西

今(6-5-2012 Sun)朝同男友起身後去食早餐,佢話沿荔枝角道向南行有好多o野食,於是同佢行,點知一直行一直行,都見唔到食肆,見到飛鷹餐廳未開門,繼續行,見到一間好似食川菜,咁梗係又未開門啦,行前幾部終於見到呢間,於是又過返馬路入去,入到去剩返一張卡位.坐低睇餐牌,冇早餐o既?都未到11:00am,亞姐就醒目地即刻拎畀我o地睇,男友要$18.00o既兩餸o既百搭粉麵早餐,要五香肉丁,蟹柳麵,加$2.00要凍檸茶少甜,後生啲女面即問我男友介唔介意蟹柳係蟹柳粒?男友答冇問題.我就要$21.00o既西式扒餐粉麵早餐,要雞扒火腿麵,加$2.00飲凍好立克少甜.好快,兩杯o野飲到o黎,大大杯,呻o左少甜就o岩o岩好,唔太甜又唔淡.男友o既五香肉丁,蟹柳麵到o黎,佢食o左半碗,我o既雞扒火腿麵重未到,攪乜咁耐?件雞扒未解凍定未炸好?男友幫我問妹妹仔,佢話佢都奇怪,就問問,佢話師傅答雞扒未得係耐啲,等多陣.一陣後,終於到喇,碗湯米白色,雞扒鹹度適中唔乾,成個餐都冇乜問題.

氣溫急降，又是時候吃些可以暖肚的東西。想到吃煲仔飯，不期然地又再想起煲仔飯水準不錯的「味中味」。沒來接近一年，舊地重臨，環境依舊地差，客人依舊地多，不過無所謂啦！都是來吃熱烘烘的煲仔飯罷了，吃完就走，不會逗留太久。不見一年，鎮店煲仔飯之一的「白鱔拼斑球煲仔飯」竟已加價至 $78，實在不太便宜。不過無所謂啦！都只是一年來吃一兩次罷了，滿足過後，又不會經常番兜。除了主角的 「白鱔拼斑球煲仔飯」，這夜還叫來一個較清淡的 「海鮮什菜煲」作配角。因為食客太多，連店外也要加檯招呼客人的關係，「白鱔拼斑球煲仔飯」要等待一段時間才能有得吃。喝罷送來的例湯，也把早點送來的「海鮮什菜煲」幹掉一半，「白鱔拼斑球煲仔飯」才姍姍來遲地上桌。熱騰騰、香噴噴的「白鱔拼斑球煲仔飯」雖是較油膩，仍然好吃，嫩滑的斑球與脆韌的白鱔始終美味。「海鮮什菜煲」份量不少，海鮮雖只是些彷鮑片、魷魚、蟹柳、蝦乾等、但蔬菜份量與種類俱多，粉絲、黑木耳、菜心、西蘭花、冬菇、唐芹等等，構成一煲份量十足的煲仔菜，味道雖較清淡，卻正好中和一下「白鱔拼斑球煲仔飯」的濃郁味道。這夜因為有點傷風，正在作感冒中，所以也叫來一杯難得一喝的「煲檸樂」作飲品

天氣凍凍地, 女友想食煲仔飯, 上open rice見到呢間的評語不錯, 一於去試試!我地叫左兩個煲仔飯套餐:鱔球拼斑球煲仔飯 - 飯煮得粒粒分明, 又好香口, 成煲飯有足夠飯焦, 香到不得了, 加一些少甜的豉油, 絕配! 鱔片好煙韌同新鮮, 斑片嫩口, 都好新鮮, 脆肉瓜好爽口,一個好好的配搭!飯的質素之前已講左,排骨肥瘦適中,有豬肉香味, 煮得亦好好, 唔會韌晒, 腊腸個質地就怪怪地, 一入口碎晒咁, 調味料係豆豉, 蔥,好惹味香口!青紅蘿蔔豬肉湯 - 無咩味, 偏淡.... 環境一般, 地方真係唔係好清潔, 可能係人手不足的關係吧, 因為成間餐廳都坐滿人, 但只得兩個侍應可能處理煲仔飯需時, 我地要等左45分鐘先有得食, 不過都值得的.鱔球拼斑球煲仔飯已加到$78一個, 確係比出面的餐廳貴了一點!