味苑 (已結業)

荃灣區食店林立想在食客心目中留一點印象想必要平靚正才可,但租金,食材高企的環境能做得到這三點確實少啲*食力*也不能,車媽媽有緣遇到這樣的一間名叫味苑~這夜跟車婆婆公公一行四人去味苑吃晚飯,看見餐牌勁多超特價的優惠好似去咗以前D福X,稻X同富X一樣,而我哋盯上{菜膽雞燉翅}$28/盅和{新鮮大元貝}$28/隻,而且還無條件任叫仲唔收加一真係爆抵食啊~ 車公公不吃的關係只要了三隻{蒜蓉蒸大元貝},真的沒失實上檯的元貝超大隻啊!! 元貝吃下好新鮮但鮮甜就味不夠,墊底還有大量粉絲撈了蒜蓉一齊吃好惹味28蚊絕對收貨喔^0^ {菜膽雞燉翅}又係要了三盅因為我已戒掉魚翅了!! 太不能相信眼前的大片魚翅燉湯竟然只須$28便可得到,而且各人飲完都讚味道不俗物超所值呢!!另外點了鳳成鮮蝦水餃麵$38,那大地魚的湯頭好喝非常,鮮蝦水餃皮薄餡靚蝦肉彈牙內藏不少荀尖和木耳絲很正宗,麵條爽彈好咬口,唯一係水餃皮比起上一趟吃的雲吞皮梘水味略重了點!! 最想食它家的燒味那就點兩碗雙拼燒味飯啦~叉燒切雞飯$48,叉燒淋滑得來有彈性香甜蜜味好

不要以為俾少少，就食唔到好嘢！晚餐平均每人都係一百多D，已經可以食龍蠆、瑤柱、蚌片、海蝦、元貝、燒腩仔、燉湯……燒腩仔，皮夠脆，肉夠香，吃完一件又一件，停唔到口！蒸扇具，大大隻，蒜蓉香，好鮮甜，配埋粉絲，極入味，要多個靚仔，唔該！鮮蝦青豆炒鲜鱿，蝦又大又鲜又夠實，青豆好爽口，冇渣易入口，鮮鱿夠鮮甜！唔祗抵食，食物質素都唔錯，舖面都幾高格，又近荃灣西鐵站(步行十分鐘內到)，對面就係荃灣廣場！食完嘢，仲可以去shopping！男人等位時，女人去行吓shopping mall，買吓嘢，又可以凉吓冷氣先

新開業的味苑裝潢帶中國風，以為價錢應該屬中高或以上，想不到價位親民。菜式選擇算多。菜膽雞燉翅$28這個燉翅每位只需$28，價錢相宜，魚翅都算大片，而且燉湯雞味頗濃郁，不過略咸。滷水掌翼$58掌翼的滷水味道咸味適中，頗入味，不過未算滷得好軟腍，鴨皮偏韌。點了孖寶A，即是上湯焗波士頓龍蝦配秘制豉油雞(半隻)，每份$298，實惠。上湯焗波士頓龍蝦龍蝦的size不算很大隻，但蝦肉彈牙鮮甜，用上大量香蔥，所以很香口。而伊麵的腍度剛好，值得一試。秘制豉油雞(半隻)豉油雞皮薄油脂少，雞肉嫩滑。清湯蝴蝶腩$108若非侍應解說，還以為蝴蝶腩是牛肉，但其實它是豬肉。肉質帶點爽彈，而湯底用上大量白蘿蔔及黑椒去熬製，清甜中帶點香辣，是今晚令人難忘的菜式。

今晚與家人飲菜慶祝姐姐生日，首次來到這間裝修精緻的中菜館品嚐一番。餐飲位置較偏僻，但勝在地方寛闊套餐都頗吸引菜膽雞燉翅 HK$28首先每人都了燉湯飲。價錢平而用料十足。魚翅足足有半隻手掌大少，湯亦很鮮甜燒味拼盤包括燒腩仔、蜜汁叉燒及燒鵝走地雞，肉質嫩滑，雞味濃蝴蝶腩煲蝴蝶腩即豬肺位置，口味與牛腩相似，連筋帶肉，爽口入味很可惜是餐廳所有海鮮都暫時缺貨...有點兒失望

一家四口連同bb又出黎搵食，有bb車想食茶餐廳真係有難度，想食中菜又唔想去茶樓，搵一間唔迫嘅中餐真係幾難，上開飯搵到味苑，食評唔錯，相片望落好濶落，今晚就食佢啦。六點幾黎到客人不多，經理見我地有bb車分左張大枱過我地，自成一各好好坐。食物由母親大人拍板，四個人叫了五個餸，仲有半打飯哈哈，我地都幾大食。紅雞餐具，好新淨呢。先黎個燒鵝併燒腩仔，賣相不錯呀，皮脆肉嫩，雖然係肥左啲，但燒味就係要肥油先好味嘛。黑松露西蘭花炒帶子蝦球，炒得夠鑊氣，鮮味爽脆，不油膩，不過個人覺得黑松露可有可無，發輝不到大作用。呢個鮮百合炒鮮淮山勁正，鮮嫩無比，口感特別。咕嚕肉換上了蜜桃，非一般的菠蘿，味道更甜了，肉的炸粉不厚，粒粒肉無骨的呢。試了好特別的炸牛坑腩，原來炸都好好味㗎喎，入口甘香又肉嫩，唯一缺點就了油膩左啲。一般大排檔價錢，但有冷氣，枱櫈又好坐位啲，蠻不錯。

難得揾到一間不煩擾的地方食飯，仲係荃灣區添！咦！餐廳既小菜很多款式！有燒味啦！有海鮮啦！有燉湯等…………一於要試下蒜茸蒸元貝～賣相吸引！望落去很大隻！色澤又新鮮！元貝舖上了多蒜茸、葱、粉絲，味道仲好鮮味！另一碟係蜜桃水晶咕嚕肉～漿粉不太多，啱啱色著肉去炸，使肉汁不會流失！肉質嫩滑，外面少少脆！加上蜜桃！令整碟咕嚕肉不肥膩！用來送白飯！真一流！靚呀！

家常小菜，fusion茶餐廳，我覺得都幾啱一家有老有嫩食。我們一家人住近西鐵沿線，相約共聚，都會揀番近西鐵站的食店。荃灣廣場後面有一條食街，唯獨味苑有圓桌中餐(有其他茶記只是不適合幾家人圍餐…)價錢都合理，值得推介一下。 想食燒味有燒味，都幾靚的，水準和茶樓的那種差不多。 小菜中比較有深印象的有這個黑松露炒西蘭花蝦仁，賣相呢…你知道是什麼就好，我send了此相給朋友，有人會誤會是發了毛…哈哈…亦很難怪他，事實中餐用上黑松露很少嘛。而老實的，個人認為是gimmick佔多，因為味道並不突出，中菜始終味濃，黑松露很難發揮作用。蝦仁和西蘭花是好吃的，沒了黑松露就是一般小菜這樣子了。 咕嚕肉味道正宗，已經很久沒吃到正宗的咕嚕肉，兒時是我最愛的菜式呢。份量足值得一提，吃的盡是咕嚕肉，不是青椒！吃過大快活version就知道，現在這個社會是如何用盡手段去騙市民一分一毫… 可點奶茶咖啡，亦提供熱茶，老中青都照顧到了吧？

同媽媽行完一田已經太晏費時返去煮飯, 隨便響附近食晚飯, 見到呢間味苑係食中菜感覺唔錯, 好似係新開.地方幾大有兩層, 以中式裝潢, 乾淨舒服.蒸扇貝, 隻隻都好大粒, 肥美肉厚, 咬落彈牙鮮甜, 蒜蓉唔會太多搶左D鮮味, 粉絲亦夠爽口, 索左扇貝既精華.清湯牛腩, 先飲個湯, 好清甜唔咸, 些少莞西吊下味, 感覺不錯. 牛腩炆得夠腍, 肥瘦位適中, 咬落特別軟嫩, 無起渣. 而D蘿蔔又夠甜, 索左牛腩精華, 非常好味.起初以為價錢同酒樓唔差幾, 但原來價錢大眾化, 唔怪得咁多家庭黎呢度開餐.

今晚走到去荃灣shopping +揾食,被味苑的門面吸引左我，搞到想食中菜裝飾雅緻又古典帶有中式氣氛餐具都好有特色菜膽雞燉鮑翅好味又抵食只係$28 大大片魚翅蒜蓉粉絲蒸扇貝好鮮味，扇貝又厚肉又大隻，食一隻唔夠皮燒腩仔超脆皮，食落一D 都唔肥膩炸牛坑腩，外脆內軟，點埋個酸辣醬冇很彈不過我地兩個女仔都食唔哂一碟，炸嘢太漏下次帶埋屋企人黎先

很久沒去荃灣，沒想到多了很多新餐廳，發現一間外觀帶點中式風味的餐館，味苑，便走進餐廳來個午飯。味苑中午只有午餐提供，此外還有粉麵選擇。近來天氣如此熱，中午外出吃午飯真的沒有胃口，便選擇了吃麵食。食過那麼多粉麵也得不到我的贊賞，味苑確實給了我一個回味的經驗，不能不認同他們的麵做的不錯。 *******************味苑位於荃灣大壩街，外觀裝修以中式味道較重。味苑內的裝修，帶點酒樓的味道。坐位都舒適，還有多人的圓枱，可以一大班人前來吃飯也很方便。 中式的裝修帶點懷舊感，天花樓頂也很高，就掛著如此特色的吊燈，在餐廳坐著吃飯感覺舒適又自在。 最吸引之處，莫過於雞公食具。 還有雞公調味瓶子。 午巿提供的有商務套餐，或粉麵選擇。還有些新上巿和午巿套餐。雖然午巿選擇不多，但晚巿還有小菜提供，感覺也不錯。原汁柱候牛腩撈麵 HKD48，凍檸茶 只需加HKD3，還免加一收費。 原汁柱候牛腩撈麵的麵底都不少，候牛腩份量也算是多。 柱候牛腩的牛根，醬水完全炆到入色，而且軟腍又滑溜，做的非常之出色。 柱候牛腩沒什麼肥肉在內，吃下時一點都不韌也不乾，腍得來又入味，醬汁濃郁，確實好食。

出街食多數都係食西餐, 間中都想食中國菜, 但中國菜多數祗可去酒樓, 有D悶. 今日行過荃灣廣場, 見到對面街開左呢間新既中菜館, 外觀非常之金碧輝煌, 好有氣派, 起初諗住好貴, 但睇下門外既菜牌又唔算, 價錢係大眾市民可負擔, 一於就試下啦.連D茶杯碗碟都有名, 而且係傳統公雞樣, 好懷舊.見到盅菜膽雞燉鮑翅都係28蚊, 抵到爛, 唔理咁多一於要左盅先.起初諗住好似碗仔翅咁, 但黎到竟然唔少野, 係一梳梳既非常多, 個湯好潤, 燉得好夠火喉, 唔會太油.仲有要左蜜桃水晶咕嚕肉, 咕嚕肉雖然普通, 但整得好食都唔易. 個汁酸甜易入口, 排骨炸粉唔太厚, 外脆內軟熟, 好惹味開胃.加個白飯已經係滿足既一餐.

同朋友係荃灣廣場行完街，我緊係要揾野食補充下體力啦！我哋諗住食廣東餸喎，去邊間好呢？咦！見到一間店舖～外觀上望上去，幾舒服！仲幾光猛添 ！最吸引的是，見玻璃窗掛有叉燒、燒肉、燒鵝等……！我已經垂涎欲滴！我哋就急不及待就坐低啦！餐牌有不同選擇，價錢算抵食！首先，一定要一個特價既湯：茶膽雞燉翅～好大翅呀！仲有大白菜、豬腱煲雞！湯既味道有大白菜既清新味道，又有雞同豬腱味道，融為一！又有大大塊既翅！簡直係超值！另外一個叉燒併燒鵝～叉燒質感好腍而不肥膩！燒鵝呀肉質有彈性，証明鵝的運動量好足夠，薄薄一層皮同肉相連，無肥羔！雙併味道濃郁！

某日 , 和外家的長輩親戚到這家位於 荃灣 大壩街的 " 味苑 " 吃晚飯 .... 這館子的裝修頗具風格 , 環境舒適 ~就是餐具都別具情懷 燒味雙拼盤 $ 128 燒腩仔 : 外皮鬆化脆口 , 肉質夠嫩 , 咬下去也不覺肥膩 , 鹹香但又不算過鹹 ~燒鵝 : 皮脆 , 肉嫩多汁 , 皮與肉中間帶有薄薄的脂肪 , 那豐腴的脂肪和濃郁的燒鵝肉味 , 叫人再三回味 ~蒜蓉蒸扇貝 $ 140 蒸得火喉剛好 , 扇貝嫩滑細緻 , 味道鮮美 , 粉絲吸收了蒜茸和扇貝的鮮味 , 很是好吃 ~蜜汁欖角牙簽骨 $ 88欖角和蜜味是這道菜的特色所在 , 味道甜酸又帶鹹 , 肉質爽嫩有咬口 , 肉味香濃又鮮美 , 相當惹味 ~者者唐生菜 $ 68原個砂鍋端上桌 , 熱騰騰的發出 吱、吱 聲 , 蝦醬的香氣四溢 , 除了唐生菜外還有蝦乾、鹹魚茸 , 味道鹹鮮 , 很有風味 ~本篇完 ~

同外地來港的朋友去揾食,更係要介紹D香港特色的食物及餐廳,仲要座得舒服,同埋方便吹水的。行經見到味苑裝修很中國化,而且從玻璃望入去又掛住很多吾同的燒味,岩世,呢D咪系香港特色啦,二語不說,就帶左個朋友入去。碗碟很中國式,茶壺亦有隔茶葉網,D茶飲起黎吾會有茶渣,清好多,1邊吹水, 1邊飲茶,係我最愛,亦算香港特色啦😁😁。而且這裡原來有2層,樓上果層有2間獨立房,如一班人要敍餐,預約黎用都很正,因望落很舒適。叫左碟燒肉,味道ok,皮脆,肉淋,吾太咸。另外蒸元貝,很鮮甜,而粉絲在加了豉油及吸收了元貝的精華後,變得鮮甜可口,用黎餸飯超正。

今日黎到荃灣西附近一間新開餐廳，假日7:00pm到達，開始要等位等左15分鐘左右，餐廳黎講佢門面都裝修都好古典，佢用左中國古代黎做主題，所有餐具都好有特式！我地叫左個二人餐，二百幾蚊有4餸一燉湯，頭盆，燒腩仔：皮脆肉（林），分量多；蒸元貝大大仔新鮮蒸到岩岩好唔老身；花姿炒蝦球，花姿片好多蝦兩隻，爽口鮮甜；燉湯落左響螺頭好甜，反到屋企無口乾，所以唔系味噌