味真越 (已易手) 新餐廳

南港島線開通左實在太正! 終於唔駛局限係香港仔食, 來到利東站既餐廳選擇多好多.第一站就來到呢新開無耐既越南餐廳試下, 餐廳有d 細, 只有幾張枱, 但呢度店員好有禮貌好有效率, 好快落完單, 等左無耐就上菜啦香茅豬排飯 $30Vietnamese Lemongrass Pork Chop with rice豬排煎得金黃入味, 香矛味夠香, 超下飯😋 一邊仲有香蔥for 撈飯聽朋友講呢度既生牛肉河都好正😎湯底夠香濃, 飲完都唔會口渴. 下次一定要試下

今日同朋友相約係利東站，係鴨脷洲公園附近搵下午茶食，見到一間越南野裝潢唔錯，就決定入去試下。 當時大約係下午4點，店內仲有3-4台客人，我地坐門口的大台位，唔需要等位。 坐定之後，我地叫左個生牛肉湯河同香矛雞翼湯河，以及兩杯熱菜蜜。 熱菜蜜即叫即沖送到台面，5分鐘內，一碗生牛肉湯河同淨湯河亦送上，雞翼後上。生牛肉份量很多，佈滿成個碗，牛肉很鮮嫩，應該是牛肩，完全沒有冷藏味。另外湯底亦很濃的肉湯味，沒有甚麼味精，河粉份量多和結實彈牙。 10分鐘內，即叫即做的香矛雞翼送上，雞翼外皮煎得香脆可口，但入面的肉仍很有肉汁和保持鮮嫩，值得一試。

南港島線試搭，去完海洋公園，當然去埋探索神秘嘅南區，利東呢個地方真係完全冇踏足過，原來就係大名鼎鼎嘅鴨脷洲。原本諗住食熟食中心，點知熱鬧非常，唯有喺街求其搵嘢食。呢間越菜小店離地鐵站不遠，鋪頭唔大，座位應該只有約二十個，小店嘅格局，夾埋小店嘅價錢，真係買少見少。可能已經比較晏，生牛肉同濛粉兩味主菜都沽清，店主亦不厭其煩咁提醒每一位食客，相當負責任。香茅豬扒撈河多數食店嘅撈粉都係貴過湯粉，反而呢間嘅撈粉平成十蚊。$38大大塊豬扒，撈埋花生碎食，唔洗落太多汁都好好味。扎肉撈河有兩款扎肉，特別版嘅胡椒味好濃，加埋啲菇碎乜乜碎咁，真係非一般嘅扎肉雞絲沙律大份到嘩一聲。絲形物體唔似青瓜唔似薯仔，一問之下原來係青木瓜。平時好驚食木瓜，但呢種一啲木瓜味都冇，好爽口，成個沙律十分出色。泰式鳳爪無骨之餘保留咗筋位，仲好有鳳爪型，口感一流。醃得好夠，略為重口味，撈粉食比較平衡。整體水準不錯，價錢卻係商場鋪嘅一半，值得一試

近排冇乜胃口，睇完醫生行過見到有間新野食門口已經聞到好香，第一次入去食，招呼幾好，食物一流，食左個撈moan和鳯爪，D汁好好味，唔同出門嗰D太辣又太酸！very good，會再幫親。。

見新開張，鴨脷洲大街少有越南餐廳，就入去試一試。店內裝修簡潔，環境望落舒服。 坐底之後咗個豬頸肉撈檬同埋豬扒撈檬，加多杯青檸汽水。 青檸汽水夠大杯，仲有佢d 撈檬d汁應該係自己調配（以我估計，未證實），食完之後個口仲有有少少辣。 整體來說，以附近嚟講，算唔錯！