味真越 (已易手) 新餐廳

自從南港島線通車之後, 一直都想去個面睇下海景享受下今日終於有呢個機會, 睇完海景之後特登留係個頭食晚餐今次選既餐廳係叫做味真越一睇就知係賣越南野食既, 因為之前都去過越南所以特登選呢間試下港式既越南菜質素生熟牛肉河粉生熟牛肉係包括左生牛肉同埋熟牛腩, 呢道菜係越南都好熱門下, 同我地平時食開既好唔同, 生牛肉最大既特色就係超級嫩滑, 而且牛味好突出, 會食到一陣牛既血腥味, 喜歡食5成熟既牛一定勁鐘意!!香茅雞翼等了接近15分鐘才從店員手中接過來, 一上桌的時候都感受到當中的熱力, 這一定是即叫即炸的, 因為非常香脆, 而且吃到有越式香料的味道, 皮脆肉嫩!! 完全是值回票價, 等待是值得的

在香港正宗越式口味的餐廳不算多, 今次因為南港島線通車, 所以特意來了這邊走一走, 順道吃個便飯才離去！！見到呢間小店，勁多人排隊，我見好多都係街坊LOOK既市民等緊位，就知道呢間一定係一間隱世美食店啦！！這裡不但湯河好吃，想不到小吃更為出色！！牛坑腩河粉啖啖爽口的牛坑腩, 比起一般的更有牛味, 而且完全沒有一點痴牙的感覺, 份量也不少, 坑腩數量同質素都係成正比, 而且點夾都是一舊舊的, 唔會一夾就散, 食落更有口感!!炭燒豬頸肉這個也接近等了15-20分鐘才上桌, 無可否認即叫即整的口感遠比一早煮好再翻熱的是完全兩個口感, 份量超多的, 完全夠4人分來吃, 一口咬下去就已感受到肉汁在口中流動的感覺, 很鮮嫩和口感一流酸辣無骨鳳爪這個雖然是叫做酸辣無骨鳳爪, 但酸的口味遠比辣的更多, 我也只吃到酸酸的口感, 最正的是他真的是完全無骨的狀態, 完全沒有要吐骨的考慮, 作為飯前小吃真是不錯的選擇

這次是我第一次吃越式的菜色，雖然和平時吃到的不太一樣，但想不到原來都幾岩我地一班港仔的口味！今次我們一人點了一個湯粉，再加了一份的生菜。牛坑腩河粉牛坑腩份量多之餘質素也很出色，每一舊都是爽口加上有正宗特越色香料味，而個麵底想不到更加出色，一來軟硬適中，二來湯底的香味完全和這個麵很夾！生熟牛肉河粉因為之前都未食過越南菜，故友人點了這個我都嘗一下，生牛肉給我的感覺像是在吃沒有煮過的牛肉一樣，但食落發現，生牛肉的口感比較起上來會更嫩滑和更重的牛肉味道！加上湯的餘溫一直在「慢煮」牛肉一樣，比我想像中更好味和容易接受！上湯生菜這個是非常健康的菜或, 廚師只用煮麵的上湯來將生菜煮熟, 菜完全的吸收了上湯的味道, 煮法是相當的健康, 而且又沒有那麼油膩!! 讚

南港島綫未開之前，去香港仔鴨脷洲真係好唔方便，而家有地鐵，得閒可以入去行下，前幾日就入左鴨利洲大街，食午餐再出發去行下山，天口慶慶地想食下啲濕啲既野，就入左去間叫味真越既越南餐廳。餐廳都幾的色，得幾個位同一堆自閉位，睇黎都係做街坊生意多，環境都幾乾淨，都係食下越南湯河同d小食咁。生牛肉湯河＄48生牛肉好有牛肉味，唔會太熟好韌或太生有一陣酥味，而且份量好多，應該無10片都有8片牛，無偷工減料，牛肉片唔似肥牛，一d肥膏都無好健康，個湯色都好清。香茅雞翼湯河＄48鷄翼熱辣辣岩岩整起，個皮炸到脆卜卜，味道適中唔會太咸，裡面仲有汁無炸到乾晒，最重要係唔洗講都分開上，幾體貼唔會浸林隻雞翼。炸蝦餅＄48個蝦餅都幾大份，切開都有六七舊，即叫即炸，上枱非常脆，彈牙有口感，唔加甜酸醬都好夠味道，好有蝦既咸香。兩個人食百五蚊，整體比想像中好，平平地一碗粉，性價比都幾高。

鴨脷州，港島區一處自成一角，新舊交替的小區，由於鄰近香港仔，漁業發達，筆者以前通常喜歡在香港仔乘街渡前往該區街市尋寶，不時會找到一些平靚正的稀有海鮮，所以在那裡亦留下了不少的足跡和回憶。在南港島線通車以後，交通方便了，鴨脷洲大街一帶亦逐漸由一個懷舊小區變身成一處商業美食街。最近筆者頭一趟搭乘南港島線來到利東站，忽然興起舊地重遊一番，來到鴨脷洲大街一帶，發覺有很多新食肆小店進駐了其中，偶爾行過一 間越南小店，見到店內女士正努力自家包製越南春卷，引起了筆者的興趣，皆因現時已很少越南食店會自己包製春卷，可能因為製作工序繁複，又或賣不起價的關係吧，一向支持小店經營的筆者，當然不會放過一間這麼有誠意的食店。此店是名副其實的小店，門面不算寬闊，廚房水吧佔了大部分位置，除了近門口處一張四人圓枱外，內裡只有兩至三張兩人枱和一列排坐，座位較為狹窄擠逼。店內裝潢說不上特別，勝在簡潔乾淨，牆上貼有一些食物照片，帶著點點街頭風味風道。甫入店內，可能我們身材較大件，怕坐在二人桌較擠迫，店員安排坐 在舖內最入邊面壁的排座，那裡會較闊落，我們當然亦樂意接受。細閲餐牌，這裏的選擇不太多，大多是越式湯粉及小食，既然因為

今年港鐵新開的南港島線，方便不少鴨脷洲的朋友，今晚我就入去鴨脷洲探朋友和食晚飯，朋友介紹一間街坊小店味真越，嚐嚐鴨脷洲的越式餐廳有沒有驚喜。餐廳裝潢簡單，以快餐的餐桌擺位，不會十分擠擁。《青木瓜沙律 $28》份量很多，十分清新，微酸開胃，青木瓜口感較硬。《酸辣無骨鳳爪 $38》酸甜度剛好又入味，鳳爪爽口有嚼感，非常醒胃。《生牛肉湯檬 $48》湯底夠濃味，生牛肉嫩滑，配搭檬粉一起食用，很不錯。《牛坑腩湯河 $48》湯底味一樣夠香濃，牛抗腩夠腍夠嫩，牛味重。《香茅雞翼四隻 $38》外皮炸到好酥脆，裡面熱辣辣，而且好入味，肉質嫩滑。《越式炸春卷四條 $48》非常推介的小吃，春卷外層好脆且有口感不油膩，味道也不錯，包左蔬菜裡點上一點越式甜醬，口感味道十分豐富。《青檸梳打 $22》《咸檸七 $22》街坊越色餐廳整體都不錯，價錢親民、味道佳，唯疑似主理人的阿娘態度令人卻步，朋友苦笑說「街坊生意，可能我們不是街坊吧！」。

鴨利洲對我來說真遙遠，全靠港鐵通車有利東站，來這裡變得便利，我幾鍾意呢邊環境，有份寧靜安逸的感覺，而且幾分鐘就走到海邊，吹吹海風看日落很舒服。難得來到這區，當然要試試這邊的特色美食，最近喜歡食越南菜式，就揀左呢間。熱柑桔蜜$16: 看色澤濃度就知道，味道濃郁，唔會好甜，感覺好潤喉，剛好今日我喉嚨不舒服，有點咳，喝完感覺好點。生牛肉湯河$48: 坊間好多生牛肉粉的牛肉都唔夠生，單係夠膽咁生已贏晒，証明牛肉係靚貨，而且我喜歡生，肉才夠嫩，牛肉同河粉份量都好多，河粉夠滑唔會好碎，湯有濃濃牛骨牛肉香，仲彷彿帶點清香藥材味，仲附有青檸同辣椒粒比你調味。香茅豬扒湯檬$48: 一眼望見超多豬扒，未免太抵食了吧，豬扒切成條狀，食得方便，肉質超級嫩軟，好好味，但要小心有啲細骨，檬粉有啲半透明，係我心目中的檬粉樣，其他地方食有啲白得似米粉，唔知係咪唔同品種。順化豬肉串$38: 用支似筷子嘅簽串起，食得方便過癮，豬肉串口感幾好，以豬肉同軟骨製成，亦有肉汁，唔駛點醬汁都夠味。炸蝦餅$48: 外皮炸得香脆，明顯即叫即炸，但都好快送到上黎，好有效率，外脆內彈牙，蝦味幾出。越式炸春卷48: 這間店炸物似乎都幾出色，

難得地鐵終於開通左南港島線，就做一日鐵膠，順便係鴨脷洲遊覽覓食，結果尋到寶！位置好就腳只係喺地鐵站轉左行兩三分鐘左右，鋪頭細細只有兩三個員工，但五臟俱全。採用開放式廚房，睇到廚師點樣料理菜式。菜單多元化都有好多選擇，因為想試齊唔同野食，所以叫咗小食拼盤、炸蝦餅撈檬同青木瓜豬頸肉沙律食😋口喝叫埋蜂蜜柚子茶同咸檸七，標準做法。第一份上菜係撈檬，好好食差d唔記得影相🙈蝦餅新鮮炸起，外層香脆內層爽口彈牙！檬粉粉質較幼身，食落好香米味，調味汁都掩蓋唔到佢陣米味！慣性自助落撈檬汁，幾鍾意佢個玻璃樽口，容易控制落汁嘅份量，出面嘅瓶口太闊，我次次唔小心就落得太多好似浸湯咁lol青木瓜多到唔駛錢咁，配洋蔥同花生碎，可以用撈檬汁拌住一齊食，清新開胃。豬頸肉比較厚身大大塊，邊位燒得甘香，口感略嫌韌左少少。原來小食幾大份唔客氣，2個人食每人都有兩件扎肉、雞翼、春卷食，豬頸肉就多到食唔晒🙈扎肉有兩隻味，原味同有餡，餡料係豬耳仔，食落爽脆為扎肉平添豐富口感。香茅雞翼同春卷炸得乾爽冇油，米紙卷住素菜香口得來清爽唔肥膩，雞翼就食得出係有香茅，而且肉質嫩滑😳一啖你就食得出全部都係自家製作！因為食得出菜式既味道同口感同出

朋友住喺香港仔，今日我哋喺海怡戲院睇完戲，佢就帶我係鴨脷洲搵好嘢食！佢向我推介呢間食越南野嘅「味真越」，佢話價錢平，味道都唔錯。生熟牛肉湯粉$58湯底好濃郁，醇厚的牛香，配搭質感細滑的河粉，我早已垂涎三尺。牛肉更是我的最愛，顏色粉嫩粉嫩，如果香茅味道更加濃烈就好啦！整體值得推薦。香茅豬扒撈檬$38非常欣賞佢嘅香茅豬扒，炸得香口，外脆內軟。炸蒜更加係香氣撲鼻，而且價錢咁平，絕無挑剔之理。小食拼盤$128份量非常多嘅拼盤，有春卷、扎肉、雞翼、豬頸肉，夠晒四個人食！幾鍾意佢呢度嘅春卷，薄薄嘅外皮炸得非常酥脆，餡料豐富，必點之物！酸辣無骨鳳爪$38無骨鳳爪味道偏酸，辣就唔係好辣，點來吮吮過下口癮都不錯。青檸梳打$22 、咸檸七$22呢間小店主打街坊生意，店內裝潢平實，服務不見特別殷勤，但勝在價格廉宜，有本地氣息。如果黎到鴨脷洲，又或者係海怡睇完戲都可以過嚟試一試啊！

生熟牛肉湯粉生熟牛肉份量很多，整碗湯都充滿牛味，又不會太油膩，令人欲罷不能。正宗越南牛河，湯底才是靈魂所在。生牛肉薄薄的，很有口感。牛腩肥瘦勻稱，不會油膩。豬扒河粉 豬扒份量十足，色澤看上去令人食指大動。味道略淡，如果你是重口味的人，可加一些香菜或香料來提升味道。小食拼盤有雞翼、春卷、豬頸肉、紮肉。四樣小食裡面我最喜歡的是豬頸肉，它入口挺鬆化的，不用咀嚼太久，是我喜歡的口感。還有春卷也不錯，外面一層炸得脆脆的，再配上酸甜醬，感覺很清新。總體而言，這款拼盤還算物有所值，適合三五知己一同分享。

【尋找美食之旅】南區抵食好食越式小店返娘家搵媽媽💕 黎到南區聽聞呢間越式小店好味又抵食🤔 於是帶埋媽媽黎食下～～香茅豬扒湯檬 $48塊香茅豬扒真係好！大！塊！！cut開之後都遮哂成個大湯碗😱 豬扒煎得金黃，肉質夠淋易咬，湯底既香茅味好出😋 有驚喜👍🏻 推介🙌🏻🙌🏻越式炸蝦餅💛 $48炸得香脆乾身唔油膩👍🏻 內面彈牙爽口，推介！春卷撈檬 $48春卷餡有雲耳、粉絲、椰菜等，口感豐富，撈檬冰冰涼涼酸酸甜甜😋😋 好岩夏天食！青木瓜沙律 (人氣招牌菜) $28比想像中大碟好多🙈 青木瓜絲爽口到不得了，本身冇乜味道，可以加啲撈檬汁，非常開胃～整體媽媽好滿意，仲話會再黎食😆

一直以來，每當我徘徊在某餐廳門外，然後拍張照片，在這相機先食的年代，店內的員工定必醒覺有客到，若然主動走出店外的，皆是迎接，例如問＂請問幾位＂，更者介紹菜式招客，這晩真是一個體驗，當我拍完照片打算內進前，店內疑似主理人的女士竟然問＂咪事呀！＂我腦袋如瞬間停頓，不知如何反應！另一煞那又想起自己多年前代公司到競爭對手的舖內偷拍時情景，如被人發現了！ 同伴沒有包袱，隨即回答兩位，我們就如常光顧，想不到門前粗心的大娘，主理的小店烹調用心，吃出地道口味來！ 復活節假期刻意駕車走遠些，到鴨脷洲一家著名的雜貨店買煲湯及調味材料，新開的味真越就位於隔離街，抱著支持小店的心態，早已決定購物後在此覓食。門面不廣，如一般街坊飯店。喜歡它無厘頭的英文名稱 Taste Back Pho 及標誌上的可愛的小鳥。 甫入店內，直率的大娘安置我們坐在入口旁，反正店子陝窄，我們樂意接受。 水吧及廚房佔了舖位大部分位置，供應的全是摺合式桌椅，說不上有裝潢，唯一的就是近大門、貼在牆上之巨型食物照。 桌上放了幾款基本越式調味醬，魚露、味露、辣椒醬及鹽，我們皆沒有用上，因為菜式本身味道已經足夠。 點了兩杯蜂蜜柚子茶之後，

鴨脷洲呢個地方對我一Ｄ都唔陌生，畢竟曾經係度長大過，但對唔係南區長大既人黎講，鴨脷洲似乎係一個遙不可及既「小島」，所以地鐵方便左街外人黎呢個小漁港。冇去一排，鴨脷洲又多左間新餐廳，開正係林醫生診所既附近。鋪頭細細，座位不多，勝在夠光猛利落。 生牛肉湯粉($48) 影完相就迅速將薄薄既生牛放入湯度浸一浸，浸10幾秒就可以食，牛肉份量幾多，嫩滑又大片，再加上好幾舊軟腍既牛腩，湯底牛肉味濃，不過愈食就愈咸，未食過正宗越南河既我，有一刻覺得自己似食緊港式牛腩河多D～ 香茅豬扒湯粉($48) 比起生牛肉湯粉，呢個湯底清少少，冇咁油，又多左陣香茅香，豬扒就非常腍！ 酸辣無骨鳳爪($38) 佢既辣度好岩我同表妹食，因為基本上真係冇咩辣味，酸味好足，食起上黎好方便。 越式炸蝦餅($48) 蝦餅外屠炸得酥脆，肉質則不是太彈牙，比較香軟，蝦味如濃些便更好！ 青木瓜豬頸肉沙律($48) 豬頸肉調味剛好，外層烘過，豬香味濃，青木瓜爽脆，份量多，兩種口感截然不同，不錯的。 青檸梳打($22)、檸檬梳打($22) 兩杯飲品同樣同左泰象梳打水，可以自己調配梳打水既份量。 青檸個一杯酸左d，除左用新鮮既青檸，應

曾經在鴨脷洲大街活躍過一段時間，當時地鐵還未開通，即使到了假日，人流仍寥寥可數。今日再訪鴨脷洲大街已經方便得多，乘車不用左轉右轉，一程地鐵轉眼就到。地鐵開通後的確帶旺了這裡。人多了，連平時冷清的餐廳不乏客人。鴨脷洲大街其實一眼睇晒，並不很"大"，兩邊的店鋪依舊是熟悉的面孔，街坊式的小店。當然亦有新的加入。這是一間越式餐廳。吃越國菜當然唔少得這個標誌。生牛肉湯粉 $48有大量紅色生牛肉，先將牛肉浸得熟一點，再按個人喜好加上青檸同辣椒。湯粉味道濃郁，湯粉滑身，牛肉頗有水準。青木瓜沙律 $28雖然並非材料十足，但份量搭夠。青木瓜的份量極多，相信即使三四人食亦不過份，青木瓜十分爽口，入口清新又健康。越式炸春卷(4條) $48炸春卷整體感覺唔算好油，再配上生菜和稍酸的醬汁，入口幾乎沒有油膩感。炸春卷非常脆口，與清新的生菜好配合。離開餐廳，發現有點不習慣今天的鴨脷洲大街，即使大街熱鬧了，但我還是喜歡昔日的寧靜。

真係唔好講咁多你只需要話俾我聽呢一個係咪生熟牛肉越南粉就得啦..火都黎埋..生牛肉係幾鮮嫩嘅, 但係熟牛肉方面就真係有啲驚嚇，係, 係驚嚇, 呢個形態望落去咪就係中式柱候牛腩？？咪住, 再睇一睇個湯底？嘩真係同中式面價一樣喎！！   形態如普通牛腩面加2塊生牛肉上去..點先, 我係黎食越南粉唔係食柱候牛腩面囉。加幾多青檸，金不換都蓋唔到嗰陣柱候味，仲話正宗？正宗本地粉麵檔呱？ 好失望呀..................今日要見客, 先亂咁入左該店, 下次我都唔會再黎食....